金裝燉奶佬餐廳 (已結業)

join團購用左28蚊買coupon..可以食原價38蚊的帶子汁肉眼扒餐, 仲可免費轉特飲同送一碗價值十三蚊的燉奶...但因為佢可用的日期只有約一周..所以只係買左兩張...可能佢可用分店都算多..所以下午茶同晚餐去都算ok..唔使點等..裝修算唔錯...乾淨新穎的餐廳...佢一黎居然問我..要幾成熟...我好surprise..因為就算係一個原價38蚊的餐..呢個價錢佢都居然都會問幾成熟...感覺體貼喎...另外佢可以揀意粉.飯或薯茶..意粉另上亦出奇地大碗...肉眼扒(5-7成熟)亦算嫩滑...而鐵板下都有幾舊炸薯...好大碟...另外仲有湯..同飲品...我自問係大胃妹都好滿足了...幸好..送的燉奶佢比張coupon我..可以留下次先食..張燉奶相已經係下次食左再影的..其實..我覺得..以咁的價錢...$38...我係會再次光顧..以前想平食鐵板...可能會揀大家樂..美心..但而家佢地都加晒價..平平地都要四十幾蚊..好似有時仲唔會有飯或湯...又好似飲品再計之類.....食鐵板又多左個選擇啦...

今晚一行三人去試試呢間金裝燉奶佬, 環境唔錯! 新裝修的.一望餐牌已經被茄蓉蘑菇芙蓉蛋飯所吸引...Order了3個套餐:茄蓉蘑菇芙蓉蛋飯: 賣相一般! 遠睇以為係蟹蓋. 芙蓉蛋個邊唔脆而且煎得好老! 餡料唔多, 只有蟹柳, 芽菜 及 帶有腥味的鰻魚, 完全格格不入. 另外, D飯比較硬.咖喱牛腩配油酥餅: 咖喱汁味道OK的. 但好稀. 牛腩帶點羶味! 油酥餅唔熱而且帶點油益味.鮑醬西蘭花班球: 鮑醬汁較鹹! 班球帶有雪味及腥味.甜品: 海帶綠豆沙, 椰汁黑糯米: 兩個都唔錯! 唔會太甜. 食物質數真係麻麻!除了店長之外, 其他侍應服務態度唔多掂!

呢間嘢小弟一直見證著由佢開始裝修到開張 ~2010 年 7 月 17 日, 終於登陸咗長沙灣 !!!!!! 開張當日,我嘅早午餐都喺嗰度攪掂 ~早餐同其他餐廳分別唔大 ...食完覺得味道唔錯 ~ 湯底鮮甜 !!!個麵底比其他餐廳大啲 ... 由於小弟囤積咗幾張 2-6 先用得嘅 coupon 糖水/3隻雞翼] , 所以索性去食下午茶 $30有個炒粉麵 + 1 個糖水 [ 可以飲嘢或者飲湯,只係我唔想加 $3 for 凍飲 ... ] +3 隻雞翼超抵食 ~! (冇雞翼都係咁話 !!!)啲嘢都好好食,但係雞翼燶咗少少 ...有樣嘢我O咗咀 ... 第一次見到糖水上面有冰 食完透心涼 ~總結 :順寧道/永隆街嘅餐廳呢個暑假有難了 ... 講抵食,至少抵食過附近間柏X先 講好食,呢間嘢一開張已經嬴得我嘅歡心~講方便,喺我屋企樓下,你玩晒啦 !!!