金鳳大餐廳 (中染大廈(8咪半))

營業中

休息中

位於愉景新城隔離嘅中染大廈地下的鋸扒餐廳！成日經過都見到，今日終於入嚟幫襯下！🥩牛柳餐-九成熟$133招牌必點牛柳餐，肉質嫩滑，有兩塊牛柳，底下有薯條同蔬菜。🥩西冷牛扒餐-八成熟$133好大塊都幾新鮮，配埋黑椒汁開胃又惹味！🍞餐包：入口鬆軟，而且都帶有牛奶味，麵包紅表示好好味，搽埋牛油就更正😋🥄餐湯：羅宋湯足料羅宋湯，酸酸甜甜都幾開胃！🍹餐飲：凍檸茶另收加一服務費10% service charge兩人合共消費$293，人均$147真係唔錯嘅鋸扒之選，得閒經過會再嚟！📍 金鳳大餐廳 (中染大廈(8咪半)) (荃灣)荃灣青山公路388號中染大廈(8咪半)地下G01號舖🔍#nseat_荃灣#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨 #食評 #美食推薦 #荃灣美食 #荃灣 #中染大廈 #鋸扒 #西冷牛扒 #牛柳 #金鳳大餐廳 #鐵板

金鳳改革之後，聽聞幾間分店嘅質素都唔同，今次嚟試吓8咪半呢間，唔食扒，嘆番個下午茶，認為絕對係可以再encore! ⚡️脆炸魚柳包拼著格 $44魚柳包入面嘅魚柳點餐後即炸，需時約10-15分鐘，似乎都係晚餐時間提供嘅魚柳，味道不錯。茶餐配薯格，而唔係薯條，so nice! 👏🏻⚡️金鳳公司三文治 $52超級澎湃嘅公司治😍數都數唔晒佢嘅配料，包括有叉燒、炒蛋、蕃茄、豬扒、芝士同火腿！食左兩件已經好飽肚，細食嘅人應該直頭食完之後，晚餐都慳番😂 ☕️如果你都鐘意飲奶茶，記得叫嚟試吓！我哋覺得呢間沖得好香濃，茶味同奶控制得相當之好，飲完醒神晒，must try! 🐷🛎️ 必試指數 : 8.5/10🌟#新舊交融 #茶餐廳文化 #wingwingpiglife #wingwingpig_tw🅆🄸🄽🄶 🅆🄸🄽🄶 🄿🄸🄶 🄻🄸🄵🄴

見依間餐廳平日好多人排隊，今日見得閒早啲去排隊拎位。一入座見到有個今個月精選「西冷牛排拼北海道帶子」。即時叫左一個試試。另一個餐就揀左「招牌西冷牛排」。「西冷牛排拼北海道帶子」包左頭盤「蟹籽雜菜沙律」，不過不失！值得一提係個羅宋湯好夠味好開胃!!「西冷牛排拼北海道帶子」先上，勁大份兩塊超厚身大牛排，大份到倒汁上去既時候都好滿瀉。北海道帶子係勁大勁厚身既兩粒帶子，一啲都唔馬虎！真係大件夾抵食！！「招牌西冷牛排」個牛排超淋身超軟，入口即溶，只係用刀輕輕一界已經切到！啲牛好厚身好高質！一啲都唔馬虎！！「西冷牛排拼北海道帶子」每月特選餐仲會配送埋雪糕做甜品！下次來食一定會試下佢「黑牛」「紅牛」「金牛」「白牛」依啲而家買少見少既特色飲品！

昨晚1月1號點左兩個外賣餐，分別點左雜扒飯同埋焗豬扒飯。外賣員嚟到嘅時候包裝都好完整沒有打瀉到啲湯同埋飲品。打開飯盒見到材料非常豐富並不馬虎，最驚喜係仲有湯、餐包加牛油😆，好似身坐在餐廳食飯一樣，最重要係啲味道保持得好好，好懷舊正呀！

平時行過見呢間野成日要排隊等位，所以今次平日夜晚嚟食，唔駛等好耐就入得啦。呢間餐廳行懷舊風裝修,有卡位座位都算幾闊落。 間餐廳專門食港式扒餐，咁梗係試吓啦，我哋叫咗一個貴族牛扒美國牛肩肉，另一個就叫咗美國安格斯肉眼扒餐。 跟餐會有一個羅宋湯同埋一個餐包，味道正常，餐湯酸酸地都幾開胃。未飲完個湯，牛扒就已經上菜啦！ 先黎美國安格斯牛扒套餐，可以揀鐵板上或者碟上，我揀咗傳統扒房嘅鐵板上，而醬汁方面可以揀蒜蓉汁或者黑椒汁，我就揀咗蒜蓉汁，當店員到倒上汁嘅時候鐵板渣渣聲，佢塊扒嘅底放滿左椰菜同埋薯格，浸滿左蒜蓉汁嘅薯格係另一種滋味，五成熟嘅牛扒軟淋淡淡肉另一塊牛肩肉就揀咗碟上，蔬菜新鮮，薯格好脆，黑椒汁同牛肩肉好夾

細個嘅時候，爸爸好喜歡帶我哋去‘’金鳳‘’食嗰鐵板餐， 嗰陣時一聽到話去‘’金鳳‘’ 我和細佬就蹦蹦跳，十分開心!!!相信好多街坊都有差不多嘅經歷，‘’金鳳‘’確實係陪我們一起成長。早兩日收早， 約咗同事試下呢間係荃灣 中染大廈 8咪半商場 嘅‘’金鳳‘’一入到店內，裝修新淨，地方相當大，雖然我哋六點半鐘嚟到，差不多已滿座， 好彩早到一步， 唔使等位😁我們分別點一個牛柳餐及什扒餐， 紅湯白湯各一。先來一份熱騰騰嘅餐包同牛油，羅宋湯酸酸甜甜，裏面嘅雜菜都很足料，忌廉湯相對就淡了一些， 餐湯勝在夠熱，都幾好飲。傳統嘅牛型鐵板， 侍應倒上黑椒汁/洋蔥汁， 立即肉香撲鼻， 呢啲就係港式扒房嘅風味！鐵板牛柳餐配上黑椒汁， 我點了7成熟， 旁邊有小小燒焦嘅香味。 牛柳十分柔軟， 牛肉味好突出， 有兩塊厚厚嘅牛柳， 底下仲有翠玉瓜同薯條。 啱曬我呢啲食肉獸， 份量十足，大滿足！我朋友點了一個什扒餐配上洋蔥汁， 我梗係要試下味喇😃！巨型嘅大豬扒 (大過塊鐵板)， 雞翼，腸仔，火腿及小牛排，勁足料！洋蔥汁真係十分惹味， 同巨型嘅大豬扒好夾。我們兩個一面傾計， 慢慢享受兒時回憶嘅鐵板餐。當然係叫番杯餐茶

自從上次去完屯門店食之後一直都念念不忘⋯點知比我係荃灣行行下街見到佢既蹤影😆梗係即刻入去食多次啦😆.去既時候已經接近8點，人流唔算多會坐得比較舒服🫰🏻而且座位設計方面比屯門店更舒適～.有set當然就叫set🤣抵啲除左叫左特選晚餐～另外叫左個牛柳餐佢啲牛柳真係好好好好食！另外一定要加$2蒜蓉～食完返唔到轉頭😋.跟餐既羅宋湯，依舊超多料同好香濃既蕃茄味🙌🏻餐包熱辣辣夾埋牛油好好食🥹.另外頭盤既蟹子雜果沙律都好好味一啲都唔hea, 水果同蟹籽都好新鮮味道都夾👍🏻.牛柳餐 好juicy!! 七成熟岩岩好唔會過老天氣涼涼地叫黑椒汁就最岩😂食完成個人暖哂另外提多次一定一定要加$2 蒜蓉一齊食～成件事昇華哂😋😋好正.跟餐既帶子牛柳餐都好正不得不提個帶子好鮮甜👍🏻好可惜得兩粒完全唔夠候🥲.甜品～食芒果雪糕👍🏻.即使唔同分店都keep到一樣既水準👍🏻期待下次再食😋

金鳳茶餐廳成日聽老一輩既人講就講得多，自己就無試過🤣🤣🤣見依加愈開愈多就試下多年老字號既扒房啦😝😝😝今次係八咪半行完大型傢俬店見到金鳳大大間，燈光又光猛，座位都好闊落👍🏻👍🏻佈置都充滿住復古懷舊既味道👏🏻👏🏻夜晚就主打扒餐既，特別係牛扒，食肉獸不能錯過😝有肉眼，西冷，牛小排，T骨啦，好多款揀，另外又有雜扒滿足不同人士當然啦，除咗扒餐，亦有意粉焗飯揀每個餐都會跟餐湯同包，紅湯好足料帶有少少辣味，個包熱辣辣加埋牛油🧈一流今次試西冷，好鐘意呢種鐵板上，之後員工拎蒜蓉汁倒落去japjap聲既視覺享受😎肉味香濃，大大塊好滿足配菜絕對唔hea，好爽脆另一個係帶子卡邦利意粉🍝意粉好彈牙，汁好濃厚，帶子煎得金黃好好食😋

同老公去完旅行，終於轉左藍碼，第一時間緊係出去食飯啦，好掛住香港嘅美食呀，於是老公話帶我去間好出名既扒房鋸扒（金鳳）果然係出名，去到餐廳全場爆滿，要拎飛等位，終於有位啦，仲要有卡位坐真係好餐牌有好多唔同既扒餐，當我諗緊食乜嘢扒餐之際，見到圖片有些牛扒配格格薯塊，就即刻揀咗牛扒餐有餐湯、餐包、餐飲🫕🥯☕️餐湯有羅宋湯同忌廉湯，羅宋湯好好飲，而餐包會加熱好鬆軟美國安格斯肉眼扒餐$198（3成熟）牛扒上枱好靚，三成熟做得好好，好多餐廳一係太生一係太熟，而呢度老公話啱啱好，肉質好嫩滑美國德州頂級西冷餐$188（5成熟）牛扒切開好juicy，老公見到即刻話煎得好靚，亦都係煎得啱啱好，睇到5成同3成分別，肉味濃而且夠淋，加埋格格薯塊，正到咗叫餐飲，我又曳唔想飲熱飲，但係又唔可以飲凍野，於是我好唔好意思咁試吓叫凍奶茶走冰，想唔到真係得喎不得不讚呢度服務好好，會主動問要鐵板上定碟上，以百幾蚊有湯有餐包有飲品同好食，真係不愧為老字號，讚

今日同朋友去左荃灣Ikea睇下新屋裝修，睇完係附近既懷舊扒房鋸扒，佢地既特選晚餐性價比都幾高，有餐湯、沙律、主菜、甜品同餐飲，我同朋友一人一個唔洗爭餐湯揀左羅宋湯，好足料，酸酸地好開胃，頭盤係蟹籽雜果沙律，雜果都幾新鮮唔係罐頭貨色，上面加左脆卜卜既蟹籽又幾夾主菜係鑊仔牛扒拼北海道帶子，醬汁可以揀燒汁或者黑椒汁，我就揀左前者，黎得呢間懷舊扒房最吸引就係鐵板上鋸扒，牛扒好juicy，北海道帶子厚肉爽彈，估唔到金鳳既牛扒同帶子都咁出色最後甜品就揀左雲尼拿雪糕，超滿足既一餐

下午6點去不用等，以為無甘多人，食物應該會做的用心點，可惜強差人意一共叫了兩份牛排，一份牛柳，一份肉眼牛柳的份量還可以，反而性價比高。肉眼極唔抵死，面積是大，但薄的程度真的好似紙。再加上的鐵板都是凍得。第一次食就這種極差體驗，比花園餐廳和沙樂美的差好遠。

之前係度鋸過扒係正嘅。今次想試下個早餐 點知⋯⋯首先嚟咗個餐肉火腿 好咸⋯之後嚟左個麵一黎到係淋哂既 啲牛完成一啲口感都冇 林back back既 如果唔係附近得大快活大家樂M記我都唔會去食呢間⋯

早初見呢間餐廳個裝修靚，又見好似有啲名氣，於是入去試試佢，點知就伏到hihi。裝修環境又真係幾好既，服務態度都一般無特別。空間感都足夠既，加上夜晚更顯得有格調。平平地都差唔多2舊水都算正常，但重點係塊扒又硬又多根。屋企樓下啲茶記都好過佢，性價比低。總括然而，以收2舊幾既水平黎講呢，我唔太接受啲個質素。如果100蚊左右都ok，但如果咁計，我寧願揀椰林閣都唔會再食佢。同行朋友之後都無再一齊食呢一間的晚餐。

聽過金鳳呢個歷史悠久出名鋸扒餐廳好多年，但一直都未食過，出開南豐中心順便去試吓。裝修以紅色為主，懷舊感覺舒服， 見佢大大個霓虹燈1969， 先知佢原來已經超過50年歷史。鋸扒一定要鐵板上，鍾意佢落醬汁時吱吱聲蒸氣一擁而上嘅感覺。服務員建議另加$2生蒜會更加好味😋，果然將個扒昇華咗。鐵板餐已包牛油餐包及紅白西湯，凍飲唔需要另外加錢。我哋都揀咗忌廉湯，服務員好快就送上好有效率。雖然粟米粒得幾粒，但白色忌廉好細滑，味道幾唔錯。焗熱咗嘅餐包搽上牛油亦非常好味。大蝦牛扒餐 ＄168 牛扒五成熟，切開時覺得佢都做到效果剛剛好，嫩嫩粉紅色肉汁都Juicy ，加埋隻大蝦同薯菜份量都好大，蝦新鮮而且爽實👍美式雜扒餐 $127 份量之大同樣咁澎湃， 豬扒好大塊煎得夠香， 其餘都正常但腸仔較咸。整體而言， 鐵板餐價錢合理， 食物亦唔錯，有下次！

是日行完山後食餐勁！去咗好耐冇去過嘅金鳳。 叫咗一個是日晚餐，有餐湯， 餐包， 湯律同埋主菜。餐湯 - 羅宋湯， 味道太酸， 酸到有小小搶喉。餐包 - 普通冇特別。沙律 - 蟹子薯仔蔬果沙律， 份量夠大份， 味道不過不失。主菜 - 帶子拼牛扒黑椒汁 ， 帶子對比起早幾日前食oasis bar and grill 嗰間質素真係爭太遠， 又唔夠熱。 牛拼好普通， 冇咩味道， 黑椒汁味道唔飲黑椒汁。 是日晚餐價錢175， 呢個價錢咁嘅份量算係咁， 但質素就普通， 下次去返沙樂美算數！