金飯館

營業中

休息中

牛頭角近觀塘附近一直都有好多平民美食，好似之前介紹過嘅餃子同糖水，最近除咗一眾茶記之外留意到開咗一間新店，主題竟然係「飯」🍚，真係有啲估佢唔到。餐廳內籠雖然唔大，但都幾燈火通明。💚 蜜汁雞翼（3隻）即叫即整嘅蜜汁雞翼，皮焗到好脆之餘蜜汁都好甜好香，雞翼亦多汁唔乾身！💚 招牌蝦頭油炒飯呢間餐廳有個賣點就係佢哋嘅招牌炒飯，最經典就係呢款蝦頭油炒飯，坊間少見，即叫即炒好有鑊氣，而且仲超足料！配料有蝦仁、大蝦、蠔仔、魚肉，配合蝦頭油炒更加帶出海鮮鮮味，表面再加上大量嘅櫻花蝦，另外店員仲會俾一兜仔辣菜餔，口感同味道一流。再一讚就係炒飯都非常乾身，唔油膩同埋鹹度適中。💚 招牌脆皮牛腩飯（配金沙汁）邊個會估到原來牛腩係可以炸嘅？牛腩條加上一層薄炸漿，令到本身濃味嘅牛腩加多咗一個層次，配埋鹹蛋金沙汁餸飯一流！另外一提係呢度雖然係小店，但店員服務的確幾好，落單埋單好有禮貌🌟味道: 🌕🌕🌕🌕🌑服務: 🌕🌕🌕🌕🌕環境: 🌕🌕🌕🌗🌑價錢: 🌕🌕🌕🌕🌑－－－－－－－－－－－－📍金飯館牛頭角牛頭角道323號地下J號舖－－－－－－－－－－－－#tiufufoodie在牛頭角 #hkfood #hkfoodie #h

牛頭角有間金飯館。約咗個住附近嘅朋友食飯，佢話呢度嘅炒飯好食。今日一於試試。嗌左美極安格斯炒飯同招牌蝦頭油炒飯。叫得金飯館，d炒飯果然有番咁上下。炒飯粒粒分明，鑊氣十足。美極安格斯炒飯牛腍身，有少少肥膏，牛味香濃。招牌蝦頭油炒飯除左蝦，原來重有蠔同帶子！😍蠔好肥美，入口即溶唔鯹👍🏻蝦開邊，已預先清理曬腸臟，食得放心又暢快。炒飯用左蝦頭油醬炒，加上櫻花蝦，好香口。嗌左兩款小食：青瓜同雞翼。青瓜可以揀麻辣或醋香。我同朋友唔多食辣就揀左醋香。青瓜爽脆。雞翼有椒鹽味同蜜汁味兩種口味選擇。想食香口d就揀左椒鹽味。隻隻大大隻，皮脆肉嫩，入口好香蒜香，辣椒嘅辣味恰到好處，好惹味！😋嗌埋杯野飲——凍手攪檸檬茶。最特別又細心位係佢張點餐紙有格仔比你剔少甜/走甜/少冰/多冰，有白紙黑字寫低，保證整出嚟嘅檸檬茶合乎晒你嘅要求呀！我嗌咗少甜。果然甜度剛好，茶香又濃。

蛋炒飯呢家野，唔容易做得好。米煮冇飯之後，每粒飯要吹返乾身，落鑊先至容易粒粒粘到蛋漿。要每粒都粘到蛋漿，先可以做到每粒有蛋香同埋微焦味。要微焦味，爐火不能太猛。爐火不夠猛，又唔容易打散飯團，同埋俾啲飯粒上油。上唔到油，粒飯就容易粘鑊變燶。簡單嚟講，我望周圍枱，人人都有叫炒飯，碟碟都做到粒粒乾身帶色⋯ 廚房個師傅係得嘅 👍🏼不過整體碟炒飯口味比較偏重，廚師為追求每啖飯都有豐富口感，落咗好多不同質地的配料⋯ 呢啲食法並唔係我杯茶，所以只能比四星。

o係YM2 附近覓個食，俾呢間地鋪櫥窗o既公仔吸引o左~ 中式飯館一直俾人o既印象都係可能比較傳統、樸實一d，但佢就用上大大隻卡通公仔招徠，甚有朝氣活力。店員亦都對客人非常之有禮貌，連有個阿姐淨係入o黎攞張外賣紙都多謝前多謝後o架！招牌蝦頭油炒飯($73) 無疑係餐廳o既重點推介，實物超足料，先有三隻大蝦，卷成蝦球狀，睇見都晒流口水，食落爽口味濃，未計飯裡面尚有唔少較細o既蝦仁。除o左蝦之外，仲有其他海鮮，蠔仔肥美，滑o都o都的，加埋元貝粒同掰開o左o既細魚肉，俾咁多餸我餐廳會唔會蝕本o架……！﹖蝦頭油盡得蝦頭蝦膏o既精華，加落加o左蛋、炒至黃色o既米飯，再瀋上多多蝦米，是香的。作為炒飯，佢都唔算好油膩、熱氣o個隻感覺。隨飯附有一兜菜脯，落埋就會多一點鹹香。另外叫o左一份3 隻小食雞翼($25/3隻，$35/5 隻)，有兩隻口味，試o左蜜汁。呢個幾驚喜，濃甜o既蜜汁，瀋o左芝麻同黑椒去燒，所以會甜中帶辣。更重要o既係o個層皮，咬落去有少少似齋燒鵝o個個口感同味道，非常可口！下面鋪o左椰菜，吸滿d 汁，當然係要食埋。個炒飯可加錢跟餐飲，只有最common o既飲品可以揀，選擇唔多。檸檬茶

今日落好大雨放左工又買唔到餸，就係屋企附近搵食，叫咪屋企人出黎食。比我地搵到呢間餐廳，店面唔算好大，裝修都可以，服務員熱情既招待好快就坐底左。首先我地叫左個小食，雲耳醋香味，酸酸地十分開胃，前菜最適合。食完胃口大開。跟住試咪個雞翼椒鹽味，十分香脆可口，外脆內軟，味道岩岩好，肉汁鎖住係入面，一啲都唔會乾。火候啱啱好，廚師真係要好多功力先做到咁好味。主食方便我地選左芋頭臘味炒飯，呢個真係好有驚喜，炒飯炒到粒粒米金香，真係世界級值得一試。呢款係我既最愛，真係好好味。跟住再追加一個xo 牆海皇炒飯，呢個海鮮非常豐富，有咪蠔仔係入面，呢個就水份多啲，味道都唔錯，屋企人都好鐘意。最後多謝賴先生既熱情招待，服務一流，美食色香味俱全。

中秋節請多左幾日假, 就約個fd去觀塘海濱睇巨月, 諗住今日小人啲，點知竟然變咗山根。既然冇得睇就去醫肚,個fd 係觀塘返工, 熟哂路, 帶我去左間小店-金飯館。一入去, 已經有職員招呼我地,仲好nice咁介紹招牌菜。原來小店係間炒飯專門店，唔怪得叫金飯館。既然係咁就一定要試下, 所以叫咗龍躉球飯加炒飯底(金沙汁)。個飯一嚟到已經見到份量十足同炒得好均勻，而且乾身香口, 真係金飯! 另外, 唔好以為小店處理龍躉會唔夠火候，呢個飯嘅龍躉絕對拍得住其他酒家。除咗火候控制得宜, 無過熟外, 肉質十分彈牙, 食得出嘅新鮮。問返老闆，佢話係即日來貨嘅深海龍躉，唔怪得又鮮又厚肉👍🏻👍🏻👍🏻以呢個價錢嚟講真係超級抵食。而跟餐金沙汁都好好味, 唔會太濃搶走左飯餸嘅味道, 但又食到咸蛋香, 仲一啲都唔膩。個fd 就試招牌脆皮牛腩飯(咖哩汁), 牛腩係近乎坑腩嘅質素，肥瘦均勻，牛肉味相當濃郁。而外層脆皮亦做到爽脆嘅效果, 值得一讚, 配埋咖喱汁食，簡直係最佳拍檔。我地兩個見隔離枱啲小食好香又加多個椒鹽雞翼同醋香青瓜🤣個雞翼真係正，隻隻脹卜卜，又炒得夠鑊氣, 好惹味! 青瓜有醋香又爽口, 食落口感清新, 岩

昨天第一次食黑松露帶子抄飯，得二小角帶子同二隻细蝦，其他全部魚肉，我問佢大部分魚，佢話有鱼，咁你唔寫埋，又唔好食，我又唔食魚，68蚊自己抄仲好過佢超唔足料！初頭咁少料！勁差，遲下得飯？好心啦收68蚊就比返足料d!收28蚊就差唔多！

牛頭角道食店林立開心星期五行經牛頭角道發現新開店的金飯館帶同兩老覓食中餐就最適合不過今次點選兩款小食兩個炒飯份量十足大家都是雞翼控二話不說選了蜜糖雞翼雞翼每隻都很肥美雞翼面加上白芝麻 令味道更加香口甜甜的 小朋友一定喜歡另一款小食是醋香雲耳本身以為是酸酸的但回湧出麻辣 為舌頭帶來新刺激😂話明是炒飯專門店必定要試的係這店的炒飯古語有云：粒粒皆辛苦正所謂粒粒皆辛苦 一定要炒到粒粒皆分明先對得住農夫對得住一粒白飯這店炒飯完全做到粒粒分明鑊氣香 氣香味俱全招牌蝦頭抽炒飯必試除了有鮮蝦 亦有櫻花蝦 拌勻香口蛋香味豐富小妹很愛黑松露見到有黑松露帶子炒飯不需思考就決定了直接下單黑松露味濃米飯同樣是粒粒鮮明加上香蔥很香口不得不提炒飯附送菜脯干拌勻飯中更具風味下次經過會再試的

好耐冇落觀塘，已經變了好多， 好多舊店舖已經沒有了，由觀塘行去牛頭角一带都好多野食。經過見到一間都幾新食店，好似主打炒飯、泡飯，所以入去幫襯吓，入到店舖已經聞到好香炒飯味😋落單纸唔算太多選擇，我地點了XO醬海鮮炒飯好有鑊氣，米飯炒到好乾身，粒粒分明😋黃金海皇泡飯用南瓜湯底好鮮甜，但可惜配餸唔多，有蝦、带子、菇類(份量好少)椒鹽雞翼有5隻，味道都夠🌶吃落好香口好惹味😋凍檸茶茶底比較淡，一般般炒飯幾好，可以再來試！

行至牛頭角道發現有間「金飯碗」餐廳，餐廳乾淨舒適，主打米飯🍚：有炒飯、泡飯，有小食。餐牌最吸引係醬汁，除左常見嘅黑椒汁、咖哩汁、茄汁，仲有金沙汁，唸著試下呢個汁，嗌佐龍躉球飯，飯上鋪滿龍躉片，件件厚肉，魚皮膠質極重，啖啖肉，好有彈性。用鹹蛋黃整成金沙汁口感綿密，魚肉沾滿金沙汁，濃郁嘅鹹蛋黃味讓人慾罷不能。椒鹽雞翼：件件大隻，雞翼炸至金黃色香口酥脆，蒜粒、椒鹽邪惡惹味，濃味雞翼齒頰留香！ 麻辣青瓜：青瓜清甜爽脆，辣辣哋好醒胃。凍檸茶酸酸甜甜好啱我口味，唔會澀。服務態度都好好👍下次經過呢度我都會再來幫襯

正當諗緊食咩嘅時候，俾呢間門口嘅Be@rbrick 吸引住，停底望吓間食店，原來係一間食炒飯嘅專門店，之前都未曾見過呢類食店，覺得幾有新意，懷住試新嘢嘅心態就入去喇！菜單填紙唔複雜，店員亦好nice逐一介紹，我哋一行四人點咗龍躉球飯、招牌脆皮牛腩飯、美國安格斯炒飯、椒鹽雞翼、麻辣青瓜同埋手攪凍檸檬茶。先講龍躉球飯，平時只有喺酒樓晚宴先食到嘅龍躉冇諗過係呢一類小型食店都可以食到。龍躉肥大夠鮮又多肉汁，絕對係超水準嘅龍躉斑球！招牌脆皮牛腩飯都好正，脆皮牛腩個脆皮厚薄啱啱好，脆卜卜，食落口一啲都唔油膩 ,牛腩夠冧，肥瘦適中，外脆內軟口感冇得輸，個人鍾意配黑椒汁，夠野味！食店飯類全部可以改炒飯底，識食一定食炒飯底，炒飯好乾身，原全唔覺油，粒粒飯有咬口，炒飯唔喊，因為仲可以配金沙汁、黑椒汁、咖喱汁同茄汁四款選擇！美國安格斯炒飯，平時要食菜嘅我見到炒飯加埋生菜落去炒，絕對加分👍🏻安格斯牛肉粒牛味好重，所以冇加任何配汁食佢原汁原味已經好ok!仲試咗椒鹽雞翼，雞翼大大隻夠肥美，仲有避風塘椒鹽風味，啲炸蒜必食！麻辣青瓜，辣味啱啱好。手攪檸檬茶夾咗檸檬同青檸，同平時茶記唔一樣！仲有好多嘢未試，下次要再返嚟

身邊總有一個人係飯桶，每一餐都要有啲飯落肚先得。唔好以為M佬係飯桶呀，真實嘅飯桶係A姐呀！今日接咗佢收工之後，諗住喺附近行吓，買啲餸再番屋企煮飯仔，點知我哋就經過呢期新開嘅金飯館，餐廳光猛乾淨，加上店員推介佢哋嘅出品，我哋就入去試試，等A姐唔駛番到屋企仲要辛苦煮飯啦！我哋嘅小食揀咗3款，分別有甜、有酸、有辣，非常開胃醒胃。蜜汁雞翼雞翼絕對係唔少人心目中嘅小食排行榜頭三位，呢度嘅雞翼有兩款口味，而我哋就揀咗蜜汁雞翼。雞翼大大隻又厚身，面頭充滿住蜜汁，好香甜好開胃！連雞肉都入晒味，好juicy，唔錯。酣香雲耳雲耳酸酸哋，好爽脆！麻辣青瓜青瓜勁多汁，帶有麻香，唔會太辣，麻味好有層次。招牌蝦頭油炒飯炒飯即叫即炒，好有鑊氣！入面嘅配料勁多，有蝦、蠔、帶子等等，真係餸多過飯呀！但我最欣賞嘅係炒飯唔會太鹹，每粒飯粒都充滿蝦頭油嘅香味，可以細味蝦頭油嘅原味道。招牌椒鹽半煎炸豬扒飯呢個椒鹽半煎炸豬扒飯真係不得了！份量超多，半煎炸嘅豬扒好香口，好juicy呀！但重點係上面佈滿大量椒鹽辣椒粒，非常香口，好好味呀！

經過牛頭角呢間放滿新張花籃既新店，比門口幾隻bearbrick吸引左入去～ 行到熱辣辣，坐低先點杯🥤手攪檸檬茶檸檬已經預先篤左，青檸+檸檬夠fresh，茶底唔苦澀！醋香雲耳$23分量幾多，酸酸地夏天最啱~ 薑蔥豬潤傳統既黄沙潤菜式唔係度度食得到，好味既背後原來花費好多功夫，先要徹底啤水清除肝臟血液，讓內層變得膨脹纖維鬆軟。配合豬潤切割技巧，咬落厚身爽滑冇血腥味，感覺水潤又夠Juicy，連少少薑葱絲食超正！龍躉班肉泡飯湯底色澤奶白，飲落充滿香濃豬骨鮮雞味，跟少少炸蒜葱粒，味道鮮甜！龍躉肉係即日新鮮採購，選取最厚身既部位，口感紮實唔易碎，鮮味十足。招牌蝦頭油炒飯米飯外層金黃油光適中，粒粒分明夠乾身。用料豐足，除左原隻大蝦碌之外，米飯入面仲伴隨好多蝦仁、乾蝦仔、蠔仔同貝柱粒，真材實料超乎想像，每啖飯都嘆到蛋花同蝦既配料，好滿足吖！

👧🏻😋👅🍽✨金飯館 (牛頭角道323號)-❤️牛頭角道近大師傅條街多茶記冰室係觀塘人都知, 最近開左間新野見佢裝修幾靚, 餐牌D野又幾有特色就同班朋友入去試下❤️勁好味喎又有梳化凳坐, 大家一定要去支持下有心食店!❤️聽到老闆聽完外賣電話叫廚房做野, 有啲好細微既要求都照顧到🥳 我地share食店員有主動俾碗仔我地好醒目-🦐🦪🍚招牌蝦頭油炒飯 $73✨第一次黎就試晒兩個招牌飯, 呢個炒飯都唔平成73蚊, 但係 勁 足 料 ! ✨就咁睇相都有6-7隻大蝦 (唔知實際幾多, 因為食得太開心唔記得左數😂), 魚塊, 帶子仔, 大蝦米, 蠔仔; 連埋個蝦頭油炒飯好鮮味✨飯粒俾蝦油包住晒, 香口但食落唔太油膩, 抵讚位係D蝦完全冇蝦腸, 食得放心影相又靚-🍤🥩🍚招牌脆皮牛腩飯 $68 炒飯底 +$5✨可配金沙、黑椒、咖喱、茄汁，店員話金沙同咖喱最多人叫, 所以叫左兩個脆皮牛腩飯各跟一個汁✨我冇諗過牛腩可以咁整! 個脆皮唔係粉漿, 咬落有D似油炸鬼質地好脆; 牛腩既筋, 肉, 肥比例岩岩好! ✨金沙汁係咸蛋黃, 好香, 同油香味重既牛腩好夾🤤 撈埋個飯都好正 ✨都有試埋朋友個咖喱汁, 佢係葡式風味既甜甜