金鳳大餐廳 (D2 Place TWO)

營業中

休息中

聖誕節緊係要食聖誕大餐🎄12月尾同朋友去咗荔枝角D2place行街午餐就去咗金鳳鋸扒😋場內有啲聖誕裝飾，都幾有feel😎之前都食過其他分店嘅金鳳，間間個餐牌都一樣，都算有唔少選擇👍🏻傳統老字號扒房必備餐包仔，我知好多新派扒房會提供法包、酸種麵包之類，但我都係鍾情於呢款餐包仔，最有兒時嘅感覺。😊主角足料厚肉，塊扒仲大過下面塊鐵板唔止得闊度，連高度都成座山咁午市仲有88折，窮人恩物入面係好靚嘅粉紅色呀

相信唔少人都認識呢間港式扒房由爸爸媽媽嗰一代食到我哋而家年輕人都仲會排隊去食今次去咗位於荔枝角嘅分店鐵板上牛扒最啱冬天食熱辣辣 si li sa la 好hot～今次食招牌帶子牛柳餐帶子一般般 冰鮮貨仔來的 沒什麼海鮮味可言而牛柳入口軟腍 肉味普普通通醬汁可選燒汁或者黑椒汁老實說 質素就so far so good 其實主要都係食嗰種港式情懷～整體性價比：🦖🦖金鳳大餐廳地址：荔枝角長順街15號D2 Place二期3樓312號舖

今日去左在香港植根多年嘅金鳳大餐廳，時至今日，餐廳依然人氣高企，人流不減當年；不過餐廳很貼心，有座位安排比排隊既人龍。 餐廳環境乾淨企理，採用半開放式設計，雖然高朋滿座，都能夠保持空氣流通。餐牌分別有港式及美式鐵板餐，另外仲可以散叫，加錢仲可以轉套餐，好多選擇。餐湯配上鬆軟可口既餐飽，最佳配搭。招牌牛柳餐上枱後店員提醒我要拎起餐巾以防被熱辣辣既汁淺到，好細心。我叫左7成熟，切開仲見到粉嫩色既肉，咬落去肉汁非常之豐富，充滿濃郁既牛肉味，配埋蒜蓉汁，非常惹味。 香煎比目魚配松露汁跟套餐除左肉類之外，仲有少量海鮮可以選擇，比目魚新鮮肥美，魚皮煎得好香，配上松露汁，味道好夾。 總括來說，份量十足，出餐快，店員服務殷勤，老字號果然水準非凡！

Today before church, I decide to find a restaurant which is in D2 place and have a dinner.I saw this restaurant is queuing with many people, then I was attracted by it. This shop is popular in selling beef set. The price is not expensive and the size is very big. I think even a adult men also cannot finish the whole set of meal.The taste is good and I super love their sauce.

講到港式扒房的佼佼者一定非金鳳大餐廳莫屬。今日同男朋友去D2 Place睇戲順便黎D2食飯，我地揀左呢間扒房食野。平時都大排長龍，今日都唔例外。首先黎最經典的羅宋湯加餐包，羅宋湯有大量蔬菜、又有牛肉，相當足料，味道濃郁。餐包熱辣辣又軟熟再點埋個湯簡直絕配！我地叫左一個西冷一個牛柳扒配可樂及紅豆冰。 呢兩杯野飲都係岩哂食扒👍🏻牛柳扒餐 五成熟🐂牛柳餐係我去金鳳好中意點既扒，有兩塊牛柳，肉質嫩滑，咬落去完全沒有筋，配上黑椒汁好惹味！去港式扒房，好中意淋啲汁上牛扒果下，呢個時候一定要準備餐巾，淋上去芝芝上好正🫶🏻西冷牛扒 五成熟另一個餐叫左西冷扒，呢個餐既牛扒係一塊過沒有分開的，比起牛柳有啲唔同，西冷牛肉味比較重，沒有牛柳咁腍身，係另一種感覺。 再配上大量既招牌生蒜為整塊牛扒增加不少風味！另外紅豆冰真系必點，淡奶同紅豆冰嘅比例恰到好處，紅豆🫘唔算太甜、紅豆又多，真系好正！好多時會懷念想食下呢啲老扒房的味道，如果下次要食港式扒必到金鳳大餐廳。🤭

今日去左荔枝角做野，其實都知道附近多好野食，不過冇咩時間捐窿捐罅去搵啦，所以食返一間死唔到人的金鳳大餐廳。午餐set 都係基本足夠的選擇，有牛扒、豬扒、焗飯等。左揀右揀下最尾決定食洋蔥鑊仔牛扒跟意粉，5分鐘內餐就送到，適合附近寫字樓打工仔，同埋趕時間的我！洋蔥鑊仔牛扒（$68）套餐跟意粉，餐湯同野飲，68蚊都算正常啦！麵包—係熱住上，哩樣實在係太緊要，因為咁先可以整溶塊牛油！餐紅湯—一般發揮，唔會太濃味精味。鑊仔牛扒—好大塊牛扒！而且肉嫩多汁，最緊要係洋蔥汁，好多時餐廳夠配意粉唔夠配牛扒，或者係調返轉。而家就唔怕夠汁點牛扒唔夠跟意粉啦！總結，你話真係好味到一定推就唔係既，但勝在性價比唔錯，同埋夠快！每次附近返工諗唔到食乜，都會係揀佢！餐廳：金鳳大餐廳 (D2 Place) GOLDEN PHOENIX RESTAURANT (D2 Place)地址：荔枝角長順街15號D2 Place二期3樓312號舖 Address：Shop312, 3/F, D2 Place TWO,15 Cheung Shun Street, Lai Chi Kok, Kowloon, Hong Kong, La

好耐無鋸扒，之前去開太子嗰間金鳳，今次試咗荔枝角間金鳳，店面明顯大好多座位都多好多，唔駛等咁耐！空氣都流通好多！而且等既時候有位坐，係商場內夏天、落雨都唔駛擔心！餐前餐包加羅宋湯餐包好軟熟👍🏻食開嘅金鳳啲牛扒係好淋身，今次一樣都係食牛柳($133) 7成熟加蒜蓉黑椒汁，蒜蓉真係必須，雖然食完成把口都有陣味😂，但加左味道更勝一籌👍🏻呢度嘅扒都係淋身但又唔會過分淋，份量又十足，唔錯👍🏻鍾意食淋身扒一定唔好錯過！另外仲特登加左份格格脆薯格($58)即叫即炸，雖然有跟千島醬，但熱辣辣點黑椒汁食更正👍🏻另外每個扒餐仲跟埋杯飲品，冷熱同價。食完個熱辣辣嘅扒餐飲返杯凍嘢爽呀🤣

霓虹招牌夠搶眼，由裝修到餐牌懷舊風味十足，去金鳳鋸扒是件賞心樂事，最啱大人細路哥!用餐氣氛好好，不時會聽到歡笑聲。扒餐上枱前已經有溫馨提示，請大家用餐紙避免被熱油彈到，但係依然歡樂中招笑聲此起彼落🤗與鐵板上吱吱嘠嘠聲響，相映成趣首先送上紅湯餐包，牛油溶化其中其中一位送餐哥哥，單手可以拎起5個鐵板餐，絕對係高手表演，開心大發現！主角出場十分驚艷係真正嘅厚切牛柳。叫咗7成熟，睇相都知鮮嫩多汁，香淋軟熟➕蒜蓉就更加冇得彈！另一個雜扒餐同樣都係CP值爆標，超大份，好味又抵食!餐飲叫咗雪糕紅豆冰，可以揀雪糕味勁開心🌈紅荳又夠淋Perfect ending!

牛扒扒房開到成行成市，有啲主打熟成牛扒，有啲主打神戶牛柳，又有啲主打澳洲入口，各花入各眼，一定搵到啱你自己鍾意食嘅。🧐🧐我自己都有間成日去嘅扒房，最近知道佢喺D2 Place度開咗新分店，走過去捧下場。😎😎呢間就係有返少少年紀嘅朋友都會食嘅～金鳳大餐廳，以前喺太子旺角嗰頭做街鋪，慢慢開到而家有好幾間分店，識嘅都係舊式港式西餐嘅味道，牛扒會用鐵板上，林生唔同嘅醬汁，喺燒到紅紅嘅鐵板之上，咋渣聲咁叫，真係會令人食指大動。😋😋我哋今次叫咗T字骨同肉眼扒，當然唔少得嘅就係呢度嘅招牌生蒜，貴牛扒增添風味之餘，又可以提供更多不同嘅口感，可以話係呢度嘅靈魂☺️☺️兩個人食飽都係二百幾蚊，呢個時勢出邊都好難搵得到🤩

香港人氣懷舊扒房金鳳大餐廳 (D2 Place) 呢間人氣扒房，裝修風格以懷舊特色為主，係鋸扒好去處，而且價錢相對便宜，性價比高～～～小編order了一 鑊仔牛柳午餐 （$68）， 雞扒蕃茄意粉 （$58），午餐包括餐包，羅宋湯另外包一杯飲品🥰🥰 鑊仔牛柳軟熟， 包薯菜，味道不錯， 雞肉蕃茄意粉相對味道比較淡， 但份量非常大份，食到好飽😊

喺荔枝角做完運動都已經八點幾，同朋友快快趣喺附近搵餐廳醫肚做完運動想食肉補蛋白質🤣見到久違嘅扒房即刻諗都唔諗衝入去🤣我哋嗌咗兩個扒餐都附送餐包，餐湯同飲品餐包勁軟熟！暖笠笠！搽牛油食簡直係comfort food羅宋湯酸度啱啱好，好開胃。雜菜都幾多蘇格蘭牛扒大大塊，配黑椒汁實冇死，好惹味雖然叫咗五成熟，但喺鐵板上邊高溫煮住始終係會熟咗啲。但口感依然嫩滑，牛味適中。底下嘅薯菜量完全唔吝嗇😂另外一個係店員推介嘅牛柳。朋友想食得特別啲，所以叫左野菌牛柳餐🤣呢個雖然冇得自己揀汁，但配埋佢嘅指定醬汁都幾好食。牛柳質地更淋，如果諗唔到食邊款牛，呢個都係一個唔錯嘅選擇

回憶滿滿，行商場見到竟然有金鳳，當然要去試試。依家食市經營不易，去到門口發現餐廳滿座，質素一定有保證。講到扒餐，唔係雜扒就係食牛，金鳳有好多的選擇，今次叫左美國牛小扒餐，因為鐵板上既關係，一定要叫五成熟！叫餐有餐包同忌廉湯(包野飲)，記得細個個餐包揸完牛油仲要點湯，食落去全部都係回憶！食鐵板當然唔少得落汁依個環節，如果小朋友見到實好興奮。我怕辣選擇左蒜蓉汁，炸炸聲，大人其實都好興奮。美國牛小扒餐 $190份量好多，2大塊牛小扒。切落去好滑有血滲出黎，唔洗五秒已經變左做七成熟，放入口岩岩好，所以千祈唔好一次過切哂，咁就可以啖啖都係七成熟既牛扒。兩塊牛下面仲有索哂汁既薯格，加埋茄汁就完美。

鋸扒首選又黎到我搵野食時間。Lunch 時間想鋸扒，一定要黎金鳳Lunch menu 長期大致都係果幾款今次我叫洋蔥鑊仔牛扒-仲以為係一塊塊⋯而傢變左薄切🧐荷蘭豬扒-都幾好食，係厚切豬扒，都好入味餐湯都係紅湯白湯金鳳既紅湯=蕃茄雜菜湯（沒有牛的）所以特別清甜白湯是-忌廉湯，比較淡餐包都係凍，如果整熱埋會比較好

成日都聽到啲人講港式豉油西餐普普通通，而家個個都話要食咩熟成牛扒、A5和牛，但小弟覺得係因為佢哋未食過金鳳呢啲老牌西餐廳姐😎佢有間舖頭開咗喺荔枝角嘅D2 Place，入面有唔少嘅霓虹燈作為裝飾，俾人一種懷舊嘅感覺，啱晒而家潮流興嘅Vintage風。講返嘢食先，我哋叫咗一份T字骨同埋一份西冷，都係叫5成熟（medium）👍🏼一落完單，店員就好快手拎咗兩個餐湯俾我哋，一紅一白，熱辣辣配埋軟綿綿嘅餐包，天氣凍食個包飲返個湯，真係幾正。西冷牛扒我哋叫咗黑椒汁，加咗啲新鮮嘅生蒜，肉質嫩滑。T字骨我哋叫咗蒜蓉汁，肉味濃厚，不過近骨頭嘅位置會比較生，如果怕食生肉嘅朋友，可能需要叫七成熟。總括黎講，食返餐好嘅牛扒，可以考慮吓呢度，因為價錢相當親民，埋單都係三舊水🤣🤣

1. 等位餐廳唔大，成日都好多人，晚市時間食簡直迫爆😂⋯ 等咗大概20分鐘（唔算超級耐，因為我哋前面本身都有10張檯⋯）2. 環境因為地方細，所以環境都一般般，比較迫。拎住多嘢唔建議嚟呢度食～但上菜速度超快😂 嗰頭嬌嫩嗰頭個湯就出現了3. 食物質素今次叫咗一個招牌牛柳餐（蒜蓉汁），一個西冷牛扒餐（黑椒汁）。每個餐都會跟一個湯加一杯嘢飲🧃我哋叫咗羅宋湯凍檸茶同埋凍朱古力。 招牌牛柳好味！叫咗五成熟，好有咬口，但凍咗就有啲韌，建議快快趣食！Side dish有厚厚的翠玉瓜同埋薯條🍟 好味！蒜蓉汁都幾配，如果想額外加蒜蓉嘅話要加$5，嗰時冇㗎但見到隔籬枱加咗都幾吸引西冷牛扒就比起牛柳硬身少少，個人就比較鍾意食牛柳多啲啦～ 不過佢都唔係差！合理。餐包都好味，羅宋湯都好飲嘅，不過差就差在羅宋湯嗰個碟，都有少少污糟吓同埋佢哋係直接微波爐叮😂（所以我估先上菜上得咁快哈哈，不過呢個冇乜所謂）講到杯凍檸茶，就有啲失望，好淡茂茂🫣平時好鍾意飲嘢嘅我都飲唔晒lol4. 價錢算係平民扒餐，比起大快活高級少少咁🤏🏻 $133可以鋸扒我覺得合理！加上牛柳真係幾好味～ 又唔係好細塊，覺得幾好！