金進餐廳 (已結業)

今日老公撇下我一個與朋友開工,我就約對方的老婆一齊行下街。早餐先去我既早餐食堂-樓下既金進茶記。今次要讚既係茶記入面既姐姐。事關我朋友大肚,她好想飲熱豆漿,但只有凍豆漿。然後姐姐很細心的說"唔怕的話,不如我幫你用微波爐叮熱比你飲啦。"今時今日,很多侍應為免麻煩,唔會為客人多做一步。所以今次寫食評係為了讚呢位姐姐。而且,呢位姐姐落單時好忙,我地又未想好食咩。佢都有禮貌咁回應同溝通,話先落住單,其他再想到時再點。

經常坐681過海巴經過藍田，望著窗外，除了輕嘆點解我中唔到亦合彩之外，也喜歡看看周圍有什麼變遷。有一日，就在觀塘繞道落橋時遇上塞車，坐看左邊車頭位我我往外看，平時人流到冇既大馬路邊竟然開了一間茶餐廳。於是，我的好奇心起了，有一天，坐上了89D巴士，目的地是藍田，目標，就是這《金進餐廳》。這是一間有麵包賣，也有茶餐小炒食的餐廳，不過，我來的是早餐時段，食的，當然是香港人最愛的公仔麵餐啦。我的麵餐，是雞扒蛋，不過，這雞扒+蛋同麵是分開上的，而雞扒加蛋的這一部份，加埋個茄醬，感覺像極快餐店的出品。而且雞扒是雞骴扒，入口腍、滑，也十分之香。麵，不用多評了，是最普通的大光麵同最普通的麵湯底，齋食，一定不好食，加入雞扒同蛋，食下食下，又覺得可以。奶茶，我只能說一般般，沒有什麼特別過人之處而令我要開口大讚。本想再點一些麵包西餅蛋撻，但食完碗麵之後，感覺也飽了，直接付款走人搭地鐵返工。

早上起來匆匆的出門，未有吃甚何東西，幸好在趕忙的路上遇到這新開的餐室。這裏不單提供粉麵及飯類，更好是有麵包及蛋糕之類，讓趕時間的人可以邊走邊吃。這次剛好是蛋撻新鮮出爐的時間，當然一定要嚐嚐啦。第一個感受當然就是熱辣辣，在這寒意仍濃的天氣，真是非常的合意。味道方面也很好，底層脆脆的，內層軟軟又甜美。雖然未吃正餐，但一早起來能夠吃到這美味的港式蛋撻真是美事。