金陶餐廰 (已結業)

剛坐下，伙計就話呢到海鮮出名，推介我試佢的日日鮮魚餐，然後話今日的黃立倉唔錯。其實平時好少會係外面點魚，不過既然佢咁講，就信佢啦! 叫左一個清蒸黃立倉+ 例湯 ( $62)。先上例湯，係青紅羅白豬骨湯，好足料。不過水準都係一般茶記例湯水準，略嫌味精味多左一點。不過好的地方係冇果皮味，自己係唔鐘意食有果皮味的湯。等左大約15分鐘，就有得食青蒸黃立倉啦。黃立倉比想像中大條。伙計果然冇介紹錯，條魚真係蒸得唔錯。先試蒸魚鼓油，好鮮甜。第一啖先試下剩魚肉，唔伴蔥同埋鼓油。平時食魚最怕魚腥，佢有小小魚腥味，但係絕對可以接受到。無論係邊到食的蒸魚都一定會有呢陣味，只不過係多與少的問題。而呢到的己經係算小。黃立倉的肉質都唔錯，唔會梅，亦都唔會太老。之後就試下伴上鼓油同埋蔥，剛才小小的魚腥味己經冇左，換來的係一陣鮮甜的味道同埋蔥的香味，唔錯。總括黎講，成條魚都蒸得唔錯，自己係一個鐘意食蔥的人，如果啲蔥可以多番小小就更加好啦。服務都唔錯，會介紹一啲好食的餸俾客人。唯一一樣唔好的地方係初坐下經常有一兩隻蒼蠅飛來飛去。不過之後就冇啦。

先來兩杯凍熱檸茶, 凍檸茶無問題, 熱檸茶有火水味! 臭到死! 先來一個肉絲炒麵, 嚇瓜人肉絲竟然雪白過我的牙, 無肉味, 食到麵, 炸了的是硬, 無炸的位是"叔"的, 令人作嘔, 都食到無一半, 就唔食啦跟住來的是粟米班腩飯, 點知來了星洲炒米, 問我啱唔啱食, 我SAY NO, 過一陣之後就來個粟米班腩飯, 我掂到個碟好凍, 再掂下D飯, 都係凍, 唉!!!!!! 又要叫佢弄熱, 返來時D粟米班腩移動過咁, 算了照食, 裡面食到是熱的, 但外面還是未夠熱, 味道亦都很難接受, 又係剩一大堆就停手!

上星期才到尖沙咀，今趟又是到尖沙咀遊走辦公，在下實在經常到尖沙咀。辦公後又到開餐時間，本想到厚福街，可是走到寶靱巷，這裡除了茶記外，還有可以吃到土耳其菜，可是在下還是選擇茶仔好了。上次來到金陶餐廳，本來想試吓，可是卻又放棄了，選擇了其他食店，今天來到卻可以讓在下試試。到了午飯時間，仍然有坐位，於是坐在近門口的餐桌。這茶記呈長方形，兩邊都是卡座，中間卻擺放了方形餐桌，是典型的茶記格局，而水吧卻在近門口的位置。在下看過餐牌，就落單要了一客洋蔥豬扒拼火腿飯，另加例湯及咖啡，這就是在下的午餐。稍等一會，例湯終於上桌，是日例湯為紅蘿蔔湯。例湯味道較淡，未見有紅蘿滲出的甜，而且附帶薑味，但未至於話是味精湯。之後主菜亦已上桌。醬汁覆蓋著豬扒及火腿，而主菜亦蓋了白飯的一半。豬扒煎得不錯且甘香有咬口，不會太靭，當然火腿是外來貨色，然而如果可以煎一煎的話，可有香口的感覺。而醬汁味道是一般茶記應有的水準。至於咖啡，加了一包糖後仍感苦澀，這可能沖得濃了一點，奶和咖啡的比例尚算合格，而這咖啡亦有它的咖啡香味。這茶記都算企理，伙計都是有禮貌的，服務都算快捷。