金石寿司 (已結業)

以日本菜來講佢唔算貴，我地覺得好抵食。佢有分套餐同散叫，咁覺得二人餐啲嘢食好似唔太啱食，咁我哋最後就散叫。嗌左個豚肉烏冬，比我想像中大碗，都幾多豚肉！之後再散叫咗一啲壽司、卷物、串燒，全部都好好食😋最後再嗌左個菠蘿雪芭，真心好食，食得出佢係用新鮮菠蘿去整，值得一試。總括嚟講，佢嘅嘢食係高質，但係價錢唔係貴，我哋兩個女仔唔係大食，共$399埋單，其實性價比都幾高的。職員都好有禮貌，今次嘅體驗10分滿意🥰一定會再黎食

平時我地都會係石門行下但今晚想食日本野 見平時見到依間舖頭好似幾隱蔽裝修唔錯 咁今晚就試下一入到去環境係舒服叫了幾款食物（滿$400可以使用信用卡）吞拿魚蓉卷 雖然俾我地想像細舊但味道可以 但價錢略貴軟殼蟹天婦羅 $90好食 都算大隻 但貴唔貴就見人見智正常 黑松露三文魚炊飯依個飯要耐心等候 因為即煮 大約30分鐘所以要一早叫定 我都好期待上菜時店員會幫手攪勻如果我地自己整 有機會整到 因為太熱啦所以依一點我覺得都唔錯味道方面 偏淡 如果黑松露味道再濃一點會比較好但食到最後啲飯焦真係好好味最後我覺得壽司略帶點偏貴 其他都還可以有機會下次可以試試他們的炒飯！

如果喺石門食日本嘢冇乜得揀，石門京瑞廣場開咗間隱世日本料理，是正門的另一段我都兜咗一個圈先搵到金石壽司怖局是傳統壽司店一樣，有師傅即猜壽司飯，所以壽司飯酸度適中，而且唔容易散開最值得推介嘅係三文魚鮫燒得香脆，滿滿的魚油令人齒頰留香😋😋另外鰻魚飯大細適中，鰻魚入口即溶，上枱時還熱辣辣值得一試壽司方面，鵝肝壽司及帆立貝壽司都10分新鮮及香口而價錢比一般壽司店為貴，但仍可接受👍🏻👍🏻性價比較高的日本料理店😋😋

.性價比指數: 🌕🌕🌗🌑🌑好味指數:🌕🌕🌕🌑🌑服務指數: 🌕🌕🌕🌗🌑環境指數：🌕🌕🌕🌑🌑.-.✦特級壽司拼盤10款 $330（吞拿魚腩、深海池魚王、油甘魚、海膽、三文魚、帆立貝、鯛魚、燒左口魚邊、燒宮崎和牛）✦活赤貝刺身（原隻）$68✦蟹籽沙律 $45✦軟殼蟹反卷 $70✦串燒牛舌*2 $80✦串燒雞翼*2 $60✦串燒雞軟骨*2 $34✦汁燒免治雞軟骨串*2 $52✦壽喜燒 $102✦燒大蜆6~8隻 （已取消）$88✦可樂 $15加一服務費Total: $942/ 2ppl.-食物.✧ 特級壽司拼盤10款 $330都算新鮮，但燒左口魚邊略嫌少許薄，厚返多少少會好啲；燒宮崎和牛略韌.❖評份：🌕🌕🌕🌗🌑...✧活赤貝刺身（原隻）都鮮甜，少許爽口，但唔算好新鮮.❖評份：🌕🌕🌕🌑🌑...✧蟹籽沙律 $45❖評份：🌕🌕🌕🌑🌑...✧軟殼蟹反卷 $70軟殼蟹都炸得鬆脆，但個人唔鍾意配紫菜碎，搶左啲蟹味.❖評份：🌕🌕🌕🌑🌑..✧串燒牛舌.韌到扯甩牙，將成舊牛舌扯離左支竹籤都未有咬得開.❖評份：🌕🌑🌑🌑🌑..✧串燒雞翼、雞軟骨、免治雞軟骨串.❖評份：🌕🌕🌕🌑🌑..✧壽喜燒 $102有點過甜，還好.❖

早排去石門探朋友.見到賣相不錯既壽司店即時衝左入去😆·💥火灸丼（$95）我次次都偏好火灸.覺得燒一燒好似穩陣d🤣加上吞拿魚腩碎，簡直雙眼發光😋醬汁惹味.整體不過不失.最出色係燒鱈魚邊，油香濃郁☺️·🐟雜錦魚生飯（$98）大食仔同我一樣😂食開就成日點果樣～佢就係鍾意雜錦魚生咩都有😆·🐮汁燒牛肉飯定食（$98）朋友點的.睇落賣相不錯～·🍣Like fb 送既三文魚壽司. 雖然專家指出三文魚好多寄生蟲同埋似食💩🥴但真係好好食好難完全介哂🤥·🥚跟餐配送茶碗蒸；麵豉湯；沙律🥗·📍金石壽司沙田石門安群街3號京瑞廣場1期地下G30A號鋪

我覺得現在的生活模式都在改變中⋯⋯有好長日子，除了返工，其他的時間都留在家𥚃！數數手指，這兩個月來好像不到5次外出食晚飯。晚上的街道冷冷清清！能夠在晚上食到 ‘金石壽司’，算是生活上的小確幸了！清新的牛油果蕃茄沙律甜蝦好新鮮，肥美！Yummy豬肉包住荔枝來燒，不油膩！有少少烤過咗火！少少失望超好味燒鷄亦同多汁嘅牛脷都係我至愛朋友點嘅燒雞皮，聽得到脆脆聲！一定叫的，燒菠蘿，好多汁！泡菜海鮮鍋，其實𥚃面勁多料！海蝦、帶子、蜆、蟹柳，而且湯辣辣地，好正用上日本珍珠米，加埋汁又香又甜！好幸福！久違了的生活，幾時才能變回正常！金石壽司也要加油💪🏻！大家加油！

今日係石門工作，夜晚女友接我放工，大家都餓搵野食，係網上搵到間評價不錯既日本菜*金石壽司*，我地決定試下。餐廳環境清潔。我地揀左2人餐，貪佢款式多，多野試而家like 金石專頁，有野送，正！我地揀左啤酒同三文魚壽司，唔錯凍盤先到，蟹籽沙律份量不蛋，青瓜絲爽甜配上蟹柳，夠晒醒胃，甜酒煮螺，螺幾大隻，肉質夠甜同有彈性刺身新鮮，最好食係油甘魚，油脂豐富，，海膽creamy冇腥味碎吞拿魚腩手卷吞拿魚份量多，夠肥美，，而且紫菜夠脆，飯都粒粒分明，好食！終於到熱食炸雞，即叫即做，熱辣辣夠脆，啖啖肉鵝肝肥美，肉汁多，配飯一流，大蜆夠大粒，冇沙，湯清甜幾夾仲有甜品送，芒果拿破崙蛋糕，蛋糕軟綿，芒果唔酸，都ok埋單連加一$471，日本野黎講算平，最重要我地食到好飽好滿足，下次會再黎幫襯

今晚同男朋友係沙田新城市shopping完 唔想食食到厭嘅餐廳 決定去遠少少 最後大家都想食壽司 去左石門 地鐵一出兜咗個圈就見到間日本料理 叫金石 最中意試新野嘅我地一於試下環境光猛 唔會好似旺角啲日本菜咁逼 兩張枱之間完全冇空間 呢間鬆動好多是日有兩個師傅整刺身壽司🍣壽司唔大件 勝在新鮮 每碟壽司都有薑同wasabi唔使驚唔夠天婦羅蝦同埋軟殼蟹手卷 即叫即炸仲熱辣辣炸物好新鮮 所以叫多碟好有誠意 炙燒芝士三文魚壽司 每件都有3舊小三文魚架！櫻花蝦牛肉炒飯香噴噴食落超香 正呀串燒雞翼 做到外脆內多汁 男朋友都話呢個雞翼做得好出色 加分！下次會再encore

晚上與同事見客後，就近試吓呢間日本料理，餐廳以木裝修做擺設，簡約有日本風情，店員介紹日本新鮮運到的食物，不妨又試吓。立魚湯，魚湯奶白色，加入了京蔥、豆腐、香菇，魚味更為濃郁香甜。晚上9點後入座，所有串燒享7折，緊要趁此優惠吃多些啦。燒雞翼、燒菠蘿，外脆內軟，香甜多汁。燒茄子、燒原條粟米、燒味噌雞泡魚干，燒得恰到好處，不會乾爭爭，又不會太油膩。黑松露櫻花蝦牛肉炒飯，本身用黑松露去炒飯，飯粒經已郁香，再加入了櫻花蝦，令每一口牛肉飯吃起來更惹味啊。親子丼，用上了日本米、雞肉和滑蛋，一口接一口也是滑嘟嘟，很香甜臨到最後，店員再送上兩粒雪米滋做甜品，當是清清味蕾也不錯！

今次叫左個特級壽司拼盤，入面有十種不同壽司。十舊壽司都幾好食，但如果個魚生凍多少少會更加好。其中我覺得最好食係個油金魚，油脂豐富😋。另外個呑拿魚腩充滿油份，而且無乜根。個和牛都好有肉汁，而且重牛肉味！最後個海膽好新鮮，無腥味，仲幾甜😝！除此之外，叫咗一個鰻魚飯，個鰻魚好淋同肥美，而且熟度都啱啱好，加上鰻魚汁好滿足！啲米都好q，有咬口，最重要個飯熱辣辣。最後叫咗個牛舌串燒，佢好厚身，所以食落啖啖肉，但又唔會因為咁而好難咬。👍呢間店舖仲有廚師根據每日食材而定嘅餐單，下次可以試吓😚。

好開心，今日我大哥請我到呢間「金石壽司」食晚餐。簡簡單單，我哋就叫咗個二人餐$428 呢個套餐包括有: 蟹籽沙律、甜酒煮螺、刺身五點、碎吞拿魚腩手捲、一口炸雞、炭燒法國鵝肝飯、大蜆清湯、甜品。Like咗社交平台之後，每一個客人仲可以選一個特別嘢食，我同阿哥就chose咗 三文魚壽司每人兩件，免費嘅。蟹子沙律，清新爽脆，沙律好新鮮，仿蟹柳都有甜味，好好食。甜酒煮螺，一共有九個螺，螺肉煮得好入味鮮甜，個汁好有酒香，唔係好鹹好好食。刺身五點，刺身係三文魚、油甘魚、劍魚、甜蝦(各兩件)、白身魚伴海膽，刺身係厚切，魚肉好新鮮，食得出全部係高級貨。碎吞拿魚腩手捲，紫菜脆口，壽司飯好味碎吞拿魚蓉好鮮味。三文魚壽司，係like咗facebook之後送嘅， 一食就知道壽司師傅嘅手勢係有料到嘅，壽司飯猜得好好，三文魚好新鮮。一口炸雞，炸得皮脆肉嫩，而且配咗一啲酸酸甜甜嘅柚子醋汁，好有風味。炭燒法國鵝肝飯，鵝肝都係算厚切，炭烤得好香口，外脆內軟好有鵝肝味，配白飯，邪惡到極點，非常好味！大蜆清湯，清湯都係好有海鮮味好清甜，大蜆好嫩。甜品，係柔柔軟軟的雪米糍。我肯定係區內最好食嘅日本餐。

Have been a regular customer, food has always been fresh and good. Sashimis are always fresh and imported. Shop is near MTR station with a few footsteps.Efficient Customer service. Menu package for dinner is worth a try. Will always come back for good Japanese food. 👍🏻

今其聽伙記講這裡有間唔錯同抵嘅寿司店，當然要第一時間來品嘗一下，看看他有沒有講大話先！寿司店位於石門站旁嘅京瑞廣場1期地下，從A 出口出閘向直行轉右就見到，門外嘅日式裝修一望就知係佢！這裡都好多人，幸好雖沒有訂位，仍有吧枱可以安排入座，還可以近距離望主師傅處理食材😁，今晚先點了個雞扒稻庭烏冬，雞扒同稻庭烏冬分開上，雞扒燒得很香入口軟熟嫩滑！稻庭烏冬夠晒彈牙爽口！再配埋磯燒海膽翡翠螺，爽口螺肉上放了海膽，賣相精緻，海膽入口鮮味，十分好味！而串燒雞翼，燒得香脆可口，咬開雞肉嫩滑軟熟！鹽燒豬腩肉串，大大塊，肥美香口，入口個種感覺一啲都唔覺肥膩！北寄貝壽司，個陣獨特香甜滋味十分好味，飛魚籽壽司放滿了在壽司上入口時鮮味都從脆卜卜的魚子中爆發出來，今晚十分滿足！伙記推介唔錯！下次可以帶埋愛人一齊食個二人套餐都幾多選擇同抵食！

時不時都會去品嚐一餐日本菜，趁假期最啱出來食番餐，平時都有去沙田石門開飯，都會發覺呢度有幾多食肆係度相當集中係一個美食小天堂，是日約埋好友一齊來咗呢間日本料理店開飯當然有齊大家想食嘅壽司、刺身、串燒、炸物、天婦羅、同各款日本菜，唔少得日本酒提供， 有咁多美食又想每款都品嚐得到，先點了二人套餐再散點其他心水美食俾大家一齊享用，先來有鮮甜清爽嘅蟹籽沙律，跟住煮物係甜酒煮螺，未食已聞到酒香甜味，食到螺肉鮮嫩爽彈接住係刺身五點賣相十足，分別有吞拿魚、三文魚、油甘魚、牡丹蝦、白身魚伴海膽，剌身係厚切食落口感飽滿啖啖魚肉鮮味，食埋啖鮮甜海膽相當滿足，輪到壽司三點有帆立貝、縞鰺、劍魚各有特色再來到天婦羅，炸得外胞內軟，眨吓又食咗幾款美食之後再點左串燒有香嫩十足嘅牛舌同鹽燒豬腩肉一肥一瘦食到滿口肉汁好惹味加多一個蒲燒鰻魚飯入口皮脆肉嫩特別滋味，輪到有燒物鹽燒吞拿魚魚顎，燒得火候十足肉質肥美多汁陣陣魚油係口中散出來其後有黑松露三文魚斧飯香味撲鼻，原塊三文魚再撈埋黑松露同飯一齊食夠晒地道風味再飲啖大蜆清湯一邊，最後食埋甜品作結尾，又品嚐完一餐美味日本料理。

今日客人請食開年飯，就喺公司附近嘅日本料理，質素幾好，門面大吉大利的金石壽司。我哋鍾意坐吧枱睇住師傅整壽司，多人分享我哋點了一個 $668 晚餐，然後再散叫其他美食。首先食個蟹子沙律開下胃先。套餐嘅刺身五點真係見到都流口水🤤吞拿魚、三文魚、油甘魚、牡丹蝦、白身魚伴海膽；全部都賣相亮麗，刺身新鮮有光澤，食到我哋舔舔脷！帆立貝柱博多燒，$48 已經有兩件。都可以話係小店的招牌菜，紫菜夠脆，帆立貝柱 半刺身級數，兩邊輕燒，五成熟度最好味。汁燒芝士竹輪牛肉卷 $68，汁燒很惹味，芝士竹輪原來就係有芝士流心的獅子狗卷，外面再卷上牛肉，多重滋味口感呀！鹽燒豬腩肉串 $25，一串嘅質素真係超晒班，豬腩肉肥瘦均勻，肉質味道濃郁，鹽燒味道香噴噴。壽司我都喜歡吃傳統的，飛魚子壽司 $12件，即叫即製，比好多連鎖店都抵食又好食。松葉蟹膏壽司更加係食過返尋味，北寄貝壽司 最緊要新鮮鮮甜，我對這裏的壽司評價很高分呢！串燒雞翼 $28，對雞翼有打不開的情意結，只要Menu有我就一定鍾意食，新鮮燒起香噴噴，皮脆肉滑又多汁，食多幾串都唔會厭。