金飯館

營業中

休息中

今日上完YOGA堂好肚餓，想食得飽D，見到呢間好似幾抵食就去左食~ 因為好餓，所以我同朋友都係叫左飯。叫左一個椒鹽豬扒飯同埋秘製炒牛肉雙燶邊蘭王蛋飯。一上台都有少少嚇親，因為都真係幾大份下! 椒鹽豬扒飯個底係炒飯底，飯係粒粒分明，豬扒好多塊，有成5-6塊，件件都好多肉，仲係厚切。豬扒煎得好香脆，仲有椒鹽粒，送飯一流。側邊仲有D菜，感覺都健康D! 朋友個飯好豐富，好多肉! 秘製汁好惹味。個份量多到就算好餓既狀態去食都食唔曬HAHA，真係好抵食。我地都叫左份蜜汁雞翼，勁掛汁，甜甜地咁。

之前見到有雜誌介紹呢間餐廳，話佢係炒飯專門店，見到好吸引咁，今日去開牛頭角，一定要順道食下先！▪️蜜汁雞翼蜜糖味重，好足料，面頭灑左芝麻，每隻雞翼都好大隻，啖啖肉好juicy▪️秘製沙嗲牛肉雙燶邊蘭王蛋飯蘭王蛋個蛋黃呈深橙黃色，食落蛋味幾香！隻蛋煎到燶邊，食落脆卜卜！沙嗲醬汁味道燶郁，啱晒重口味人士，好邪惡，而且醬汁俾得充足，夠晒撈飯！而佢地食用左炒飯底，米飯粒粒分明，所以食落更加香口，伴碟仲有椰菜食添！▪️椒鹽豬扒飯送上枱時已經聞到好香，塊椒鹽豬扒勁好食，即叫即整，勁熱辣辣，份量都好多，有四大件，豬扒口感好好，易咬開！都係用炒飯底，加上有好多椒鹽係面，撈飯食一流！

#金飯館有加入沙嗲牛肉_關注組的都會想來試一下。加了蘭王雞蛋，視覺和味覺上都升了一個層次，雖然花生味不夠，但味道和濃度都適合送飯，而且份量十足不過椒鹽豬扒飯卻更令人驚喜，以前都有種錯覺，白飯會很多，餸欲很少，但這次椒鹽的量都足以解決整個飯，再加上是炒底，不用豬扒都很滿足。豬扒充足油脂，不是瘦肉所以不會鞋颯颯。最後以蜜糖雞翼完美結束！外層就算沾滿了蜜糖也是脆的。快餐來說算是中上，感覺都是平民食品轉升級改造

收工係附近行下，睇下有咩好食，行過見門口都幾多人等外賣，入面又好似爆晒咁，即管試下，好好彩仲有位，真係慢少少就要等。兩個人決定叫兩個飯嚟share，再加個小食，叫埋野飲啱啱好。好多款飯都好似好正，最後決定叫秘制沙嗲牛肉雙燶邊蘭王蛋飯同即叫即炸椒鹽豬扒飯。小食就揀咗蜜汁雞翼，野飲就手攬檸茶檸水各一。秘制沙嗲牛肉雙燶邊蘭王蛋飯 $78好香，跟一兜仔菜脯，個沙嗲好正，食到花生醬味，d 牛肉唔會老晒過熟，個飯係炒底，正，隻蛋由於我唔食生蛋黃，淨係食咗蛋白，好香真係，朋友就大讚個黃好正。即叫即炸椒鹽豬扒飯 $78見隔離左右個個都有叫呢個飯，餐廳又大大張poster，勁吸引，勁多舊豬扒，咬落仲好juicy，又香口，唔會話好辣，個飯都係炒底，兩個炒飯都係粒粒分明，掂。蜜汁雞翼 $48由細到大都好鍾意食蜜汁雞翼，所以要叫嚟試，夠晒蜜糖，又夠脆，旋風式食咗3隻🤪手攬檸茶檸水 $17正常野飲，不過唔知點解叫手攪😂😂😂唯一彈嘅地方係，d 位有d窄，人又真係好多，其他都好好，值得再食。

老友指定要來金飯館吃一定有原因。秘製沙爹牛肉雙燶邊蘭王蛋飯於日本九州大分縣出產的「蘭王蛋」素來被冠以貴族蛋名號，加上不含添加劑、激素及抗生素吃得放心。蛋黃更呈日落般的橙紅色，蛋香濃郁，將蘭王蛋漿伴黃金炒飯入口一流！值得一讚是黃金炒飯粒粒乾爽分明而且好大碟。基本上兩位女士吃一碟都夠飽。秘製沙爹牛肉肉質都算嫩滑，重點在於那個沙爹汁不會過濃或過鹹。五隻蜜汁雞翼有一層脆糖包著，內裡雞肉滲出香甜肉汁。即叫即炸椒鹽豬扒飯一上桌真的很震撼，豬扒大塊到近乎蓋過整碟黃金炒飯。大大件豬扒，外層勁香口，惹味之餘又不會太辣，充滿避風塘氣息。啖啖肉更有點脂肪，夠邪惡！隨飯附送的一碟爽口菜脯。一杯冰凍手攪檸檬茶，茶膽濃又解喝，爽！

朋友係飯桶 有人建議食呢間！ 平靚正！【招牌蝦頭油炒飯】$78炒飯本身都炒得粒粒分明 再加上有細細味蠔仔同帶子 口感仲豐富！ 仲有4隻好彈牙既大蝦！【秘制炒牛肉雙燶邊蘭王蛋飯】$78呢個真係性價比極高！炒牛肉係沙嗲牛！ 醬汁好濃郁 不過覺得花生醬味過重～ 兩隻蘭王蛋撈飯 再配合牛肉食 真係無得輸！【即叫即炸椒鹽豬扒飯】$78炒飯仲有大量辣椒 中意食辣朋友就岩晒 炸過關係都好脆口！椒鹽豬扒份量多香口但味道偏咸～ 【麻辣雞粒炒飯】$68食得辣同唔食得辣 對於呢個炒飯評價好兩極！ 真係好麻辣🥲 但炒飯仍然好食 不過雞粒偏少～

蝦飯真的好油，好濃，唔夠熱。椒鹽豬扒飯可以改名豬扒飯，因為食唔到椒鹽味，炸漿偏淋，肉是化學醃料式腍軟，小食豬潤也是。豬潤除開要13蚊一塊，不過個豉油加蔥花幾好味。手攪檸茶是幾好飲嘅，而且好適合配啲咁濃味嘅嘢。專做炒飯嚟講唔算好好食。啲飯炒到斷晒。明明聽到廚房爆炒嘅煤氣聲但係啲飯唔係好夠熱。優點：深夜大排檔式調味，但無唔好expect一樣嘅鑊氣。大大碟唔輸蝕。缺點：cp值偏低。食完口渴。希望越大失望越大可以一試，也可以不試

呢排金飯館既椒鹽豬扒飯好hit, 我D同事都有講下, 所以就去左試六點零到仲係唔係等位, 但去到七點就好多人入同外賣電話不斷響! 果然好受歡迎-🌶🐖🍚 即叫即炸椒鹽豬扒飯 (每日限量) 上碟時完全見唔到D飯, 除左面頭既椒鹽同辣椒蔥好多之外, 連豬扒都好多! 覆蓋晒成個飯帶骨豬扒夠肥好正, 雖然薄切, 但係都好鬆化飯係炒底, 所以match到比較油膩既炸豬扒! 調味唔係死辣, 連飯一齊食勁惹味-🐄🥚🍳🍛 秘制炒牛肉雙燶邊蘭王蛋飯 兩隻蘭王蛋紅卜卜勁吸睛, 日本蘭王蛋出名撈飯正啦秘制炒牛肉有少少似咖哩汁, 微微辣好香, 同炒飯底既蛋絲勁夾, 再加埋吉爆左既蘭王蛋漿係世界級享受😍-🍯蜜汁雞翼5隻 甜到入心隻雞翼每一吋都佈滿蜜糖! 再拎去焗脆皮入面又多汁-🍋☕️ 凍檸茶 好多塊檸檬! 仲有一小片青檸所以味道好fresh更清新-

經過牛頭角，發現新開左一間外表幾吸引嘅飯館同朋友一齊入去食餐廳裝修玩味十足晚餐時間 全鋪滿座而且門口都企咗好多客人排隊買外賣滿滿的期待，我哋就入咗去試吓呢間餐廳坐低先知道原來呢間係炒飯專門店當然揀個炒底嘅飯餐秒制沙嗲牛肉雙濃邊蘭王蛋飯$78蘭王蛋震撼眼球，完美濃邊中間半熟顏色夠哂紅，一睇就知老細冇呃我，係用日本蘭王大雞蛋🥚半生熟程度啱啱好！蛋汁混合炒到粒粒分明嘅炒飯上面口感十足即叫即炸椒鹽豬扒飯$78 真係無呃你，即叫即整我咁岩係繁忙時間去，要等啲時間椒鹽豬扒果然係呢度嘅招牌菜大量炸蒜🧄同埋辣椒🌶️味精濃炒飯粒粒分明，不油膩，蛋感十足一食就知鑊氣十足蜜汁雞翼$48Must order item!!!!大大隻雞翼，外脆口，內多汁肉嫩甜甜地灑上黑芝麻堪稱係我食過嘅蜜糖雞翼當中數一數二餐廳老細好好客言談間有停了解客人口味即時俾個like佢咁嘅生意態度真係好期待開多幾間分店！全部都係要等10至15分鐘因為原來係即叫即整㗎夠晒新鮮熱辣辣！鍾意呢樣，加分最後值得讚一讚就喺呢度嘅服務態度真係超服務員哥哥好禮貌普通嘅茶餐廳做唔到呢樣嘢呢樣真係非常難得原來大廚 來自利苑唔怪得咁好食😍😍٩(˃̶͈̀௰˂̶͈́)و

金飯館同老公行完裕民坊，已經到晚飯時間，近近地去牛頭角道揾嘢食，最後揀咗呢間街坊小店。老公係飯桶，加上小店標榜椒鹽豬扒飯($78)係即叫即做，於是揀咗佢。等咗大概15分鐘，碟頭飯果然好夠份量：豬扒四大件，肥瘦適中，肉質柔軟。炒飯底多而有口感，加埋香蔥粒紅椒絲香蒜片，香辣惹味！我鍾意食牛肉，叫咗個沙嗲牛肉雙燶邊蘭王炒飯($78) 。沙嗲醬香濃好味有花生香，牛肉片夠晒腍身。另外一個主角係蘭王蛋！橙紅色蛋黃好吸引，蛋香濃郁，更難得嘅係冇蛋腥味，拌炒飯食，真係好鬼正⋯⋯蜜汁雞翼($48)係現炸，即使碟底有蜜汁，黑椒雞翼外皮咬落依然香脆。整體味道非常討好，甜度夠得嚟，亦會食到黑椒嘅少少辛辣。地址：牛頭角牛頭角道323號地下J號舖

去牛頭角開完會，FD話有家豬扒飯好好味，咁去試試啦。FD推薦哩間招牌啲椒鹽豬扒飯同秘製沙爹牛肉雙燶邊蘭王蛋飯，晚市叫飯加6HKD可配一杯熱飲，加8HKD就可選凍飲，嘢飲叫咗凍奶茶同凍檸茶。哩間服務都幾好，叫完嘢侍應話所有飯都喺即叫即炸，會耐少少。凍奶茶同凍檸茶好快黎咗，凍檸茶茶味好濃，凍奶茶入口好幼滑，都唔算好甜，幾好飲。椒鹽豬扒飯真喺勁大份LOL，豬扒超大一件，仲有4件。豬扒炸得啱啱好，表皮喺好香脆，不過裡面就超juicy喎。4件豬扒真喺太多，食落2件已經好滯。豬扒飯啲配料仲好豐富，有菜，胡蘿蔔，青紅椒同埋好惹味啲炸蒜蓉。啲炸蒜蓉真喺超惹味，又辣又香，搭配埋炒飯食到停唔住口。估唔到飯底唔喺用白飯，喺用咗炒飯底，啲炒飯炒得粒粒分明，仲好香口，真係好味。不過份量就真喺太大，夠哂兩個女仔食。秘製沙爹牛肉雙燶邊蘭王蛋飯啲分量都好大，牛肉好嫩好滑，有6-7件，撈埋啲沙爹醬汁一齊食，真喺好match。成碟飯最出色啲喺雙燶邊蘭王蛋，蛋黃真係橙紅色嘅，蛋味真喺好足，飯底都喺用咗炒飯，同豬扒飯喺用咗同一款。最後埋單唔夠200HKD，以哩嗰價格黎講真喺超抵食！

一去到搵位坐，座位有好多油跡同水跡，衛生情況麻麻地，見到呢個情況即刻減低左食慾同胃口。睇到網上其他人食既炒牛肉雙燶邊蘭王蛋飯好吸引，但到自己叫既時候上碟變左呢個樣，不過都唔緊要，只係個黃穿左少少，呢個飯幾好味，沙嗲牛肉好香，飯底都炒得唔錯，撈埋蘭王蛋黃食都幾好。但呢個招牌既即叫即炸椒鹽豬扒飯真心唔掂！又咸又油！食左幾啖已經唔想再食！因為佢太油令到個飯底都難食埋！食一啖都已經即刻要飲水！已經食幾啖放棄但佢既油都仲充斥係口腔裡面...... 可一不可再......

一直都冇發現屋企附近原來有間港式飯店，一於今日經過就試下，原來係一間專做特色炒飯。即叫即炸椒鹽豬扒飯每日限量都比我食到！美味需時 等咗15分鐘就到。豬扒份量多，味道香辣都唔錯。面層一陣有厚度嘅炸粉令肥膩嘅豬扒多咗份口感，確實係炸到金黃色嘅，私心想炸得再燶d😹如果塊豬扒冇咁脂肪嘅話 對於減緊肥嘅我會開心dd😌😂最正都係個炒飯底！點先可以炒到顆粒分明但碟底又冇油😍專做炒飯果然係有料到🤤連想戒澱粉質、想減少食飯 都忍唔住食晒🤤🤤不得了最後仲嗌多咗隻蘭州煎蛋 可以話係成餐最最最有鑊氣🔥🔥🔥燶邊但半流心 到底係點做到🤤🤤所以話越易整嘅野越考功夫 街坊小店先睇得出大廚嘅技倆 大份又好食 呢間CP值咁高 一定做硬飯堂😼

可能係香港最好食既炒飯！人氣炒飯專門店鑊氣椒鹽豬扒飯限量供應炒飯炒得好香， 非常夠鑊氣完全唔油膩豬扒炸得夠 脆口 厚切得來仍然好有肉汁 肉質非常鬆軟煎雙蘭王蛋沙爹牛肉炒飯底蛋味濃郁！牛肉嫩滑沙爹汁濃香沙爹香,蛋黃汁拌勻食味道更豐富! 蘭王蛋非常濃香!雞翼超大隻，脆口惹味香辣一隻雞翼係平時既2倍size，啖啖肉食既時候仲好有肉汁,超級美味9點都排緊隊,超級誇張!金飯館 牛頭角牛頭角道323號地下J號舖

一直對小時候看闔府統請裡的金鑲銀炒飯念念不忘，沒想到竟在牛頭角一臥虎藏龍的炒飯專門店找到特意避開人潮於下午茶時段過來，但仍有不少人在排隊所有食品逐份即叫即炒，製作需時，先來杯手攪檸檬水一邊喝一邊等待，惠顧任何飯類熱飲加$6凍飲加$8，奶茶沖出黃金比例金飯仔必食推介秘裝沙嗲牛肉雙燶邊蘭王蛋飯的牛冧肉入口軟腍、吸盡醬汁精華！橙黃色蛋黃蛋香極濃，煎至燶邊，可刺穿蛋黃，連同秘製沙嗲醬拌炒飯底吃每日限量即叫即炸椒鹽豬扒飯香噴噴！豬扒外皮香脆肉質鬆化多汁！金黃色的炒飯夠鑊氣，米飯都被蛋汁包裹，蛋香十足，粒粒分明！等15分鐘也絕對值得小食椒鹽雞翼同樣是即做！味道香辣、炸得香口脆卜卜眼闊肚窄，不能吃太多東西，下次一定要試招牌蝦頭油炒飯