鉄火堂 (厚福街)

營業中

休息中

以前一直覺得鉄火堂抵食加好食，但今日重臨卻大失所望$74 五款魚生：碎蔥呑拿魚、劍魚腩（二切）、火灸藍鰭呑拿魚（二切）、三文魚籽、赤蝦（2隻）壽司飯壽司飯一向食都沒有壽司醋味，這價錢不能要求太多是明白的，但飯極軟，基本上已黐埋一舊，食了幾啖已不想食火灸藍鰭呑拿魚應該火灸後放了一段時間，也食得出不太新鮮，如果想吃呑拿魚，還是以往沒火灸的好吃，也切得比火灸厚身碎蔥呑拿魚和劍魚腩，保持原有水平，不過不失赤蝦，沒什麼鮮味總括而言，跟以前的鉄火堂相比，大為退步，短期內應該不會再光顧

筆者鍾意食丼飯，成日遇到個問題係menu上嘅丼飯唔一定有齊想食嘅配料，又或者好貴。鐵火堂嘅丼就可以自選之餘又價錢合理，選擇都好多。店內有好多搞笑告示。點餐前會送上味噌湯暖吓胃。選擇咗壽司飯，碎蔥吞拿魚，火炙三文魚腩，赤蝦，汁燒帆文貝同海膽魷魚。個人覺得吞拿魚係呢度鎮店之寶，香味四溢又新鮮。海膽魷魚就相對重口味，好適合撈飯。汁燒帆立貝幾惹味。赤蝦不但新鮮，去蝦頭令人食得更方便，非常貼心。火炙三文魚腩最得我心，香口肥美到俾到我入口即溶嘅感覺，好厲害（雖然俾友人話好誇張）。平日午市呢餐真係相當抵食，質素又超好，回頭率極高！唔怪得咁多人慕名而來！

尖沙咀厚福街既鉄火堂剛開業既時候已經吸引好多人去食🍣，但到而家次次食飯時間經過厚福街都一樣見到有人排🤦🏻‍♀️，今日自己夜左D黎，大約9點到所以可以直入唔洗等位😌，終於可以試下出名既抵食自選魚生丼飯✌🏻。🍱自選5款魚生飯 ($72)每碗魚生飯可以揀白飯或者壽司飯🍣，仲係可以免費追加架添🫢，男士們唔怕唔夠飽😂，跟餐仲會送麵豉湯一碗🥣，亦可以加$10要烏龍茶一支🍵。🐟藍鰭吞拿魚---唔算肥，魚脂冇乜冇乜香🦀海膽魷魚/ 蟹膏---正常packing貨，冇腥味，撈飯一流🥚三文魚子---份量幾多，粒粒都脹卜卜夠新鮮🐠油甘魚---新鮮，肥瘦均勻，但有D薄身同得2塊🐚凡立貝----一分為兩半，size 屬於細，但都厚肉同鮮甜🔥火炙左口魚邊---火槍燒過之後表面層有一層好香既魚油，入口即溶🍳玉子--- 主要係用黎打卡既，冇乜蛋香味🥣麵豉湯---入面有昆布同幾粒豆腐，湯口唔會好鹹，甜甜地呢個價錢呢個質素🤩其實都認真算唔錯👍🏻，仲有成超過30款配料比你自己揀Build Your Own Bowl🍱，一定滿足到你既胃口😏。

由中學食到而家都仲會間唔中幫襯!! 因為佢嘅性價比實在太高啦🙌🏻 自選丼有30幾款刺身任君選擇🙈 4款刺身只係$62咋 而5款都只係$72!! (午市冇加一㗎) 仲要包麵豉湯同埋可以免費無限添飯 一定食到你飽～😚 我揀左5️⃣樣：三文魚/油甘魚/劍魚腩/三文魚子/碎蔥吞拿魚 (同埋添咗1次飯🤣🤣）每款魚刺身有兩片厚切 吞拿魚同三文魚子嘅份量比較多🥰 而且好新鮮 油甘魚好肥美 一咬落去啲油脂標出嚟🥇碎蔥吞拿魚亦都好鮮甜 但係劍魚腩好多根 咬到我懷疑人生😭😭 下次一定會食返火炙三文魚腩～

來到尖沙咀一帶staycation，見到曾有youtuber推薦這家魚生飯，上網見到配料選擇很多，好像車仔麵一樣能自由配搭配料，還有不少火炙的選擇，十分適合我這種不吃魚生的人類呢😝每人各點了一碗四款的魚生丼，同樣是選了壽司飯～下單後會先送上一碗味噌湯暖暖胃，然後丼飯就很多上桌了！非常適合午膳時間有限的打工仔👍🏻火炙三文魚﹑火炙藍鰭吞拿魚﹑醋鯖魚及藍鰭吞拿魚火炙的藍鰭吞拿魚外層輕輕炙燒過，逼出一點魚的油份，令魚肉更香，而且亦沒有筋，口感很好～另外的魚生亦新鮮，這個價錢來說十分實惠💛火炙藍鰭吞拿魚﹑蟹膏﹑三文魚籽及碎蟹肉拌勻三文魚籽後能令每口飯也充滿魚籽的甜味～蟹膏及蟹肉則增加了丼飯的鹹香味，選這三種配料就不擔心會不夠配料伴飯吃～飯是可以無限refill的～而且午市又不收加一，於尖沙咀區來說是超值的選擇👍🏻👍🏻

呢間一直都好想試，今日終於有機會試倒！12時正一開門就入黎，一個人都冇可以自己慢慢歎！呢度係剔紙仔自選配料丼飯，可以揀四款或五款食物，再加每一項食物就大約加$16選擇好多，心多的我真係好難揀😅結果我揀咗蟹羔、藍鯺吞拿魚、醋鯖魚、赤蝦同埋帆立貝全部都好新鮮好好味😋，不過咁嘅價錢就唔好期望啲刺身會好大塊，尤其吞拿魚係幾細塊下我就特別鍾意個蟹羔，好濃味好鮮味，撈飯一流！另外帆立貝都自厚身同鮮味要留意返佢啲飯係比較似普通珍珠米白飯，如果想轉醋飯係要加$6五樣食物的丼飯只係$72唔駛加一，仲送面豉湯，性價比超高！不過由於佢每樣食物的份量不算多，如果想食完有一種超滿足感就建議額外再剔多一至兩項食物啦！

睇完一篇營養師嘅文章，決定嚟試下中午一點幾嚟到，有幾個人排緊隊。見唔係太多人等，可以排下。排左10分鐘左右就有位喇。。。一坐底，侍應就會落杯茶同一碗湯。自選丼好多選擇，有啲選擇困難最後揀左6款（劍魚腩，油甘魚，火炙左口魚裙邊，三文魚籽，蟹膏同海膽魷魚）三款可以撈飯嘅三文魚籽，蟹膏，海膽魷魚都好正火炙左口魚裙邊，本來寫係3片，但唔知係咪太濕碎，俾左5-6片。呢個無得輸，都係咁多油脂兩款魚生有少少遜色，太薄。壽司朗食呢6款壽司都應該差唔多價。如果唔使排，會揀去壽司朗

講到抵食嘅魚生丼，除咗旺角嘅大勝丼之外，就係尖沙咀呢間鉄火堂。午餐時間，自選五款魚生丼只需 $72，抵到冇朋友。我揀咗劍魚腩，甜蝦，藍鰭吞拿魚，三文魚籽同蟹膏。由於飯底揀咗酸酸哋嘅壽司飯，基本上剩係用鹹鹹鮮鮮嘅三文魚籽同蟹膏嚟撈，已經可以食哂成個飯，於是其餘三款刺身就可以空口食，嗒真箇中鮮味。以呢個價錢嚟講，魚生丼嘅質素實在已經無話可說，加上塊塊厚切，唔會將貨就價，性價比甚高🤩。食完呢餐，行出門口，已經好掛住啦😂。

鉄火堂既魚生飯真係好正，可以自選要咩魚生，另外飯係任添既～唔洗驚唔夠食。1️⃣鉄丼家（$105）配上厚切藍鰭吞拿魚🤤另外再自選四款配料～揀左火炙左口魚邊、火炙三文魚腩、劍魚腩、馬刀貝，每樣野都好新鮮，而且都算厚切～除左吞拿魚之外，特別鍾意佢地既火炙左口魚邊，食落油脂感夠，有啲入口即化既感覺😋另外仲有啲薑蓉、青瓜絲，配上壽司飯底，最後飲埋麵豉湯，正☺️  

早排限聚令，好多晚市外賣自取都有做優惠，呢個餐折左之後好抵食，無話平左就無乜料咁，估唔到外賣都幾新鮮，不過外賣盒搞到賣相爭啲🤣同平時掃街果啲壽司無得比，但價錢差唔多，質素差好多，會再食的😋😇

係尖沙咀食晏，搵左呢間性價比高又新鮮足料魚生飯😆嗌左個自選魚生飯, 5款配料: 蔥花碎吞拿魚, 三文魚子, 帶子, 赤蝦, 油甘魚。樣樣都好新鮮, 份量都ok, 最surprise係帶子, 好鮮甜😍😍😍 其他魚生水準都係中上😄 呢個價錢($72) 黎講真係無野挑剔!! 另外仲有個麵豉湯送, 超滿足😆

朋友介紹之下去左呢間日本野算係日式平民飯都幾有趣，好似車仔麵咁樣叫自己想食嘅配料。第一次食，問吓同行嘅朋友，朋友極力推介蟹膏同甜蝦。甜蝦朋友仲叫咗兩份。我問佢係咪細細條嗰啲甜蝦，佢話唔係。到之後果然不失所望，啖啖肉。本人幾鍾意佢嘅拌菜。有冇人好似我咁都係鍾意食拌菜。所有嘢加埋好夾。刺身都相當新鮮。米粉同埋茶都可以無限添加。本人就加咗半碗飯撈蟹膏。平時去買蟹膏，這一個份量都好貴。所以喺度食都覺得自己好似變咗富豪咁。而且好新鮮一啲腥臭味都冇。食完真係好滿足呀。

琴晚四五點，仲食到午餐即刻去啲依到點咗個當飯比較可惜嘅係佢今日冇藍鯨吞拿魚咁自選湯飯我就揀咗四個刺身火焰三文魚腩 鰻魚 火焰左口魚依度嘅火焰三文魚腩都幾出色 幾好幾好味 左口魚都唔錯我記得以前都食過佢嘅招牌藍鯨吞拿魚 都幾新鮮㗎因為仲係午餐㗎 只係60幾蚊雞埋單

想食又平又好食嘅日本嘢？鐵火堂就最啱你啦！62蚊任選四款刺身+壽司飯，四款唔夠食加多10蚊就可以揀五款，而且選擇多到爆，唔夠佢仲可以嗌炸物🤤做人最鍾意佢嘅帆立貝刺身同埋三文魚，諗起都流口水

又平又好食嘅魚生飯🤤自選魚生飯任揀四樣，鍾意食咩就食咩亦都有好多唔同種類揀👍🏼鍾意食三文魚嘅話好幸福，因為有好多款唔同三文魚揀❤️而且兩樣三文魚都幾好食，不過見到隔籬枱三文魚籽又多睇落又好食就有啲後悔冇揀🙈推薦劍魚腩👍🏼不過吞拿魚就有啲腥🙈而且一碗未夠飽嘅，仲有得添飯～唔洗擔心唔夠食。除咗自選魚生飯之外仲會送埋麵豉湯！今日冇咗自家制玉子燒有啲可惜，不過整體都好滿意！一定會再食～👍🏼