金禾餐廳 (已結業)

一入到去 餐具有污跡 筷子有咖喱漬 問佢拎隻碗仔 又油林林 又有污跡服務態度又差 叫佢比過隻筷子 兩個員工聽到都唔應又唔拎但又唔係忙架喎 企喺度冇嘢做都見到扮見唔到 叫左一個紅湯 一個中湯 味道淡如水椒鹽鮮魷 比平時食開嘅深色 以為香脆啲啦 點知一咬落去 個皮軟林林 勁嘔心 好似浸過水咁 🤢🤮🤮叫個侍應埋嚟問佢 個椒鹽鮮魷個皮軟林林係咪正常架佢話：係正常架 係咁㗎😂😂 我即刻冇嘢好講到個蝦膏蒸腩仔 咸到阿媽都唔認得⋯永世難忘🤣🤣真係請都唔會再食

今晚又冇飯食，返到屋企樓下，諗住買外賣，但諗諗下都係入去食完先返屋企。入到去，侍應推介了好多今日菜色，但都不感興趣，後來她就推介了一個鹽焗雞熏蹄飯，咁就要呢個啦。飯就要等一陣先有，侍應就俾一碗例湯給我飲住先，碗湯有埋豬骨，雖然冇咩特別，但都叫做有下湯水飲下。碟飯終於等到，鹽焗雞好香，食到一陣陣五香味，雞又滑，熏蹄有好幾舊，唔肥，又爽口，點埋醋就梗好味，碟頭又大，都幾抵食！有時候一個人食飯都有一個人好，起碼清靜啲同可以唔使理其他人。

今日好晏起身，擒晚有點肚痾，所以今朝晏了起身，差不多成一點多先起床，洗完臉擦完牙搞呢搞路又兩點了，有點肚餓，都係落去食個茶餐醫肚先！又黎到呢間茶餐廳，今次就食茶餐當下午飯，見佢茶餐除了有三文治果啲小食外，仲有炒飯麵添，我就叫了一個生炒雞絲飯加一杯熱檸水。生炒雞絲飯來到，聞到炒到好香，入面有生菜，火腿，好多雞絲，蛋，其實佢唔係雞絲，係切得比較大件既雞件，冇骨，變相食落啖啖肉，炒得好乾身，唔油，料好足，雖然係下午茶餐，但碟頭唔細，男人食都會好飽肚，飯炒得好香，好有鑊氣，我都不其然咁食晒成碟飯。加埋杯熱檸檬水，咁抵既價錢食到一餐咁豐富既下午茶餐，星期六就係一個好滿足既環境下開始了！

食物 : 西冷牛扒賣相 : 7/10，一般餐廳賣相，不過不失味道 : 7/10，牛扒質感不錯環境 :7.5/10，以屋村餐廳嚟講算係中上價錢 : hkd 80/ 1人性價比: 7/10，以屋村餐廳一個餐80蚊有啲貴，但因為係香港來說，其實可接受

今日屋企一家出了去飲，我因有事不能出席，是晚唯有一個人去一個屋苑樓下的茶餐廳食個飯，入面環境係一般茶餐廳格局，侍應都算幾有禮貎，今晚入面不是太多人，我選了一個卡位坐。侍應行過黎告訴我今日只得是日晚餐，餐牌入面的食物全部都冇，因為有兩個師父放左假，所以只可點選晚餐。我唯有點選一個是日晚餐，我見有一個係胡椒豬肚湯配白飯。感覺幾吸引就叫了一個。晚餐還跟一個餐飲，我只點選了一杯熱檸檬水。胡椒豬肚湯上枱後，已經聞到一陣陣香味，我當然急不及待去飲個胡椒湯先，味道都幾濃，有點辣，只係有少少油了點。我用胡椒湯撈落啲飯度，真係幾盞鬼。豬肚都算幾乾淨，豬肚好入味，配以酸菜响湯入面，成個人都醒神晒！😀用檸檬水中和返啲胡椒辣味，真係就算一個人食飯都可以係樂事！呢間餐廳我都幫襯過不少，平時只係覺得一般，但今晚的胡椒豬肚湯又真係幾好味。值得一讚！茶餐廳我鍾意佢夠地道，又唔使加一，又唔會太貴，又唔限時，有時候我都情願去茶餐廳多過去啲貴價食店。

今日上晝有活動做，去左附近既茶餐廳食早餐呢間茶餐廳睇裝潢就知開左不下10年早餐款式同普通茶餐廳冇分別但佢有一樣幾特別既選擇......炒旦白！叫左D餐，滷水雞翼麵 配 炒旦白滷水汁好入味，有驚喜！炒旦白自己第一次見到茶餐廳有同第一次食其實同平時叫煎反旦切走旦黃冇分別🤣🤣 係冇廚餘囉～

又食自己，即又是蒲茶記時間，吃了金禾。繼續男人的浪漫，來個涼瓜豆卜火腩飯。入味的火腩，從來好送飯；大概是年紀大了，個人也喜歡涼瓜的甘味，多吃一些，感覺也好像平衡一點，健康一點。喝的是凍檸茶，夠凍夠茶味。現時檸檬貴左，感覺真係抵左?其實，五十蚊埋單，我真係覺得食茶記唔平。