金鳳大餐廳

營業中

休息中

今日想懷舊一吓去食零裝修號老字號選擇得一張紙揀，但牛種類太多唔識選擇餐湯叫左一紅一白試,羅宋湯好濃厚好多料,甜酸度適中有小小杰身飲落冇味精感覺,忌廉雞湯比較稀同淡味,飲唔到雞湯忌廉又唔感似飲緊溝左小小生粉嘅水咁,餐包好硬好乾唔新鮮黑椒西冷牛扒-我揀7成可能過熟肉質實同硬,西冷冇左條油邊冇左油甘香味,牛肉味唔夠黑椒汁教得唔錯什扒餐-牛扒好食過西冷夠鬆軟有肉味,豬扒死實冇肉汁,火腿厚厚好大塊,腸仔都唔掂肉質梅梅地總結-老舖零裝修但估唔到年青人服務都唔錯做野快靚正,味道可以但扒質數麻麻地,比較下花園反而好小小

垃圾食肆, 唔係做生意, 打電話問set lunch有咩餐, 係唔會理你聽唔聽得切講得勁快, 之後叫佢可唔可以講慢啲就cut線, 再打去就拎起放低呢啲係咩服務態度? 你一係就唔好做外賣生意喇, 咁咪冇人打電話嚟問囉!唔怪得響最煩忙嘅午市永遠都唔見到佢會坐滿客, 啲人差成咁, 最好快啲摺埋比第二間真係做生意嘅食肆做喇(PS: 已經係12點打去問, 唔係煩忙多客嘅時間佢地都係咁嘅態度, 平時外賣又唔係做得快又成日比漏嘢, 12點半1點呢啲時間都係得一半客係有原因架)啲餐紅湯就時可以接受, 時係飲水咁嘢食成日俾錯俾漏收錢又一時46一時48 (一樣係叫熱0水, 同一個月內可以收46, 之後48, 以為加價但下次又46)最差最差係啲人, 真係勁差

又係番工好攰，屋企人話出街食飯嘅日子今次去銅鑼灣區嘅金鳳金鳳都係香港食平價扒數一數二出名嘅餐廳，其實細個嘅時候間唔中都有去食，係我印象中，一到食飯時間，就排曬長龍咁，但呢幾年去食，都唔洗排隊就有位，所以到底係他們差左啊，定係銅鑼灣而家有更多更好嘅選擇呢？講番d野食先，我今次叫左鐵板牛柳，期實我次次都係叫呢個牛柳，貪他夠淋，雖然知他一定唔係咩靚牛扒，但呢個味真係回憶中嘅味道，燒汁依然係咁好食，薯條依然係同燒汁係最夾

早前見FB 見到有POST 介紹過呢間餐廳已經心思思想試。果仔行過灣仔就唸住去博一博，心怕會勁多人排隊。好彩去度都係排左右10分鍾左右。餐廳正門為好舊式既木門，用黎影相打卡呃LIKE一流。但果日去咁間搭棚 ...叫左DINNER SET 包餐湯, 包 , 主菜同飲品我叫左紅湯, 入面好多蔬菜，好飲過平時出面D 茶記紅湯好多。個包似自己整唔似係"嘉X麵包" 拎貨。主角終於出場 - ''招牌牛柳餐''好厚啊舊牛排 又淋又多汁 下面既著條就算比汁浸住都唔淋身 勁正好後悔無比$3蚊加蒜汁 , 聞到格黎檯加蒜汁勁香 / . \ ...下次一定要加蒜汁， 

伏過伏明霞之香煎大西洋雪魚扒配他他汁，不可一不可再，向金鳳說不。來到時真的呆了，以為自己睇錯，係咪唔係我㗎，呢碟嘢衰過荔枝角工廈hea飯喎大佬。反俾1080我都唔會食

今晚在灣仔謝斐道的 金鳳大餐廳, 吃了傳統鐵板套餐,  感覺有點懷舊.  餐廳裝修較舊式,  但看來須要清潔打掃一下.  餐單食品選擇多.   有沙律餐, 鐵板扒套餐由 $92 ~ 120.  精選扒套餐 由 $124 ~190,  餐湯可轉酥皮湯  加$20.  價錢分列清晰, 很大眾化.我們 4 人, 點餐後, 店員立即送來餐包及餐湯.羅宋湯, 夠熱, 水準一般.忌廉湯, 口感 OK. 無甚驚喜.餐湯轉了酥皮湯  加$20, 酥皮很鬆脆, 湯也熱,  yummy !西冷牛扒餐  $100西冷牛扒好大件, 煎得好香, 咬一口, 牛扒肉質嫩滑, 又有肉汁, 厨師依要求煎至六成. 什菜配搭也及格.美國雪花扒  $120用鐵板上檯, 店員會替我們鐵板餐加熱醬汁, 好細心.牛扒大大塊,  加了蒜茸  $3,  好香,  牛扒肉嫰.   牛味濃,  配菜也很好.羊鞍扒餐   $112有三塊, 無羊騷味, 可口.黑毛豬鞍扒餐  $167配薯條, 青瓜蕃茄, 賣相不錯.    黑毛豬鞍扒肉質優, 調味不錯.我們也點了傳統的檸檬茶作完結.整体食物質素沒有太大驚喜, 價錢大眾化. 適合年青人.  有加

今日約左朋友係銅鑼灣行街買野，我又無咩心水食咩，朋友問有冇興趣去金鳳鋸扒，講真我未去過依間餐廳，咪抱住試下心態去食囉，去到餐廳門口，覺得間餐廳隱蔽，入到去見到裝修好舊式餐廳，樓底好高，感覺好舒服，座位係籐椅， 環境都算不錯。跟住睇餐牌，都幾多扒款可以揀，例如牛柳，雪花牛扒，西冷，雞扒，豬扒，羊扒等等...跟住我就緊係望下人地食咩先啦我見d人都係叫西冷牛排，所以我地兩個都叫西冷牛扒，跟住先黎餐湯及包，都好味的，正餐黎啦，一放低係枱，我覺得板牛扒好大好正，結果食曬好飽食完再叫餐飲，埋單1百蚊度，一句抵食

😄😄😄😄😄😄呢排好想食羊，突登再去金鳳食平平地既扒餐，90後的回憶，環境十分舊，很有味道。🙂 🍴🍴🍴🍽今次叫左一份羊扒同肉眼扒，如果男仔食羊扒記得加錢叫個飯，唔係會唔夠飽.......肉眼扒就好大份，又夠林，普通女仔一定食唔哂。🍷🍺🥛🍼杯野飲都係咁細杯，要大少少就要加錢嗱~~~~~~~其實味道就麻麻，不過食到以前嗰浸徐，都有啲回憶味一分錢一分貨，銅鑼灣食飯算好平。💸💸💸💸💸💸

哈～差不多一個月黎食一次今次叫左安格斯牛扒，可以簡有蒜同冇蒜，我最鐘意次次都比超多蒜，滿滿一層放係面，2款汁可以選燒汁同黑椒汁，我喜歡黑椒汁，每次黎食都唔會失望牛扒超好味，咬落去唔會痴根😂好有牛味，旁邊仲有薯菜，薯條係粗薯但比汁淋到有d淋今次加錢轉飲酥皮湯，好脆，鐘意慢慢一啖一啖連湯飲，我哥比較鐘意成塊浸哂落湯到仲叫左鴨肝，每次哥哥黎都一定會叫，唔知咩咁吸引，手掌咁大執，食完一塊都滯哂，連麵包可能先會食一塊，下月帶爸媽黎食先

假期真係好易slip咗午餐，第一餐食咗松露蛋卷之後就到晚餐，早食唔駛等位，鋸扒好處就係可以一餐頂兩餐，6點前食少人d，質素都好d，食物仲嚟得好快，個湯都未飲完個扒就上咗，哈哈！美國雪花牛扒 $119一直食開西冷或蘇格蘭，但其實越嚟越覺得唔好味，因為醃味太勁喇，醬油味重到食唔到牛味架，所以今次決定叫最貴既扒試下，果然真係唔同ｄ，同樣叫6成熟，但起碼一d都唔鞋唔靭，某d部位仲有入口即溶感覺，又可能係雪花牛關係啦，總之就有別於一般扒，大家不妨一試。

BF竟然話未食過金鳳,今日就帶佢黎見識下,哈!星期五夜晚7點幾竟然唔洗排隊就有位,太好了! 每叫一份扒餐都送餐湯、餐包，有羅宋素湯、忌廉雞粒湯，我就一定飲羅宋湯，好飲健康d，湯超足料。貪心既我就必食什扒餐,咩都有,唔知係咪今日無雞扒,比左2塊超厚牛扒1塊豬扒,1條腸,1塊火腿扒,仲有薯條薯菜BF就叫左西冷扒,超級大塊,大過個鐵板,好香牛肉味仲有餐飲可以叫都係奶茶、咖啡，檸茶檸水但送既就係細杯，可以加$5做大杯已經約左下次同埋屋企人黎食嚕

燒牛肉沙律，牛肉乾到咬唔開，得個咸字，賣相差，價錢完全唔值！餵狗隻狗都應該唔會點食個湯....跟餐加20蚊，諗住會好味，點知，希liu liu 同罐頭湯冇分別，淡而無味。

跟同事原本想吃上海菜，沒料到行到店舖才知道上海菜已關門，於是大家繼續行，來到一間門面很殘舊的店 - 金鳳餐廳若不是有同事帶來，我都不知道這是一間餐廳啊=P店內沒什麼裝修，但看得出很久以前，這裡一定是高級餐廳呢!衛生環境一般，但舊式風味十足午餐價錢好實惠啊!(侍應還說凍熱飲一樣價錢，建議我們要凍飲)餐湯有紅湯白湯，我當然選紅湯啦，因為舊式西餐廳的紅湯最夠料又最夠辣，而最後果然不負所望，超正!舊式餐廳才有的餐包，點湯吃好好味!我點了A餐要意粉，我喜歡多汁，這樣意粉才夠味!整體來說，這間餐廳有滿滿的花園餐廳感覺，讓我彷彿回到學生年代呢!而且以位置來說，這間算是很划算的午餐了!

只聽說過金鳳大餐廳係開咗好耐嘅老店！從來都未有去過試下所以感受唔到別人口中所說嘅老，今日有剛好路過，一去先體會到估唔到真係咁進去吃個傳說中嘅抵食扒先，我所覺得嘅舊係因為有太多灰塵啦係天花頂，好可怕哎呀，裡面檯位比較多，所以大家迫埋一齊坐，人多多都幾熱鬧！如果心理想要乾淨過話可能要有啲心理準備餐前仲有一個麵包食嘅，還有搭埋忌廉湯我揀嘅係番茄味嘅忌廉湯點著啲麵包食，麵包暖笠笠軟口唔錯！就係個扒除了話呢個價有咁樣嘅份量真的夠抵吃，西冷牛扒只能說普通，又唔至於難吃！但下次可能體日子都唔會在金鳳吃西冷牛扒

係香港食嗰間咁多餐廳來講，金鳳大餐廳算係我食過最舊嘅一間餐廳！朋友帶我過嚟食抵食大份嘅牛扒，從外邊個門就可以見到金鳳大餐廳個舊，日日經過風吹雨打道門已經殘殘爛爛咁不過呢啲係老細故意要嘅特色啦。雖然係禮拜二但係都好多人朋友話唔係中午姐如果係中午坐到爆曬冇位坐咁濟，點嘅係西冷牛扒，原本係鐵板上的，朋友嚟食開知道原來可以另外叫用蝶裝的！比起坐在我隔離台位的用鐵板上嘅真係靚超多，哈哈😄份量真係大狗配燒汁，尼個價錢算抵吃，好吃就要保留少少都OK唔算難吃