金裝燉奶佬餐廳 (已結業)

係門口睇到呢2個餐牌已吸引到我，有幾款想食，入到去坐低，仲多嘢睇，選擇真係幾多。睇都要幾分鐘。呢2個餐牌係我覺得比較抵嘅。其中一張餐牌嘅餐，係可送薏米香檸菜蜜，唔駛加錢可以叫，無理由飲檸茶檸水啫 。其他餐都要加$5嫁人。泰式香芧煎雙蛋飯，個豉油汁甜甜地，可以再多少少汁仲好。豬頸肉唔夠“林”佢比埋刀我都唔駛用，一咬就可以“分屍”。2個太陽蛋正常，無乜好講。佢個底，有少量椰菜，平衡返肉嘅油膩感。 而家出街食個午餐，閒閒地都過40，呢個價錢，合理啦！

而家百物騰貴，喺深水埗搵間企理少少嘅茶餐廳都50-60蚊個餐，真心貴。今晚行過見到坤哥（吳業坤）賣廣告嘅燉奶佬，$45有個飯，仲連埋凍飲，即管試試先。香茅豬扒煎蛋飯，真係有兩塊豬扒架，不過如果可以跟番西蘭花就更好了。焗菠蘿芝士肉肉醬意粉配西冷牛扒，牛扒就一定無幅相咁大架啦，味道一般，但意粉好乾好硬兩個餐都配凍蘆薈水晶綠茶，味道很淡，冰多料少。今次真係比坤哥「坤」左啦，當買個教訓，下次都係唔好貪平了。

印尼炒飯賣相都幾吸引炒飯一上台已經陣陣香味撲鼻！個飯炒得好香好有鑊氣！唔會太乾唔會太濕將隻煎得剛剛好既太陽蛋撈勻啲飯一齊食，炒飯變得仲好味！食落多d質感，炒飯既飯粒粒分明，絕不含糊。蛋白煎到邊少少脆，蛋黃少少流心，同個飯好夾丫！！仲有少少火腿、紅辣椒，全部撈埋一齊食，好惹味，有少少辣但成個飯又juicy左d雞翼整得好香口好脆！！飲品要加錢比較貴！！但淨係個飯51蚊價錢合理，唔算太貴！

薏香檸菜蜜 是什麼特飲？？！竟然是冇薏米 且只有一片檸檬我叫店員加回檸檬她說冇晒薏米薏香檸菜蜜係一片檸檬我問她 檸水都有3片特飲冇薏米 仲要係一片檸檬真係火都黎 點做生意呢太太太過份了

下雨天，隨便走進燉奶佬吃晚餐，平常叫個抄粉麵已經由$37起加價到$43或以上了，乾脆今晚叫個2人餐，2飯2湯2小菜+小食和菜各1碟連熱飲/糖水，價錢差不多，但非常豐富的一餐，小菜我們點了海南雞和咕嚕魚塊，海南雞是有骨的😅，小食是滷蛋豆腐併豬軟骨，再加一碟上湯芥蘭，燉奶佬的食物向來味道較清淡，日常晚飯算是不錯的選擇，至少油鹽糖可以吃小一點，感覺健康一點吧！2小口子在下雨天就吃了豐富的一餐了～

去街市餵貓前經過見到餐牌有D好奇入去問阿姐真係咁多樣小菜都幾抵下即時打俾老公落來食阿姐又介紹加四蚊有四隻雞翼老公當然唔放過，好彩我有早知之明叫老公帶個飯盒落來打包碟雞明天帶飯，圖中的份量係已經食咗D先醒起影相所以本身份量係多嘅

夜晚8點鬆D入去, 唔使等位燉奶佬既定位係高過快餐店, 又偏低於大餐廳佢地既裝修擺位相當好, 地方雖然唔算大, 但感覺好多位(加好多鏡)座位配色亦令人舒服, 四人位亦好足夠同埋佢地既特色係好多款指定餐, 有碟頭, 有煲仔豐儉由人, 價錢口味隨意晚餐點左個鴛鴦扒飯, 冷檸檬茶例湯: 佛手瓜煲豬骨, 想食佛手瓜好耐, 裏面有成五, 六塊, 但一塊豬骨都搵唔到         火喉唔夠, 味精較重豬扒: 一食就知原身係塊香茅豬扒, 正常size, 薄身, 爽口, 細骨, 但感覺好油膩魚柳: 好細塊囉陰功, 普通魚柳味道 飯: 晚餐黎計少左d, 相信會唔夠飽配菜: 普通包心菜, 無野講凍檸檬茶: 冰唔多, 一杯滿滿, 幾好晚餐49+3凍飲唔係特別平又唔叫特別貴, 算係比普通快餐好d

又到星期一, 真係超級吾願意番工正係我仲發緊夢既時候, 男友打黎話同我食早餐wor, 真係少有近近地去左公司附近間燉奶佬其實, 都係一般早餐都款式, 所以好老實吾會有咩期待叫左1份滑蛋有營餐, (有餐肉, 火腿, 香腸, 炒蛋和牛油餐包)另1份係營養早餐 (有火腿通粉, 配牛油餐包+煎蛋)火腿有2大塊, 比大X活和大X樂的份量多1倍, 抵食通粉彈牙不會過淋, 湯底吾會過咸而且有淡淡的蔥香味, 水準比出面茶記好餐肉幾厚身, 吾算油, 炒蛋都OK滑食物方面整體幾好, 係香腸煎得過火左飲品方面, 奶荼的奶和荼比例調較得宜荼香奶滑屬驚喜之作

星期六下午四點幾到, 只有幾個人在吃, 很好不用等可以任坐。打開餐牌見到每樣東西都可以加幾蚊就有野飲成為餐, 覺得這個做法非常棒, 尤其在這個低一點消費的社區裏。今次就點了1) 鮮茄羅宋湯通粉配炸魚柳+凍意大利咖啡: 羅宋湯略嫌没什麼料和酸了點, 不過魚柳超好, 熱辣辣的魚肉,外面就好像没落粉炸一樣脆卜卜,正! 意啡其實和普通啡差不多, 如可加雪糕就最好了, 可惜!2) 豉椒班球炒河+凍鴛鴦: 本人其實不喜吃青椒紅椒的,不過這裏只輕輕炒過所以味道都不錯。班球都算可以接受的大小, 質感還可以。 汁醬剛好能把全部河粉掛上, 醬料油份多少控制得不錯, 不會吃完滿碟都是油, 這個河粉不錯! 凍鴛鴦味道偏奶茶多點, 不過都算ok一定會再來幫襯!

連鎖食店的最大好處就是方便快捷，但食物就公式化。今天下午吃了「金裝燉奶佬」的所謂「招牌咖哩牛腩河」，因剛剛冇河粉供應，於是改了米粉。這裡標榜巴基斯坦咖哩，但牛腩卻欠缺咖哩香味，香料不足，牛腩咬落感覺好硬，非常失望，且$43，一點都不值。「燉奶佬」只適合來吃燉奶或簡單的早餐和常餐，其他「創意菜式」多是跟圖片有好大差異咯！

平時我一想食咖哩,我就淨係識去佐敦"亞龍"或"佐敦咖哩屋",但今日食過"燉奶佬"之後,我諗我都會少啲去佐敦食咖哩喇"燉奶佬"啲咖哩雖然唔係太夠辣,但起碼冇佐敦果兩間咁重"味精",次次食完都要飲好多水...真係幾咸"燉奶佬"啲牛腩真係幾"軟身",唔太肥,亦唔太瘦,啲咖哩又夠香......掂呀佢嘅"咖哩豬扒意粉"都得得哋架..."咖哩牛腩飯"...$42蚊"咖哩豬扒意粉"...$40蚊"番卓"指數:7分 (10分為滿分)

處理完一件大工作，辛苦得要命，所以，無論如何都要以鋸扒來自我慶祝一番。上次來過金裝燉奶佬鋸扒，感覺質素不錯，所以今次想鋸扒就想起了它。上次是特別推廣的套餐，這次則是常規的皇牌鋸扒餐，有美式雜扒（$55）、板燒雞扒海皇拼（$50）、紐西蘭厚西冷扒（$55）共三款，包餐湯、配白飯 / 意粉 / 薯菜，還有餐飲或糖水（糖水餐牌任揀，不過蛋白燉鮮奶就不可選），所以這個皇牌鋸扒餐十分之豐富。今晚不知何故很旺場，有很多人排隊，因為只得自己一個，亦不介意「搭枱」，所以排隊不一會就可以安坐！ 最後決定我的心水組合是紐西蘭厚西冷扒配薯菜跟黑椒汁（亦可選洋蔥汁），要羅宋湯和海帶綠豆沙。羅宋湯樣子平平無奇，但茄味濃郁，有足料，很多雜菜，水準不賴；紐西蘭厚西冷扒，同樣份量十足，牛扒厚身，嫩滑多肉汁，黑椒汁又惹味非常；而海帶綠豆沙要凍的，綠豆煲得起沙，海帶爽甜，牛扒過後吃這個凍綠豆沙，感覺涼快！

夜晚同媽媽仲有舅父一齊食飯食左幾晚中菜今晚就尼呢到食下啦之前都尼呢到食過不過不失咁啦舅父叫左一個雜扒飯媽媽就叫左日式炒海解烏冬我就叫左個帆立貝斑球天使面配健康粟米汁落餐果個waiter好似係新尼咁d態度就真係唔係咁好仲同我地講舅父同媽媽個餐加6蚊就有糖水隔左一陣就有另一個waiter問雜扒餐係唔係要飯姐係求先果個人冇落到人地食飯or意粉啦見咁樣我都問下係唔係加6蚊就有糖水送原來唔係,係要用正價叫最後就cancel左兩個糖水啦我試飲左佢地個羅宋湯覺得一般同埋好似有d油至於我個天使面其實我就食唔出有粟米汁既味道係呢碟入面係有d粟米咁,但唔係粟米汁果種味而且我覺得個味道比較淡口值得一讚既係斑球個口感唔錯都算脆食得出係新鮮既斑球糖水我就叫左椰汁涼粉味道唔錯可惜太多冰我唸下次都係食返中菜好d哈哈哈

用左28蚊同26蚊買左鐵板帶子汁肉眼扒同珍寶吉列蝦皇配野菌海鮮天使麵加2個燉奶！超抵呀！一入到間餐廳，超有大家樂feel！餐湯一般水準～吉列蝦皇配野菌海鮮天使麵，隻蝦真係好長好大隻，絕對有9吋長！個炸粉唔會厚，啖啖肉好正！有一粒帶子，一d蟹柳、蜆仔、魷魚、蘑菇~但係個汁唔係好夠味，撈完個天使麵都係冇味......一大敗筆鐵板帶子汁肉眼扒係有帶子ga！2粒細細粒ge～薯角唔脆，有d失望...... 主角肉眼扒都幾鮮嫩，幾有肉味～好過快餐店多多聲～諗到都覺得肚餓啦！加埋碗勁大碗ge飯 (飯上ge異物乃係米妮係上面食過個吉列蝦皇ge痕跡)叫個野飲，居然所有特飲都冇！！咁揀左個熱咸檸茶同熱富士蘋果西柚蜜，味道都唔錯，富士蘋果西柚蜜偏甜，叫個咸檸茶係因為米奇喉嚨唔係好舒服，飲完好似真係有好d wor～食到飽一飽食埋個熱燉奶，好濃ge奶味又好滑，唔算太甜，又幾好食wor～

因為買左團購關係..嘩..28蚊一個肉眼扒鐵板套餐好抵食咁,仲包埋飲品,餐湯同一盅燉奶(原價56蚊)買左兩個套餐...餐廳位置都幾靜,入夜人流比較少,so唔洗等位..裝修唔錯,幾光明,不過入到去搵位時,侍應明知有客並沒有出來招呼,自己搵位後,直至你點菜時先來收你上一手食剩0既碗碟..點菜後侍應不發一言就走了..服務不是極點差劣,但不見得好.餐牌有好多款式..咖哩系列,海南雞飯等等全部都係$3x-$4x,總有一款0岩胃口..肉眼扒鐵板套餐店內正做特價$38..肉眼扒我同bf 揀左7成熟..我平時出外吃飯不大喜歡吃牛的.因為通常都口感不好,有根..又不喜歡太生,有血但這次不錯..軟硬適中...很容易切開..又唔會嗱到梅or冇牛味...但bf的扒就過熟了..硬左d感覺又不太好了...飲品方面千萬不要叫茶類...奶茶好澀好難飲呀...仲好似冇落淡奶咁bf 話自己0既凍央難飲..又係好澀..佢試左啖奶茶更加無話可說..奉勸大家下次光顧只叫檸水,阿華田,好立克這些比較好了.最後上埋個燉奶...不愧為最佳燉奶,好滑,夠奶味又唔會太甜...不過服務水準真係要改善呀..眼見隔離台走左成5分鐘,侍應行過都