金田壽司刺身店 (已結業)

某天想吃sushi, 田中休息迫於無奈去左呢間, 六個人等左個幾鐘, 至有位坐. 以為好好食點之係把鬼.請我都唔會再黎食服務仲差過田中.叫了號碼, 同我地講話坐隔離, 我地未去過, 唔知邊樹隔離, 不過估到係幾個舖位之隔.再等了成十分鐘, 問佢我地坐邊, 佢好不客氣地答話個邊仲執緊野我心諗, 阿大姐, 未執好你咪叫我地no 啦. 仲要講話坐隔離. 執檯都唔駛咁耐呀嘛入到所謂隔離的房仔, 又長又細, 放得個兩張長檯. 隔離個檯大聲d, 都比佢嘈死.叫了sushi 卷物, 不知所謂. 得飯大舊就好咩, 炸蝦又硬又厚皮. 食飯仲多過食炸蝦.sushi上面的刺身得個長字, 一d 都唔新鮮, 無厘味道.餃子雞翼又粉漿又厚. 連至簡單的豬扒旦飯, 仲難食過大家樂多多聲.豬扒塊炸皮厚到會自己甩落黎. 有無搞錯呀.一句講哂, 不值幫襯

約個朋友仔去元朗食飯，本來佢想去田中，點知話休息八日，所以去我想試0既金田。兩個人叫七點色長壽司($74) & 炸軟殼蟹($38)，壽司真係好長，好吸引嘛，都幾好味，個軟殼蟹都ok，幾大隻。見到隔離壽司& 飯卷好巨型，不過我諗係舊飯大囉，所以都係食長壽司好，下次要再試其他先得。

我係元朗只去過田中,一番...不過兩過都麻麻~then 人地介紹我去金田...第一次去唔係咁識叫野食...so覺得覺得麻麻...但最impress我呢就係三文魚sushi..金田d三文魚都ok長...同埋舊飯都唔係好大..感覺上抵d...其他都好好味....唔...仲有鰻魚炒飯好香好夠味...未試過既可以試下架..!!

第1次同老婆2個人黎呢度食野7點幾去拎位,好多人迫住個門口,好似好心急咁等緊個時,有個姐姐仔笑笑口走出黎派野飲,D野飲仲係凍TIM,幾好味架,慰勞下我地D客仔等左成粒鐘終於有得入去第1次黎呢度唔知有咩好食,就問個哥哥仔個哥哥仔都幾搞笑,佢介紹我地食巨龍卷,話成左會好勁喎同埋話個7吋壽司SET好抵食,有7吋咁長架我地點左巨龍卷,7吋壽司,芒果蟹子沙律,燒雞亦,燒三文魚腩D野都好快到,淨係個巨龍卷慢左少少個巨龍卷好靚,好大個碟,睇落去好矜貴,食左真係好似哥哥講到咁"勁"喎,哈哈哈其他野都好好食,7吋壽司都好好食,但係個雞亦就有少少燶,整體黎講野食都好味服務都唔錯,問個哥哥仔有咩好介紹個陣佢都好樂意同我講,佢仲好nice tim!d侍應都成日收碟加茶,仲好好笑容,有求必應!呢間野整體黎講都幾好,我下次會再幫襯呵呵

去過幾次但因太多人等所以最尾都係冇去到。前日唔知係咪D天氣嘛嘛冇乜人等所以就食咗我係金田第一餐。叫咗長名長壽司。真係好長，有7款，D魚好生鮮。可能轉流快，D魚比板前或元綠鮮好多。又食咗個豬軟骨手打鳥冬，個湯底好正!但D茶就冇乜味，服務ok啦

見到咁多「笑臉」，以為一定係好嘢啦，專登有日山根水遠同多多去試下，點知......好失望﹗因為每樣食物只係得個「大」字，味道其實唔掂，而且衛生環境可以用個「差」字嚟形容，我好鍾意食三文魚，呢度嘅三文魚刺身雖然真係好大件，絕冇欺場，但係口感麻麻，好像食緊件肥豬肉咁，甜蝦刺身算係全晚最好嘅食物，大隻兼鮮甜，而最差嘅都係我嘅三文魚子壽司，嘩...真係好假...腥到嘔，和花亭好食得多，我食咗兩粒魚子之後就冇食喇，埋單時仍然係好完整咁喺度冇人掂，鰻魚壽司都ok，因為係熟嘅試唔出佢新唔新鮮，啲壽司飯唔好食，食淨咗好多，啲豉油嘅味道亦好怪，個炸軟殼蟹都ok，但多多話好鹹喎，um.........全晚最驚喜嘅就係俾我哋飲到好多年冇見過嘅綠寶。要排隊等得耐唔係問題，但係等咁耐，原來質素只係咁，隔離枱對男女睇見我哋唔係幾鍾意啲食有啲奇怪咁，但係我望番佢哋食得咁滋味都覺得有啲奇怪架，不過睇番有啲食家嘅食評就明白到呢啲係需求嘅問題，你想只係滿足個胃嘅話，呢度絕對滿足到你，但如果你真係想食新鮮好味嘅壽司，呢度真係唔得，今日先明白，唔係「大」就得架，唉........

昨日同老婆去金田食lunch,可能係星期六而時間尚早無乜人仲可以自己揀位添..一心o黎到緊係叫份七點半壽司,件刺身真係好長,不過就唔係好厚身,而件鰻魚又好似咸o左d之後再叫多客三文魚壽司,櫻花壽司,蟹子沙津腐皮壽司,d料不過不失都算幾新鮮,下次可以試埋d熱食....但如果剩計刺身/壽司,我都prefer田中好似新鮮大件d環境方面好過田中少少啦,而服務方面係得元朗食o野就唔會expect有咩服務,今次去食臨走叫外賣仲漏單添..果個四眼仔waiter緊係早過頭未訓晒啦..哈哈!!

果日去wetland park玩~順便試下元朗既特大sushi~我地特登6點就去到~為既係唔使等位order左5點特長sushi三文魚刺身燒魷魚……唔敢食咁多~~要留肚食糖水^^d sushi唔係咁好食~雖然好長~~但係d飯同sushi既刺身唔好食反而三文魚刺身就ok~~唔通唔係同一條魚??好在唔使加一，因為冇服務可言。

講左好耐話入黎元朗食特長壽司,終於琴日有呢個機會同我個妹+frd黎食喇!見到之前d人話呢度可以book位,所以book左位,驚要等...不過去到,唔係話多人,都有empty tables,可能我地1點幾去卦見到d choice,我地3個好多野都好想食...叫左:三文魚壽司鰻魚壽司甜蝦壽司北極貝軟殼蟹香芒炸蝦卷全部都好好食!!個香芒炸蝦卷真係好特別...佢d野食全部都好大份,好足料!!我地3個真係食得好滋味=]不過真係好飽肚,好夠食!!真係好抵食!d service都幾好!同埋d野食黎得快,唔駛等好耐!一定會再黎,試晒其他想食既野!!!!

金田差唔多成為o左我係元朗o既飯堂。佢o地d野又大件又新鮮又好味，款又多，約親同事、朋友都係去個度食。我都試過元朗其他日本料理，如田x、x番等，都係麻麻！

去元朗食日本料理，人人都會話去田中。但鬼咁多人，又限住食45分鐘，食都食得唔過癮。於是今個星期日就去了田中舊址，即金田大擦一餐。金田在元朗其實都有一定名聲，所以一樣要等位。我們四個人一早已諗定食咩，所以一有位都可以order。三文魚壽司、北寄貝壽司、蟹子沙律加芒果、中華冷麵、魷魚、炒雞腎、煎三文魚骨腩、什錦天婦羅，全部都是我喜歡的。除了煎三文魚骨腩唔太好外，其餘的都可算是中上。而三文魚壽司和北寄貝壽司本人就最鐘意。長長的三交魚，大大件的北寄貝，真令人滿足。食lunch足足食了兩個半鐘，好耐未試過。如果去田中的話，一早就俾人趕走。

我地3個人6月18日去過, 等左成個鐘先有位. 天氣好熱, 幾辛苦下, 不過侍應都有送d 凍既飲品解下渴.我地叫左:蟹子沙律(細), 長的三文魚壽司x 2,8爪魚壽司x2,鰻魚壽司x2, 蟹子壽司x2, 牛油果xx壽司(唔記得左個名) x6, 軟殼蟹壽司x6.個蟹子沙律原本叫左大~ 見到隔離木台幾大碗~~即叫侍應改做細~~ 好彩改到~~蟹子壽司因為太多蟹子, so 好咸~~ 加上蟹子沙律已經好多蟹子, so 好滯下~~牛油果xx壽司, 軟殼蟹壽司都係卷物~~ d 飯好厚~~ 食到個人好滯!!! 大家最好唔好叫太多卷物~長既壽司真係幾好~~ 好抵食~~眼闊肚窄~~ 真係勁勁勁飽~~埋單每人$70幾ja~~ 好抵~~

昨天29/6, 約了友人到元朗食田中, 去到勁多人, 想起早前在網上看見附近有一間叫做金田, 就去一試啦。去到,等左半小時左右入去。個到地方比田中大間, 田中實在太迫啦。叫左個三文魚(8塊)拼甜蝦(7隻), 甜蝦刺身半客(7隻), （因我與友人是勁愛吃甜蝦的）, 帶子壽司, 鰻魚壽司, 蟹子沙津, 生蠔2隻。上菜速度都算快,甜蝦好大隻,好鮮甜。三文魚好厚肉,本人覺得好味過田中。帶子壽司就麻麻,不是太新鮮。鰻魚壽司不錯,亦十分長。而生蠔本人沒有太大期望, 因心想這裡的生蠔應該不算太新鮮,但實際也不錯,在此地方吃到這些生蠔都算不錯,而價錢不是太貴,25蚊2隻。蟹子沙津不過不失。這裡可能在大坑渠旁,等位時很多蚊仔,好在河不臭。友人勁讚金田,不像田中等那麼久,而且食物味道和價錢都跟田中差不多,竟然如此,下次一定會來金田。2位埋單合共$199。

約了友人去田中食壽司, 我先到..所以去拎位先.....去到勁多人.....諗起在網上看見有間叫金田的日本料理...就走去拎位...等了大約半小時, 就可以入坐...比起田中....已經係快..haha入去叫左個甜蝦(7隻)拼三文魚(8塊), 再叫多個甜蝦半客(7隻)<我和友人勁愛吃甜蝦的>, 蟹子沙津, 帶子壽子, 鰻魚壽司, 2隻生蠔上菜速度都算快......帶子壽司..d帶子好似麻麻地....冇咩鮮味.....生蠔..係依到黎講..都算ok wo~又唔係細隻....又唔貴..都係25蚊2隻..抵!甜蝦...都幾大隻嫁..又鮮甜...三文魚..本人覺得好食過田中添.....同埋好厚肉呀~蟹子沙津就要自己撈.....鰻魚都不錯~~總括黎講..本人覺得不錯...友人就勁讚添~仲話下次唔去田中去依到..因為依到大d...同埋冇咁多人..唔洗下下田中咁話.....下次一定會再去的!

我地5個人5點9已來到,門口已經見到有人等位,不過要等齊人至可以入,裏面都唔係好多枱,我諗有十幾張6至8人枱,個menu都好多野揀,不過我地都係叫左佢最出名既壽司1)三文魚壽司*3 ($15碟@2)真係好長,同埋幾新鮮,比起出面既三文魚質素好2)鰻魚壽司*3 ($26碟@2)又係好長,燒得幾香而且無骨,如果d汁可以多d就更好啦3)蟹子壽司*1 ($20碟@2)比起出面多蟹子,不過就唔鮮甜,唔知係咪人造既,下次去一定唔會叫4)帶子沙律壽司*1 ($22碟@2)帶子幾新鮮,唔錯,貴左少少5)龍蝦仔沙律壽司*1 ($19碟@2)有三塊仔切片龍蝦仔,味道普遍6)蟹子沙律腐皮船壽司*1 ($22碟@2)味道都係普通,食番腐皮壽司好過7)香芒炸蝦卷*1 ($48碟@6)見到個外形真係好大,有芒果包住,原來係飯多過餡,炸蝦係得一粒仔,主要都係食佢d飯囉,一定唔會再食8)蟹子沙律*1 ($28碗/小)雖然係細碗,不過都足夠5個人食,我見人地食大係用一個拉麵碗來裝,佢既分量係小既2倍有多,其實抵食好多,但係我地得5個人一定食唔晒,同埋主要係得青瓜絲同蟹子,可以加芒果同蘆薈,另加$5-$16不等,視乎大小