鉄火堂 (厚福街)

營業中

休息中

位置: 厚福街一條黃店街午餐餐牌4餸$49 5餸$59, 另收加一服務費。就如同車仔麵一樣自選餸既車仔魚生飯。有生有熟大把選擇, 鍾意既配料仲可以揀雙份。可以另叫侍應提供沙律醬。份量適度, 不失為午餐好選擇。

我是常客，來過十多次了。鐵火堂的車仔魚生飯，價錢實惠；所有款式均質素穩定。作為海膽控一名，曾點過三色海膽飯幾次。今天外賣一客三色海膽飯，味道特別苦澀，水準不如以往，有點失望。希望貴店繼續留意來貨質素。

呢間餐廳唔算好出名,全香港得兩間分店,但係佢既魚生同其他水產全部都好新鮮。呢間餐廳坐位唔多,如果喺繁忙時間想食就一定要 book 定先。佢既丼飯是抵食之選,有三四片新鮮吞拿魚腩,再加幾樣自選配料真係一流。個人認為丼飯魚生一定要夠新鮮以及夠原汁原味,佢已經做到呢兩點。環境方面,佢地方咁算大,但係間隔都幾舒服有五張四人枱。方面朋友傾偈的設計。價錢方面,算係中價的日本餐廳,但係服務同食物質素絕對係上等,一定唔會令你失望。

鉄火堂出名CP值好高嘅刺身丼，啲刺身新鮮又大份😍刺身丼選擇又多，嫌啲款唔啱又可以揀自選刺身飯，價錢都叫實惠👍🏻呢排做緊5點後有Promotion，2款貴價刺身丼($268)都係做緊$158🤩作為拖羅控一定要試吓🥰🐟五式厚切藍鰭吞拿魚丼 $268 (1700後$158)角落評分：🌕🌕🌕🌕🌕1️⃣大拖羅入口即溶同陣陣魚香味😍油脂分佈係完美👍🏻成舊完全唔洗咬🥰2️⃣中拖羅入口都叫即溶同香味好濃☺️油脂分佈唔錯😚3️⃣赤身有啲咬口得嚟，但咬完果吓係好鬆軟😋油脂唔多但肉質唔會係好實嘅感覺👍🏻4️⃣火灸吞拿魚個表面燒得啱啱好😍唔會太多熟嘅肉，做到口感層次分明🤩5️⃣碎蔥吞拿魚蓉咬落唔會覺得有根，同幾有吞拿魚味☺️但可惜蔥味唔夠香😭🦐🐠築地整上海鮮丼 $268 (1700後$158)角落評分：🌕🌕🌕🌕🌗1️⃣磯煮鮑魚煮得好入味，唔會好韌🤩2️⃣帆立貝、牡丹蝦、三文魚籽好大份同埋好鮮甜😍3️⃣是日築地刺身(三款)首先食得出有油甘魚，鮮甜得嚟又帶有油甘香嘅魚香味😍其餘2款就唔知係咩，兩款望落似好腥但食落又幾鮮甜同埋魚味都重而又唔腥👍🏻🐟四式藍鰭吞拿魚壽司 $122 (2130後$58)宵夜個價錢真係超級抵🤩$58可以食齊大拖羅、中拖羅、赤

🥢尖沙咀抵食新鮮自選刺身飯🥢厚福街這間專食刺身飯的店，一直都係平時常去食的店，貪佢可以自選不同的配料而且如果夠飯可以免費追加壽司飯，啱曬大食一簇🥢自選4 款$59/ 5款$69今日共點了五款，上檯時賣樣好靚，紅紅綠綠的，火炙左口魚邊，充滿油份，而且好新鮮軟熟有魚香，帆立貝鮮度足又厚肉，飛魚籽三文魚子，粒粒飽滿，穴子大大片，經過火炙的帶點點輕炙的香氣又軟熟🥢不可不提是用上生wasabi ,所以食起上來都比較香，而且壽司飯的溫度很好是較常溫的感覺很好，其實好怕食壽司刺身飯是好凍的雪櫃感覺，呢個飯就感覺同日本食的差唔多feel 啦🥢店內有文宣，而且店員服務好好，入來即時量體溫，又細心咁俾個袋仔你裝住口罩，細心位加分

厚福街好多食店選擇，見到呢間幾多人排隊，我都黎試試支持黃色經濟圈！晚市時段，大概等左20-30分鐘先有得入座。餐牌除左多款魚生飯定食，亦可以自選配搭，又有壽司、刺身、小食等選擇。今次總共點左以下三樣野食：- 沙律風火炙丼：三文魚、蟹棒、帶子等切粒，加上蛋黃醬再火炙，味道賣相都好吸引！-蟹親子丼：蟹籽、蟹肉、蟹膏份量非常豐富！好有鮮甜味，一啲都唔腥！鐘意食蟹嘅人唔好錯過呀-吉列炸蠔：上枱時熱辣辣，咬開充滿鮮蠔味同噴汁，正！值得一提，食丼飯定食仲可以免費添飯！價錢又唔貴，一定會再幫襯支持

1. 鉄丼家（$109）鉄丼家有三款，晚市做緊99/109/129，我揀左109，有2塊厚切藍鰭中拖羅，另外配左赤蝦、帆立貝、蒲燒鯖魚、蟹鉗，我幾中意鉄丼家有得自己揀配d咩，而且種類都好多，不過刺身就中規中矩level咁，飯底我揀左黑椒三文魚飯，呢個飯底都幾推，雖然我揀既時候ff佢係角切三文魚🤣🤣🤣 但其實佢係熟既三文魚碎，少少似炊飯果種，但都好香，三文魚如果可以多d就好。個飯仲有配前菜同味噌湯，我仲叫左多前菜tim。聽講佢地午市仲平，糧尾又唔想太頹可以揀呢間2. 火灸三文魚腩（$30）都幾滑，但我覺得油左d，不過三文魚腩本身就應該係油🤣🤣🤣 呢份不過不失冇咩特別3. 火灸左口魚邊（$30）未食過左口魚邊，原來又幾滑幾好食架wor!! 解鎖左一款刺身，下次有機會都會再食

厚福街個頭好多黃店 好多間都好猛料響尖沙咀黎講咁足料 真係算係抵食 而且可以添飯之前食過三文魚丼 感覺質素高D下午茶 宵夜時段都幾抵食 種好似車仔麵咁可以任意配搭香港要搵好食既吞拿魚 真係要再努力搵下.厚切五式 藍鰭吞拿魚丼 $158👉眼見係拖羅 中拖羅 吞拿魚溶等等👍拖羅 中拖羅都有D油香👉都係香港普遍有既感覺推介指數: ⭐⭐⭐/5.💁服務:上枱都快既 未答正時段都比你叫另一個時段既野 幫你消毒 有袋放口罩等⛲環境: 好多文宣 

一向都好鍾意食魚生丼,特別係海膽🧡知道鉄火堂有個三色海膽丼好吸引,所以要黎試下😆三色海膽丼分別有加拿大海膽,韓國海膽同北海道海膽,果次去咁啱無北海道海膽,所以另外兩款海膽比返多啲令海膽都會鋪滿成個飯😍海膽好鮮甜,配埋生鵪鶉蛋都好夾,$228一個唔算好貴藍鰭呑拿魚丼鉄火堂有好多款丼選擇,丼既價錢都唔價,自選魚三丼唔使$100都有,不過今次試左佢既藍鰭呑拿魚丼,拖羅好肥美,呑拿魚都好新鮮,$158好抵食所有丼都會跟麵豉湯,而且重可以免費添飯添～

放假又出去揾食啦尖沙咀出名多高質食店今次就揀咗呢間食日本丼飯既餐廳丼飯可以自選配料很少餐廳有得做，呢間餐廳正正就係其中一間自選配料多達三十款，飯類都有幾款揀，咪講笑，連續食一星期都唔會厭我碗丼飯揀咗三文魚子，蟹肉，帶子同火炙左口魚👍🏻朋友果碗就揀咗三文魚子，鰻魚，吞拿魚蓉同火炙三文魚腩每款都份量十足，一啲都無偷工減料，魚生仲好新鮮呢！每碗丼飯仲配左碗味增湯，而家唔夠飯仲可以免費加，真係好抵食，良心店更加要幫襯啦

尖沙咀 日式黃店💛成條厚福街絕大部分都係黃店本身仲諗住嚟掃街點知早餐食得太飽最後淨係去左鐵火堂食Lunch 刺身丼$59 - 4款/$69 - 5款（飯 任添， 跟麵豉湯）揀咗咁多樣覺得最好食都係鰻魚同蟹膏其他帶子甜蝦帆立貝魚刺身就一般般不過幾十蚊中規中矩啦 唔好太多要求另外再加咗$52兩片中拖羅（ 完全唔覺得有中拖羅嘅質素）$30 一隻活赤貝（呢個都算新鮮嘅）想食日本嘢又唔食拉麵嘅都係一個平價選擇今日餐廳都算幾多人排隊嚟嘅話預咗都要等一陣

之前見到厚福街的鉄火堂通常都大長龍，雖知餐廳開了一段日子，也未有機會試。復活節最後一天下午3時多見沒多少人，就入內試試。店員會要求先站在門口，先量體溫再安排座位。下午大家都是選魚生飯，自選4款餸是$59；5款就$69，送味噌湯，看價錢相當扺食!!我自己就選了火炙左口魚邊、火炙三文魚腩、松葉蟹鉗同甜蛋+壽司飯，另外點了蟹肉忌廉薯餅。個飯來上去唔算很大碗，但女仔來說足夠。不過唔夠都唔緊要，因為飯是可以追加的 食到飽為止都得! 兩款火炙刺身都新鮮，不過就比較薄片同炙得唔太夠，魚油未迫得到出黎，唔夠香~松葉蟹鉗有兩隻細細隻，不過非常鮮甜!!!!!! 大推!!!!!原來每碗都有一小塊印有"鉄火堂"的甜蛋，不過就會乾少少，還是額外加的好味!!蟹肉忌廉薯餅一咬非常燙口，味道就正正常常~整體來說，味道及刺身口感一定不及過百元的壽司飯，不過對經常貧窮神上身的我，絕對值得一戰再戰!P.S. 壽司飯味道調得剛好，醋味出而不搶，大推!!

一次午餐，一次晚餐黎食，午餐係幾抵食的$59有四款配料、味噌湯、飯，飯仲可以免費追加。店員好主動，服務亦好快，先幫你探熱，再噴消毒洗手，俾埋抺手紙你放口罩，最後介紹點餐方式，你唔需要為任何步驟苦惱，只需要諗想食邊幾款魚生。呢度食魚生飯最開心係可以喺餐牌自由選擇配料，而且選擇好多，蟹鉗、左口魚邊、鰻魚、飛魚子......試左佢ge壽司飯同三文魚飯(注意午餐三文魚飯需另加錢)，係熟三文魚肉撈飯咁，都不錯。

今日同朋友食日本魚生飯，係我喺香港食過最抵食、最多花款嘅魚生飯，佢魚生多揀擇之餘仲要壽司飯或者白飯任添，包保夠食，而且店舖吾收加一，七十蚊已經可以搞掂個5餸魚生飯，喺尖沙咀呢啲旺區認真抵食！！😋

尼間可以話係本🐻飯堂 🤤 除左🐻很愛刺身飯之外，午時飯真係抵到一個點，而且多款刺身選擇 🤤 一定岩心水 🤩 午時會有特定點餐紙‼️首先揀壽司飯或者白飯（記得揀壽司飯‼️因為白飯唔夾魚生😂）之後睇你食4款定5款刺身 🤤 價錢都係相差10蚊✨ 另外，仲有得俾你揀要唔要薑、青瓜、蔥或者Wasabi 😌 午餐有熱辣辣好味麵豉湯，而且刺身飯上亦有佢地招牌甜蛋🥚重點來了‼️ 尼間鋪係可以任添飯啊 🤩🤩🤩🤩🤩 本🐻成日都會添啊 🤣推介‼️✨「火炙三文魚腩」好快賣曬既item之一🥺超級肥美，而且炙燒後多左份魚油香味，配飯一流‼️✨「劍魚腩」第一次幫襯時店員推介我食，之後每次都會order🤤 睇落實的的但咬口非常正，肥美之選‼️✨「火炙左口魚邊」近尼幾年先學識食尼款魚，簡直放入口就溶化左，而且唔孤寒俾好多塊，最愛配埋Wasabi食‼️價錢‼️午市自選魚生丼 $59 / $69 （4款/5款）免加一