金田壽司刺身店 (已結業)

好多野食!刺身船-$148, 有28片10幾款蘆薈柳籽沙律, Ｄ蘆薈好正!火山卷, 重量級, 太大要打包

昨日同大班Friend入咗元朗食平價日本餐。我地有成10個人。去咗好幾間到排長龍。最尾去咗金田。雖然金田都有好多人,但個帶位同我地講個場有好多大檯，唔會等好耐。果然等咗20分鐘就有得坐。叫野時發覺金田有好多新鮮推介野。個waiter介紹我地食聖子刺身，一隻有成10幾片。好甜好新鮮!我地叫咗隻刺身船，只係$148蚊，有成10幾款20幾片魚生，勁抵!金田最正係佢地個火山卷，一碟有6大件，每件都有拳頭噤大件。我地叫咗好多串燒和啤酒，最尾每人都唔洗一百。

我平來想去田中食因聽DFriend講話好抵。但係去到發覺好多人又限Ｄ客最多坐45分鐘。結果打比個friend佢recommend我去金田。去到又發覺金田限時，雖然都係好多人，但因金田地方大，都唔係等咗好。去到金田發覺佢地有好多野食。好多野都未見過又唔知係乜。點菜時個Manager 好好，好有心機噤介紹咗D新野比我。牛油魚-入口軟滑鮮甜燒池魚-好香甜我去洗手間時發覺佢地好清潔，有同事定時去check，lee D 形式的細寿司店都噤細心。Overall 來講我覺得平靚正下星期日一定會再去試吓其他新野!

6點半左右,本來想去千之壽,但實在太多人,唯有退而求次黎呢度,真系後悔莫及!入到去個黑口黑面既經理安排左我地坐一張近廁所既路口臺,但我地冇訂位冇計啦!由於我地吾系太餓,所以只系叫左三文魚刺身8片$35,豆腐什菜鍋$37及炸雞軟骨$20三文魚刺身---8大片,尚算合格,但不夠鮮味及肥美.豆腐什菜鍋---味道尚可,豆腐亦幾滑,但太少料!當我地食緊三文魚時,上面突然滴水,滴左落我男友隻碟到,本來已被個黑口黑面既經理激到興興地既佢,更加扯火!於是我地同waiter講,要求調臺(當時有張吉臺),但waiter吾好意思都冇句就話waiter 臺全部有人book晒啦喎!氣結既我地:咁滴水喎!咁點呀?waiter :咁我幫你問下經理!之後無論waiter/經理,都冇再過黎同我地講有冇臺/道歉!而且仲漏單(雞軟骨),埋單時男友專登拿埋隻被水滴過既碟出去"pea"系cashier 到,但依然冇人埋!咁既service,簡直令人髮指!

呢間鋪係兩間鋪打通,佢前身係,不過間鋪0既業主勁加租,逼走左其中一間鋪,據為己有改少少名叫自己做,之後再逼走埋最後一間鋪,就搬左去教育路啦,手法確有商確餘地。呢間野0既主廚係上過TVB以前某幫助搵工0既節目,主廚強調佢最拿手整拉麵。其他野都係大件為主,但就唔係好新鮮,三文魚較鞋身色澤暗淡。呢間野星期一至五而家已經唔駛點等位,係得星期日先有少少人龍等位,相比附近好多新張0既壽司店,佢生意真係唔叫好, 我相信佢都係做到以前,唔知改左名同老細0既客,所以咪做得下住囉。基本上除左魚生唔多新鮮外,其他野都算過得去。

我係香港島人上星期六聽友人話呢間0野幾好食好, 就入去試下入到去, 大約晚上7 點, 座無虛席, 但等左約5 分鐘就有位講下環境, 裝潢都ok 0既, 但比較擠迫侍應快手快腳, 上菜速度算快三個人, 叫左以下食物:三文魚刺身- 新鮮, 切得都夠厚, 有十二件, 甜蝦- 果然鮮甜, 亦有十二件噱頭0野7 吋長壽司- 一碟有五件唔同款, 味道OK蟹籽沙律- 又一大碟頭0野, 成座山咁高, 非常抵食豬軟骨拉麵- 味道好, 蒜蓉湯底, 個人認為比"味精拉麵" 好食二十倍.埋單$ 270一人$90 , 100蚊都唔使有咁0既質素同份量, 十分抵食.高度推薦

原本想去田中，但它搬了，結果去了金田（在田中舊店旁）。試了此店的極品推介- 油甘魚（4大件）併三文魚腩（8件），新鮮之餘亦非常肥美，$80便可有此份量及高質素的魚生，絕對超值!但它的燒茄子($20)之製法可能是把茄子燒了後起肉，所以似蒸茄子，而味道亦非常清淡。