金鶴拉麵 (九龍城道) (已結業)

朋友介紹叫我要食佢地既拉麵話同係日本食既雞白湯拉麵有得fight wow...講到咁唔係唔試下嘛🥢上網搵原來其中一間分店係屋企附近•🍜極濃雞白湯拉麵 - 餐廳最出名既食品之一個湯底好creamy好好飲 精華所在牛蒡炸到好脆令個麵增添口感👍🏻慢煮雞塊好嫩滑麵既質感實在好易掛到湯

金鶴拉面一直都好想試，今次出開土瓜灣就去左試。一入到鋪頭，覺得環境係幾舒服，店員都非常好招呼。晚市去到唔洗特位，入座店員帶左我地上樓上坐。今次去到就試左2款湯底。北海道極濃蟹湯拉麵 ($138)推介指數：9.5/10個湯底真係好鮮甜好重蟹味，而且十分足料，蟹肉極多，鐘情食蟹既朋友會超級鐘意。呢一碗真係極度推介，係超級濃郁得黎、飲曬成碗湯都唔會覺得膩，仲會想繼續飲！味道超級驚艷，我地一定會返黎再食過！金鶴雞白湯拉麵 ($98)推介指數：8.5/10呢款湯底都係幾正，但同蟹湯比就相對失色。雖然味道無咁濃郁，但都非常之鮮甜。而且雞肉都偏滑，切到薄片，口感十足！因為呢個比較淡，鍾意重口味人士可以叫佢個濃郁版嘅白湯！2個湯底都感受到師傅製作湯底既用心，另外仲有幾款湯底可以試添！下次要再去試，不過更加想試下佢個饅魚飯，好吸引！有5間分店，可以慢慢試。

經過土瓜灣金鶴拉麵🍜入到去有吧枱或樓上選擇，我喜歡吧枱因為可以睇住大廚整野食感覺特別好味😋第一次當然試下金鶴雞白湯拉麵啦，首先要食好似藝術品的炸牛蒡，味道甘甘地食落很脆幾特別。之後飲啖湯，湯底用赤雞熬6小時而成，所以有很濃雞味。拉麵仲有糖心蛋，雞肉同叉燒。我就覺得叉燒吾錯，肥瘦適中有很香豬肉味。雞肉一般沒什麼味道。拉麵軟硬適中，最後飲晒個湯好滿足🙂整體環境同拉麵都很好，如果外賣仲有折 👍🏻

咁岩喺土瓜灣經過，見到呢一間超級日式嘅拉麵店，於是入去試一試！環境超級日式，除咗普通嘅座位，仲有吧枱添！.雞白湯拉麵🍜真係名不虛傳，湯底超濃超Creamy😋又唔會太咸，平時食完啲拉麵，會令到我瘋狂飲水，但係呢一間唔會😆😆面嘅質地都適中，偏硬少少，係我鍾意嘅質地，有啲口感！溏心蛋更加唔使講，真係有啲半熟咁！.服務店員超級有禮貌！一開頭上錯咗個拉麵俾我，都即刻好貼心幫我check返單，換返個啱嘅俾我！.整體來講，真係超級推薦！

同攝影朋友走到土瓜灣舊區, 途經見到一間日本拉麵店, 正好又肚餓就入去食返碗。餐廳返樓上同埋吧檯, 坐住吧檯可以見到拉麵師傅主理拉麵過程。店員介紹最近做緊蟹湯限定, 而另外我見餐廳都主打雞湯拉麵, 很快就決定點呢款。 【特濃雞白湯拉麵】HK$138湯底果然很濃郁, 質地超滑超creamy, 有很重忌廉香, 拉麵都幾豐富, 包括有慢煮雞胸肉、叉燒各兩塊、半隻流心雞蛋同埋即炸脆卜卜牛蒡,雞胸肉同樣有驚喜, 質地很嫩滑; 薄薄叉燒被火灸過, 而且脂肪層對比肉比例偏少, 食落唔會太油; 牛蒡可以脆卜卜就咁食, 味道回甘, 索湯食, 則令甘味減退。拉麵彈牙, creamy湯底容易掛湯, 值得一試!限定【北海道極濃蟹湯拉麵】HK$138極濃蟹湯同樣creamy, 但濃度比起特濃雞白湯淡一點點, 有少少凍食既鮮甜蟹肉最後食埋餐廳自製既蒴餅食, 很完美。拉麵看似細細碗, 但食一碗都已經好飽, 係香港食過好多間拉麵, 目前只有金鶴拉麵既特濃雞白湯真的可以用滑滑creamy來形容。

今日周末，下午去咗做義工，到土瓜灣探望老人院，派口罩和搓手液，之後約老公出嚟食晚餐，記得在老人院附近有間金鶴拉麵，食過味道好好！今日又再去回味一下！今次也是坐吧枱，可以欣賞廚師烹調過程！史上極濃雞白湯麵：首先飲啖奶白色的雞湯，用日本赤雞熬煮而成，入口順滑，味道香甜。濃郁不膩。火炙黑豚腩肉，肥瘦適中，廚師用火炙過，散發陣陣油香。慢煮的雞肉嫩滑。糖心蛋又香又滑。炸牛蒡香脆味帶甘，又可浸湯食，又是另一種風味。拉麵掛湯彈牙又鮮甜。另一款北海道極濃蟹湯拉麵是期間限定，當然不用錯過，湯底極濃好鮮甜，用新鮮蟹拆肉，啖啖蟹肉鮮味十足，還有黑豚腩肉、溏心蛋、木耳絲紫菜等，材料豐富又好味！

係工作上有啲唔開心嘅地方，所以就想食返餐好既，好好平衡下心理所以今次就比較任性咁叫左個價錢較貴嘅套餐蒲燒鰻魚飯雖然有點貴，但食過就知道性價比亦都喺度鰻魚唔單只係即叫即燒，而且厚度真係有Menu上見到既咁厚我覺得同豬扒一樣咁厚，仲要係一塊厚豬扒女仔來講食完鰻魚都已經飽咗半個胃而且師傅對時間掌握得都十分好，外層焦香，內部嘅魚肉仍然飽滿而且呢一到嘅醬汁比平日既鰻魚汁相對無咁濃味，更能嚐出鰻魚嘅鮮味鰻魚飯其實係一個套餐，仲有芥辣八爪魚作為前菜，同埋一碗魚湯芥辣八爪魚嘅醬汁亦係相對地冇連鎖店嘅咁濃味熱呼呼嘅魚湯飲落肚更帶來溫暖感餐廳嘅裝潢很有日本感覺，不得不提嘅係廁所，係配備左日式智能馬桶，相當高級

金鶴拉麵有5間分店，我呢個終實fans 間間都食過至少一次！呢間係我屋企附近，細細地一間。我地去時正值北角肺炎大爆發，冇咩人！今次食左黑蒜拉麵。拉麵一開始一定係試個湯底，湯底幾濃蒜味，夠咸，但吾會過火。其他配菜就正常啦，今次仲加左燒多春魚，燒野好似係新推出既，多款式不過少少貴。一條多春魚$12， 好食還好食，不過一條吾夠喉 ><下次叫多d!

呢間日本餐廳主打鰻魚飯同白雞湯拉麵食咗第3次啦!估唔到今次有期間限定北海道蝦湯拉麵一於試吓呢款先🥰.極濃雞白湯拉麵 $98食第三次依然冇退步過有慢煮日本雞胸、叉燒、溏心蛋、炸牛蒡慢煮雞胸用慢煮低溫技術 雞肉口感鮮嫩 食得出係原汁原味炸牛蒡當然係成碗拉麵嘅重點 依然係打卡位之一湯底方面 真係值得一讚！白雞湯豐富膠原 有少少起膠口感 超級濃郁！北海道極濃蝦湯拉麵 $138極濃真係名不虛傳 湯底超級讚💗👍🏻👍🏻櫻花蝦嘅味道濃郁 食到最尾成碗湯都飲晒拉麵掛湯 除咗瓜湯之外仲有少少櫻花蝦會附上啲拉麵到令到成個口感昇華左唔少.金鶴拉麵土瓜灣九龍城道10-16A號聯業大廈地下B舖

金鶴金鶴，雞白湯拉麵$98湯底極濃（已經唔係最濃果碗），雞味極重。細看餐牌才知道，原來這碗湯底是用白雞熬製六小時而成，怪不得，湯可以這麼濃，濃度似足平時飲的白菌湯一樣啊。炸牛蒡，一條條好長嘅鬚放在湯碗上，好特別。味道香脆可口，濃濃的牛蒡味，如放進湯內，變成好有咬口，可慢慢咀嚼。豬肉片，薄薄兩片一點也不肥膩。日本低溫雞胸肉，厚厚實實的兩片，雞味爽滑，肉質鮮嫩。辛辣拉麵$88辛味不太重，清湯口味。拉麵包括兩片豬肉片，兩塊厚切低溫雞胸肉，新鮮露旬二條，小秀珍菇。浦燒活鰻魚(1串)$68鰻魚原條來港，餐廳師傅親手去骨，再放爐內慢慢燒焗。鰻魚皮燒得非常香脆，鰻魚肉鮮甜美味，這鰻魚串燒絕對是此店的皇牌！日本明太子雞翼(2隻)$48日本來港，雞翼可一口大吃，沒有骨頭，翼內有満満的明太子，這令到雞翼不油膩之餘，更加味道鮮味。Ruri 瑠璃(藍)手工啤酒$48手工啤酒，口味簡單清爽，加上一點點的蜜糖香，還有清甜的麥芽味及男人要的苦澀味，此啤也很出色啊！推介指數：8/10

無諗過原來土瓜灣都有好食既拉麵呢間店既位置實在太低調，我都係上openrice搵食先知有間咁既野😂😂金鶴·雞白湯拉麵 — 點完餐發再店內掛住個poster話佢係全國最滑，所以都好期待拉麵黎之前，店員貼心提醒，拉麵上有炸牛蒡，如果浸左湯會淋左無咁好食，最好先吃。炸牛蒡果然好味😋😋😋其實我第一次食雞湯拉面，我飲第一啖 已經feel到係誠意之作 雞味好濃而且超滑！我下次都會再食，到最後我成碗湯飲晒😆😆相比起平時食既豬骨湯，雞湯味道濃而不膩。👍🏻👍🏻餐廳提供既係熱辣辣麥茶，好香口食完仲有抹茶果凍送！正啊

今日朋友帶我黎到呢間有得食拉麵又有得食鰻魚嘅日本餐廳，本以為有得食拉麵又有得食鰻魚，感覺好似唔夠專注，未必會好食，不過食落都有驚喜。一入到黎嘅感覺係好舒服，呢間日本餐廳睇裝修唔算係走平民路線，環境都好乾淨，不過食物價錢唔貴。值得一讚嘅係個廁所，真係好衛生好乾淨，喺而家役情咁嚴重嘅時候下，比到人一種覺得呢間餐廳係好衛生嘅感覺。我地點左兩個拉麵同一個鰻魚飯。金鶴雞白湯沾麵 ($138) - 好香雞湯果，好濃厚令個湯可以掛到上個麵到，但個湯亦唔會太咸同好漏，麵質好爽，大推👍🏻北海道極濃蟹湯拉麵 ($138)同雞湯味道差不多，感覺比雞湯遜色，但都好香同濃厚嘅蟹湯味。食到尾會有少少咸，所以可能沾麵會比較好。活燒浦燒鰻魚飯 ($238)呢度用左新鮮鰻魚，比平日食到嘅鰻魚多左種鮮味，但就略嫌少左d燒烤味。總括而言，呢度食物質素唔差，價錢中上。另外要特別稱讚嘅呢度服務態度真係超級好！

今日黎到土瓜灣，俾我見到一間幾和風餐廳 《金鶴拉麵》，入到去見店面有個吧台同2張枱，心諗呢間舖咁細既。我就坐左係吧枱，因為可以睇下師傅整野食，後來發現原來舖入邊有條樓梯有2層既。我本身都好鐘意食鰻魚，見到佢哋餐廳推介活燒蒲燒鰻魚飯，睇張相就已經覺得好好味，叫咗一客，原來佢哋嘅鰻魚飯，係即叫即燒，要等15分鐘先會燒好，一陣姐，冇問題。由於我坐吧台，落order後望住師傅喺我前面燒鰻魚，睇住條生鰻魚，慢慢燒熟加埋嗰陣蒲汁香味，真係流曬口水。鰻魚大大條，又厚又香，堅好味，可能太好味，飯份量就略嫌小左D,或者都係我大食😂，要叫多份串燒食。下次要帶埋屋企人黎食先得。

土瓜灣呢啲舊區有時真係一拉麵難求但係竟然咁都比我喺屋企附近搵到呢間充滿日本居酒屋風味嘅拉麵一入去個鋪頭裝修偏暗好有日本當地居酒屋嘅風味擺設同埋裝修都相當日式我同老公就坐咗喺長吧枱嘅位置如果唔想坐吧枱嘅話行幾步上樓上都有一個大嘅用餐area我叫咗餐廳最出名嘅極濃雞白湯拉麵佢嘅雞湯底濃得來好creamy另外以一個普通拉麵來講佢肉嘅比例係好多嘅有3塊叉燒同埋3塊好滑嘅慢煮雞胸肉上面揸到脆卜卜嘅係炸牛蒡呢個份量黎講係超抵食老公就揀咗個龍尾啲嘅黑蒜醬油拉麵比較冇咁「漏」同埋口感更加清爽侍應大力推薦佢哋嘅燒物所以我哋都嗌左燒鰻魚同埋燒牛舌嚟試吓兩樣都係即叫即燒因為我哋坐係吧枱位置更加睇到佢哋製作嘅一絲不苟燒鰻魚一出已經聞到好大浸嘅燒醬油味咬入口好香好juicy!建議大家去食都應該要試吓！

講真，香港試左好多間拉麵鋪都食唔到日本食到嘅拉麵嘅水準。因為好耐都冇去日本，所以真係好掛住喺日本食到嘅拉麵！食評咁多好評，冇乜負評真係唔係假。金鶴拉麵嘅麵同湯底都真心好食，個湯勁濃，冇食完味精嗰種唔舒服嘅,我最後成碗湯都飲晒。仲有好加分個位係拉麵啲餸一啲都唔馬虎，居然有慢煮雞，我唔知係邊個部位，唔似雞脾肉，因為冇見嘅感覺，我懷疑係雞胸，因為慢煮，所以好滑，值得一讚！即場download金鶴個app有得送汽水/溫泉蛋/餃子，黎食嘅朋友記得換，免費架。小食試左餃子、蟹子釀雞翼 & 炸雞。我哋覺得個炸雞最好食，新鮮炸到脆卜卜，仲配左柚子鹽，好夾，成件事提升晒。成餐飯都好滿足，服務又好，一冇茶就會加，價錢合理，一定會再幫襯！