金記冰室 (已結業)

金記冰室價錢比其他冰室貴所以都會覺得質素應該比較好，不過原來唔係，之前食過其他分店都唔太好，今次食荃灣呢間結果都係一樣，真係失望了。點了：鮑片火腿通粉，煎蛋多士，熱檸檬茶。鮑片火腿通粉，份量還可以，通粉細細粒都係唔易林個款通粉。煎蛋就點了要熟蛋，味道普通沒有特別。多士就出事，多士有好多牛油但都好燶下，麵包兩面其實都好燶，所以口感差之餘都會蓋過牛油味，差得濟了。熱檸檬茶就沒有特別。總結衰係塊燶過頭既多士。價錢對比呢個質素就差了。

Bought 2.5 pounds of razor clam and 1.5 pounds of regular clam from seafood market. To cook them costed me $328. Each HALF a pound is 42$. Feels way overpriced. I asked them to clarify and they showed me a menu with the price listed. I like Sam Shing for seafood much more.

情人節要食好D! 早餐當然要去最愛既茶餐廳 好在未過早餐時段, 要返過早餐乙呀唔該~- 仿鮑魚絲火腿通粉 (4/5分): 食火腿通, 最怕湯頭淡茂茂。好彩見到湯顏色香濃,  入口充滿忌簾雞湯味, 通粉唔淋, 熱辣辣, 正- 奶茶 (4.5/5分): 和奶茶深深一吻, 來代替講話, 好嗎? 金記奶茶係我最愛奶茶其中之一, 奶味香濃, 入口唔厚唔薄, 直接滑落喉嚨, 即使奶茶放耐左,奶茶表面 都唔會有層"衣", 好野- 多士及煎蛋 (3.5/5分) : 煎蛋普通, 但多士鬆軟香脆, 牛油上灑上白沙糖, 好味, 如果有機會配埋<波士冰室>既丹麥多士就Perfect~!

呢日約呀媽去荃灣辦年貨，於是約係荃灣食左早餐先開始行。好耐冇係呢頭食過早餐，所以想睇下有咩新餐廳去試下！諗左一輪，記起係楊屋道街市對面有間新野叫金記既茶記，就揀左佢。上到去坐底唔算多人，可能因為都快要到午餐時間了！我揀左沙嗲牛肉麵，呀媽就要沙嗲牛肉米，飲品先送到，檸茶同奶茶味道ok~等左陣食物都黎喇，火腿奄列薄薄的份量偏少與多士的味道同樣冇特別！而重點沙嗲牛肉麵就不得了！這是我食沙嗲牛以黎食過最最最差既一間餐廳！！個汁煮得唔好味不在話下，個牛肉仲要係未煮開癡埋一舊而且係唔熱既！！就係咁，呢間野切底咁令到我唔會再黎第二次！總括，非常失望的一個早餐！這是2019年第一間中伏既餐廳！

琴日早上去咗荃灣川龍街金記冰室,入到去都好多人,好在一個人,容易搵位,坐低就叫咗個招牌鮮牛肉朱潤通粉試下,加埋 火腿奄列同一件牛油多士,個牛肉通粉味道又幾好,其它都係一般,價錢都合理,一個早餐$40有找。試下無妨!

今日放工又夜喎去開荃灣就去左金記冰室食個晚飯上到一樓好快就入座都係食餐好似抵D一人一個餐就叫左涼瓜排骨,啫啫通菜煲仲中湯同野飲送,個中湯都正常野既我地仲叫左熱檸茶同熱奶茶啫啫通菜煲-都好香口下,不過就油左少少,但都好好食,D菜都好新鮮涼瓜排骨-排骨就好一般,唔太好食,涼瓜都好鮮味

約咗朋友喺荃灣傾吓計，plan下個月一齊去嘅旅行，我地周圍行，行咗個圈，都冇搵到一間coffee shop係啱坐嘅，因為朋友想食少少野，但我又唔想，同埋我哋覺得Starbucks既枱太矮，如果放電腦或者放書睇嘅，其實會唔舒服，加上假日，coffee shop都好爆場。我哋就離開咗商場，行到入楊屋道街市附近見到呢間金記冰室裝修幾靚咁，而且入邊唔算好多人，好似可以靜靜地食個Tea。由於我唔太肚餓，就叫咗一杯凍檸茶。一飲落口就發現呢杯凍檸茶係與別不同，佢個茶底應該用咗幾種唔同嘅茶Mix埋，先做到咁澀。

間野食過好多次，係街市附近，但係如果大夏天坐門口位會有浸街市味，要聞住街市味食飯，味道會下降！Lunch平時超級多人，次次黎親都爆曬要等位，今日一入到黎就有位坐，我哋一行六人每人都叫唔同嘅嘢食，因為太餓，影左兩張相就琴琴青食飯！咖喱豬扒撈麵（$42）同事話豬扒好多，咖喱好味薯仔完全入晒味勁正咖喱牛腩飯（$55）我估牛腩同咖哩汁應該係分開放嘅， 上碟先淋咖哩汁落牛腩，因為見到有啲牛腩冇咖喱嘅顏色，同事話啲牛腩牛筋好淋，應該煮左好耐，佢話味道唔錯！常餐火腿通粉（$45）同事話個多士好食，個通粉唔係好大碗，男士會唔夠飽南瓜蒸排骨（$4x)同事話蒸排骨同南瓜都好入味， 份量啱啱好，見到好多人都叫蒸排骨星洲炒米 （$55）夠鑊氣，足料，炒得好混，唔會有啲特別鹹有啲特別淡，咖喱味好香，又唔會炒到啲米粉爛晒碎晒，我女同事食晒成碟黑椒牛舌炒飯 ($55）平時次次黎親都要乾炒牛河，佢啲牛河真係唔錯，牛肉又多又大塊河粉又唔會吵到爛晒，條條河粉炒得好分明，唔會疊埋一束束！但今次改咗叫黑椒牛舌炒飯，呢個上次食完勁想再試，一放上枱已經好香黑椒味，粒粒飯都炒得好混，好多牛舌足料，唔似出邊炒飯麵得個兩三粒肉，唔知牛

羅宋湯肥牛烏冬😎+ 牛油蛋撻落單個陣，姐姐話要散嗌一樣正價食品先可以用優惠😏結果揀左個蛋撻蛋撻好食，重牛油香👍而個肥牛烏冬，好足料🤤肥牛竟然有5大片🤩如果味道再濃D，較果更佳🙂

今日難得放假，就自己一個落去食早餐。突然經過金記茶餐廳，見未食過就入去試下先。入到去環境舒適，坐位非常闊落，侍應的殷勤款待，令我心情舒暢，胃口大開。一打開餐牌就見到招牌豬潤通餐，仲有埋奄列！諗起好耐無食豬潤就試下啦！餐入面除左豬潤通粉之外，仲有奄列，一杯茶走 。d豬潤好爽，無腥味，全因配以薑絲去腥。仲有杯茶走不能不提，茶香奶滑，煉奶同茶嘅比例啱啱好，唔太甜。仲有個奄列，份量剛好，蛋滑料足。再嚟嘅成數好高！

位於荃灣楊屋道街市旁的金記餐室，早餐供應到十一點半，很多時星期六，日11點已經開始要排大長龍。當然啦！早餐多選擇超多牛油的多士，香噴噴沙爹牛肉公仔麵湯底濃傳統奶茶味

荃灣金記冰室對著楊屋道街市，偶爾假期，早上買餸煮飯仔，食完早餐先買餸，相當方便鄰近荃新天地和楊屋道街市，所以都有很多捧場客。地下是賣麵包的，麵包質素唔錯，堂食要上兩層樓梯每個角落都設計得懷舊特色早餐時間供應至11:30am ,所以每逢假日都會高朋滿座。早餐由$25-$42不等由於晏啲要和家人酒樓飲茶，所以選擇了單拼三文治：雞蛋三文治蛋治麵包上枱時，濕濕淋淋的，雞蛋過火，下次還是點樓下的麵包算了很喜歡金記的咖啡杯，看杯內那幾個字寫著 “多謝你飲我” 作為一杯咖啡，相當有專業精神沙嗲牛肉即食麵餐，配火腿奄列及牛油多士，一個人食晒整個餐的話，確實幾飽傳說中一碗沙嗲牛麵有667kcal ,足足有成三碗白飯，所以這樣邪惡之物，少食為妙，還記得第一次到金記時，眼見隔離左右，個個都叫此麵食，相信這麵必有其功力，一向少吃沙嗲牛肉麵的我，就是那次被吸引著，這店新開之時，這個麵確實做得出色，麵質彈牙，牛肉嫩滑可是今天適逢假期，店員人手不足，相信那麵在㕑房煮好了已放上好一陣子，到端上枱時，已發脹到啤啤聲⋯⋯下次假期都係早啲嚟⋯⋯以免再嚐啤啤沙嗲牛麵了⋯⋯發到咁大碟，真係會食唔曬嘛後記:金記由於鄰近楊屋道街市

⭐️推介比食茶餐廳早餐食到厭的你⭐️點解會咁講？因為我就係其中一位食茶餐廳食到厭的人...來來去去都係個幾款，無咩特別同驚喜。呢間「金記冰室」是友人推薦我去試的，一試便喜歡上了！雖然佢的食物不外乎是多士、煎蛋、公仔麵，到底有咩令我一試難忘呢？講比大家知道。📍熱呼呼的烘底牛油嘉頓麵包，咬了一口後便喜歡上了，甜甜的，很美味。火腿奄列不過不失。烘底牛油麵包配煎雙蛋🐣🐮沙嗲牛肉麵🐮雖然不是出前一丁，但同出前一丁的麵質無太大分別，頗有口感，湯底都幾香，雖然眾所皆知係味精湯哈哈😂牛肉都好林，沙嗲汁幾香！本來呢碗麵是我的，我老公都忍唔住食左幾啖....鮑魚火腿通粉🐷通粉都好有口感，是茶餐廳的通粉，要係茶餐廳先食得到。火腿同鮑魚正正常常。我最欣賞的奶茶☕️茶底濃，香滑，最重要係....呢句說話「多謝你飲我」🤣一句感恩的說話！帶比人正能量💪🏻香港地生活壓力大，放假時放鬆下食個茶餐廳早晨，見到句咁正面的說話真係帶出一日的好開始！成間茶餐廳是樓上店來的，有很多座位，但都大排長龍，足以證明很多人都喜歡食👍🏻有興趣都黎試下啦！

行行下發現荃灣開咗間好大嘅冰廳，入面裝修都好香港特式。應該係見鄰近咁多中國遊客住係如心， 做街坊同大陸客生意。 晚飯時間入到黎，兩個人，叫咗2個小菜，不過不失，價錢都合理。但見到隔離枱d 海鮮，好似好正咁。建議下次一班人去試下海鮮。

路過第一次黎呢間食，叫左個茶餐連飲品，先黎左杯凍檸茶，發現入面有枝人地使用過既牙籤仲灣灣地.....即時同職員講 佢地完全無唔好意思好似習慣晒咁🤔佢地只係想拿拿聲收走杯野驚我影相，當時我決絕地叫佢地拎過杯新既黎先換走有牙籤呢杯，佢地仲要態度晦氣，當等緊新飲品既時候，就有一個肥肥地帶眼鏡類似經理既人大力掉低個食品去我隔離檯就走，而當時係只有我一個人去食野 隔離檯根本無人，態度非常惡劣，佢掉低後就返去cashier傾計，總結黎講：貼錢買難受