金象泰小館 德士古道 (已結業)

大窩口一直都無泰式餐廳，所以一知新開左呢間新野，都幾期待，點知相當失望🤯泰式湯粉麵餐，要左魚蛋，轉左做金邊粉，好快上菜，第一次食咁清淡泰式粉麵，我以為自己病左，食清淡，無乾蔥，無炸蒜洋蔥之類，有少少蔥花同埋一啲榨菜？成碗野都係好㝰好淡口味，就算啲白蘿蔔都完全無味，唯有要讚佢既份量都算多。個海南雞都滑，份量唔多，賣相都可以，個醬汁酸甜。荔枝梳打，賣相味道可以，荔枝肉有三粒，都幾清新。午餐黎講，佢價位都算平，不過失望，都無興趣再黎，格離好多餐廳都係呢啲價。

這家餐廳路過幾次，今日去幫襯下。泰式鹵水豬手不常吃，所以點了試下。豬手不算很濃味，豬皮是帶Q彈那種口感，不是燜得軟糯那種，豬肉結實，也算入味。豬手本身不帶辣味，配有酸辣汁，可以沾豬手食，更解膩開胃。白飯份量精緻，口感也可以，泰國餐，米飯也是一種象徵，畢竟泰國以白米聞名。豬手配少量咸菜，帶少量鹵汁，汁液濃稠，味不算咸。餐廳環境干淨，整潔。餐品整體口味可以，出品精緻，適合飯量小的朋友，認真的作品，可以一試。

大窩口邨近德士古道附近，最近開咗間泰國餐廳「金象泰小館」，每逢午飯時間路過，門口都好多人等外賣今日中午就一個人去食呢度嘅午餐，午餐選擇唔多，目測好多人都會點呢度招牌無骨海南雞飯，或泰式鹵水豬手飯無骨海南雞配特製醬汁，包飲品一杯，只係＄52，都幾扺食雞的份量唔多，但真係啖啖肉，而且肉質相當滑溜，蘸點泰式秘製醬汁，有點辣，但非常惹味，配個油飯，米飯粒粒分明，唔油膩，入口帶有油香味，飯有咬口但又軟熟，非常好食

今日同朋友本身諗住食另一間，但係好多人排隊，所以行咗過嚟呢一邊，咁啱見到有新鋪開，所以就決定試一試。呢度本身樓底高，新舖所以有唔少人，所以感覺迫左少少，條路窄左少少，望下餐牌，睇到個香茅豬扒麫外貌不錯，所以就決定揀佢。香茅豬扒公仔麵，塊豬扒幾大，聞落好香，食落幾淋，整體來講唔錯。另外配個奶油豬同炒蛋，炒蛋好滑👍🏾奶油豬好脆口👍🏾👍🏾跟餐叫左杯凍檸水，普通茶餐廳既味道，咁係大窩口多個選擇可以試下都ok既