金飯碗美食

營業中

休息中

今日大家都有試考,身邊都有份筆記芭提雅雞扒配小棠菜 $33黃芥辣在表面上煎,配泰式辣醬酸澀調和雞扒唔算厚, 有少量油份, 肉質挺彈牙滑口,醬料沾上唔覺乾, 酸澀味減弱雞扒鹹味, 膩口感減低韓式燒腩肉配什菜 $33韓式關東煮,蘿蔔,紅蘿蔔,小棠菜多種顔色賣相不錯,味唔辣而甜,感覺新鮮味美,腩肉吸入大量甜甜的汁, 入口多汁肥美鐵板燒牛肉眼扒菜芯 $36原本見菜色名係肉眼以為係鐵板鋸扒,牛肉落唔少泡打粉,鬆軟軟腍,肉汁豐富,日式燒汁同半肥瘦牛肉片合襯,重重的肉味被微酸燒汁提鮮七味滑蛋炒牛肉配油菜 $38原來炒完先落七味粉,只有上面先有七味粉同期望有出入,不過牛肉片挺彈牙,滑蛋嫩口非常, 可以似麪條吸入口中, 感覺興奮中華沙律涼伴手撕雞配油菜 $38雞與榨菜成主要鹹味,中華沙律及榨菜有麻油香,爽口又脆口,即使雞肉不多亦不要緊,畢竟中華沙律才是主角, 啖啖麻油香送入口中已滿足紅燒班腩(菜底) $33其實為兩餸飯菜式,平日的軟腍班腩,鹹香芡汁配青椒跟少少肉絲,味道其實好食, 只是欠缺新鮮感沙嗲粉絲紹菜煮肥牛 $33同為兩餸飯菜式,濕濕軟軟的粉絲配爽脆紹菜口感豐富,有少量鹹味卻唔濃的沙嗲令人一口接一

之前見到金兜換左少少餐牌,當然要試試佢嘅新嘢啦~煎鱈魚柳墨汁意粉 $45真係用墨汁加意粉嘅煮法而唔係用已加墨汁製成嘅'墨汁意粉'黑墨墨的黑暗料理隱藏著柔和的忌廉味,忌廉汁主鹹帶微奶脂香,內有少少菇同洋蔥增加爽脆口感,鱈魚柳軟稔配忌廉汁,軟軟脂肪味唔錯,不過其實墨汁就只為外表,大槪食唔出D咩味日式牛肉拉麪 $24配拉麪濕d,濕濕地易入口,拉麪湯鹼水味比較重,其實有醋加就好了,麪質彈牙唔錯,肥牛有湯浸住亦唔乾,少少彈牙配有湯汁咬出但因唔係丼飯沒牛肉汁沒燒汁味冧味

放完假又要繼續日常生活,日常生活,食野好重要鹽燒秋刀魚配小棠菜 $33秋刀魚外皮有燒汁,加上實肉魚配檸檬汁好夾外皮燒汁與鹽十分重味,正,內裏肉味雖重而乾身,但有檸檬汁緩和味道!順帶一提其實秋刀魚可以食埋骨, 骨有鈣質,預防骨質疏鬆不過請認真咀嚼, 否則後困自負日式燒豬頸肉西蘭花 $36豬頸肉爽口彈牙,沾燒汁鹹鹹甜甜的,惹味又唔膩就算豬頸肉厚身,都爽口依然,的確唔錯,西蘭花更正,每處缝隙都掛起燒汁,入口燒汁即大量湧出~海鮮雜錦炒蛋 $33炒蛋嫩滑, 少少蛋黃味突出蛋嘅香甜,魚蛋,嗚門卷味滲入蛋汁,而且甜甜嘅味道配合炒蛋更見炒蛋蛋白清甜! 好夾!椒鹽一口排骨配油菜 $38排骨一口size, 一粒粒咁食有儀態, 方便又過癮椒鹽在面鹹鹹少脆,排骨香口惹味, 外乾內多油份, 夠鑊氣釭酒燴牛助肉配菜芯 $33牛助肉泡打粉加碼係鬆軟,鬆得黎索哂D甜蜜嘅汁, 脂肪亦多, 咬落有軟軟脂肪好正牛尾湯茄味香, 又有茄鮮味 甜甜地帶微酸,撈飯完美又醒胃

今日咁啱全雞扒雞扒拼豬扒拉麪 $27豬扒有蛋黃醬脆口又cream口,肉質離奇地似叉燒，雞扒相比較遜色，肉質較乾不過偏鹹帶酸照燒汁提起鹹味，不過其實本雞扒已好鹹，照燒汁如果酸一點比較好，拉麵唔見得特別，同一般蛋麪一樣有蛋黃香，正常的彈牙，湯底食得出仍單純濃湯寶…總之係：正常滑蛋雞扒飯 $26滑蛋香甜有味冧味，用牛肉飯嘅汁去煮嘅滑蛋比清雞湯特別香甜，不過雞扒肉質亦乾硬，幸有滑蛋補償水份同滑溜感，不過有香口滑蛋，其實配咩我都唔緊要！

有時食野覺得好食 又或者食物易入口就會好容易墜入無盡的輪迴避風塘炒鮮魷配油菜 $33炸蒜香口 鹹得黎又辛口辛口得黎又唔算好辣魷魚包住炸蒜 煙韌又脆口 惹味非常炸蒜令味覺一啖一啖地被刺激 撈飯絕頂一匙一匙飯加炸蒜送入口 墜入無限輪迴亦墜盡熱氣既深淵怎樣也擺脫不掉 亦不願意擺脫麻辣汁豬軟骨配小棠菜 $33汁味似面豉汁 甜甜地加小小鹹味釣味一種味偏重 但又不會膩的味道豬軟骨軟諗 脂肪有漿口感更有腍中帶少量彈性的筋 口感就是軟本來脂肪感重 沾上甜甜地既汁後就不覺膩日式牛肉飯 $24照燒汁同樣甜甜地 加上有少少麻油香還要加上香甜粟米粒 軟軟珍珠米中有少少粟米既蔬菜汁仲有煮牛肉時使用既清甜味醂再次跌入一口接一口飯既輪迴真係不能自拔了

有時真係好容易走馬看花原來唔使一定放題先食到炸蠔而且金兜亦能感受到國際色彩吉列廣島蠔忌廉意粉 $40吉列脆皮炸得金黃色的 炸皮乾身 放在忌廉意粉上 令人期待 興奮不已切開炸蠔 炸皮卡啦卡啦聲的分開見到原隻蠔 雖然細細隻 勝在證明真材實料脆口炸皮中帶有軟腍富海水味既蠔雖說未見肥美 但味道絕對有水準配上creamy濃濃奶香忌廉意粉 鹹與甜都能感受到芝士菠菜雲吞忌廉意粉 $40忌廉意粉同上 唔多講雲吞芝士味濃 張口感強 熱烘烘咁食效果更佳配上菠菜菜香鮮味十足 西方色彩滿滿中國有韭菜餃子 西方多用菠菜沾上忌廉汁 芝士與奶味道更濃郁吸引鮮茄肥牛焗飯 $30茄醬主要鹹加帶酸 少甜似餅乾中的雜菜香精味飯使用了珍珠米 十分軟腍沾上醬汁 鹹味中有顯著的甜味另外由於上碟器皿大 醬汁同好多肥牛鋪滿面食到一半都仲有好多肥牛~蛋花肥牛泡飯 $23肥牛肉汁融入湯裡 鹹鹹味道中 又有菜芯菜水甜美觧味蛋花雖然無特別味道 但為菜式添幾分姿色清新簡單既鮮味 令人有種莫名其妙的被治癒感

山西肥牛刀削麪配油菜 $33湯汁有種沙嗲味, 香辣中帶鹹, 濃味湯汁配刀削麪的確合襯,不過刀削面卻唔煙韌, 有D煮過頭, 麪質過軟, 甚至有夾散情況肥牛又偏韌而吸收不到湯汁,贏在湯汁,可惜敗在食材...,今次刀削麪令人失望 中華沙律手撕雞配油菜 $41平日中華沙律一兜仔都要十多元,今次有咁大碟中華沙律,認真抵哂,雞肉為雞鎚肉,滑口之餘又彈牙,中華沙律同榨菜咬落有爽脆感覺,麻油好香濃,淡淡中華沙律同雞都有麻油香,好食到一口接一口紅酒燴牛肋骨配小棠菜 $33雖然食唔出紅酒味,亦無葡萄味,但汁十分甜,莫非呢D就係紅酒嘅葡萄糖!?牛肉脂肪量多肥美,但間中有舊肉質稍乾部分牛肉雖乾,但因滲透餸汁,配汁食十分甜口,本身牛肉過濃過重味道被緩和,亦補充多汁感覺配的小棠菜掛起大量紅酒汁,多汁入口好滋味, 紅蘿蔔燜煮時間足夠,甜度特別高又軟淋蒜椒鹽一口排骨 $33粒粒排骨好夠鑊氣,椒鹽香口,外表乾身脆口,內裡多油,鹹香之餘有油份唔會覺'鞋口',美中不足係排骨軟骨佔量比肉多,排骨實際肉量不多

又到晚餐時間了,日頭猛做~到依家鬆下~佛山狗仔鴨配油菜 $38噯味的味道,食唔出隻汁係D咩材料,鹹鹹地,甜甜地又有少少薑味,莫非呢D就係鴨羶味!?肉質鬆而有嚼勁,汁既鹹味亦滲透肉中,咬落去時D汁都擠哂出黎菠蘿古老豬柳肉配油菜 $38依然爽口,咬落去''索''一聲,肉質鬆軟爽口,肉汁從咀嚼中不停湧出,甜酸汁稠稠地增加糊口感,同爽口豬柳配搭下醒胃又多汁,正燒汁牛柳粒配薯角 $33薯仔粉身軟淋,冇牙都食到,汁亦好甜,牛柳其實係牛柳片而唔係牛柳粒,不過總之肉質鬆嫩,甜甜餸汁完全滲入肉內每一處,一咬甜味沖出黎~

一大幫人去食lunch 開心share更開心 滑蛋海鮮炒河 $30  尼個係自己叫既配料有魚蛋,嗚門卷,蜆肉,蟹柳,菜芯再被滑蛋蓋著 河粉係底下這款滑蛋勾芡打蛋花滑蛋 非日式部的味醂煮既滑蛋由於係勾芡打蛋花既滑蛋 所以保溫能力特別強 翻起暖烘烘的滑蛋跟配料 滑蛋滲進底下河粉 滑蛋大概係煮'海鮮'時勾芡的 所以有魚蛋的鹽味 再被河粉掛著 滑溜鹹香的暖流留在口中 唔捨得吞下 日式牛肉拉麵 $24平時肥牛既話多數都配丼飯 初試配拉麪有好多肥牛 脂肪肥肉多 但可能係浸係湯 肉質偏韌 拉麪彈身 湯底肉味厚此終覺得配飯 有埋燒汁更襯兩餸飯(蓮藕紅燒肉,番茄煮蛋) $22兩餸飯(番茄煮蛋,白菜肉片) $22三餸飯(生炒骨,豉油雞翼,蓮藕紅燒肉) $27兩三餸飯一堆堆 蓮藕紅燒肉:蓮藕切薄片 爽口,紅燒肉連皮 脂肪厚軟腍 配埋汁香濃番茄煮蛋:番茄甜美,蛋汁滲出成底部汁,撈飯濕濕甜甜正 白菜肉片:肉片薄薄易撕開,整道菜鹹鹹地十分正常生炒骨:咕嚕汁酸甜惹味,青椒菠蘿新鮮多汁,排骨外有酸汁咬下有肉汁 豉油雞翼:肉質嫩滑,多肉汁,豉油味鹹甜得宜

人地素食星期一，而我地好似今日係重味星期一泰皇醬燒金沙骨配油菜 $41金沙骨有大排檔風味，椒鹽香口亦分享俾排骨,令排骨都十分香口，椒鹽同金沙骨亦夠鹹，金沙骨炸得唔油膩，有鑊氣同夠高温嘅證明，廚師的確做得好，加上泰式醬汁同炸物配合，油感中帶酸辣，醒胃又惹味避風塘炒鮮魷配油菜 $38椒鹽加七味粉惹味到不得了，就係鍾意佢又重辣又重鹹，香口，魷魚中心都有藏著椒鹽，一入口又有魷魚油香擠岀,又有脆口椒鹽，正鹽燒秋刀魚配菜心 $33不得不提呢道餸，秋刀魚都好夠鹹，魚嘅紅肉味重，但有檸檬汁緩和過沉重嘅味道，鹹味好足，加番檸檬汁都夾番隻味，入口時既食到魚甘香，又食到魚油鹹香，真好食德國鹹豬手 $45豬手真係十分鹹香，好似野人咁一口接一口食，唔點蒜茸油反而更明顯地感受豬手肉嘅鹹油香，肉質唔太實，易咀嚼，嚼時更滲出油香，配肉鹹味真係不得了，食肉食得悶時又可食食薯角，粟米，不過呢個set真係好重口味，味蕾麻木了

雜豆黃金炒飯 $27有時簡單既炒飯就已經好滋味黃金炒飯有d失準 蛋有d係蛋白有d蛋黃椰菜碎加雜豆 簡單既配料 再加d鹽同味精調味炒飯精髓就在於簡單豬軟骨拉麪 $26豬軟骨脂肪層厚厚的 脂肪層夾係軟腍厚肉之間 豬肉煮腍身 脂肪濃味重食落咀嚼的都是脂肪的感覺 熱量的化身不過食尼種脂肪又好味喎

平日少星期五係度食晚飯原來有栗子...栗子煙肉燴雞配西蘭花 $33栗子汁十分甜美 加上煙肉少少鹹提味雞用左雞扒滑嫩冇煮到好鞋 冇骨啖啖肉西蘭花都沾上栗子汁 蔬菜鮮甜味美栗子汁到最後邪惡地用哂黎撈飯火辣重慶滑雞鍋配油菜 $38近期有季侯風 開始有d凍 食d辣野可以曖曖身睇落辣得邪惡 但食落其實唔辣 辛麻感覺為主 配粉絲辛麻感更加突出透不過氣來的感覺可惜雞槌唔算滑 煮耐左 油膏茄子鮮菇飯 $26茄子煮得附汁能力強 而且煮得夠腍身 油口滑溜非常 菇鮮味配上汁就變得似羅漢齋重味油膩素菜之選

晚飯見到有款新菜式 而且名字耐人尋味真係想「尋」下係咩「味」菠蘿古老(?)豬柳肉 配油菜 $38見到「古老」兩個字嘴角不禁撓起大概係「咕嚕」 難道取其諧音語帶相關!?一擺入口咬一啖落 「索」一聲 竟然會有爽口既豬扒 會唔會就係「古老」既精髓所在?肉質爽嫩唔鞋 外皮外脆有酸汁內裡爽口咕嚕汁酸酸甜甜 加上菠蘿青椒鮮美惹味不得不配服「古老」燒汁牛柳粒配薯角 $33其實覺得又唔算係牛柳粒 似牛片多d咬落彈牙多血味 但特別有舊帶筋 難咬開 薯角十分粉 配上甜甜燒汁 粉得有味薯角跟汁配合得好韭王蝦仁炒滑蛋 配油菜 $38炒滑蛋嫩滑溜口 仍然保持係半熟狀態韭王蝦仁沾上半熟蛋油 夾係滑嫩炒蛋中間口感滑嘟嘟的 所有野都好易入口自然好快一口一口 咁就食哂啦麻辣過橋肥牛(菜底) $33上次食過已經覺得唔咁辣 今次再食直頭不覺辣 難道已經免疫!?而開始愛上麻既感覺 辛口感留在喉嚨口 令心跳加速 吸入空氣減少但肥牛此終偏鞋 同菜底實在太油淋淋了

今日,大'炒'大鬧~炸豬扒炒一丁 $30好大份,應該有兩個即食麪,加入老抽後顏色呈深褐色, 外觀已有好大享受,麪炒得夠鬆散, 亦十分彈牙唔太軟淋,即使油膩, 加左辣醬更加惹味而唔會一味地鹹膩,大口大口咁不知不覺食完了海鮮炒飯 $30蝦仁幾爽口,飯亦幾鹹香,有蛋黃嘅香味,不過食起黎太大份,有D單調... 芝士煙肉蛋黃醬意粉 $30雖然煙肉唔多,不過已為意粉增加足夠鹹味,畢竟主角仍蛋黃醬, 無須口口均有煙肉,蛋黃醬為意粉大輻增加滑口感, 口裏感覺豐富,脂肪香亦因蛋黃醬而增加,令人想吞下一口便馬上吃下一口芝士菠菜雲吞忌廉意粉 $40整個意粉因忌廉汁看起來光鮮潔白, 十分高貴,忌廉意粉熱騰騰時又鹹香又可口,汁稠稠的為意粉入口時提供一種糊口感覺, 減少只吃意粉的單調感芝士菠菜雲吞大小精緻,入餡像混入菠菜香的的薯蓉,鹹鹹的, 雖然味道似無芝士味, 不過味道也十分吸引~

今日報紙見介紹牛肉飯,心血來潮想食牛,所以LUNCH決定食好耐冇食過嘅牛肉丼飯~日式牛肉飯 $24可能因為好耐冇食過, 食起黎有上癮情況,牛肉汁甜甜地多於鹹, 又d有牛肉嘅油香同味冧香,加埋比較甜又煙韌嘅珍珠米, 甜到一口接一口,牛肉亦有好香油香同味冧香, 甜甜地, 可惜d有韌, 不然整個飯完美照燒雞扒拉麪 $24昌式部嘅野可真不錯,雖然雞扒肉質煮得過龍左D,有D實,不過配照燒汁真係perfect match,拉麪就係一般煮嘅即食日本拉麪, 煙韌的,不過湯夠鹹, 有種豬骨湯味, 唔錯紅燒牛腩湯麪 $26牛腩汁嘅湯底, 令麪都食到牛肉同滷水味,先舀一匙湯, 放一抽麪, 然後放入口,鹹油香完全化入味蕾~牛腩夠肥美, 肥瘦比例1:1嚼韌嘅瘦肉時亦有脂肪補充滑口感,最正係牛腩帶有牛筋添~