鉄人大盛 (已結業)

尖沙咀真係好多放題 不過今次依個特別啲係鐵板燒放題 入面真係有個人企係面前燒比你食 不過佢地唔同位置燒唔同類別今次我前面個係燒菠蘿同菇類不過我個人覺得最好食既係鐵板檸檬牛油煎魚排同埋黑松露魚排 平時自己煎魚一定會鬆散哂 不過佢除咗無散開之外仲煎得好香同埋味道好夾 佢既黑松露醬好似出面食黑松露薯條咁會係魚排上面舖上一層 當夾散既時候會散發出濃濃既黑松露味同魚香並且出哂煙 甜品方面係任食既哈根大師 唔似出面只係比得一個你咁小家

今次食呢間放題同平時既一樣，坐係到用紙點野食，但有個特別之處係餐廳內同去日本食鐵阪燒一樣，有幾個位係會企左個廚師，係你面前或者隔離煮野食，唔同位負責唔同食物。望落d師傅唔係上左年紀，好多都係後生仔，雖然係後生仔但睇到佢地煮每一樣食物都認真。佢地一接到單就會開始煮野食，基本上係無停過手，因為不斷有單。望住佢地煮野都幾治癒因為全部食物都係即叫即整，所以等候需時第一次睇到用牛肉包住d蔥花好特別，師傅純熟既手法好快手甘將2片牛肉放上鐵板到然後加入蔥花再加入少少調味，味道唔錯但有少少鹹。每一次食放題都會食燒菠蘿，呢到既燒菠蘿無令人失望，但令人驚喜既係燒雞脾菇，之前食開既都燒到好乾身，但呢到燒完都係甘juicy見到有個蟹肉炒飯，鐘意食蟹既我當然唔可以錯過。蟹肉都算多，但飯有少炒硬。另外仲食到款又係幾特別既菜色，泰式燒雞扒，平時食雞扒會食到陣雪味，但可能加左泰式既調味，會蓋左陣味，食落好惹味。雞肉都偏嫩。呢到既野飲種類唔算特別多，如果多d種類比人選擇會更好。最尾用haagen dazs雪糕作為結尾，我都係覺得曲奇係最好食

食物質素好差， 銅片段介紹簡直兩回事， 間餐廳如果唔係坐鐵板嗰邊 有一陣怪味， 好彩安排咗我哋坐鐵板枱， 廚師好似冇心機煮咁 一啲都冇鐵板燒嘅感覺 好似食緊大鑊飯， 好多食物都係唔熱

聽到有以鐵板燒為主題的放題餐廳，立馬約了能吃的好友去試試。畢竟一餐鐵板燒有多貴大家都懂的，現在以一人約$350的價錢能吃到鐵板燒放題自然得嚐嚐看。來到時已挺多人，之後也愈坐愈多，餐廳很大，前方左邊還是有座位，因環境大所以感覺挺寬敞。基本不少座位是圍著鐵板燒台。放題一般有的剌身壽司三文魚，炸物都有。好友等我時因太肚餓忍不住先入座點了剌身吃。她的剌身還不錯是正常水準。較推油甘魚跟比目群邊魚，兩款特別好吃。這店的鐵板燒牛或豬很不錯。不論厚薄還是肉質挺嫩，而且火喉控制得好不會煮太過火，令肉老了失色。牛舌也挺爽口彈牙。最重要還有我最喜的燒菠蘿。另外這邊的燒帶子也很不錯，很入味香濃。最後炸物也有一定的水準，咬下時不會覺太油膩但又熱騰騰的很香口。整體來說以放題加鐵板，性價比挺好。特別適合愛肉的人士來大吃特吃。

最近真係有啲忙，喺Facebook見到呢一間新開嘅日式鐵板燒肉放題，就一心諗住過嚟試一試，無奈地因為今日突然之間要加班，原先book咗嘅時間都要取消。最後要男朋友等我接近1.5 鐘嘅時間，最後八點半先至趕到尖沙咀。晚上八點半嘅時間先食野已經餓到個人開始暈暈地😂😂😂 一坐低餐廳嘅職員已經安排左一份貼心嘅日式刺身，刺身嘅份量按人數有所增加，超肚餓嘅我一見到當然唔可以錯過啦！呢度嘅日式刺身好足料，所有魚刺身都係厚切，口感超級實在，最鍾意嘅係佢呢度嘅蝦刺身，新鮮程度雖然唔係話好好好好鮮甜，但蝦嘅肉質好實在，所以食落去嘅口感都唔錯架當中最鍾意佢呢度嘅希靈魚刺身，帶子，以及螺肉，帶子雖然係切粒， ¼嘅份量示人，不過食落好好味！螺肉有肉質嘅口感，所以刺身來講呢度相當唔錯，可以繼續encore呢度嘅鐵板燒位置相當特別，每一圍枱前面都會設有一位師傅喺面前即場整鐵板燒，剛好係我前面嘅係芝士帶子，師傅會即場喺前面將帶子煮熟，相當之吸引!雖然叫做芝士帶子，不過之前未算十分濃郁，淡淡的芝士味唔會搶奪左帶子嘅味道，而且帶子口感恰到好處，食落去好有質感，最後同男朋友食咗超過六隻燒牛舌，見到張相都已經知道燒嘅程度唔會

聽朋友講，尖沙咀近排新開咗一間日式鐵板燒放題 餐廳，平時食鐵板燒好多時都係散叫，價錢絕對唔平。對於鍾意食鐵板燒嘅我嚟講，有得用放題嘅形式食鐵板燒都幾吸引 ，食得飽之餘， 仲可以試曬我鍾意食嘅嘢，所以一於同朋友一齊去試下。食物嘅款式都幾多，除咗有鐵板燒食物之餘，亦都有唔少嘅日式料理。飲品嘅選擇亦都相當豐富，除咗一般嘅汽水，亦有唔少果汁。一坐低就先來一個刺身拼盤，都幾多款，仲有我最鍾意食嘅甜蝦三文魚帶子等等。 味道都唔錯，尤其係北寄貝同甜蝦。亦都有 即叫即整嘅壽司卷物 ，叫咗兩個比較特別嘅牛油果同蟹籽卷。 一啖一粒嘅份量，可以試多幾款。而主打嘅當然係鐵板燒啦，呢度嘅鐵板燒質素相當唔錯，睇住師傅即叫即整，而呢一個牛油煎帶子係今餐必食嘅推介。牛油味好香，加上帶子大大粒，燒得啱啱好之餘，亦都有肉汁，唔會太乾，味道好鮮甜。除咗燒物之外，亦有唔少嘅日式小食同沙律， 炸物相當香脆，而唔會太油 ，尤其是芝麻雞翼， 非常之脆卜卜。仲有值得推介嘅就係燒牛舌，燒牛舌非常之香牛味，肉質好彈牙爽口。所有食物都係即叫即燒， 睇住師傅喺面前燒嘅感覺真好， 絕對夠新鮮。食到飽飽之後，仲可以任食哈根大師雪糕， 淨係呢個位

琴晚同一班朋友去呢間餐廳諗住試下！睇返呢琴既食評都係讚既多！點知咁就中晒伏！我平時都唔會打食評！但係今次真係難食到我唔打唔得！免得有其他人中招！首先講食物先：食物選擇種類極少，加埋我諗都係得20令種！食物質素真係差到一個點！d刺身完全係無鮮咪，完全唔新鮮！食左幾塊已經停晒手！壽司同樣都係完全唔掂！想諗下轉食熟食再睇睇！話晒都叫有鐵板燒！點知都一樣係伏！d熟食唔係即燒既，拎到泥就已經係凍既！再叫左個燒菠蘿泥到叫做出煙既！諗住終於都有d熱既野！點知一反轉原來完全係燒到燶晒！呢個時候我地已經停晒手唔想再叫垃圾食物！環境：呢間野個環境都叫差！成個地下都係痴立立既！燈光都好暗下！總結呢講呢間野係完全唔值得去！以$300幾蚊一位再收加一既價錢泥講係完全唔洗考慮去幫襯我食過咁多間放題店都可以完勝呢間！我唔明點解會咁多話好食既食評而只係得一篇話好難食！如果大家有機會睇到我呢篇食評！真心叫大家唔好浪費錢去幫襯！！！

今日同朋友食左間新間既鐵板燒店, 仲係以放題形式任食添鐵板燒方面, 款式非常多, 我最鍾意係以下幾款啦~燒汁一口牛，牛味香濃，份量頗多竟然有頗為冷門的燒菠籮，每人都食咗三件，很好吃啊，如再厚D更加好黑松露魚扒，魚扒新鮮炸起，放在濃淡適中的黑松露汁上，外脆內嫩，又要encore 芝麻雞翼外層炸得非常香脆，入面很juicy，食得出是剛剛炸的，因為咬開入邊還在冒煙飲品有荔枝玉露，蜜桃玉露，蜂蜜雪梨茶，韓國樽裝忌廉溝鮮奶, 雪糕仲有我最愛的哈根大師, 大滿足哦

睇左youtube雅X.話全港唯一鐵板燒放題，諗住去試下，點知中晒伏，極度失望，除左刺身有二隻蝦可以外，其他只可說－般，燒物極差，無－樣食得入囗，牛油帶子無味，鵝干麵包更可怕，鵝干死實實，麵包淋既。 食材全部－大堆煮熟在鉄板上返熱。兩人收費七百多元，但質素與旺角的廉價放題無異。用－個字形容～差！！！絕對不會再光顧，極失望的－次體驗。

今日約了老朋友食放題，據說呢間有鐵板燒，睇相覺得d食物好正，一早打左電話book枱，7：45pm入座食2個鐘。7點半去到有20幾人排梗隊，我地玩左陣夾公仔機，執好枱就可以入座了。夾公仔機10蚊一次，好難中。坐座有分3種，有普通位，卡位同對住廚師既鐵板燒爐既位。我地對住靚仔鐵板燒，發現呢間餐廳既廚師同侍應都係高顏值。客人u型咁圍住鐵板燒坐，一入座就有跟人頭既刺身拼盤提供。 有各種魚生，螺，帶子同蝦。隻蝦真係堅厚肉，蝦只係拼盤包一次，冇得另叫，記得唔好食左朋友隻蝦呀。見到靚仔廚師燒大蝦（我地想追加既蝦刺身但不成功時）同帶子，問佢係咪可以落order叫架？ 因為紙仔唔覺有。佢話係客人食唔哂d刺身所以幫佢燒熟黎食。原來果枱有8個人，餐廳一黎就跟人頭俾刺身拼盤，但果枱全部較年長唔多食生野，所以得一個後生食哂。我地見證佢每食一件就反一反白眼，佢又唔想浪費。勁搞笑。廚師好人幫手煮熟哂，咁佢地可以再齊share食。d大蝦同帶子熟左真係堅吸引架。 燒物： 菠蘿同雞脾菇羊架：肥瘦岩岩好，食左2件。炸物： 冇天婦羅，一律吉列炸。 吉列蝦同蠔。芝麻雞翼鐵板燒：蔥花牛，一口牛抄得有d老，有種係加左生蝦醬既牛好

今日朋友生日，去咗一間尖沙咀嘅放題餐廳慶祝，之前喺Facebook見到有人推介，放題又有鐵板燒好似好正咁店員安排左坐出面位，原來裏面有得坐喺店員前面睇佢燒，不過full 左首先緊係order 刺身,有甜蝦、帆立貝、三文魚、吞拿魚等，好新鮮仲叫咗蜆、螺肉同蟹膏炒飯，都唔錯另外叫咗燒鰻魚同埋燒牛舌，燒得幾香口當然唔少得燒物，有燒翠玉瓜、雞翼同埋雞髀菇燒牛柳粒不錯，幾淋唔韌，燒得剛好，燒帶子好大粒炸物有炸生蠔、芝麻雞翼、芝士年糕同天婦羅蝦，當中最愛芝麻雞翼，好脆口仲有Häagen-Dazs雪糕任食，有朱古力、Oreo、雲哩拿同士多啤梨味，好正

日式放題食得多 鉄板燒放題真係第一次尖沙咀格蘭中心地庫全層開左間鉄人大盛一人三百幾蚊 熱辣辣鉄板燒任食全部即叫即燒 見到師傅密密手狂燒 間唔中仲噴下火表演下！首先係刺身 有三文魚 呑拿魚 帶子 赤貝 螺肉 希靈魚 牡丹蝦等 選擇種類好多 又夠新鮮之後就食熟食燒物 選擇好多呢個價錢真係勁抵食 淨係鵝肝鰻魚任食已經夠我回本😛另外仲有魚排雞排一口牛燒扇貝羊架等等等等蔬菜類的菠蘿杏鮑菇翠玉瓜日本甜薯等都十分推介！炸物就有天婦羅蝦 吉列蠔 芝士年糕 芝麻雞翼等 十分香口食多碗蟹膏拌飯簡直係完美句點！最後係五款口味任食的Haagendazs有Banana&Cream, Vanilla, Chocolate, Strawberry同Coffee我就食左Coffee 任食呢點已經價回票價啦！整體來講 性價比好高的日式鐵板燒任食放題！

在尖沙咀格蘭中心剛開了一間有鐵板即做的餐廳鐵人大盛在門口附近也是擺滿了滿滿的花牌進入店內已經可以看到有幾個廚師在鐵板後準備當你點了一些要做鐵板做的食物廚師就會即做給你所以可以看到這裡的食料也是十分新鮮的而且調味跟生熟也是可以客製的一坐下去待應會送上一大盤刺身每款也是厚切的而且新鮮度也是不錯最愛的是帶子刺身鮮甜加上綿密的口感蔥花牛肉即叫即做牛肉薄片捲上大量蔥花味道不錯燒汁一口牛廚師會用噴火器來燒牛粒沒想到份量不少而且一口牛的牛肉好軟嫩豚肉山薑燒薑味不太突出也適合不太喜歡薑的人吃芝麻雞翼廣島蠔炸得香脆不會太過火這裡座位也不會太過迫夾空間舒服可以跟三五知己來吃飯也不錯

又來到 Happy Wednesday，見兩口子已很久沒吃放題，決定上網做吓 research，看看有甚麼新開放題店值得一試。從食評網找到這間「鉄人大盛」，據說餐廳是全港第一間鐵板燒放題店，客人除了可以任點刺身、壽司、各類炸物、日式料理等之外，還可以任食鐵板燒同 Häagen-Dazs 雪糕，CP 值超高，所以就即時訂了檯，決定同老公齊齊去放縱吓，癲番晚。餐廳位於尖沙咀堪富利士道 8 號格蘭中心地庫，店內面積頗大，佔地約 7000 呎，環境寬敞闊落，用餐區除了有大量梳化卡座外，還有多張鐵板燒檯，座位可以直接望到師父們即炒鐵板燒，當晚我倆大約 6:30pm 到達，鐵板燒檯已經全部滿座，足見餐廳非常旺場。先介紹一吓這裡晚市放題的價錢，成人任何時段一律 $328，小童半價，另收加一服務費，由入座起計，可以任食 2 小時！先翻開兩疊落單紙逐一細看，食物分門別類，以不同顏色劃分，分別有刺身、壽司、卷物、軍艦、冷盤小食、燒物、炸物、鐵板燒和日式料理。另外餐廳設有自助飲品櫃，有各款罐裝汽水、茶類和啤酒等可自取。餐廳會為每檯到訪的客人先送上第一盤刺身，之後就可以自己點。呢盤有三文魚、拖羅、油甘魚、鱆紅

早陣子看到多雜誌網站都介紹這間,燒肉的放題餐廳.決定和友人試試這間,幸而之前有訂座,因為去到真的差不多全部爆滿。看到師父會在鐵板上不停地燒肉,海鮮,看到即叫即整,絕不欺場。我們坐定定後,就看看有什麼飲品,飲料都多選擇,而且夠凍!配合燒肉真的岩岩好。回到座位後,侍應已經好快上菜,先來刺身。刺身選擇都算多,有三文魚,三文魚腩,吞拿魚及油甘魚...片片都厚切,點多少就來多少,而且也很新鮮甜美,加上任食刺身,真的已經值回票價。我和友人已經前後都叫了3次以上,除了刺身,也會有一些卷物的選擇,不過我們留肚想食燒肉...嘻嘻...芝士醬帶子也幾大粒,而且配上芝士,更為惹味,也不會覺得油膩,之後還叫多一碟再嚐。牛油燒扇貝鮮甜十足,配上香滑的牛油味,相當配搭,加上即叫即整,熱乎乎的,食下去覺得很好食。燒鰻魚自己本身不愛鰻魚,但今次食過這鰻魚,覺得味道不錯,不腥之餘,更覺得醬汁滋味,肉感幼滑,一改對鰻魚的印象.絕對值得一嚐。一口牛,蔥爆牛肉上碟時,熱乎乎的冒著煙,咬下去,覺得不鞋口,而且肉質幼嫩,加上肉汁豐富,不會燒得好乾爭爭,也沒有出現烤焦的情況,熟透度剛剛好。芝士年糕,炸蝦,炸蠔,炸雞翼看到很熱氣,但