鉄火堂 (厚福街)

營業中

休息中

鉄火堂（尖沙咀）如果想食魚生飯我好多時都會選擇去鉄火堂因為可以自己選擇配料而且魚生都好新鮮份量都好足我每次去都會有選擇困難症因為樣樣都想試我推介火炙左口魚邊因為係充滿濃濃嘅魚油香味😍三文魚子都好鮮甜蟹膏就超濃郁拌飯一流油甘魚好肥美北海道海膽都係必食入口超鮮甜但如果想食得浮誇啲就可以叫原版韓國海膽成版海膽上簡直係視覺一大享受😂不過味道就唔及北海道海膽咁鮮甜整體嚟講呢間係一間性價比好高嘅魚生飯店😋

竟然外賣的魚生飯都咁出色我真係諗都無諗過~ 因為次次經過呢間野都好多人買今次行過見仲早 + 4月中個時未有返堂食，所以買外賣啦~眼見其實都好多選擇~ 咁我最後揀左厚切藍鰭中拖羅 (2切) + 4 選料 $120(油甘魚 (2切) ，赤蝦(2隻)，馬刀貝(3切)，松葉蟹鉗(2隻)睇個樣賣相唔錯，所有刺身味道都係有返咁上下質素，絕對唔係「梅」晒個d刺身個醋飯調味岩岩好，亦唔會過酸的感覺，wasabi相當正XD 下次行過有返堂食個時再去食過XD

每次係老尖諗唔到食咩嘅時候其中一個安全嘅飯堂選擇就係呢間用車仔飯嘅形式食魚生飯真係好岩港女善變港女可以自己揀自己嗰日想食嘅嘢🤣同埋可以走蔥走曬唔食嘅嘢！！通常我必嗌嘅除咗吞拿魚就係三文魚子仲有馬刀貝！脆脆地好好食 又超級新鮮 飯底我通常都會揀三文魚黑椒嗰個本身就有味 所以好好食🤣鍾意食飯嘅好似仲可以加飯 唔驚唔飽（以前仲有晚市嘅時候好似大概10點後就有個超級抵嘅拖羅set百幾蚊就有四至五舊好肥美嘅吞拿魚）

《鉄丼家》HK$115 🍣🥢係一個超豐富嘅自選魚生丼套餐！🐟 當中包括厚切藍鰭中拖羅、4款自選配料、1客味噌湯。每樣魚生都好新鮮，尤其中拖羅，因為魚脂分佈適中，所以食落有少少入口即融嘅感覺！🤤 自選配料方面，為食妹就揀咗超鮮甜嘅帆立貝、非常香口嘅火炙三文魚腩、撈飯一流嘅碎蔥吞拿魚，同埋有少少碎嘅火炙左口魚邊，加埋一隻非常有心意，印有「鉄火堂」嘅甜蛋，成餐真係好滿足！🈵-貼心服務💕：為咗迎合唔同客人嘅口味，餐廳提供咗唔同飯底比客人選擇，包括白飯、壽司醋飯、薑味壽司飯、冬菇壽司飯、黑胡椒三文魚飯。如果唔夠食，仲可以無限添加白飯或者壽司醋飯底，夠哂貼心！🥰

今日嚟到位於尖沙咀口福街嘅鉄火堂食個魚生午飯，佢呢度店舖介紹，佢哋係用藍鰭吞拿，仲有證書添架。午市有特價套餐，可以俾你喺menu自己揀餸砌一碗魚生飯出嚟，4個餸係$62蚊，5餸呢就盛惠$72蚊，而其後每加一個餸呢，都只係加$15蚊啫。跟餐仲附送一碗麵豉湯，如果你唔叫飲料，佢提供嘅綠茶亦都相當足料。5餸我就首先當然要揀藍鰭吞拿魚，跟住就揀咗火炙吞拿魚，火炙三文魚腩，三文魚籽同帶子味道新鮮足料，成碗飯打爆魚生埋單只係$72蚊，簡直超值呀

又食呢間啦！絕對唔係買廣告😗因為呢間的確真係平價之選，都有好多唔同嘅刺身可以揀，晏晝6️⃣0️⃣幾蚊食到呢個質素真係唔錯👍🏻幾推介佢哋嘅海膽帶子同埋甜蝦！

想慳錢又想食刺身丼，鉄火堂一直都係我嘅首選。最鍾意午餐去食佢哋嘅自選刺身丼飯，通常我就會揀藍旗吞拿魚、拖羅蓉、蟹肉蟹膏。佢哋嘅拖羅好高質，入口即溶，最緊要真係好抵食！

厚福街係尖沙咀平民美食嘅集中地，疫情爆發前呢度每日都有唔少餐廳人龍不斷，今日想同大家介紹嘅係其中一間CP值爆棚嘅「人龍店」—— 鐵火堂。餐廳主打自選魚生飯，係尖沙咀同旺角皆設有分店🤩🌟餐廳內座位唔多，疫情前起碼要係門口排15-20分鐘，由於行人路地方淺窄，條街又人山人海，排隊過程都幾逼迫，建議預先book位🌟自選項目包括飯底同刺身，餐牌上有5款飯底同大概40款刺身選擇，客人仔仲可以根據個人口味走青/蔥/姜/芥末，自由度高😝🌟壽司飯同白飯可以任添架！💁🏻‍♀️厚切藍鯨吞拿魚(2件)+4款自選配料飯 $108小編食左4次，4次飯底都揀黑椒三文魚飯，因為實在太好食了，三文魚碎(熟)係白飯中帶出淡淡魚香味，鹹度亦恰到好處👍🏼至於刺身方面，今次揀嘅蟹膏(+$3)好棉滑，希靈魚爽口彈牙、汁燒帆立貝唔會燒到好乾，火炙三文魚腩油脂感好重，而拖羅同印有「鐵火堂」嘅玉子燒就不過不失。食完碗飯再飲埋碗味增湯即刻飽曬！呢個價錢食到呢個份量同呢個質素，真係抵到爛。🥢Alternative抵食法午市比晚市更便宜！同樣份量70蚊有找就食到👍🏼😍整體評分味道：🌟🌟🌟🌟價錢：🌟🌟🌟🌟🌟環境：🌟🌟🌟服務態度：🌟🌟🌟inst

午市自選魚生飯非常推介！.魚生有多款選擇，想食嘅全部都搵到。叫左三文魚、三文魚籽、甜蝦、帶子，4樣都新鮮好味。尤其三文魚籽，份量好多，非常驚喜！.仲有一點超好，就係可以免費加飯！我胃口都算大，平時食魚生飯好快又餓 😂 今次加咗一碗飯，夠晒飽，好滿足～

每次想食刺身丼都會嚟呢度🤤🤤有唔同種類嘅飯、刺身、熟食比你自由配搭！蟹膏同帆立貝係必嗌嘅，蟹膏一啲都唔腥，仲好鮮甜，而帆立貝就大大粒，非常新鮮。如果唔夠嫌飯嘅份量唔夠嘅話，仲可以無限追加壽司醋飯！

今日同朋友上完堂，13:30左右去到門口～排隊都排得幾快！等左唔洗10 分鐘就有得入^^鐵火堂不嬲都係抵食之選！！ $62有4 款魚生～ 我同朋友就一人嗌左一碗，再加多左一個小食～ 🤎赤蝦帆立貝三文魚藍鯨吞拿魚生丼🤎所有料都大分夾抵食，吞拿魚帆立貝都好厚切，三文魚同赤蝦好鮮甜，冇乜腥味😻俾咗好大舊Wasabi + 啲壽司飯都好食～呢個價錢算係合格有餘‼️🙈⬇️🤎火炙左口魚邊油甘魚三文魚子蟹膏丼🤎呢個丼係朋友叫嘅，評價都係大分夾抵食同埋一啲都唔腥～睇落份量都幾多魚子，而且舊油甘魚好似好新鮮咁！！但係唔係我食所以味道就冇辦法評價啦😇⬇️🤎一口芝士🤎原本諗住叫鰻魚玉子燒嘅，點知店員話冇晒，就決定食芝士啦！有少少失望，食完個魚生飯對間餐廳嘅期望都幾高，點知呢句一口芝士就出咗事喇😣舊芝士外層係炸嘅👍🏼都幾脆口，一共有五舊～但係食到入邊夠芝士就偏鹹😅😅😅嗰隻芝士好似芝士餅入邊嗰隻餡咁，成件事係好鹹，亦都唔係特別夾🤨所以大家都可以唔使考慮佢🤣⬇️

舖面比較別緻 座位比較狹小 但呢度既魚生飯絕對值得一試 🥰🥰🥰自選5款魚生飯 ($72)今次就揀左三文魚 鮑魚片 芝士蟹籽 帆立貝 螺肉 味道唔錯 食落都好新鮮😋仲送一碗味增湯😉份量岩岩好 好有飽腹感😝而且白飯/壽司飯係可以免費添食(利申: 我冇試過添食) 絕對夠飽👍

地點位於尖沙咀厚福街，價錢唔算太貴，合理。可以揀四個餸或者五個餸。選擇非常多，生嘅刺身都有。另外仲會送麵豉湯，同埋茶。三文魚雖然得兩塊但係都幾厚。白飯可以任加，喺日本嘅珍珠米。

有日夜晚係尖沙咀行街，見好耐都無食過日本魚生飯，於是上網睇人推介呢間就去試下我地個日6點幾去到，結果係完全唔需要等位職員既態度都非常有禮貌，啲環境都好似日本嘅居酒屋，雖然坐得唔算舒服，但都係可以接受。睇完個menu，都係打算食出名既自選魚生飯。我呢個餐可以揀七款魚生。魚生飯送到上嚟嘅時候賣相 流，味道係超高質，魚生都好新鮮。隨魚生飯都會送一碗麵豉湯。食完最後7點半到，一出去發現已經超多人係度等緊位，真係好好彩。

只需要$62就能吃到一碗魚生飯，還能免費追加白飯或壽司飯而且絕不隱世就在尖沙咀，會不會太吸引了？說的便是在厚福街的 鉄火堂 ~ 自選配料還要不少的喔！✦ 自選5款魚生飯 ($72) - 有口感幼滑的碎蔥吞拿魚、肥美滑嫩的火炙左口魚邊、比較少見的希靈魚、碎蟹肉是正常水準、最後汁燒帆立貝的質感不會因燒過變到好渣，汁燒味亦濃。除了價錢親民外，這裡的飯是有數款可以選擇。我選了 薑味壽司飯 (+$6) 醋飯底但醋味不重。而且有吃到一些碎薑又不會很辣，頗喜歡的呢假若不想吃飯也可以加錢轉成有和風汁的沙律菜！✦ 自選4款魚生飯 ($62) - 這款有藍鰭吞拿魚、黑椒三文魚、碎蟹肉和希靈魚。如果認為5款都不夠，第6款開始就收每款$15！另外魚生飯亦有配味噌湯，濃味但不會鹹。除上餐速度有些参差外，是性價比高的魚生飯！怪不得朋友常常去吃，順帶一說在旺角也有分店。