金葉庭

營業中

休息中

🌷12月閨密👭約會，午餐是吃中菜，因為她較愛吃中餐。今次是閨密選的《金葉庭》，是酒店內的中菜，大家都是第一次去，有新鮮感。🌷餐廳一貫中國風格，古典優雅，金光閃閃的色調配合店名，檯距離足夠，由於我們檯安排了在門口位置，也不知道有多大面積。我們點餐選了套餐，喜歡可以每樣試少少。商務午餐每位498上素腐皮卷外皮鬆脆蒜泥白肉卷肥瘦剛好，蒜香竹笙菜膽雲腿燉北菇湯湯甜潤口鮮百合菜遠炒龍脷球魚香肉嫩菠蘿山楂川汁爆蝦球汁液開胃，蝦肉爽口梅菜楊州炒飯炒飯材料豐富的炒飯，飯香紅豆沙不甜，紅豆湯味濃杏仁茶杏仁香🎄聖誕節金鐘是打卡熱點，餐廳位置非常就腳，不錯之選。

《金葉庭》午間小聚，小妹今次自備酒。這裡開瓶費 $500 一支，一般來說餐廳酒價 mark up 三倍，帶酒還是在 wine menu 選擇，自己衡量取捨。【 酒 】小妹覺得中菜比較夾香檳，所以有一支 Champagne。第二支是連我自己都少飲的 Burgundy 白酒 —— Chablis Grand Cru 。Chablis Grand Cru 跟一般餸生蠔的村酒不同， 前者較複雜，不單調一味礦物或果香，也較 oaky，去 pair 味道複雜的中菜，小妹認為甚為可取。不過都要一提，不是 Grand Cru 就是好酒，那只是表示葡萄來自一塊很好的田而已，好些 Corton-Charlemagne 乏善足陳 。****今天吃『《金葉庭》午市精選套餐 』【 金葉點心拼盤 —— 水晶蝦餃 ｜ 鮑魚燒賣皇 ｜ 彩虹蝦春卷 ｜ 紫薯帶子餃 】現在四、星酒店中菜廳的點心，大抵都不會太差，但少個性突出的。誠然蝦餃、燒賣燕瘦環肥不同中菜廳出品還是分別得到的。除了味道，小妹著重造型，點心必然要小巧而雅緻，造工精美，不可粗枝大葉，否則成了糊口之物，而非點心啦。《金葉庭》點心乃中規中矩之作，味道及格有餘，

食物有水準的⭐️椒鹽牛柳粒 $138入口驚豔，估唔到佢咁好食椒鹽香口，牛柳肉質口感鬆軟⁡⭐️乳豬燒味拼盤 $308乳豬皮脆肉嫩，海蜇爽脆麻油香，叉燒不錯⁡⭐️金牌吊燒雞 半隻$318皮脆雞肉嫩，配檸檬汁吃一流⁡⭐️百花帶子鳳尾蝦 $388蝦膠釀帶子，外層酥脆，內裡爽口彈牙⁡⭐️栗子焗西米布甸 （唔記得原稱）$78栗子蓉好香，甜度適中焗釀鮮蟹蓋 $248 per 1位個人覺得洋蔥醬料太多，蟹肉感覺比較少，稍微遜色一點環境方面背景音樂有啲大聲，稍微調低少少更佳服務方面可能熟客實在太多，生客感受到些微差別😂有一幕挺鬧心，有位服務員可能在工作上出了些微問題，經理/部長明顯高級一點的職員當面，以比較重的語氣叫他走開。我想高級餐廳可以有更好的處理方式。

多謝朋友請食飯就嚟到呢間喺Conrad酒店食中菜嘅金葉庭😊餐廳裝修跟酒店都係豪華高尚，侍應服務有禮同專業態度，令人感覺開心食得又舒服😌👍🏻平時好少去酒店食中菜通常都係食西餐又或者來聽歌飲酒放鬆吓 可能因為價錢方面都唔係平，但個人覺得真心值得一生人來一次，又或者可以同幾個朋友夾錢食餐好嘅🙌🙌每一道菜都色香味俱全🤤 好自然就想影相show出嚟俾朋友睇🤩 我哋今餐仲有紅酒白酒配合每一道菜 早慶祝朋友生日🎈食得好開心我哋之後仲落咗大堂聽歌繼續飲🥂🥂🥂

打8號風球唔使返工，梗係去飲茶啦✌🏻酒店嘅中菜廳質素一定有返咁上下，所以就去咗Conrad入面嘅「金葉庭」食個lunch😊蝦餃一客有4粒，但個頭不大，皮薄，一粒入面蝦肉大概有4,5隻，全部都非常新鮮，好爽口彈牙👍🏻睇返之前嘅食評見到蝦餃上面有金箔嘅，感覺上會高級啲，而家就比較平平無奇😅鮑魚燒賣皇一客都係有4粒，內有冬菇、蝦仁、豬肉，上面鋪上一塊薄薄嘅鮑片，但入口其實食唔出係鮑片😅燒賣一入口充滿冬菇嘅香味，肉質緊實，蝦肉新鮮爽口，確實做得不錯👍🏻荔芋蝦春卷食落似芋角，內裡包住⼀隻鮮蝦，炸得酥脆香口，入口感受到荔芋嘅軟綿，又能夠食到蝦肉嘅彈牙，口感層次豐富鮮帶子片肉鬆煎蘿蔔糕一大塊蘿蔔乾切成8件，上面灑上大量肉鬆香葱洋葱粒同雞蛋煎香，再加上薄切帶子片，令平平無奇嘅蘿蔔湯變得惹味又香口，推介👍🏻金葉庭炒飯炒飯材料非常豐富、有魚肉、蟹肉、蛋白、咸蛋黃、菜粒，炒得乾身粒粒份明，入口充滿咸蛋黃嘅香味，多重口感，非常好食📍金葉庭 (金鐘)金鐘金鐘道88號太古廣場香港港麗酒店大堂低座人均消費：$350-450食物：⭐️⭐️⭐️⭐️環境：⭐️⭐️⭐️⭐️⭐️回頭率：⭐️⭐️⭐️⭐️

今日呀妹生日想同佢食餐好嘅，我哋今次揀咗Conrad酒店嘅金葉庭，裏面嘅裝修好典雅。 我哋今次試咗個矜貴嚐味套餐。 第一道菜係乳豬叉燒拼海蜇：佢嘅乳豬夾住簿簿嘅糕點，上面鬆脆，下面又軟綿綿，好好味。 之後食咗個鮮鮑焗釀響螺，係我全個餐最鍾意嘅，因為佢將材料切粒再加入洋蔥一齊炒，好香，份量亦都好十足，超另外，上湯蝦乾頭菜浸斑球，佢啲湯汁完全滲入魚裏面，魚肉又啱啱好，好滑，鮮味提升當然唔少得甜品 蛋白杏仁茶 好香濃嘅杏仁味，濃度亦都好適中，又唔會太甜，食完之後真係覺得皮膚都即刻靚咗不過，佢有個酸辣海鮮羹，我就覺得麻麻地，太濃味總括來講，我都覺得好好味，大滿足

Dining City 「Chill住食」好介紹，一間曾經有🌟嘅餐廳🍴星期一嘅晚上比較寧靜，餐廳入座率都有6成🤭我哋在網上預約優惠套餐，不過好明顯不是餐廳主打所以完全唔知有呢個餐牌，不過前台支客都好醒目安排我哋坐低先😂今次菜單$688/ 8道菜，只可以講：抵👍🏻👍🏻👍🏻最重要‼️不會因為價錢而影響質素，讚👍🏻👍🏻餐廳環境Moscato d’Asti (一分為二）（$150）鴻運乳豬拼盤，已經食到好有水準嘅燒味😍醬油竹笙菜膽燉花膠湯，足料🤤花膠好厚架😄豉油皇煎銀鱈魚伴鮮露荀，唔食魚嘅我，都食咗啲啲，好好食👍🏻👍🏻👍🏻山楂川汁爆蝦球，好開胃🤭十香醉肉排伴翡翠苗梅菜楊州炒飯粟子蓉西米焗布甸，最後變咗蓮蓉🤭美點雙輝

因為自己喜歡吃蟹，朋友介紹我們去這𥚃吃蟹蓋，所以好期待呢！我們每人一隻蟹蓋，蟹蓋上鋪滿了cream同洋蔥絲，連同蟹肉一齊焗成的。我覺得味道ok, 有好多蟹肉，不過個cream甜咗少少🤏之後叫了燒乳豬、叉燒同海蜇、燒雞： 我喜歡吃這裏叉燒，因為燒得剛剛好，而且肉質也很鮮嫩❤️而燒豬同燒雞個皮脆脆的、好惹味💕還有蝦煲，啲下都幾大隻，🦐頭還有少少膏👍之後叫了上湯雜菌蕃茄豆苗，豆苗吸收了上湯精華和蕃茄味，味道帶少少酸，好健康好開胃呢!再來個傳統的炸麵、呢餐真係大滿足😍因為朋友生日的關係我們還叫了壽包，而入面係蓮蓉的，好好味, 食完真的飽到上心口😂由於朋友買了75折coupon, 這餐人均$480

久未重來的《金葉庭》，仍舊那老模樣，地方瑰麗雅緻而不媚俗，環境安靜，服務周到，風采依然。是夜輕鬆自在的晚餐，吃一頓「便飯」，就不開酒了。論食物，用料和烹調質素高，味道則中上而已。【焗釀鮮蟹蓋】朋友是個「懷舊」的人，要吃點傳統粵菜。焗蟹蓋面少少香脆，內裡 餡料 creamy，略偏稀，可能洋蔥焗出來就水份多了一點，是否可以焗之前把洋蔥 sweat 一下（不用 brown 啲洋蔥，只需減低水份）？吃到洋蔥之甜多過蟹肉的鮮美。小妹認為味道稍微甜了些，個人口味，savoury 的菜式我不愛甜。Cream sauce 複雜度和層次感亦稍欠，然而看得出是落足心機去做。這是否叫懷舊？小妹無法置評，朋友卻吃得甚開心，認為就是那個味道，小妹欣然答應著就是。食物最重要還是吃得開心呢。【京蔥爆關東遼參】日本遼參（因為刺突出，也叫刺參）煮到爽腍之間，完全 spot on。本是「無味之物」(其實是有點甘味的），以濃郁醬汁去煮，借味是烹煮鮑參翅肚之「王道」。不過京蔥氣味也勁，若大廚認為佐以濃稠醬汁適合，則小妹末敢苟同。這道菜醬汁太濃也略鹹（更也有些甜 —— 那個汁底蘊帶甜的，算是「滬風」吧？），對味蕾過度刺激。雖然

港麗酒店既staycation套房package跟左一千二百蚊dining credit一點check out半個鐘後入番酒店食中菜金葉庭由2009開始已經係米芝蓮一星餐廳中間曾經試過有兩年無左星星然後由16年開始就再無入過米芝蓮而家由係金葉庭工作超過廿年既尹鐘耀師傅帶領團隊認真呢間中菜我就真係無乜點期待過網上都比較少聽人講亦唔覺佢有咩特色既招牌菜同埋佢以前有做過超早市既點心放題令我對佢地點心就無咩特別興趣仲有我係門口影相位職員仲想同我產相真心係第一次遇到入到去餐廳入面就覺得好細間就係一個長方形餐廳無景既中菜廳都見唔少之前去過香宮夏宮明閣逸東軒呢堆有星既中菜廳都無不過金葉庭就真係特別細坐係度一眼就望晒目測只得九張檯入面應該仲有vip房頭頂亦都無尋日係意寧谷見到既金菜只有呢款燈籠吊燈呢度餐檯大部份都四四方方得我地後面有張大圓檯有檯布亦都有隻琥珀綠既大碟擺得幾整體企理牙籤盒餐牌午市套餐有三款最貴有四人用既九道菜點心都幾貴完全係拍得住有星果d時令菜式都無咩特別吸引最後就叫左一平一貴兩個套餐試下呢度有濕手巾提供不過特別有樣野想講茶開左之後我地都落埋單但結果過左成廿分鐘係完全無人幫我地斟過茶隻杯

金葉庭 x 緻月 – 港麗緻月氈酒月餅禮盒🍾（原價 $688，最後減價至$468往年中秋，一向買傳統口味既月餅，不過今年搞搞新意思，試下Conrad Hong Kong 金葉庭既Gin酒月餅🍸，禮盒包咗：• 迷你氈酒奶黃月餅 2件• 迷你陳皮紅豆蛋黃月餅 2件• Two Moons 乾氈酒 (100cl) 1支 • Two Moons 四季柑氈酒 (100cl) 1支由於最後減價買入，只需$468，單單係兩支小Two Moons，已經好回本。至於味道，陳皮月餅好有回甘味，氈酒奶黃月餅餅食得出有酒香，都幾推介呀😍。

今年中秋，買咗港麗酒店 Conrad 金葉庭既Gin酒月餅禮盒😎。金葉庭聯乘咗獲獎手工Gin酒品牌Two Moons Distillery，禮盒包咗迷你氈酒奶黃月餅和迷你陳皮紅豆蛋黃月餅各2個，100cl的Two Moons Signature Dry Gin 和四季柑口味既Gin各1支。氈酒奶黃月餅好特別，散發啖啖既酒香，陳皮紅豆蛋黃月餅都好好食。兩支Two Moons既Gin酒，用來整Cocktail送月餅，真係好嘆啊😍。

朋友慶祝請食飯，在這曾獲米芝蓮一星的餐廳包了間房，幾大幾舒服，隔音幾好，服務也不錯。食物方面，樣樣細細的（尤其欣賞其甜品）精緻好味，可邊談天飲酒及品嘗食物，舒服自在。

又一間老牌酒店內的中菜廳，裝修貴氣但絕不感到過時，早早兩星期前已經預約跟老朋友相聚飲茶。。。準時十二時入座，樓底高枱與枱之間的距離比一般更為寬闊，感覺上而家較為安全，由於室內擺枱佈局令到整個環境都較為空間感足，雖然沒有明窗，但樓底高彌補了不少～職員帶位後我們便開始一覽餐牌，自己在來之前已經早早在網上做上功課，而朋友亦放膽叫我點餐，所以我們就來了一個(套餐)加幾個散叫點心和二份小炒，便已足夠兩人用膳～【文章下方會有少少影片分享!】蝦餃HK$108.精緻中的精緻，應該是我近年食過最細粒嘅蝦餃，餃皮薄接很清晰，絕對顯得師傅的手工藝，蝦肉彈口無挑剔位可言～蟹肉菜苗餃HK$98.同出一轍（精緻小巧 ），又一個見到師傅手勢的傑作，蟹肉跟菜苗的比例是一半一半，沒有細意品嚼下其實也吃不到蟹肉的味道，怪我味蕾有點遲鈍～另一個XO醬煎腸粉HK$98.上枱時已覺得擺盤很漂亮，每一條腸粉都煎得很透身，吃下口中很是Q彈，以往曾經有人講營xx館的煎腸粉好食，其實這裏絕不輸蝕⭐️⭐️⭐️⭐️【細心位我覺得上枱嘅速度與及配合⭐️⭐️⭐️⭐️】我們吃完了點心過後職員便開始陸續呈上有我們的(HK$468.套餐)，先來是兩小碟（分別是上素

自從東鐵線開通至金鐘後，對北區居民可說是雙面刃，因為車廂平白消失了三卡，班次又不見得加密，就算家陣還未通關，少了大批內地客，早上繁忙時段，大家依然逼得似沙甸魚，不過能直抵金鐘站轉車，又確實幾方便。早前朋友轉戰港島區上班，就算遇上風球，狂風驟雨下，依然可以遮都無開平安到埗。曾獲米芝蓮一星殊榮的金葉庭正正係地鐵站上蓋，出入超方便，今次同朋友聚舊之餘，順道試試最新推出的夏日嚐味套餐。Summer Degustation Set Dinner 每位包括巴黎之花香檳一杯inclusive of one glass of Perrier-Jouët, Grand Brut, Èpernay, Champagne, NV餐前先送上一杯 Perrier-Jouët, Grand Brut, Èpernay, Champagne, NV，清幽芳香的感覺，令整個人開始放鬆了。金葉經典兩小碟 (以下四選二)蜜糖汁叉燒、明爐吊燒鴨、芝麻海蜇絲、迷你炸蟹拑Golden Leaf Deluxe Appetizers (choose two items from below)其實真係有選擇困難，四款前菜各有特色。海