金鳳大餐廳 (新都城中心三期)

營業中

休息中

間唔中就想食吓金鳳，見將軍澳寶林開咗間新店，呢日順路入去幫襯下，尋找一下童年回憶。餐廳環境裝修比老店新穎， 餐牌同以前有少少唔同，多咗啲貴價少少嘅美國牛選擇。一場去到，揀咗個美國牛小排套餐加一個皇牌焗豬扒飯。扒餐加咗蒜蓉，真係好食好多，呢$2唔慳得。美國牛小排餐（$198）叫7成熟，但食落肉質好鮮嫩，一啲都唔韌。特別係牛小排個牛味好濃郁，加埋嗰蒜蓉汁同埋蒜蓉，真係一絕。皇牌焗豬扒飯（$75）- 焗飯熱辣辣，面頭仲有厚厚嘅芝士，焗得好香。豬扒厚切，入口好美味。另外要讚下，食到最尾個焗飯仍然係熱嘅。餐湯同餐包依舊好味，羅宋湯少少甜少少酸，加埋個熱辣辣嘅餐包，絕對經典。另外仲有啲好有特色嘅飲品，包括黑牛、白牛、紅牛同埋金牛。因為食完個扒已經好飽，所以只係簡單叫咗杯熱檸水同凍朱古力。

今晚同男朋友去新都城搵食，原來呢度好多選擇，真係攪到我心大心細，結果見到間好搶眼的餐廳。紅色光管招牌的確好搶眼，馬上吸引到我注目。門面和內裏都好新淨，原來係新開張無幾耐的老字號餐廳。地方幾大，座位好多，有兩至四人枱，仲有唔少卡位，坐得舒服。老字號果然唔同，門口已有不少人排隊等位…..主力是扒類，有多款選擇，仲有沙律、湯、小食、海鮮、意粉、飯和特選套餐。我地要一份扒餐和沙律餐，先上餐包和餐湯，快！餐包暖暖地，非常軟熟，夾啲鹹香嘅牛油，簡單好味。餐湯揀了招牌羅宋湯，好多雜菜，好足料！味道酸咪咪，好開胃，仲夠晒熱，正！的確係招牌。男朋友要肉肉肉，揀了一分美國德州頂級西冷餐($192+$2加生加蒜茸），要鐵板上和五成熟。除咗有塊大西冷外，扒下仲有不少薯格和翠肉瓜，份量足！西冷面舖上蒜茸、再即時淋上黑椒汁，喳喳聲兼煙霧彌漫，係食扒最興奮的時刻。切開西冷，內肉見粉紅，好腍嫩，牛味好濃，點埋蒜茸和黑椒汁，好夾！薯格索咗黑椒汁，好入味，正！我就揀份燒豬髀沙律（$92）加$25轉成套餐，包餐湯、餐包和飲品。嘩！份量幾足，有好多雜沙律菜，好新鮮清爽，加咗啲酸咪咪的醋汁，好fresh！豬髀燒得金黃，靚！一啲

港式傳統連鎖扒房🥩大大份鐵扒餐😋平時同豬仔拍拖經過新都城商場地下，都會見到好多人排緊隊，今日我哋一月試吓呢間咁多人排隊嘅扒房，睇吓佢有啲咩獨特之處！餐廳招牌寫住1969，證明餐廳歷史悠久，夠晒經典！餐廳用紅白二式為主題設計，俾人一種懷舊嘅感覺🥰店員服務好好，好細心👍🏻✨餐湯及餐包羅宋湯真材實料，有好多蔬菜，蕃茄味好香濃，微辣口感，好開胃好惹味！忌廉湯有粟米粒及洋蔥粒，濃稠度適中餐包溫度暖暖的，配上牛油😋好好味✨美國德州頂級西冷餐 $192大大份既扒餐，有黑椒汁同蒜蓉汁兩種俾我地選擇，鐵扒好夠熱，一淋上汁就滋滋作響🔥西冷牛扒肉味好濃🐮五成熟啱啱好，好易切開🤗大大塊！底下仲有薯格同翠玉瓜😋配上蒜蓉汁好香好好味🤤豬仔好鍾意哩度既西冷🥩✨招牌牛柳餐 $138牛柳兩大塊，好厚身，配上港式扭扭粗薯條同翠玉瓜，風味十足🤗五成熟啱啱好，肉質超嫩滑，充滿肉汁😋蒜蓉味好香好濃，份量好足好飽肚👍🏻豬女比較喜歡吃牛柳，大家有興趣去試吓😆✨雪糕紅荳冰 （跟餐+$18）一大球雲呢拿味雪糕，配上紅荳冰，夠曬吸引，奶味香濃，紅荳甜度適中✨朱古力（跟餐免費）整體嚟講質素有保證，鐵板夠曬熱，肉質唔錯🤗而且分量夠曬大，大家

見到家附近開了這間新餐廳，所以打算星期三晚和老公去食好耐冇食過嘅鐵板牛扒。夜晚應該較容易入座，不過我要等了差不多1小時才能入座，而且不斷有人排隊入餐廳進食，意外的是餐廳裏面有不少老人家與他們的家人一起進餐。招牌牛柳肉質鮮嫩，厚切的感覺確是不錯，比起附近某間冰室的鐵板質素更高（這個牛柳可以encore! 😋)！最重要的是飲品！這兒能夠品嚐兒時的味道——黑牛、紅牛、金牛和白牛都有，真的不錯！😋 今晚我們點了很久沒有喝的金牛，正！我們看見鄰桌的食客點了小食拼盤，看似很吸引，所以我們也嚐嚐，整體確是頗大份，個人覺得適合一班朋友一起聚會時邊「吹水」邊分享。可能是開業不久的關係，原本想點酥皮湯，但店員說他們訂了的焗碗還沒有到貨，估計在不同限制下未必完全發揮到最佳的狀態。

今日仍是試業期就去食了晚餐等了約一小時位還好沒有失望仍然是當年的港式鐵板餐餐包同樣又熱又軟熟紅湯味道仍然好好味牛柳+蒜汁+呢度先有嘅蒜茸好味飲品就比想當年大杯好多食返以前的味道，帶來好多回憶。回憶同情懷 為食物加了不少分同老公開心的一餐

這間以金鳳為品牌既港式扒房餐廳已經慢慢轉型為連鎖店，賣點自是港式扒餐。 新店開張去試一下午餐，運作尚算良好，出餐速度正常，可滿足輪候的人流。一行人點了午市套餐，先上的湯和麵包味道正常，但跟來的牛油一打開已化為一灘水，要再取一個新的。一口牛腩頗入味，鑊仔牛扒沒有用鑊仔上菜，味道是一如所料的梳打粉牛扒味道。 芝士肉醬意粉份量十足。 飲品凍飲不用加錢，凍朱古力和凍咖啡味道較淡。 總的來說新餐廳雖然餐點驚喜不大，但價格合理，尚算有競爭力，如多出新款式，應可吸引食客回頭。

見到新都城三期新開金鳯當然馬上去試吓，舖頭非常易搵，寶琳地鐵站出口過對面馬路向右邊望就會見到。由於今日剛剛試業，地方一定係乾淨企理，服務態度都算唔錯。食物方面當然冇大問題，梳打粉西冷完全就似肉眼咁腍，完全保持到水準😅雜扒餐就份量足大大塊，基本上食回憶完全合格，地方乾淨，鉄板夠熱，大大塊扒，仲想點？收貨啦！