金記冰室 (新都城中心二期) (已結業)

餐廳有很多卡位, 地方闊落清潔, 店員也很有禮貌, 用QR code落單快捷方便。正值下午茶時間, 下午茶餐頗多選擇, 干炒牛河炒得很有鑊氣, 河粉很爽滑, 加上芝麻和芽菜仔, 醬油沾滿每條河粉, 非常美味。加配冰鎮芥蘭配日本芥辣, 芥蘭新鮮翠綠, 爽脆口感, 同樣出色。

尋日晚餐去咗「金記冰室」鋸扒，叫咗個「鐵板西冷牛扒」！❤️🐮鐵板西冷牛扒$104🍴🔥熱辣辣咁上，牛扒份量大，好厚身，揀咗七成熟，食落好腍滑，邊邊位有少少筋位，有雜菜伴碟，揀咗燒汁，好惹味，配茄汁意粉🍝！😃整體都好滿意，值得Encore！適合牛扒控！🐮👍🏻

Holiday mood不想煮飯，所以同家人出街食晚飯。家人最愛小菜，而我想吃西餐，金記可以一次過滿足各人要求！坐低了，我又屈服於小菜的吸引下，放棄了吃我的西餐呢！我倆都是愛蛋之人，忍不住又叫了韮黃蝦仁炒蛋！蝦仁數量雖然不多，但是十分巨大新鮮！還點了魚香茄子魚柳煲，這是家人最喜愛的菜式！估不到魚柳份量十足丶魚柳肉厚大件、肉碎醬汁味濃，加上熱騰騰的瓦煲，在這幾天寒冷的天氣吃上，份外覺得好味！我們還點了地道霸王雞，雖然看起來份量不是太多，但是肉多嫩口，味道出色！最後，家人口痕話要吃甜品-西多士配雪糕！完全是增肥的一餐！估唔到在晚市，西多士也可以整得如此出色，配上雪糕簡直是茶餐廳最完美的甜品！上星期到了酒店Staycation, 一位大人的自助餐要$700 ，這裏吃到肚滿腸肥才$300，簡直是性價比！

今日同朋友去屋企附近嘅「金記冰室」食晚餐，順便吹吹水，傾傾計 🗣餐廳係用手機落單，仲特登有15分鐘免費wifi方便客人落單，非常貼心 👍🏻我哋叫咗以下幾個小菜：中式鳳梨小牛排：小牛排好夠鑊氣，鳳梨汁酸酸甜甜非常開胃 😋粟米魚柳：魚柳炸得香脆，炸粉唔會好厚，魚肉都好滑 😋金銀蛋肉碎浸時蔬：時蔬係白菜仔，金銀蛋肉碎好足料 😋我哋加咗$15轉套餐，有湯、白飯同嘢飲，都幾抵：嘢飲我哋叫咗綿滑蛋白杏仁茶（加$10），好香杏仁味，隻杯都好得意，多謝我哋飲佢 😂

最鍾意食佢嘅生炸雞脾同埋沙律🥗因為真係好香脆，沙律又好味😋又多薯仔🥔，但係個雞髀沙律餐攞嚟做lunch一定夠飽。常餐：仿鮑魚絲，火腿絲公仔麵🍜足料沙嗲牛肉公仔麵🍜，多牛肉，感覺唔會一pat pat，公仔麵彈牙。

🍗金記冰室🥢生炸雞髀意粉配火腿烚蛋沙律🥗$58麵底可以揀 即食麵 意粉 米粉 通粉👀雖然個麵尼嘅時候乜料都冇 但係將d火腿同烚蛋擺上去都有翻d食慾🤣但係唔緊要啦因為個主角喺個雞髀🍗佢個雞髀雖然唔係有炸粉皮果隻🌝但係都整得非常脆🥳個雞好滑又多汁最緊要係佢用咗椒鹽調味🤤令到個雞髀比起其他係standout 咗🌝順帶一提 有包餐飲🤣CP值: 8/10📍將軍澳欣景路8號新都城中心二期UG樓UG051J號舖

話說想食西多士,點知下午茶餐得芝士西多士, 或者細份傳統西多士配雞翼雞髀....因為唔想食雞翼雞髀,淨係想食傳統西多士,問佢芝士西多可唔可以改花生醬, 佢話唔得, 如果要嗌傳統花生醬西多, 一定要分開唉, 即係29蚊加20蚊杯奶茶😅 $49 其實咪食到個lunch

今晚約了朋友放工一起出將軍澳多個商場影卡通公仔影，未出發影前，我們吃一吃晚餐先，之前同朋友早決定了今晚去金記吃，因之前已吃過另一間分店，晚餐分量不細，價錢又不太貴，環境同座位都舒服，今次這間，我們選擇了卡位座，叫了鐵板美式什扒薯菜燒汁什扒有豬扒，牛扒，雞扒，每一塊都好大塊，好嫩滑同肉汁香味，薯條很脆有口感鐵板香煎雞扒吉列魚柳雞扒大塊煎得很香，嫩滑，好香蒜茸味，吉列魚柳大塊同炸得很脆口，很香蒜茸魚香味抹茶紅豆特飲大杯，很香綠茶味，紅豆軟，有咬感

今日去咗將軍澳新都城做嘢，之後就約家人去咗金記冰室食晚飯。我哋今次叫咗晚餐有蝦醬炒通菜牛肉，另外叫咗兩份常餐，分別係火腿仿鮑絲通粉，另一個係沙爹牛肉米線，分別配太陽蛋及煎蛋加牛油多士，另叫咗份奶油多及一份金記雞髀，飲品有雪糕紅豆冰、雪山菠蘿冰及白雪公主 。 蝦醬炒通菜牛肉蝦醬味濃郁十分惹味，而且炒得好有鑊氣。火腿仿鮑絲通粉湯底味道濃沃，火腿及鮑魚絲分量都好多。沙爹牛肉就係港式沙嗲味道，啱曬香港人口味。另外，牛油多士配埋炒蛋及太陽蛋一啖一啖食，好有懷舊嘅味道。奶油多外脆內甜加埋金記炸雞髀，小朋友最鍾意。3杯凍飲都好有冰室嘅味道，今餐真係好回味。

服務態度 衰到冇人有 入門口冇人招呼 問收銀又唔想搭理 問啲樓面個個木無表情 (所謂白衫 應該係經理) 好似入咗去大酒店咁 班待應企埋一邊吹水 叫佢好似阻住佢咁 唯一得一個女待應有禮貌 仲要睇面色 冷氣又唔夠 就算幾好食都好 真心冇下次

嗌咗個$158 2人set碗湯好鹹雞嘅肉質幾好 食落都好滑不過啲蔥唔夠香 有少少生生地嘅味咕嚕肉好好味 應該係即炸 個面仲係脆既啲菠蘿都好甜👍🏻今次杯奶茶麻麻哋 茶味唔夠香但係咖啡就好好飲👍🏻

坐底就直接叫左個2人set 懶得揀😂包小菜x2例湯x2白飯x2飲品x2(凍飲+$3）例湯好咸 好似落左好多鹽咁沙薑雞都幾滑 味道好濃 好重口味啲汁比較’杰‘身 掛晒係雞上面 好好味 不過都偏咸 好餸飯白飯都幾大碗四季豆味道正常不過啲肉碎咸左啲但係份量都幾多茶走飲落好滑 👍🏻隻杯啲字好搞笑望落好淺色 以為好淡但飲落咖啡味都幾濃 好飲👍🏻埋單$161唔洗加一價錢唔貴 都幾抵食不過啲小菜落鹽都幾重手但味道係好味既🤣

2021-08-13。         落樓下食個下午茶，忘記帶電話出街，只好選擇填紙仔。 有位高大男同事企正門口。當人在旁邊填紙仔時，成座山咁堆黎阻住半張台。填完紙仔，以為佢會帶客人入座，點知，佢望住兼阻住我填好紙仔放入收集箱後，直接轉身入餐廳無事搵事做，咪咪摸摸，完全無理客人一直在門口等。等到佢巡完場，我示意他幾位時，他求其指個位，將台面個Code牌掟在台面，  “坐啦！！手機落單！！！”   我直接轉身走！唔知道，我以為我去乞食！根本就係趕客！！態度如此惡劣！以後唔會幫襯！！！

新都城真係幾多嘢食店，唔想等位又要搵間有質素嘅話，我哋就揀左金記冰室，事關之前食過佢嘅分店都冇中伏。餐廳晚餐都幾抵食，特別係二人小菜套餐，除咗可以揀小菜之外，還有湯、有飯、飲品，經濟又實惠。不過，我自己就覺得份量太多，所以我哋決定散叫小菜，費事食唔晒，浪費咗碗白飯。新鮮菠蘿咕嚕肉咕嚕肉大大舊，口感香脆。菠蘿好Juicy，整體味道甜甜酸酸，非常開胃，送飯食一流👍🏻金磚風沙炸豆腐本來掙扎緊食椒鹽豬扒定係呢個炸豆腐，但最後都揀咗炸豆腐嘅原因係因為喺屋企好少會自己整🤣豆腐好嫩滑，外皮香脆，而且擺碟都很美觀😍紅豆冰紅豆冰可以自己選擇甜度和冰的份量，都幾貼心。而且紅豆和奶的比例份量合宜，都幾好飲。綿滑蛋白杏仁茶想滋潤養顏所以就揀咗呢杯杏仁茶，結果冇失望，杏仁味好香，入口順滑，下次都會再飲。

今日放咗工同朋友去咗將軍澳新都城行街影相，個商場好多嘢食，花多眼亂，唔知食乜好，穩陣啲都係食返，我去開的金記。呢間金記都幾大，好寬敞，多卡位，坐得舒服。鐵板美式什扒餐我好耐冇食過了，今日好肚餓所以嗌咗， 有齊曬牛、豬、雞扒、腸仔和煙肉跟 薯菜，係一大堆新鮮熱辣的薯條配粟米，好好味。回想起都覺得十分滿足， 未食先興奮，我揀咗燒汁，當醬汁鋪在鐵板上面時沙沙聲，證明鐵板好夠熱，聲音好療癒。 整體上都好滿意， 只係雞扒味道略嫌鹹了一點點。杏仁茶跟餐加十蚊，呢間分店能保持一貫水準，熱辣辣，甜度適中，重杏仁味，值得encall。公司三文治同朋友分享， 一人兩件啱啱好。好足料。賣相好靚 再加埋拱底，值得推介。