影片
We ate a lot test quite good.The food are fresh and clean the waiter very nice
繼續閱讀
星期五(7月29日)約左成班同事走去食火鍋，去到先知包埋中式自助餐，都好款多熟食，有冷盤、湯、燒味、熱盤、甜品加上火鍋生料，真係應有盡有，試完熟食都四成飽，再加上片皮鴨、乳豬、三文魚魚生、大蝦沙律都算豐富。飲品種類雖然得酸梅湯、橙汁、五花茶及蔗水，味道唔錯。又不論時限，不失為一大班人的落腳處。每位實收HK$105.00，我就覺得幾公道喇！
繼續閱讀
我d同事最近轉移陣地鍾意來呢度飲茶,話呢度d點心好又坐得舒服.老實講我就覺得都幾逼,點心都係一般貨色,當中最好係流沙飽.流沙飽入面係鹹蛋黃,打開時好似沙咁流出來.其他小菜都一般.同富臨一樣,侍應太少又成日要追單,不過埋單快D!
繼續閱讀
2005年1月1 日去左呢間野度食！唉...........雖然唔係好貴，每人都係百一蚊，但D野食真係好唔掂！9個人叫左好多野，但黎就得少少，連要錢既野食都無黎，可想而知唔駛錢既野係黎得幾少！唉！叫野飲，at least要叫兩次先黎到，D伙記剩係得個應字，唉！最離譜係D衛生！我地叫左碟魚皮，碟邊竟然有D熟蝦殼！無錯！係蝦殼！一睇就知道洗碟洗得唔乾淨啦！個阿"蟬"仲問我地要唔要喎！大嬸呀，咁dirty點食呀！唉...........
繼續閱讀
今晚因為個朋友請食飯佢又一早book左位如果唔係真係唔再黎呢度食呀今晚食既係火煱係有不少選擇既但都係大路貨色不過最衰係有d點左既都冇黎到肥牛真係好肥唔多o岩胃口所以只係食左一件雲吞同水餃都好細隻魚皮餃好肥食完一口油d包心丸係街巿貨色有乜驚喜豬紅煮完都冇味所以好明顯個湯底真係淡左d兩個湯底(皮蛋莞茜同埋淮山杞子)都唔係咁正o者幸好d魚片都幾新鮮d雞片同駝鳥肉都幾滑仲有一樣野值得讚係佢都有少量熱食例如係椒鹽豆腐,九肚魚或者炸饅頭上到枱都係熱既因為好多時呢d附加品都係凍冰冰上枱家嘛所以都好難得!因為係朋友請所以真係唔知價錢不過我估應該幾抵因為我由入門口到走都好多人等枱
繼續閱讀