金玉滿堂

營業中

休息中

中菜之鬼又黎啦，醒起一間朋友好耐之前就推薦既中菜餐廳，唔想諗一於試試！😆👅酸菜魚 $198魚肉新鮮，完全唔霉，口感非常結實！😝除左魚肉之外，仲有大量酸菜，芽菜，豆卜，芋絲！份量兩個人食岩岩好呀！👅七味炸豆腐 $65未擺入口就已經聞到勁香！食落調味香口，但唔係重味精要狂飲水個隻，就咁食唔餸飯都冇問題！完全做到外脆內軟👍🏻完美演繹炸豆腐既精髓👅糖醋咕嚕肉 $98就咁睇以為普通咕嚕肉，點知食落非常有驚喜！咕嚕肉完全係外脆內軟，肉味又夠濃，真係大推！👍🏻加上菠蘿係新鮮菠蘿，唔係市面上個種罐頭菠蘿，簡直係誠意之作🌟👅腐乳通菜 $88慣左每餐都要食菜，所以叫多個通菜😌通菜超滑，完全唔老，加埋乳腐一齊炒，通菜索曬乳腐，餸飯之選！老闆娘同員工服務態度都好好，好好人！仲要有埋差電服務，細心到你驚😝廚師出菜快，上菜速度更快！絕對可以再戰！舔舔脷指數：4.7/5性價比指數：4.7/5金玉滿堂 (旺角)旺角煙廠街6-20號華新大廈地下14-14A號舖

FD哩牌唔舒服，話想飲靚湯，揾到哩間鋪頭提供好多款靚湯，咁試試。鋪頭唔大，人氣都好旺，睇落都係街坊。先一人來一盅湯，羊肚菌燉響螺湯，配料好豐富，有雞腳，雞肉，響螺片同羊肚菌，湯飲落就知煲足火候同埋落足料，好清甜。蟲草花燉雞腳湯，比起羊肚菌燉響螺湯黎講，飲落會更甜少少，可能落咗唔少蟲草花同紅棗，好健康。紅燒BB鴿，鴿子炸得脆啵啵，皮脆肉厚。鴿子預先醃制過，唔洗點鹽已經好夠味。豉椒炒花甲，哩份真係不得了，炒得好有鑊氣。花甲冇沙，醬汁少少辣，食落好惹味。分量都幾大下，點食都食唔曬TIM。金玉小炒皇，好特別嘅搭配，有蝦幹，魷魚，腰果，細魚幹同韭菜芯。腰果先炸再炒，食落勁香口，FD食到停唔落口。哩啲鋪頭一般都係街坊幫襯，所以質素真係好高。

好耐冇食過粵菜或者各種港式小炒啦。所以今次嚟左旺角依一間金玉滿堂，食下佢嘅餐點。首先一入座即刻叫咗一個半隻嘅花膠麻辣雞煲，非常之唔錯。而且雞煲入邊亦都會有菇類，洋蔥同埋蒜頭等等，令到個雞煲更加香。然後我仲叫咗個辣妹子炒蜆，呢一個就相對比較辣，但係非常之香，令人食完一啖又一啖。仲有我叫咗一個上湯鮮菌白菜仔，上湯非常之清甜，而且菇同埋白菜都煮得好軟腍，好入味。我最後仲叫咗一枝烏龍茶同埋一罐汽水。環境相當之貼地，而服務員亦都好好傾，以大排檔嘅角度嚟諗，都頗為不錯。

最近想食大排檔嘅小炒，見到網上有人推介呢間餐廳，所以就係OpenRice book枱約埋三五知己出嚟試吓！本身都知道OpenRice 嘅正評可信性唔高，所以都抱住試吓嘅心態去呢間餐廳。一去到，餐廳環境比我想像中更差，而且我哋被安排到一張天花板滴水嘅枱度坐，仲話因為其他枱都已經有booking所以無得轉枱。咁一場嚟到，唯有將就住坐，希望食物可以加番分。我哋點咗：“麻香爽魚皮”除咗爽口取勝，成碟魚皮無乜味，佢有另外配wasabi 豉油，但我覺得一啲都唔夾“糖醋咕嚕肉”呢味餸不過不失，但價錢唔算平，有其他地方煮得比佢優勝“豉汁蒸白鱔”口感正常，但豉汁唔算入味，而且唔知係咪蒸得唔夠熟？d肉同骨痴得好實，浪費咗好多魚肉“豉椒炒鮮鵝腸”本身對呢碟餸抱好高期望，點知一食真係極度失望！好明顯鵝腸預先用滾水煮好，然後就咁炒個豉汁就淋上面，d鵝腸完全唔入味，而且一d都唔彈牙，超級失敗嘅一道菜！“椒絲腐乳通菜”除咗溫度唔夠熱，呢碟算係最正常除咗食物一般之外，一位疑似係老闆娘嘅中年女士令到餐飯印象深刻😀我本來book咗夜晚7:00嘅，點完菜等上菜都無咗半個鐘，然後有位男侍應係我哋食緊飯嘅中途話宜家比較繁忙，想

呢間餐廳喺旺角街市附近，餐廳裝修，卡位比較多，都有啲大圓枱適合返一班人聚會！每一碟小菜都唔會太貴，就算兩個人嚟食，都可以試多幾款！菜式方面有多款大排檔嘅鑊氣小炒，仲有自家製嘅足料燉湯，選擇都幾多！平時如果鍾意食鑊氣小炒，但普通大排檔有成日食，可以試吓呢間，叫埋佢哋個招牌足料燉湯，食美食嘅同時都可以順便養吓生～😌------------------------------🐚◖黑松露醬爆元貝皇◗ $158用咗黑松露醬同海鮮菇去爆咗個帶子，帶子本身帶有勁香濃嘅黑松露味，再同啲甜豆一齊炒，香脆爽甜！🐖◖欖角冰梅骨◗ $108排骨嘅肉比較多，包裹住一層脆身嘅焦糖皮，加入咗欖角去炒令到排骨有一陣獨特嘅香味，食落去口感有啲似咕嚕肉，味道都係偏甜，口感層次都唔錯，但就略嫌佢個外皮炸粉有啲厚～🥬◖魚湯雜菜煲◗ $98魚塘多幾清甜，加入咗大量雜菜，好似菜心、西蘭花、雜菌，仲有啲粉絲煲成一個雜菜煲，索晒啲湯汁，食落一啲都唔會寡～🐓◖花膠響螺燉雞湯◗ $68呢盅燉湯都幾清，湯料幾多，俾咗一舊花膠同埋好多雞件，健康養生之選～🥤◖Zero◗ $18🍵◖烏龍茶◗ $18🌟 Encore指數：8/10

朋友👩‍💻勁鍾意瓹窿瓹罅搵嘢食，其實我都係😆，呢日喺旺角，我哋就一齊發揮呢種精神💪，呢度行吓嗰度望吓，行到嚟呢間餐廳🥢門口，見到係食local 嘢，朋友👩‍💻話不如就呢間啦🤩，咁我就舉腳贊成🤣$65「花雕醉豬手🐷🖐️」：豬手皮爽脆得嚟有啲煙靭，有濃郁嘅花雕酒香味😋，特別之處係帶微辣，食落好開胃🤩$78「紅燒BB乳鴿」：BB乳鴿皮燒到脆脆哋，BB乳鴿肉幾嫩口🤩$85「蒜蓉炒白菜仔」：白菜仔🥬細細條好新鮮，加咗大量蒜蓉🧄去炒，簡單好食😋$138「豉汁帶子蒸豆腐」：豆腐勁滑😋，帶子新鮮肉質鮮甜😋，仲加有超濃郁嘅豆豉汁😋，用匙羹一啖食晒 豆腐+帶子+豉汁，爽呀🤩$58「羊肚菌燉嚮螺湯」：見到有 羊肚菌、嚮螺、瘦肉、雞肉、雞腳、紅棗、杞子 等，真係落足料，湯底濃郁、清甜、好飲🤩$18「烏龍茶」

同朋友去咗旺角金玉滿堂食飯，多款菜式選擇，食物夠鑊氣，做出大排檔嘅風味▪️椒鹽炸粟米粟米炒至金黃色，做成外脆內嫩口感，香甜粟米配上惹味椒鹽，再係面頭灑上大量炸蒜，食到停唔到口▪️秘製鹽水鵝平時多數鍾意食滷水鵝，見到餐牌有鹽水鵝，即管試吓，肉質滑嫩，味道清香，例牌份量都多▪️椒鹽脆鮮魷魷魚爽口彈牙，炸皮好薄，口感香脆，食落唔油膩，份量都算多▪️沙嗲粉絲肥牛煲去大牌檔食飯必點嘅菜式，沙嗲味香又惹味，有肥牛、粉絲同芽菜，粉絲完全吸收沙嗲汁，每啖都惹味香濃，好好送飯

路過旺角，在煙廠街的街坊小廚，吃傳統的港式小炒。脆皮壹品燒雞半隻$148雞皮烤得香脆，肉質尚算嫩滑。雞肉肥瘦適中，味道不錯。豉汁蒸白鱔，$168 白鱔十分新鮮，肉質彈牙，味道鮮香。豉汁調得十分惹味，白鱔火候控制得宜，伴飯佳品，十分美味！椒絲腐乳通菜牛肉$108夏天通菜當造，口感爽脆，牛肉肉質軟熟，腐乳咸香味濃，開胃可口。三餸一湯，$500有找，街坊價錢。 花膠螺頭燉雞湯 $68真材實料，清甜滋潤。絲苗白飯，港式小炒不可少。

🍲今日黎到旺角 心血來潮想食小菜🍚搵到呢間金玉滿堂 餐廳位置唔顯眼但係價錢合理公道 而且份量超多!!!🤩🐟 酸菜魚 $198酸菜魚賣相吸引 魚片算多🥰鱸魚片肉質勁滑勁鮮嫩 酸菜好食但佢同外面大陸酸菜魚會帶點出入呢個會係較為港式風味 唔會太辣 較溫和🤪但係總結來講都係好食的雖然無薯粉同粉絲 但有芋絲可以增加口感😛🍗 糖醋咕嚕肉 $98一上台份量多到嚇親 咕嚕肉充滿鑊氣 外層炸粉唔厚 炸得脆口外脆內軟 肉質軟嫩多汁帶肉香味糖醋汁酸度適中 非常開胃😋🦑 椒鹽脆鮮魷 $108上枱熱辣辣 新鮮即刻炸起同樣炸粉不算厚身 椒鹽味平均外脆 鮮魷又滑又鮮味🥬 蝦醬炒通菜 $88鑊氣十足 上枱嗰陣已經熱辣辣 通菜好爽口新鮮 口感鮮嫩好食 🤩不過略嫌有少少咸😗餐廳仲有充電線提供 非常貼心♥️📍金玉滿堂旺角煙廠街6-20號華新大廈地下14-14A號舖

📍金玉滿堂 (旺角)旺角煙廠街6-20號華新大廈地下14-14A號舖行行下經過呢間 平民小炒店，見都幾多人食喎 😉😉 價錢又吾貴入去食下先 ！！！麻香爽魚皮 魚皮薄薄一片 非常爽口 ，配以麻香風味 作為前菜，開胃一流 😆😆 欖角冰梅骨 排骨多肉 大大件 ，配搭埋酸酸甜甜嘅欖角醬汁 大人小朋友都岩食 配飯食更一流添 ☺️☺️ 豉汁蒸白鱔海鮮以最簡單蒸既方法啦 食佢嘅原汁原味 😜😜 白鱔份量多 ，而且仲係厚切添 認真抵食 🤓🤓 黃金珍寶蝦球 外皮炸得酥脆香口 ，包住原粒蝦球，配上鹹蛋黃炒至金黃色 又香又脆 鹹香味十足 好味道呀😚😚

今晚6位相識左30幾40年的老朋友又聚餐吹水啦！今次長老帶我地班細嘅去旺角街市側邊的＜金玉滿堂＞。大牌檔飯店格局，小菜炒得幾有鑊氣，環境坐位當然不及大酒樓啦！價錢都算實惠。鹽水鵝夠淋，但擺碟賣相吾靚。蒜子火腩大鱔煲惹味吾錯，略嫌火腩份量不足，反而白鱔就有10幾件。咕嚕肉都幾香脆，開胃。最推介是芥末元貝，賣相和味道都一流。其他野就正正常常啦！聽講炸豆腐粒和雞煲都出名，下次再試。6條友食咗大約1000蚊，抵食啦！

小篇☕️想喺旺角食大排檔但又怕熱，今次去左位於旺角《金玉滿堂》，食物有鑊氣，而且海鮮大份同新鮮，大大碟性價比高，好有大排檔風味。👅 𝓜𝓮𝓷𝓾𝓼⭐老壇酸菜魚🐠酸菜魚賣相吸引，魚湯好奶白，一睇就知有火候，飲落好濃郁的魚湯，帶點酸菜的酸，魚肉鮮嫩細緻，剛剛好熟，有種滑嫩的口感而且好新鮮，推介必試‼️⭐豉汁蒸白鱔白鱔魚分量好多，而且切得夠厚，肉鮮嫩滑潤，蒸熟後保持了魚的鮮味，豉汁的鹹香搭配白鱔魚的鮮甜，友人係咁讓人讚不絕口🤭⭐糖醋咕嚕肉咕嚕肉使用了豬頸肉，所以肉質柔嫩多汁，外皮炸得酥脆，裹上甜酸的糖醋醬汁，外脆口感內柔嫩，同加埋新鮮菠蘿🍍，好好食，糖醋的酸甜平衡度剛剛好，小篇推介‼️

小店位於旺角，地點比較隱蔽，主打新派粵菜及私房菜嘅中餐廳，有麻辣雞煲、羊腩煲、酸菜魚等，亦提供多款傳統大排檔菜式，環境唔大，裝修普通，勝在食物質度高，難怪咁多客嚟幫襯🤔前菜有炸豆腐，一口一粒，外層呈現金黃色，皮炸至脆身而且夠薄，內裡嫩滑，配上七味粉食落更加惹味🔥 另外叫咗大排檔必點嘅椒鹽脆鮮魷，爽口彈牙，鮮甜可口，炸皮好薄，感覺唔油膩，可惜份量太少，唔夠食呀🥹個人喜歡糖醋咕嚕肉，外表滑身，炸粉好薄，肉唔肥，醃得幾好，外皮掛滿酸甜醬汁，食落開胃，咬落去外脆內軟，雙重滋味，令人回味無窮，性價比高，值得一試🐷想食得健康啲嘅有魚湯雜菜煲，份量好足，雜菜款式眾多，菜心、白菜仔、西蘭花、雜菇等，仲有蝦同滿滿嘅粉絲，粉絲軟硬度適中，滑身，入味，湯底清甜可口，味精感唔重，可以當水飲！油麥菜都唔錯，但偏油，配飯就啱啱好👌🏻

今日老婆唔想煮飯，於是係旺角行完街再兜個圈，睇下有咩啱食🤔，見到一間隱藏係煙廠街兩旁，比較低調嘅中菜館“金玉滿堂”🤨。咁橋我哋兩個今晚都想食中菜😆，見價錢又唔係好貴，就諗住去呢間試下😁。糖醋咕嚕肉 $98咕嚕肉🐖外層炸得脆口，肉質軟嫩多汁帶肉香味🥰，糖醋汁酸度適中，酸酸甜甜醒胃又好味😋，而且充滿鑊氣😍。紅燒BB鴿 $78🐦外皮炸得香口又乾身，肉質嫩滑有肉汁，肉味鮮香，唔錯🥰。黑松露醬爆元貝王 $158勁大粒元貝加埋鴻喜菇、甜豆及紅椒🌶，再混埋黑松露醬🍄一齊炒，炒得香口，味道香濃，黑松露味極重😋。元貝味道鮮嫩，口感彈牙😍。黃金珍寶蝦球 $158外層薄薄嘅一層炸醬，炸得酥脆香口，包住爽脆彈牙嘅大蝦球🦐，再混埋鹹蛋黃醬，一口咬下先是鹹香脆口，然後滲透出一陣鮮香蝦味，勁好食😋。總括而言，食物夠鑊氣，能夠做出大排檔嘅風味；而且海鮮非常新鮮，能夠食得出佢地嘅鮮味，但價錢合理；店員服務態度十分之好，效率亦算高。另外，我見隔離枱不停賺個雞煲🥘好食，下次一於嚟試下先。

想講呢間餐廳d野食真係勁好食🤤炒得好惹味好香唔好睇餐廳外表普通,d野食落真係勁好食,好有質素!!!可以話係每食一啖都好Enjoy!!!我叫咗以下幾樣食物：❤️黃金脆鮮魷$138❤️黄金珍寶蝦球$158鹹蛋黃好香!!!忍唔住叫咗兩樣都係黃金因為實在係太好食啦🤤超級滿足呀蝦球啲蝦係大大粒㗎，好彈牙好有咬口👍🏽鮮魷嘅份量都好足夠，又係高質誠意之作✨✨❤️椒絲腐乳通菜牛肉$108真係要比滿分 腐乳嘅香味完全融入晒通菜度通菜炒得啱啱好!!!最驚喜係連啲牛肉都炒得好好味無論口感同味道都係100分一食落口好驚喜, 好食嘅腐乳通菜牛肉食過,但好食到咁真係未食過, 幸福🥰❤️花膠螺頭燉雞湯$68花膠大大塊👍🏽真材實料!好清甜呀😋❤️王老吉$18 呢間餐廳食物質素真係好高,食物即叫即炒,成晚一面食一面話好好味👍🏽食到咁好食嘅野真係覺得好幸福🥰🥰