金記冰室 (香港仔中心3期)

營業中

休息中

呢間金記開左一段時間，終於平日中午時間不用排長龍，招牌菜都食得到。餐廳有卡位，有大圓枱，4人坐沙化卡位岩岩好。先叫一人一件蛋撻做前菜，有餅皮有酥皮，雖然唔夠熱辣辣但蛋黃夠香，皮都夠鬆脆。海南雞飯最先上菜，雞肉多大大舊，可惜飯只係白飯唔係油飯，但午餐7x蚊抵食。炒烏冬選擇配海鮮，有魷魚🦑 ，蟹柳，蛤蜊，多餸之餘味道夠濃有鑊氣。仲有蔥油雞扒大大份，雞皮脆卜卜，共有兩大塊大雞扒添。最後食埋厚豬扒超滿足。

鐵板美式什扒💲98＋凍檸水💲3包括有牛扒、豬扒、雞扒、腸仔、煙肉配蒜蓉汁 和 白飯，跟餐仲有湯送，不過蘿送湯咸左少少。上菜時鐵板熱辣辣、咋咋聲、出曬煙，好好火喉；雞扒肉質超嫩滑，咬落仲好juicy，外皮好香脆可口😋；豬扒超大塊，咬落啖啖肉好肥美👍🏻腸仔都好有心思，開了花紋。 地道霸王雞例牌💲68依例牌比例嚟講，雞嘅份量都算唔錯，雞肉肥瘦分佈平均，有啲位好滑，但有啲位係雞胸，調味非常足夠，食得好滋味。 XO醬蝦球炒西蘭花💲70Xo醬咸咸地又有少少辣，配上西蘭花和蝦球 炒得好惹味，西蘭花爽脆，蝦球好彈牙，食得出食材有質素👍🏼。 唯獨是二人的座位比較窄小， 位置不太足夠 去放食物。

近排与友人行完山，渠地提议去香港仔金记冰室；我才知道渠地又开多一分店。食肆灯火通明；布置简洁，令人有一种闲适感觉。食物方面由于冰室走大众化线路，价钱相宜而食物份量十足；味道整体都唔错。就以今次我们所点的扒餐为例，一百元慨铁板餐有餐汤和饮品，主菜可配饭、意粉或薯菜，算系经济实惠 。罗宋汤热腾腾的浓汤内有很多蔬菜，甜甜酸酸甚为醒胃。西冷牛扒配薯菜配黑椒汁 $102两件厚切牛扒足足有8安士，真材实料。厨师火喉控制得宜，约七成熟；因我不太喜欢血淋淋 ，牛味浓郁。美式杂扒配薯菜配烧汁 $98有簿牛扒、鸡扒、猪扒、肠仔和烟肉，全部大大件；肉质淋滑和味道恰到好处。值得一提的薯条是刚刚炸完，所以外脆内软；食到停唔到口。最后便是餐饮，我们叫左热柠檬茶和热柠水，贪渠能去腻和健康些。岂料当饮品送到我地眼前时竟然见到D柠檬每杯有五片之多，真系货真价实。

金記發展得好快，差唔多十八區都有一間，今日去開香港仔都入金記食翻個晚餐先走自選二人餐 $148兩碗老火湯及白飯再配兩杯熱飲老火湯味精少，我自己好快就飲哂兩碗仲食埋啲渣！魚香茄子魚柳煲茄子先油炸，香口，炸出茄子味！肉碎汁都濃厚，但差少少咸香。魚柳皮薄多肉，面頭沾滿汁，送飯一流新鮮菠蘿咕嚕肉炸過既豬肉外脆內軟，咬落有淡淡汁流出！酸汁洽到好處，菠蘿同三色蕉都新鮮鐵板香煎雞扒配吉列魚柳蒜蓉汁薯菜雞扒永遠係金記必點，雞皮煎到香脆，調味適中。魚柳比茄子煲更香脆！客家砂礓雞底牌雞夠肥美，砂礓汁濃厚，就算雞胸都唔鞋口！

疫情至今，好多商舖都紛紛結業，香港仔馬會亦不例外。但今次要推介嘅食店卻在疫情期間開業，而且開業至今已經有大半年，每次經過都見到很多顧客在門口等候入坐。今日再一次經過，決定入去試試新餐廳的味道。金記冰室裝潢以綠色，灰色和棕色為主，間隔簡單，多卡位，亦都有一至兩張大圓枱供客人入坐。此外，冰室環境十分舒適，乾淨，地上沒有垃圾和十分乾爽，值得一讚店員帶我地到卡位坐低，講到可以自助落單，我掃一掃了枱上QR code嘅落單紙，很快出現左冰室嘅餐牌，雖然款式不算很多，但可以自由選擇和配搭，最後我揀左雪菜肉絲米粉＋炒蛋＋餐包，凍阿華田（濃啲）；而老公就揀左沙爹牛肉麵＋炒蛋＋多士，無冰凍奶茶。兩個餐大約等左2～3分鐘就送到枱上，見到雪菜肉絲米和沙爹牛肉麵都喺滿滿嘅一碗，而且雪菜和沙爹牛肉都好多，十分吸引。至於味道方面，真喺冇得輸，雪菜肉絲有好濃郁嘅蝦米味道；沙爹牛肉麵沙爹味好重，牛肉多之餘唔會碎濕濕，讚讚讚美中不足嘅係炒蛋，炒蛋雖然炒得好滑，但冇乜味，如果加多少少牛奶去炒，味道可能會更好。冰室仲有新鮮出爐嘅麵包和蛋撻，可以供顧客外賣。整體而言，金記冰室嘅早餐值得推介比大家一試。

住喺香港仔嘅朋友，就應該知道香港仔可以食嘢嘅地方唔多，但係要離開食又好麻煩。最近新開嘅金記就為香港仔這幫大家提供多啲選擇。話說嗰日去咗香港仔探朋友，因為天氣好熱所以外賣咗個午餐拎返屋企嘆冷氣。午餐包一個例牌沙薑雞、欖菜肉崧四季豆、兩個老火湯同兩個白飯、仲有兩杯嘢飲。因為實在太肚餓，仲嗌多咗一個鹹牛肉炒蛋軍艦。沙薑雞非常之滑，而且非常入味，沙薑味十足，隻雞亦都肥瘦適中。欖菜肉崧四季豆炒多非常之香，欖菜味濃，而且份量十足，送飯一流。例湯亦都好好飲，唔會好似出面嘅湯咁有味精味。隔咗陣食埋個鹹牛肉炒蛋軍艦，出面比較少見用呢一隻包，包底烘一烘小小脆脆地零舍好味。睇相都見到佢餡多過包，落足蛋同鹹牛肉，淨係食個軍艦絕對會飽。叫咁多嘢食都唔使一百蚊一個人

新的港式(金記冰室)盡享吃出舊有回憶經典食物風味外，符合港人貼地文化/實惠生活的需要，單純從店內簡約風情佈置、空間感分隔、座位間格氛圍營造之下食物平民化以小炒、飯麵、港點小吃、冷凍飲品無論速食或朋友傾談的必到地方 !簡咗餐點自選二人小菜餐滑嫩家常菜式把雞斬件中塊，「霸王雞」另以大量薑蔥絲和鼓油調味點綴好惹味以半肥瘦叉燒「韭黃叉燒炒滑蛋」陣陣肉味油香拌飯良伴己很配，套餐配上特飲「咸檸七」的確好開胃夠味又夠鑊氣必備以芽菜、河粉、牛肉等炒成「金牌乾炒牛河 」牛肉爆香色澤邪惡亦不太膩氣「金記三文治」 分成四小塊一層層餡多食材好豐富好驚喜

黎到香港仔中心呢邊，見到好大間金記冰室，好掛住個無冰奶茶呀，夏日炎炎，兩個人就入去嘆返個靚下午茶先😋星洲炒米$48深海吉列魚柳沙律$40咖喱魚柳飯 $46鹹牛肉炒蛋軍艦$30高質茶餐廳果然唔同啲😍，款款都睇得出係廚師細心之作，尤其個鹹牛肉炒蛋軍艦，將個蛋炒到成個長條形，包住碎牛肉，入口Juicy，就算個麵包都特登烘過，細心位做得好好👍成為我嘅必點之選其他下午茶餐嘅份量就比一般單點細碟少少，但係價錢呢都平好多喎，又可以食多幾款😁加5蚊就有無冰奶茶，性價比都幾高！

本人已去過港島區多間金記冰室食嘢。佢哋嘅凍奶茶都唔錯。唯獨是香港仔中心呢間。我一向都飲開走甜。佢呢度冲到好似杯奶水咁。完全冇茶味。已經反映多次都仲係咁。係最失敗嘅一間金記

香港仔美食不少，要去選擇吃那間美食，也讓人心大心細。眾有百年文化的金記冰室，以食物質素吸引食客。金記冰室分店眾多，位於香港仔中心，附近都有不小小巴到達。座位眾多的金記冰室，就算疫情之下，也不愁沒有座位入座。******************************走進香港仔中心商場之內，便到達金記冰室的門前，以綠色的格調為主的金記冰室，帶點懷舊感。入座之後就會給水杯，每張枱有自取食水，自助餐具等，最重要是自助scan code自助落單，枱上也有餐牌供應，也可以叫服務員下單。前來時間下午快黃昏時段，餐牌選擇都不少，有很多地道茶餐，小食，茶餐供應最多選擇。茶餐不只是湯粉類，還有沙律餐，小食餐，炒粉麵飯，焗咖啡，鐵板餐，中式飯類，西式飯，雞類飯，兒童餐都有所供應。飲品一般茶餐供應都有，還有些特別飲品選擇，確實是選擇眾多，絕對合適任何人的口味。落單之後幾分鐘，很快就把湯，飲品及食物分開送上。深海吉列魚柳配沙律 HKD42，跟中湯或西湯只需加HKD9，便選上羅宋湯。先試羅宋湯，跟餐加細細杯是半份份量，都很足夠一個人飲用。湯内雜菜也不少，喝上口也很濃郁，絕不會像稀水的味道，確實不錯。深海吉列魚柳

今日我收工同同事去香港仔食晚飯傾吓計😌香港仔中心附近太多餐廳，金記冰室餐牌選擇好多，價錢相宜，二話不說就選擇左呢間餐廳！晚市時段都有常餐、鐵板、小菜、小食等等選擇款式種類非常多，我哋三人行嗌左個四人餐，性價比非常高👍🏻四人餐包老火湯、白飯同餐飲老火湯絕對唔係味精湯，非常足料😋XO醬蝦球炒西蘭花🥦蝦球爽口彈牙！西蘭花非常新鮮，即使加入XO醬，唔算太油膩，感覺健康🌱拍薑菜心炒牛肉👍🏻菜心份量非常多，味道鮮甜牛肉醃得幾淋，唔似雪藏牛肉，係新鮮牛肉片。新鮮菠蘿咕嚕肉🍍菠蘿粒係原個新鮮菠蘿🍍帶出酸甜味咕嚕肉炸粉唔算太厚，酸酸甜甜，幾開胃送飯一流👍🏻椒鹽豬扒👍🏻👍🏻呢個必食，椒鹽豬扒好惹味😋豬扒肉質唔會鞋身，口感爽口，醃料唔會太鹹😋剛剛好食唔停嘅椒鹽豬扒！

金記冰室進駐香港仔，身為南區居民，梗係要去試下。新店位於香港仔中心三期地下。冰室環境光猛，座位闊落。鐵板美式雜扒有牛扒、雞扒、豬扒、腸仔同煙肉，配上意粉及羅宋湯，分量十足。無骨海南雞套餐海南雞皮爽肉滑，油飯粒粒分明帶油香，有咬口，配上黑豉油、薑蓉。金牌乾炒牛河河粉乾身煙韌身，有米香，牛肉大片完整厚身，有牛味。金記生炸雞髀雞髀大大隻，表面呈金黃色，口感香脆。雞批餡料十足，味道獨特。奶茶、咖啡奶茶茶味香濃，咖啡味道濃郁。

前生是投注站的金記，插旗鴨巴甸。歡迎你!金記如何如何，金記怎樣怎樣，恍如春雷震香港；夏雨驚九龍，朋友圈早早加把勁力推，令我滿有期望，尤其蛋撻、雞批都是本人的「飛佛」。星期日的下午茶時候來，人有點多，我點了蛋撻、雞批，窗外陽光滿灑，樹影婆娑，看著看著的我竟然有點犯睏，這惱人的夏天沒饒過誰，戴頂帽子都黑了幾度，胖吧胖吧胖成球吧，再加一客吉列魚柳沙拉和一杯絲襪奶茶。記起前半生穿絲襪、踩高跟鞋上班的廝殺日子，如沙漠的香港仔此刻熱得要命，腦子正想馳騁到某個綠洲時，茶點送到。蛋撻（$7）是牛油皮，賣相整齊美麗，撻皮香甜焦脆，黃澄澄的蛋漿如金子鑲滿撻皮內，甜度適中，可惜有點over bake，中心蛋漿過熟，以連鎖店來說，不能太過挑剔。雞批（$14）外面烤成淺金黃色，酥皮上畫出傳統圖案，線條清晰美麗，size有點小。裡面的餡料有雞肉、洋蔥、火腿，吃得出雞肉的滋味，亦嚐得到酥皮的奶油香。沒有很大驚喜，但以它的價錢，能在空調強勁的餐廳享用，算是良心之作。吉列魚柳（加熱飲$40）沙拉上菜時，明顯經過擺盤，沙拉弄成雪糕球一樣，很有心思，吉列魚柳炸粉很薄脆，看上去微焦，十分吸引。可惜一口咬下，發覺魚肉其實不多，

靚媽我都幾鍾意帶小朋友去茶餐廳覓食，鍾意多款式，緊有一款啱佢哋。✨芝士焗肉醬意粉～嘩嘩嘩😍鋪滿芝士，啖啖都有拉絲，欣賞呢款肉醬夠多，而且焗得夠杰身，每條意粉都沾滿肉醬，食落零舍香噴噴，酸酸甜甜，充滿茄香，帶小朋友必點嘅菜式。✨地道霸王雞～原本想清清地食個貴妃雞，點知賣晒，第一次是霸王雞原來都唔錯，薑蔥爆香甜豉油，再淋上面，甜甜地，另外一番港式風味。✨冰鎮奶茶～同普通奶茶嘅分別，係飲落更香濃😍，冇加冰，令到茶味更突出，同奶嘅比例啱啱好，又夠幼滑，唯一美中不足嘅係冇得叫少甜，如果佢嘅冰鎮奶茶，可以自己加甜就好了。

是日阿媽唔想煮飯，求其係附近搵d野食，金記係香港仔都算係新開，就嘗一嘗鮮。阿爸一黎就睇中左個豬扒飯飯同扒餐，茶記真係男人的浪漫，仲要係大食男人的浪漫。鮮茄濃汁焗豬扒飯 ＄６５面色紅潤有光澤，酸酸甜甜夠開胃，豬扒厚切，都幾有份量。鐵板西冷牛扒薯菜跟 黑椒汁 ＄１０２好有去左花x餐廳嘅感覺，大過手掌的牛扒，而且相當厚，我真係唔知一個人可以點食哂，唯有交比屋企個man處理。新鮮菠蘿咕嚕肉 ＄６８同阿媽share兩個小菜，身為咕嚕肉迷，必須要叫個咕嚕肉食下，新鮮菠蘿夠多汁，咕嚕肉炸得幾脆，有d驚喜！地道霸王雞＄６８雞好滑，豉油較得幾香，微微辣幾惹味食到全家捧哂肚都係300幾蚊，好過自己煮到身水身汗