金記燒臘飯店

營業中

休息中

成日聽人講金記嘅燒味喺元朗區算係質素較好，所以都搵日買咗盒燒味飯外賣，睇吓佢質素。而佢都冇因為係外賣，冇得即刻知盒飯咩樣，而求其事旦俾啲差嘢我。呢盒燒味飯係肥叉燒肉飯。肥叉的確係肥，仲係唔會俾成嚿都係得肥嘅我，有肉有肥，夾埋一齊，又幾唔錯，而且又唔會有好多燒焦嘅地方。而佢佢叉燒汁都okay，撈飯一流。而燒肉都唔錯，皮都仲脆，佢個底又唔會好鹹，又唔會有啲甩頭甩骨嘅。整體上肉係okay。下面飯嘅份量都唔少，滿一個呢啲發泡膠盒，都幾飽。

2年前來這裡試過叉燒飯，還記得那時那個新鮮熱騰騰的叉燒飯半肥瘦，有咬口味道又好。今天剛巧經過雖已是4點多但一於再回味一下。一入去有幾枱有幾個上小年紀的叔叔傾緊計，應該係老顧客。一個應是太子爺既少年埋黎同我落單，肥叉飯唔該！估唔到竟然係佢斬比我，一上枱見到既係一碗厚切叉燒飯，不過一睇個色澤暗左d, 亦都唔係肥叉。試了後應為有機會這叉燒擺左出黎一段時間，凍既，連用蜜芽糖浸一浸都冇做，冇蜜味，應該講冇乜味，咬口正常。焦邊果d冇都算，但真係太令我失望。其實佢主力都係做街坊客，價錢的確係平，只係我曾經食過好食先有要求。

去元朗參加廟會,玩完之後就出返元朗市中心食野,見好肚餓,1落車見餐廳就沖入去,我點左燒鵝瀨粉,燒鵝份量算多dd,不過食落就差左dd lo...1口咬落肉質比較實,唔知是不是煮過濃,件件都實的的,難咬開d肉,而且味道好淡,無乜燒鵝味可言,我心諗係咪返烹ga?d瀨粉就正常好多,爽滑的,,味道可能湯底淡,而食唔到味可言

週末老公下廚，到元朗買靚海鮮。經過這家燒臘飯店，該是街坊店來着，不妨一試。很傳統的燒臘飯店格局，門前掛着各式燒味。乍看就是晚上買回家加餸的那種燒味，該不會太差吧。一張張大圓桌，早已坐滿街坊食客，多是中年男人或老伯。衛生情況一般，作為街坊飯店可接受，每桌送上普洱一壺，坐多久也可，很街坊的感覺。我倆目標明確，就是燒味飯了。雙拼才不過是三十來元，脾位貴一點點，當然不會是鵝脾而是鴨脾吧! 論價位，真的十分抵食。叉燒油雞飯($29)質素，是另一回事。叉燒只是微温，偏瘦的叉燒，乾硬且欠缺肉香，即使份量多也無補於事的。豉油雞似乎是用醬油浸泡了一段時間，深褐的雞肉，肉質過咸且頗鞋口，吃了數口便放棄。 老公的鴨脾燒肉飯($39)也好不了多少，鴨脾是放凉了的，肉質乾硬且鬆散，更遑論是有肉汁了。燒腩仔是最正常的，燒肉皮脆口，不過偏肥，食味一般。但看周遭的食客多選小菜或碟頭飯，可就没有選燒味飯，這次，我中伏了......幸而只抱吃快餐的心態前來，最少是飽肚的一頓。雖然如此，但我仍然相信元朗是有美味燒味的，下一站，添記!

Kam Kee is a cantonese tea house style restaurant specialising in cantonese Siu Mei in the buzzy part of old town Yuen Long. Siu Mei is traditional cantonese cuisine originated in Guangzhou, Guangtung province, with pork and poultry cooked in special cantonese styles by Siu Mei masters. Beside Siu Mei, Kam Kee also serves other traditional chinese dishes familiar to Hong Kong people, such as the Steamed Egg Custard with Dry Shrimps, or the Fried Bitter Melon with Beef , everything so evocative

這間, 應該是元朗人先會知道的燒臘店. 以前是用荔枝柴燒, 但很不幸地, 最近也轉了電子爐燒.Char Siu and Roast Duck Rice -The Char Siu here is quite decent indeed. The Duck is also edible level. 3.5/5.金錢雞 Gold Coin Chicken -The Gold Coin chicken here is quite famous actually. It is on par with the one at 得龍 reputation wise. The 冰肉 here actually performed better. Definitely one of the best ROAST SHOPS remaining in Hong Kong!

今日我哋一家三口入元朗shopping, 行到17:30, 諗住食埋飯先返屋企. 由於我曾經喺元朗返工, 知道金記燒臘喺元朗好出名, 尤其係呢間老店, 自己之前都有幫襯過, 但老公話未食過喎, 就入去幫襯下喇. 入到去17:35, 只得幾個客, 梗係啦, 邊有人咁早食飯喎. 到六點左右, 就陸續有不少上了年紀的人及麻甩佬入嚟幫襯. 叉燒切雞翼飯 $27.00--叉燒睇得出係梅頭肉, 完全唔韌. 蜜汁依然好足, 唔乾夠juicy. 切雞翼夠入味, 正! 燒肉切雞飯 $25.00--燒肉皮夠脆, 雖然係"沙梨督", 但都唔咸又唔鞋. 切雞竟然係肶 (無指定), 夠入味, 雞肉亦夠滑. 但我見有幾件骨位有血, 老公話咁先至正, 我就唔啱喇, 所以我會食翼囉, 一定熟嘛! 叉燒賴 $23.00--好足料, 有好多舊叉燒, 雖然係瘦叉, 但一啲都唔鞋唔韌, 正!埋單$75.00

這天家聚是相當豐富, 除了燒鵝, 還有Oli買來的金記燒味.叉燒: 9分, 是意料之外的高水準, 肉質鬆化, 有蜜味, 烤得香口, 忍不住一件一件的吃下去. 不好意思, 較後食的朋友應該無乜叉燒剩給你們.金錢雞: 8分, 還有邪惡的金錢雞. 大大件冰肉, 肥肥的, 幾香口. 沒有吃到雞肝,是這裡沒有雞肝, 還是已被其他朋友吃掉? 或者沒有名店的細緻, 但也算幾好.鴨下巴: 8分, 大大件, 吃的時候有點難度, 不過是幾入味, 用來送酒應該幾好, 不過是日就算送, 都是用來送雪糕吧.謝謝Oli, 三款食物加埋好像只要$70, 實在是經濟抵吃的店子.

係開飯到見到d食評都唔錯..又就腳所以就去試下..原來係係大橋街街市個到...其實係一間燒蠟舖但係設有堂食的.入面比較多上左年紀既伯伯同婆婆...仲有大部份都係麻甩佬..唔理la..同相公入左去先~~個地下好油...小心行...環境麻麻其實都預左..唔緊要..食物為重.. 燒肉油雞飯($22) - 燒肉唔洗講..正~~肉唔太咸皮係脆脆的.雞係瘦雞..如鐘意食肥可能唔係咁岩lu.. 燒鴨燒肉瀨粉($20) - 燒鴨同肉都好味..燒鴨好香..但係個湯底咸左少少..如果冇咁咸就仲正~ 例湯-冬瓜湯($5) - 抵!!咁大碗..仲有料係入面唔係齋湯..冬瓜煲去濕料加埋d豬頭骨..正!!!!總括黎講..真係物超所值..好抵..份糧其實都唔少..成餐晚飯都係食左$47..仲要係好味又飽肚個隻..可惜唔記得試下佢d辣油同叉蛋治..下次再去試過報告比大家知

唔話俾我知老字號.會有笑面......23元一個下午茶燒鴨瀨--燒鴨皮唔脆...肉比較少.可幸肉質有甜味,而湯底雞粉湯來....凍檸茶得個甜字....無茶味可言....辣椒油幾香架...但一滴都無......服務.個老細末返前,個店員無講過一句野....但有禮的...老細回來後態度不同.這是人性...如果係我,我都會咁...不得怪人....哈哈

哈, 又係我, 上一篇已經係大半年前的食評兩公婆每個月都會幫襯吓呢度, 除了燒臘飯, 近期愛上了其中式碟頭飯,所有都係即叫即整, 會放到鑊內炒炒炒好有鑊氣, 熱辣辣的上枱,咖哩魚的咖哩好香椰汁味又唔太辣,枝竹牛腩炆得好夠, 好入味, 勁正!一碟飯的份量好多, 差唔多可以兩個女仔食!例湯有時都係叫 (+$7), 係老火湯冇味道, 唔錯o架!

見今期飲食雜誌介紹有叉燒蛋治, 所以就去試下, 嘩! 兩大件半肥瘦叉燒, 果然有料到, D蜜汁加上熱辣辣半肥瘦叉燒 , 唔講啦, 一於去相

呢度係一間蔡瀾同滔滔都推介的茶餐廳,呢度的叉燒肉質靚, 絕對唔鞋,燒肉、乳豬都係好脆, 唔係擺到又林又 un 的行貨, 真係好好味o架!仲有佢的碟頭飯我都好鍾意, 咖哩類豉椒類的試過都唔錯, 好有鑊氣,每一碟都係即叫即整, 好新鮮, 所以呢類長期都好多熟客好 full o架~

食完譚仔米線，係元朗四圍逛，行下行下，去到福德街，見到呢間金記，門口貼左張蔡瀾相，走埋去睇睇，入邊阿姐出黎叫我地食野，話有下午餐茶，望下個餐牌，星期日下午茶餐都係$23，即管坐低試下。因為都真係仲飽飽地，叫左1個下午茶餐2份食。1碗燒肉瀨粉–枱黎到見到D燒肉個賣相，又唔肚餓，真係唔係幾開胃。個樣好似”鞋”烚烚咁，但食落口，又比想像中好喎，幾淋身，唔硬，湯底都唔錯，唔係味精湯底。燒肉份量都算多，瀨粉就較小，但下午茶份量是可以的。+1杯凍奶茶，幾滑，不過不失。凍飲都唔駛加$2。感覺著數左。埋單$23。下次會再去試下其他燒味，或者外賣斬料。

佢地既燒腩飯, 一個碗都要成34蚊, 講真,佢唔係有番o甘上下, 我稔佢都唔夠膽, 收您呢個價! 我每次去到, 一定會食, 而家搬左出市區 (仲係香港島), 返入黎都會食佢!! 灣仔有間好多人推介既燒味店, 有排都唔及佢! 叉燒就更加嬴成條街, d香港(島)既人, 真係應該入去食下, 咩叫做"好味"!!