45
2
1
港鐵石門站 A 出口, 步行約3分鐘 繼續閱讀
電話號碼
36194394
開飯介紹
以木色及黑色為主的裝潢,甚有日式餐廳氣氛。主廚廚師經驗豐富,餐廳食材大部分由日本新鮮直送,全日供應的特級刺身拼盤,質素、分量同樣足。 繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 AE
座位數目
50
其他資料
網上訂座
酒精飲品
泊車 詳細介紹
電話訂座
賞訂座積分
加一服務費
有關獎賞計劃
食評 (54)
等級4 2019-11-10
6 瀏覽
平時比較少去石門站,通常都係有電器要維修嘅時候,一般都會順便食個飯。今日就經過一間日本料理嘅門口,比抵食二人餐吸引著。店內裝飾以原木色為主,環境衛生又舒服,睇介紹知道 chef 曾任灣仔萬麗酒店松菱和食部主管,相信出品有一定水準。坐下來店員推介先 Like Facebook 送啤酒,如果不用想太多就可以食一個豪華的二人餐,因為餐內各款食物都好啱口味。另外再加點店內的推介特色美食,那就Perfect了!《燒帆立貝柱博多》$48這個真心推介,一份有兩件,鮮甜的北海道帆立貝燒到半熟,再夾上特別脆脆的白飯魚苗乾,用紫菜包起食,陣陣香氣兼且口感豐富,大讚!《磯燒海膽翡翠螺 》$50磯燒北海道海膽十分奢侈呢!入口即化味鮮甜,再加上加拿大翡翠螺,彈牙有囗感!《鹽燒荔枝豬肉串》荔枝豬肉串入口香濃軟滑,用豬肉包住荔枝一起燒,一啖入口清甜又有層次!《串燒雞翼》$28燒雞翼佐酒一流,雞翼外脆內嫩又多肉汁。《刺身五點》品嚐完一連串香口的前菜小食,吃日本料理又怎能夠少了刺身呢!漂亮的擺盤,增加了進食的胃口。牡丹蝦、白身魚伴海膽、吞拿魚、油甘魚、三文魚。這裏的牡丹蝦特別鮮甜,加上蝦膏入口時囗感有層次!吞拿魚可以話係當時得令,新鮮甜美又無筋。《帆立貝壽司》帆立貝肥美肉厚,壽司飯粒粒飽滿。總括而言,金石壽司價錢親民又可以食到咁高質素嘅日本料理真係開心大發現呀! 繼續閱讀
(以上食評乃用戶個人意見 , 並不代表OpenRice之觀點。)
好久沒有到沙田閒逛搵食 除左新城市大圍馬鞍山其實石門都有不少好選擇 好友係石門搵食時搵到呢間日本小店 裝潢以木色及黑色為主 牆上掛有多幅畫作 頗有日系風情感覺 雖然舖面不算大 不過坐位間空間感足夠 坐得舒適唔會迫夾   望望餐牌 款式齊全 由壽司手卷到燒物串燒都有  除左特定菜式 仲有不少廚師推介 十分周到三文魚/北寄貝壽司 三文魚刺身係厚切 大大塊頗新鮮 質素好高 一口咬落油脂甘香可口 北寄貝味道有點似象拔蚌 新鮮味美 口感回饋都很不俗 八爪魚刺身 雖然相比三文魚同北寄貝來得薄身一點 不過仍無損口感 爽口彈牙 鮮味十足 配合海帶一併食用更添大海鮮味 牛油果蕃茄沙律 蔬菜新鮮爽脆清甜 配上帶點酸酸甜甜既蕃茄  口感清新之餘亦可增進胃口 作為開胃前菜甚為不俗 沙律仲加入左牛油果粒 配以和風黑醋汁 味道討好  令整個沙律鮮味度提升不少 軟殼蟹反卷 份量十足 賣相亦十足不俗 雖然白飯外露 不過飯粒沒有四散 黏度不俗 軟殼蟹是新鮮即炸 食落香酥脆口 外脆內軟 配合新鮮混醋既飯團 一口一啖 基本上不用沾什麼醬汁都已經好好吃 鹽燒荔枝豬肉串 荔枝味清甜多汁 配合豬肉甘香 加上肉汁豐富 雙重口感 食落juicy唔違和亦唔覺油膩 串燒牛舌 味道調得不俗 牛舌夠厚身亦非常有咬口 爽脆可口 燒得唔乾身 實在令人有意外驚喜 燒多春魚 燒得外層香脆脆身 食落唔乾唔硬身 沾上新鮮檸檬汁 中和左油膩感 蒲燒鰻魚飯 大大盒份量十足 鰻魚厚身肥美啖啖肉 燒得甘香香口鮮甜 魚質油脂豐腴 醬汁味美飯旁有數位漬物酸瓜 配合鰻魚飯進食 口感層次特別豐富  餐廳最後仲送上小甜點 呢一餐又食到捧著肚子離開了 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-26
797 瀏覽
今晚走咗去石門,朋友住附近話要食哩間日本菜!餐廳裝修以水泥牆配上木器為主,感覺都幾舒服。 無花果沙律是季節限定,配上和風汁酸酸甜甜,木魚花帶起咗正個沙律嘅鮮味。法國生蠔好新鮮,質地少少爽口帶creamy,鐵味唔重。鯛魚薄切伴土佐醋啫喱,鯛魚味本身係魚味唔重,勝在肉質爽脆,加上土佐醋酸啫喱及䓤花,正好作開胃菜。帆立貝博多,外面紫菜,魚乾在內應該有少少沙律醬,帆立貝係火炙帶點焦香。店員好細心,見我影相提我盡快食,因時間長咗,紫菜會淋。原條秋刀魚刺身,店員介紹中秋前後才有,刺身配上特定香䓤花醬油,魚味鮮美肉質滑嫩。荔枝豚肉串,荔枝肉多汁配上豚肉嘅油香,正雞翼串,我個人覺得燒得好好食,係少有食串燒會燒到雞翼唔乾又唔會實,仲柔軟有汁。朋友覺得味道淡,但我反而欣賞調味適中,可以食到燒雞皮嘅油香。天婦羅蝦、南瓜、蕃薯,脆漿薄脆蟹肉釜飯,飯味應加上湯煲,蟹肉混上焦香飯焦。天婦羅(蝦、南瓜、蕃薯)鹽燒吞拿魚鮫,魚香十足。豐富嘅晚餐,芒果糯米糍配綠茶蕨餅作結尾。下次又多個食日本菜嘅地方。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-20
540 瀏覽
朋友約了去食日本菜,在石門附近商場,平日好少入烏溪沙,放了工坐地鉄,轉火車再轉馬鉄,路程好似繁複,但時間同去尖沙咁差不多,可以考慮多去,人流又較旺區少。餐廳好易找,出了地鉄,行幾分鐘就到。門口最特色是那個掛著的大水桶廚師推介一眼就可以望到室內燈光柔和,魚生櫃在盡頭地方唔算大, 但令人有一種舒適感覺記得要 like, 有著數魚生壽司,日本菜指定動作, 況且價錢算合理, 三百幾蚊有特級壽司拼盤10款吞拿魚腩、 油甘魚 、海膽、 三文魚腩、 帆立貝、 燒左口魚、燒宮崎和牛……,個人覺得吞拿魚腩, 帆立貝、燒宮崎和牛最好,魚腩部分充滿油脂,入口即溶, 帆立貝厚切非常滿足,和牛超正,牛味濃郁,口感醇滑朋友鍾情燒物, 揀了串燒雞翼、燒明太子雞翼、 串燒牛舌, 鹽燒豬腩肉串串燒牛舌令人有驚喜,平時食到的都是切到薄薄,燒完之後,又乾又柴口,但今次味道除了有醃過之外,仲係厚厚肉,入口 juicy ,有咬口感,要讚主食牛肉稻庭稻庭口感和烏冬完全是兩回事,麵身幼細滑溜又帶少許煙韌, 沒有一些粗鞋感覺,牛肉軟綿,湯味鮮甜鰻魚飯鰻魚燒得香口,醬汁味甜,配飯簡直是一流甜品糯米雪糕 價錢合理, 質素唔錯, 有機會去食過。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-03
741 瀏覽
聽友好說沙田的金石壽司性價比高、平靚正! 專程與朋友到此一試,店舖並不太大,且位置較偏,要從石門站的A出口左拐才見到!我們二人硏究餐牌後,點了一個二人套餐。 起初擔心是不是夠飽落肚,但吃完後才知想法是錯的!食品雖然不是味道極出眾,卻不失水準,份量十足!先來的蟹籽沙律,蟹籽特多,也頗好味! 甜酒煮螺的螺足夠大、新鮮入味,抵贊。刺身共有五種、各二件,包括有三文魚、油甘魚、劍魚、甜蝦和海膽,全部不是一般的壽司店以行貨奉客,各項非常鮮味、不韌、爽口滋味。尤以甜蝦和海膽,完全超乎想像,很出色。碎呑拿魚腩手卷,份量大,但敗筆在溫熱的壽司飯,令紫菜很韌且難嚼開,這個需要改善了!炸雞外皮脆卜卜,內裏肉汁豐滿,確實是一口一件。炭燒法國鵝肝飯,飯粒軟香,粒粒分明,加上惹味的鵝肝汁伴隨,吃起來很滋味。大蜆清湯雖然没甚特別,但蜆絕對是揀手貨,大大隻、好新鮮,所以湯頗清甜!最後的甜品是抹茶蕨餅,份量太少了。 金石的座位不是太多,上菜算快,服務員態度好,招呼周到。  繼續閱讀
(以上食評乃用戶個人意見 , 並不代表OpenRice之觀點。)