金酒屋

營業中

休息中

我係平日返工時間午市黎到呢間餐廳，鋪頭環境幾靚，我地預約左餐廳留咗房比我地。我本人本身介牛和小量海鮮，見到有小量熟食選擇滿心歡喜。雖然有部分選擇都係牛肉，我今次就試咗野菜天婦羅餐。到上菜時發覺個餐係有蝦，於是問下職員職員話個餐係有蝦，仲話蝦旁邊咪有野菜囉。我心諗如果係素食者都唔知點算了，再睇真啲原來餐單既另一款係有蝦，即係廚房撈亂咗。佢地都好好人重新整過，結果再上菜比我嗰陣都係熱辣辣的，但賣相同質素真係好一般好一般，仲要價錢係108蚊….長話短說 睇相就明

朋友看到這間覺得裝潢幾好而且又近公司，決定來個輕食，選擇不少而且價錢都合理。牛肉烏冬幾大碗，牛肉好嫩滑有牛味，烏冬份量不少好滑身，湯底都十分清新而濃郁。和牛卷，上面有個蛋黃，整爛再一齊和和牛卷食加了不少滑度和香，和牛味都幾濃。三文魚牛油果卷，牛油果打蓉出來幾滑身新鮮，味道足不用加豉油都可以。水信玄餅，黑糖味剛好不會太甜，玄餅好滑，器皿一打開都十分漂亮加分不少。蘋果乳酸梳打，甜度不太高有幾香蘋果味又清新。可以睇住師傅整嘢食，而且又坐得舒服，感覺不錯，下次可以坐包廂再同朋友慢慢暢飲暢食。

住喺茘枝角嘅朋友話附近開咗間日本餐廳，知我鍾意試新嘢，約埋一齊去食dinner。餐廳幾闊落，樓底好高，坐得好舒服👍因為下午食咗個tea，唔太肚餓，叫咗幾個小食加個飯，已經好飽。💚煙燻蘿蔔薯仔脆脆沙律沙律原來已經變成份子，煙燻蘿蔔加薯仔融合之後好夾又好清新，加埋塊類似薯片，食到唔停得口，好快食晒！❤️串燒雞皮蝦有d驚喜，2隻𧎚好大隻好肥美，雞皮好薄好香脆，又唔會搶走蝦嘅香味，完美配合！🧡海膽天婦羅太快食咗，唔記得影相😂 海膽好大件好滿足，紫菜外皮就稍為厚咗少少💛月見海膽三文魚籽飯呢個之前見到menu相已經覺得好吸引，實物一樣咁靚，仲好大碗，同朋友一人一半，食完之後由6成飽直去9成半飽。海膽三文魚籽組合冇得輸，不過撈勻之後味道就有啲偏淡，可能飯實在太多🩵水信玄餅餐廳做緊特別迎新優惠，做齊步驟就可以得到水信玄餅一份。Wow估唔到咁驚艷😍 閃閃玻璃器皿入面嘅水信玄餅，晶凝通透，好清甜，仲有淡淡花香，感覺好完美呀💞

荔枝角長沙灣道呢間新開嘅日式居酒屋，門面夠大夠晒吸睛，位置比較寧靜可以好好享受日料晚餐☺️ 餐廳分咗梳化位同吧枱位，樓底好高，感覺更加寬敞舒適🤎 食物種類都非常多！好啱gathering/放工嚟飲飲食食鬆一鬆！✦ 宮崎和牛海膽刺身(兩件)｜$𝟏𝟑𝟖海膽相當新鮮鮮甜，再配埋和牛刺身，口感同味道一大享受🥺✦ 月見薄燒宮崎和牛飯｜$𝟏𝟔𝟖/份 x 𝟐必點嘅和牛飯❗️即叫席前即燒，日本無菌蛋，飯再配埋海鹽，黑胡椒及日式燒汁，卷起一齊食💯 和牛牛味濃郁，油脂分布平均，好想encore😋✦ 三文魚牛油果卷 (六件)｜$𝟔𝟖賣相唔錯，三文魚配上牛油果醬！抵食之選！✦ 金丼 • 月見海膽三文魚籽拖羅蓉｜$𝟏𝟗𝟖必點丼飯😍 滿滿嘅文魚籽再鋪上海膽及拖羅蓉及蛋黃，邪惡度滿分！可以2個人一齊share食！✦ 自家製雞皮蝦｜$𝟓𝟖/串 x 𝟐啱晒鍾意食雞皮嘅我，脆口唔油膩，緊緊包裹住蝦肉，食落好脆口彈牙，不錯👍🏻✦ 秋田煙薰蘿蔔薯仔脆脆沙律｜$𝟕𝟖✦ 安格斯牛肉鰹魚湯稻庭鳥冬｜$𝟏𝟎𝟖飲品：✦ 麒麟一番搾生啤酒｜$𝟓𝟖✦ 蘋果乳酸梳打｜$𝟒𝟖💬 𝐎𝐯𝐞𝐫𝐚𝐥𝐥：價錢合理，份量都好足！兩個人人均$500已經食到一枱

有一日揸車返屋企，經過長沙灣道大街上橋嘅時候，見到有一間新嘅日本餐廳，門面裝修都幾靚比佢吸引咗，今晚終於有時間去試吓😋應該呢區最高質素，性價比高嘅🏮居酒屋🏮餐廳環境寬敞，樓底高有空間感，設有VIP房，高雅整潔，裝修同食具都好靚！服務員態度亦都好唔錯👍🏼食物方面，我哋食咗⬇️潰物拼盤（五點）秋田煙燻蘿蔔薯仔翠翠沙律黃金海膽天婦羅 自家製雞皮蝦炙燒和牛壽司金丼豚骨濃湯豬軟骨稻庭烏冬其中，我覺得超好食嘅係😋「自家製雞皮蝦」我下次去一個人最少要食兩碟🤣🤣🤣仲有佢個濃湯豬軟骨烏冬，真係不得了，湯真係好濃郁，豬軟骨夠林又入味，真係掂！一舊水有找呢個價錢嚟講，能夠食到呢個質素嘅烏冬，真係超正👍🏼

最近又有開新居酒屋開幕啦🥳!! 荔枝角的 🇯🇵金酒屋，環境寬敞，裝修型格，設有吧枱、和室，想一大班朋友相聚都可以啦(⁎⁍̴̛ᴗ⁍̴̛⁎)～食物款式繁多，每款都好吸引耶(≧▽≦)! @自家製雞皮蝦🦐$𝟏𝟏𝟔 雞皮蝦果然不錯，外焦內軟，蝦肉彈牙。 @秋田煙薰蘿蔔薯仔脆脆沙律🥗$𝟕𝟖 薯片鹹香，配上薯蓉沙律，配酒不錯。 @月見宮崎和牛卷🥩$𝟏𝟔𝟖 宮崎和牛卷比想像中更好吃\(//∇//)\，和牛軟腍鮮味，米飯粘糯，調味不錯。 @黄金粟米天婦羅🌽$𝟖𝟖 粟米甘甜，天婦羅炸得香脆，好吃耶～ @宮崎和牛海膽刺身✨$𝟏𝟑𝟖 和牛來自日本宮崎，油花豐富，海膽好鮮甜，一次過滿足你兩個願望。 @金丼•月見海膽三文魚籽拖羅蓉⭐️$𝟏𝟗𝟖 金丼不愧為招牌貨! 賣相和味道都一流呀!!! 鮮橙色的蛋黄，配上鮮甜三文魚籽、肥美拖羅蓉，美味しい! @安格斯牛肉鰹魚湯稻庭烏冬🍜$𝟏𝟎𝟖烏冬滑溜順口，牛肉軟腍，都不錯呢! 整體食物質素好好😚😚😚，也很鄰近地鐵站，值得試試～

-Kinzakaya DonLoaded with negitoro, uni and salmon roeA classic luxurious rice bowl to have Every bite is filled with umami and layers of texture -Prawn x chicken skin Best skewer of the night Extremely fresh with chewy and spongy fleshWrapped with thin and Crispy chicken skin -Smoked Akita Radish and Potato Crispy SaladCute petit bite size saladSmoky yet smooth Extremely refreshing -Sea Urchin Tempura (2 pieces)A very interesting way to enjoy uniThe frying process enriched its flavour Turning i

裝修！👍🏻呢到裝修好舒服！樓底又高對比出面日本野完全冇壓迫感 ，最緊要位置坐的舒服！服務好好！👍🏻會主動加茶！又會問下我啲野食覺得點！最緊要係佢地個個都笑容好好！價錢同食物既質素成正比🤤食物 推薦壽司 刺身！ 👍🏻同埋可以叫下佢地啲特色嘢食！ 可以叫店員推薦！ 蟹膏蟹肉壽司 我非常推薦 對比出面既食過你就明白！成個都係蟹肉同膏！夜晚推薦一定要叫串燒！👍🏻仲要一上台就要立即食！叫緊要一定要叫杯酒慢慢邊飲邊食🫣最好提早book位！ 人多如果佢地有房可以入埋房食添！

放工約咗舊同事吹水，佢提議去荔枝角嘅金酒屋，金酒屋係全新居酒屋，主打日本時令海鮮，即燒日式串燒，特色料理和各式各樣酒類。餐廳環境令人好似置身於日本嘅居酒屋，格調高雅。三文魚牛油果卷，擺設精美，赤醋飯包住魚脂甘香嘅三文魚，上面嘅牛油果醬香濃幼滑，同赤醋飯真係好夾。黃金粟米天婦羅 ，外層炸得金黃酥脆，粟米食落非常香甜。海膽天婦羅外脆內軟，海膽味道依然香濃好有特色。豚骨濃湯豬軟骨稻庭烏冬，豬軟骨炆煮到又淋又入味，奶白色的豬骨湯底味道鮮甜，濃而不膩。伴以口感煙韌的稻庭風烏冬一併進食，富層次感的味道。麒麟啤酒有渾厚的啤酒味，但不苦澀。

阿女今日又帶我去食好嘢，金酒屋是荔枝角全新居酒屋，提供日本時令新鮮海鮮、日式串燒、特色料理、各式各樣酒類。更設有特色和風包廂，好適合親朋戚友聚會享受美食。金丼。月見海膽三文魚籽拖羅蓉，色彩繽紛賣相好吸引，選用時令海膽，口感綿密、味道鮮甜；自家醬汁醃製的北海道三文魚籽調味洽到好處，份量十足，拖羅蓉伴均勻赤醋飯，每啖都裹滿油香。秋田煙燻蘿蔔薯仔脆脆沙律，相當有創意，薯片上放上薯仔蓉，食落除咗脆口和綿密口感外，還有煙燻香味。佐酒一流！自家製月見雞肉棒，以鮮雞肉和雞軟骨及主廚的秘密用料製成的即叫即燒月見雞棒，配上日本蛋黃令肉質更鮮嫩。麒麟一番搾，只選用第一道麥汁釀造，透過細膩帶出麥芽的最高品質美味。

朋友介紹荔枝角居酒屋，店內濃厚日本居酒屋色彩，有日式榻榻米房間，朋友聚會一流前菜炸菜漬前菜有食菜漬，菜漬入口清新，雖然醃製，但入口仍然食到菜本身爽甜秋田煙薰蘿蔔薯仔脆脆沙律薯仔脆脆片上夾沙律，作為前菜幾特別，煙薰過添幾分鮮新鮮感金丼。月見海膽三文魚籽拖羅海膽入口鮮甜，再加上拖羅蓉油香一齊食鮮上加鮮，有三文魚籽咸香提鮮，無需點豉油已經好鮮甜月見薄燒宮崎和牛飯和牛油花靚，侍應即時用經火炙燒過油香更加出，和牛入口即溶肉質，夾飯同蛋黃好有風味海膽天婦羅外層炸得香脆，內層海膽鮮甜香滑，外脆內軟有強烈對比梅酒十分香甜，happy hour 飲返杯真係返屋企發個sweet dream 最後一個厌餅爲晚餐劃上完美句號

荔枝角嘅金酒屋，剛開業不久，已經有唔少捧場客！餐廳左手邊係壽司吧同埋Table，右手邊係一列VIP房！月見薄燒宮崎和牛飯 $168宮崎和牛嘅雪花紋真係靚到一個點！店員會即席喺客人面前燒製，睇住肥美嘅牛脂慢慢溶化，過程超療癒！按自己喜好加少少醬汁，鹽同埋黑椒就食得！入口係滿滿嘅油脂甘香，蛋黃又香又濃，啲飯索滿和牛嘅精華，正！月見宮崎和牛卷 $168以宮崎和牛刺身製成嘅卷物，和牛刺身帶少少彈性，肉香出眾！自家製雞皮蝦 $58/串雞皮嘅脆同埋油香，加上蝦肉嘅爽彈同埋鮮甜，兩者完美結合！秋田煙燻蘿蔔薯仔脆脆沙律 $78一口一件嘅特色沙律！薯片脆口，兜住綿滑帶煙燻香氣嘅蘿蔔蓉薯仔蓉，好睇又好食！安格斯牛肉鰹魚湯稻庭烏冬 $108安格斯牛肉片以熱湯浸至半熟，保留住軟嫩多汁嘅最佳狀態！稻庭烏冬滑溜可口！麒麟生啤 $58

荔枝角上班族有福了🥳環境充滿華麗日式氣氛🇯🇵設有日式榻榻米房😌岩哂聚會包房喔！🥢宮崎和牛海膽刺身🥢油脂平均和牛包住鮮甜海膽，必食！😚🥢月見薄燒宮崎和牛飯🥢店員即場炙燒和牛，油脂滋滋聲，口水已流，入口即溶，原個生蛋黃+米飯，超超超好食😋🥢金丼。月見海膽三文魚籽拖羅蓉🥢由蛋黃、海膽、拖羅蓉、三文魚籽、米飯搭成，將蛋黃吉開，蛋汁緩緩流出，再將所有食物拌勻，每啖充滿鮮甜甘香味道於一身！😆🥢安格斯牛肉鰹魚湯稻庭烏冬🥢安格斯牛肉嫩滑可口，烏冬入味彈牙😙🥢自家製雞皮蝦😃金黃色雞皮包住爽彈大蝦，送酒一流🍻金酒屋📍荔枝角長沙灣道909號地舖

金酒屋的日本料理簡直太出色了!月見薄燒宮崎和牛簡直美呆了,肉質細嫩爆牛油,每一口都讓人回味無窮。宮崎和牛海膽刺身嫩滑綿軟鮮甜可口。海膽天婦羅簡直金黃香酥,吃下去開心到飄飄然,海膽鮮香滿滿。秋田煙薰蘿蔔薯仔沙律清新爽口, 加上香脆薯仔讓人吃不停。金丼飯裡的月見海膽和三文魚籽，拖羅拌飯簡直讓人想一口氣吃完,米飯每嚼一口都香甜又香濃。自家製雞皮蝦酥爽香酥好食。檸檬乳酸和柚子乳酸更是爽口清爽！總的來說,金酒屋的日本料理盡情宣洩口腔享受之能事,實在讓人想一直食到撐!

在金酒屋這家日本菜餐廳，食物的味道是如此鮮美，以至於每一口都能感受到它的豐富和獨特。食物種類繁多，從宮崎和牛到海膽，再到煙薰蘿蔔薯仔脆脆沙律，每一道菜都展現了廚師的巧思和精湛技巧。月見薄燒宮崎和牛飯給人一種絕妙的口感和嚼勁，宮崎和牛海膽刺身的鮮美和豐富是無與倫比的，而海膽天婦羅的外脆內嫩更是讓人一試難忘。秋田煙薰蘿蔔薯仔脆脆沙律是一道創意十足的菜品，讓人感受到豐富的口感和新鮮的風味，而金丼。月見海膽三文魚籽拖羅蓉飯則是一道濃郁的主菜，結合了海膽和三文魚籽的鮮美，令人垂涎三尺。自家製雞皮蝦和豚骨濃湯豬軟骨稻庭烏冬也是好評如潮。自家製雞皮蝦鮮美多汁而且彈牙，而豚骨濃湯豬軟骨稻庭烏冬則是一道濃郁的湯汁，讓人感受到豬軟骨的獨特口感和豐富的烏冬。最後，檸檬乳酸梳打和柚子乳酸梳打是一道簡單的飲品，但卻令人感到愉悅。這兩種梳打都帶有柑橘的香氣，清新怡人，在享受邪惡美食的同時，也能享受到清新的味道。金酒屋的菜品給人留下深刻的印象，每一道菜都是令人難忘。從前菜到主菜，再到甜點，每一道菜都呈現出廚師的匠心獨具和細膩的手藝。