金色不如帰 (又一城)

營業中

休息中

聽講呢間餐廳啲蠔拉麵好出色，咁啱今日去開又一城又有分店所以就去試試看。我哋有事先OpenRice book到，去到人數唔算多，我諗坐咗一半都冇，但係竟然喺門口企咗成5分鐘都都冇人出嚟招待過我哋。最後係煮緊拉麵嗰位師傅見到我哋企咗好耐都冇人理過我哋先幫手叫同事出嚟。入到去坐低打開餐牌，發現原來呢間並沒有蠔嘅拉麵，只有一啲好基本嘅鹽味拉麵，醬油拉麵。咁都唔緊要啦，見呢間餐廳咁出名，由日本開到嚟香港，都應該會好食嘅。拉麵到咗，賣相的確係唔錯，但係食落口確實非常非常普通。兩款味道差不多，而且份量都好細。兩片豚肉好嚡好實。性價比實在唔高。都算係一間可一不可再嘅拉麵店。

#20250611 🤍📍 #金色不如帰 @konjikihototogisuhk九龍塘達之路80號又一城LG2樓LG2-25號舖 🍽️尖沙咀｜中環｜黃竹坑均有分店➖➖➖➖➖➖➖➖➖➖➖➖➖➖➖➖➖#涼拌黑松露紋甲墨魚 $70💭 呢個小食都算係一個驚喜，面頭有洋蔥、青瓜絲做精美擺盤，底下有十舊左右既墨魚肉啦，配上酸酸地既汁，爽口彈牙又開胃，呢個價錢買到咁既質素係幾值得🐙.#煙熏黑椒豚骨拉麵 $115💭 個碗夠哂大，但唔係好飽，叉燒得一塊薄薄地嫌試味都唔夠，配菜例如蛋果啲係要自己加錢tim，本身跟既配菜得蔥同肉碎😅麵係幼身既麵，最主要係配個湯底，香濃黑椒配個豬骨湯都唔錯，算係呢個拉麵最值得回味嘅野🍜.#九龍塘美食 #🐷在九龍塘 #尖沙咀美食 #🐷在尖沙咀 #中環美食 #🐷在中環 #黃竹坑美食 #🐷在黃竹坑 #🐷_食

一碗$115嘅拉麵，咩餸都冇除咗一塊薄切嘅豚肉叉燒，仲要係鞋嘅，麵就得幾啖。去大家樂食碗叉燒飯都冇咁嬲。想做傻仔就嚟啦！A bowl of ramen for $115, with no toppings except for a thin slice of pork chashu, and it's tough. There are only a few bites of noodles. Even eating a char siu rice bowl at Café de Coral wouldn't make me this angry. If you want to feel like a fool, go for it! 👎

諗住依間野都叫過江龍會ok，不過真心失望左。身為和牛控既我心血來潮去試佢嗰個A5有田黑毛和牛，今次嘅經驗，令我知道叫和牛唔好同湯麵一齊叫，成件事係靭曬，咬唔爛🥲浪費左兩塊和牛～同埋冇諗過會有塊鴨胸😂鴨胸反而仲好食～溏心蛋都幾好，正常發揮。男朋友係拉麵控，佢叫左個貝汁醬油拉麵話有啲鹹～佢都失望左。不過服務都唔錯既，隨時有店員招呼，野食都黎得快，凍烏龍茶好飲（有茶葉👍🏽）。環境唔錯，坐得舒服。不過未必會encore🫣

香港嘅食肆俾人哋講話越嚟越衰真係。呢度比緊$100+一碗嘅拉麵，服務仲衰過地踎茶餐廳。侍應竟然可以將食物飛落個客張枱上。態度仲要好似理所當然咁。幾個侍應大大聲公然喺度討論坐上嘅食客。一個侍應提醒另外一個年輕侍應。年輕嗰個侍應竟然可以換一句「冇所謂，佢哋都喺度玩手機啫。」！仲要大大聲喺用膳區中間講。慌死其他食客聽唔到咁！真係好離譜！

100蚊嘅拉麵…食返100蚊嘅質素，有期望就會有失望。白豚骨拉麵 唔覺得特別有豬骨味，純粹濃湯味比較出；所謂嘅貝汁鹽味拉麵，出面比較少有機會試到，只可以話係特別。反而叉燒小碗飯幾適合小朋友份量呢個位抵讚。平常心嚟試下你嘅味蕾。侍應好趕時間，一句都唔問你"食完未"直接收走。其實你都冇咩客人，出面又冇人排隊，我作為食客又唔介意檯面有碗碗碟碟，我有需要就會麻煩你幫手攞走喇。態度唔惡劣，因為完全冇同你講過一句嘢。體驗好差，食譚仔仲開心。

比想象中更加味濃 ，2個口味都好新鮮，小吃味道唔錯，份量大，拉麵湯飲曬，下次再去，有氣水味道特別，是期間限定 其中一款已經賣光，所以只買了一枝，有茶味有汽，跟有汽檸檬茶不一樣

今日突然好想好想食拉麵我男朋友就揀左呢間係日本都極為出名既金色不如帰憑藉其卓越的拉麵技藝和持續的創新🤗榮獲東京米芝蓮一星殊榮一去到又一城分店 店員好professional既熱情招待😎😎🔸牛肝菌醬油鵝肝雞湯拉麵全新的牛肝菌醬油鵝肝雞湯拉麵湯底經過7小時慢火燉煮👍深厚的鮮雞濃湯與魚清湯的結合形成一種黃金般的色澤好似店名咁!!😝湯頭入口濃郁卻不油膩 鵝肝的融化在湯中 好奢華呀拉麵彈性同湯底的搭配好perfect🔸煙熏黑椒豚骨拉麵同樣驚艷🤩🤩🤩豚骨湯頭濃厚 煙熏的味道一落枱就聞到啦😀豚肉的質感柔嫩 搭配黑椒的微辣 最衰就係只係得一塊 唔夠喉呀~🔸自家製豚肉煎餃當然要食埋我最愛既餃子啦餃皮薄而Q彈 內餡豐富多汁😍外焦內嫩的口感 日式餃子真係冇得輸🔸Mindful Sparks氣泡茶烏龍茶的清香但又有碳酸個種氣泡 感覺好正去膩但又好fresh 好鐘意呀📍金色不如帰 (又一城)📍九龍塘達之路80號又一城LG2樓LG2-25號舖

食過一次就愛上左，拉麵湯底極濃郁，拉麵彈牙，肉質超腍🍜牛肝菌醬油鵝肝雞湯拉麵💰$148湯底係黃金清湯，有魚、雞混合，湯底以歷時7個鐘慢火燉製成雞濃湯😍配搭天然材料浸泡嘅魚清湯熬製而成😍味道鮮甜👍🏻主角鵝肝煎得好靚好香口，油脂豐富，配埋意大利日曬番茄炒牛肝菌，口感層次豐富，仲有岩手縣直送嘅慢煮雞胸，好食🍜白豚骨拉麵💰$115湯底一樣濃郁，就幾飲幾啖都好正，日式豚肉煮得入味，簡簡單單都已經好好食，仲有紫菜、洋蔥等配料🥟自家製豚肉煎餃💰$70內餡係豚肉，笋絲、菇菌，餃子皮好薄，煎得香脆🥤四季柑汽泡玄米茶💰$28（原價$45）唔太甜，幾特別地將茶同汽水混合，又幾好飲🚩金色不如帰 (又一城) (九龍塘) @konjikihototogisuhk 📍九龍塘達之路80號又一城LG2樓LG2-25號舖

金色不如歸係一間喺日本少數攞到米芝蓮星級嘅拉麵舖，亦都係少數我認為喺香港做得比較好嘅過江龍餐廳主打非常少人做嘅貝汁拉麵，所以係用咗大量嘅蜆同埋唔同嘅貝殼類牛製而成湯底！😎😎😎味噌煮牛肚牛肚經過慢煮，口感滑嫩，味噌的香氣濃郁，搭配的調味料恰到好處，讓牛肚的鮮味充分釋放。🔥🔥貝汁醬油拉麵貝汁醬油拉麵湯底清鮮，貝類的鮮甜味道與醬油的香氣交融，拉麵的嚼勁十足，叉燒方面有兩種，分別有慢煮叉燒同埋一般嘅叉燒，兩個都十分之甘香，食得出用心製作🤤🤤🤤🤤牛肝菌鵝肝拉麵呢一個係期間限定嘅拉麵，牛肝菌的香氣與鵝肝的濃郁完美融合，鵝肝有燒過，所以十分之香，拉麵的口感Q彈，讓人一口接一口，肉類方面亦都有慢煮雞叉燒，非常軟滑🪷🪷🪷

太太同小朋友尚在美國時，當然會花多點時間，品味一下香港啦。那天一放工，我想起日式拉麵啊。又想起，我好似好耐冇去過又一城這一個商場。所以，我就開始尋找一下，九龍塘有什麼拉麵店。而《金色不如帰》就 top on the list 了。加上，這是有米芝蓮加持的拉麵店品牌啊。不得不專程來，試一試他們馳名的貝汁醬油拉麵。難得在平日的晚上外出飲食，無論在油尖旺，或是這一個類型的大商場，發現到，街上的人流，比以前冷清多了。而我也發現到，自己也就是放工立即返屋企的其中一員。算唔算是令香港經濟陷入低迷的其中一個兇手呢。來之前，只知道又一城有拉麵店，而且是一間有米芝蓮名銜的拉麵店。來到，看看在檯上的簡介，才知道這兒是用大蜆、豚骨、魚介製成的貝汁湯拉麵。貝汁醬油拉麵，一看名字，就知道是好味道。然而，先來的，是我追加的一隻蛋。日式的鹵蛋，由蛋白到流心的蛋黃，都非常之香口。沾一沾拉麵湯，更是香甜。《金色不如帰》的招牌了，是聞起來已經覺美味的貝汁醬油拉麵。單是那個湯頭，已經是鮮甜到入心。叉燒，香口香滑，味道佳而不會過份的肥。幼麵麵條既掛汁又夠爽口。如果我是在那些非常傳統的日式拉麵店，要向老闆人叫 Oishi 之餘

牛肝菌醬油鵝肝雞湯拉麵湯底以醬油為基調，融合了牛肝菌的濃郁深邃香氣完美平衡左鵝肝既油脂，鵝肝的絲滑質地，濃郁既奶油味與牛肝菌形成了完美既協調，雞湯令湯頭清澈而不失鮮美，麵條幼身彈牙，有驚喜。貝汁醬油拉麵貝汁醬油拉麵湯底後勁有股獨特的貝殼類帶來既海洋風味，用左新鮮貝類熬製，如醬油完美結合，呈現出一種鮮甜而不膩的口感，細膩的鹹味帶出貝類的自然香氣。麵條質感適中，同湯頭相輔相成。拉麵一定要加粒溏心蛋，蛋黃則呈現出完美的半凝固狀態，略帶流動性，調味適中，鹹香中帶著一絲甜味。鳥皮烏賊揚烏賊同爽脆既木耳絲被雞皮包起黎炸，外皮酥脆而不油膩，內裡依然保持著鮮嫩的口感。氣泡烏龍茶清新解膩, 烏龍茶既香氣同細密氣泡的清爽感特別適合搭配濃郁的拉麵。🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🍽️：金色不如帰 📍：達之路80號又一城LG2樓LG2-25號舖🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲#hkfood #hkfoodblogger #hkfoodreview #hkig #hkfoodie #foodpornshare #InstaFood #Yummy#Delicious #Foodst

帶姨甥女去九龍塘又一城上溜冰堂 之後去呢間2023年米芝蓮一星拉麵店 食新推出嘅牛肝菌醬油鵝肝雞湯拉麵-🍜牛肝菌醬油鵝肝雞湯拉麵香煎鵝肝好好食 最正都係嗰個湯底 充滿牛肝菌香 味道濃而鮮 面頭冇過多嘅油脂 飲得出係以慢火熬鮮雞濃湯而成☺️-🍾Mindful Sparks氣泡茶除咗新口味拉麵 亦有新款飲品 我要咗支四季柑氣泡🫧玄米茶 柑汁溝咗玄米茶之後 味道減甜 帶玄米烘香味 飲完之後 元氣滿滿💪💪-🍱蒲燒鰻魚華味鳥定食定食嘅昆布味噌湯 蜆肉大隻肥美 鰻魚加燒雞呢個組合比較少有 多一樣餸冇咁單調😉 汁燒鰻魚甜甜地 柔韌有咬口 係下飯🍚嘅絕佳配搭

今日涼風秋送，我同朋友都想食啲熱嘢保暖，嚟到又一城，決定試吓米芝蓮推薦的呢間拉麵店。店內的裝修有少少殿堂華麗的感覺，我哋坐咗喺卡位，座位寬闊，枱與枱之間有一段距離。牛肝菌醬油鵝肝雞湯拉麵 $148呢款拉麵做緊期間限定，我見佢有我鍾意食嘅鵝肝，又有鵝肝，又有雞湯底做拉麵🍜，一於試試。食拉麵第一件事要先飲啖湯底，湯底由濃雞湯及魚湯一起熬製而成，有魚甜香及鮮雞味。夾起鵝肝咬一啖，煎得香口嫩滑，配上雞胸及牛肝菌，口感有多個層次。麵條有小麥嘅味道，面嘅質地屬於有咬口。四季金氣泡玄米茶 $28飲到淡淡嘅玄米茶味，亦都有淡淡嘅甜味，加埋氣泡水，食完拉麵飲爽晒。慢煮醬汁安格斯牛飯$188上碟時配上沙律、前菜及蜆汁湯，珍米飯上面放上片片的安格斯牛肉，中間放上一隻生雞蛋，賣相精緻。牛肉入口即溶，配上醬汁口感香濃，攪勻生雞蛋食，啖啖牛肉掛上香滑嘅蛋漿。前菜係關東煮，蜆汁湯內有大大隻蜆連殼，清甜開胃。總括而言，餐廳坐得舒服，食物比我嘅感覺係貴精不貴多，食完呢餐成個人暖暖的。

喺香港，我試過好多拉麵舖，無論係有名嘅連鎖店，定係匠心獨運嘅獨立店，真係好味嘅地方唔少。但金色不如歸呢間店，雖然名號詩意，拉麵嘅味道卻令人失望。食咗之後，心中充滿疑惑，究竟食咗啲咩？見到其他食家因其米芝蓮評分懷疑自己味覺，我覺得不用自我懷疑，自信啲，盛名之下 其實難副呢間餐廳由品牌包裝到店面都做得唔錯，設計感十足，但味道卻完全唔配得上呢種形象。其實，正正係呢啲重視包裝而忽略味道嘅餐廳，會對香港美食之都嘅聲譽造成傷害。希望餐廳經營者明白，品牌經營固然重要，但食物嘅味道先係根本，否則再美嘅包裝都無法掩飾味道嘅不足。希望佢哋可以重視味道，令顧客真正享受到美食的樂趣。