金馬餐廳 (已結業)

一直都有幫襯, 貪佢夜夜都營業, 又比附近翠華平, 但近期再去吃... 西式唔錯仍保持... 但中式小菜就嚇親我...話說有晚叫左個"干蔥豆c 雞" ... 以往都有吃... 覺得好味有水準, 但個次真係一睇就知亂來...d 雞竟然係...... 貴妃雞/白切雞個d雞斬件去炒... 而且一粒豆c都無.. 主要係青紅椒+干蔥+雜菇<--- 我真係未見過豆c雞呢味菜係落雜菇囉....當然不其然要問staff ... 第1個撐話轉左個廚... 呢個係正宗(頂~豆c雞都有正宗乎??) ...第2個件我望著碟野又黎問我(因我都係常客所以他來吹2句水) ... 就話呢d 係"鮮雞"... 以前個d 係用雞亦煮呢個好味d =.= ....但真係當我lu lu ... 熟左既雞斬黎再煮同新鮮斬完去炒根本個tissus 係完全唔同.... 近來我再去已唔敢再叫中菜... 多數叫咖哩雞or 西式算了.... 唉.... 估唔到金馬係旺角個時咁有質素... 黎到呢度...變得咁差.... 真係唔重開好過...

對上一次入此餐廳用膳已經有幾個月了..此餐廳一路俾我既感覺都係以西式為主.突然有一次係朋友家作客, 食到一d味道不錯的中式小菜(有椒鹽豬排,黃金蝦-->呢個一定要食, 實在太好味!令人回味!我平時唔食蛋黃炒既野都食到引唔到口!!!其他就唔係好記得=p)原來是出自這間餐廳, 所以便去嘗一嘗其他的小菜.今次一行三人, 試左個芫茜皮蛋魚片湯,用竹筒盛住幾得意,味道清清地,不錯.又點了個涼瓜炆倉魚,涼瓜我向來不吃所以無食到, 倉魚則入味且滑溜. 還有那個叫什麼冰莓骨, 味道濃郁, 酸酸甜甜, 送飯當真一流.最後,還是忍不住叫多一個鐵板, 龍利拼西冷, 抵食夾大件!!!金馬的鐵板, 我差不多每次都會食, 因為肉質唔似有d會被soda粉拿到無口感.之前聽朋友講有個叫什麼肉醬煎蛋飯好好味, 不過而家無左無得試,希望佢快d出番啦.總結, 我覺得以這個大眾化既價錢, 有咁既質素, 真係值得食!

食物普通, 價錢不算平, 但見每一客都等得不耐煩. 餐廳又唔係滿座, 一個鰻魚飯都等成45分鐘!!!!!!!前幾個月去過一次, 話個廚師新, 焗飯又話耐d. 今次無藉口了吧.唔係大把時間都唔好去. 我就一定唔會再去.

行過見呢間嘢比較「四正」，又有位，兼且係sofa位，就入去食個午餐。Set lunch包湯同餐飲，$28個，就要了「鮑片海鮮炒飯」同「葡汁焗雞扒飯」。餐湯選擇了紅湯同中湯，都ok。炒飯轉頭即到，唔係好熱，似係一早炒定，料亦冇乜，只屬一般。焗飯就好好多，葡汁整得好味，雞扒唔少，肉亦滑，而且唔算好「漏」。至於咖啡同奶茶都有水準。埋單時收銀阿姐重送咗枝原子筆俾我，想唔俾笑面都唔得啦。

14/6(三) 11am今早到QE check-up,之前先與男友吃早餐,時間有限唯有於茶餐廳解決.此店算是此區最好坐的一家茶記!格局比一般茶記乾淨,舒適,裝潢以白木色為主調,淺泥色牆壁掛上壁畫,近水吧位置吊了些木製品,感覺似cafe多點!Plasma亦當然是不可缺少!點了吉列龍柳拼鮮奶炒蛋餐$21(跟凍檸茶+$2),冰鎮超巨型菠蘿包餐$12(跟熱奶茶)吉列龍柳拼鮮奶炒蛋跟吞拿魚小牛角包---賣相不俗!龍柳大大塊,炸得香脆不油膩,外脆內嫩!鮮奶炒蛋則極其普通!不滑不香!吞拿魚小牛角包亦是不甚了了!冰鎮超巨型菠蘿包---菠蘿包時我倆被嚇呆了!體積是一般菠蘿包的4倍!所謂冰鎮,是內裏夾了2塊鮮牛油,牛油香欠奉!菠蘿包其實是名副其實的"好睇吾好食"!包身偏硬身!檸茶不澀不過甜,奶茶奶味偏重.服務只屬一般質素.$35為其環境及價錢,可一試!

我最想講. 間野既扖餐係下午出得好慢..但一到左晚上就好快唔知點解..但下午同埋晚上出既野係有好大分別..係晚上出既扖餐係絕對得可能係太過忙先係咁啦..{我食過最快餐扖餐要需要等要分鐘就有得食最慢都5分鐘幾好幾好}以上既說係係指晚上出扖餐的時間既速度

前排行過佐敦見到有間新茶餐廳，個門口裝修得幾靚所以試下。餐牌上都係一般茶餐廳會有既食物，見到呢雙拼扒餐都係$39，個配汁都幾特別︰南瓜黑椒汁、日式照燒汁等。最後都揀左牛扒、豬扒、雞扒同魚柳跟意粉。難得茶餐廳係用鐵板上，有意粉分開上之餘個鐵板有好多薯條，都炸得幾香脆。雖然話係南瓜黑椒汁，但係除左黑椒味之外，一d南瓜味都冇。個日式照燒汁其實係一般燒汁，冇乜日本風味喎。全個餐有湯(冇餐飽!)加飲品都係$39，算係抵啦。仲有成間舖冇一個位置係睇唔到電視既，你想靜下都難。

間野仲係旺角o個時已經成日想試,但係到執左都未有機會,難得o係喱度開番,當然唔會再錯失機會啦!叫個鐵板餐,鑊仔牛柳加雞扒跟飯,個餐特別o既地方係,雖然話左跟飯,但o係個鐵板仍然有好多薯條.飯就分開碟上,好處係D飯唔會吸得太多汁,唔好處係D飯好快凍晒.味道方面,牛柳表面有小小焦,但肉質仍然好有彈性,有肉汁,口感十足.雞扒就硬左D,可能煎得太熟,又或者係肉質問題,但都可以接受.跟餐只有餐湯及飲品,但係叫檸賓喱類特飲都唔使加錢,幾好.只係$38,又一超值之選.

我聽朋友講最近佐敦開左間餐廳....今日收工我咪去試下羅...我一入到去覺得地方都幾大ga~但係就光猛左d 似間茶餐廳多d~入面d野食又真係幾好食ga....由其是個雪魚腩荷葉飯都幾好食...但係就飯少左d!!!.-_-""!!!~~但係杯奶茶都ok ga~o/不過最唔滿意就係d侍應...叫佢又唔應~應你又唔記得~記得又羅錯野比你~個個樣都一個樣~-_-目口目面.........-.-不過有樣野就最快~~埋單羅~!!!!!!!!!

我第一次去金馬食, 以為老字號, 應該有信心保證. 點知我叫左個咖喱牛腩(用大麵包裝住)飯, 我朋友叫左個牛肉荷葉飯. 先講個咖喱, 一D味都無, 食到一半已經唔想食, 至於個大麵包, 就被D咖喱整到林晒, 所以都費事食.而個牛肉荷葉飯, D牛肉被梳打粉嚴重咁"醃", 個質地勁差, 食左一舊都唔想再食.唔使講, 食物質素差成咁, 價錢又偏貴,唔使旨意再去

今晚剛去完試下新重開既左敦金馬餐廳....放工去到都差不多9:00pm , 唔爆, 仲有卡位, 燈光比以前光很多, 但卻無了以往情侶餐廳的feel , 只可算係一間有扒食的茶餐廳.2人叫了2個鐵板晚餐, 鐵板西冷牛扒配南瓜黑椒汁, 蒜香耙虎蝦拼龍利柳配蒜香茄子汁, 可跟飯或意粉.... 但竟無得跟薯菜... 失敗~餐跟2個湯, 我們要了紅湯, 但上台時真是極度失望, 溝水溝得好緊要... 好差,而且更只是暖的, 湯有片蒜容包, 但吃時感覺只係吃餅乾般, 口感非常差. 但個餐湯真係衰過d cheap cheap 茶餐廳, 但見隔離台的白湯就看似很燙而且濃郁d...(唔通紅湯太好賣, 唔夠貨溝稀d頂埋今晚???)主菜上場喇... 2份鐵板只能算一般, 所謂的虎蝦拼龍利魚, 隻蝦不太新鮮, 有點霉... 又一失望....~___~ , 反而幾欣賞它的汁, 南瓜黑椒汁, 蒜香茄子汁, D 配料幾足...最後.... 叫了2杯凍飲.... 凍奶茶, 凍"兒童鴛鴦" <------- 呢個夠攪野....第1次聽.............. 大家估下係咩溝咩喇... XXXXD回到家....