金玉滿堂

營業中

休息中

真心推介  味道好  又唔貴  服務又好酸菜魚 虎皮尖椒 咕嚕肉 水煮牛肉 爽滑魚皮 七味豆腐 豉椒炒蜆 薑蔥蠔 環境唔錯 最緊要係有bb櫈 帶小朋友去都無有怕 全部餸都係有鑊氣 雖然係普通小菜但真係好好食！

本身想帶外家去火鍋撚。點知外父話唔想打邊爐。係Google search 到呢間新開，段估唔洗排隊。。。果然。去到即入。。四個人坐得幾舒服，叫左個幾特別嘅鹽水鵝，肉嫩，爽，昧道好！最緊要外父勁讚！再叫左6～7樣嘢。都真係好味。有個女仔又幾好招呼，又話下次去揾佢訂位。外父幾冧！整體呢間真係可以再試，臨走仲發現後面同兄弟劈酒一瑬！埋單我仲以為計錯，8～9樣嘢，埋單一千頭。。真心正。忍唔住要打食評！

喺旺角做嘢好多年晚晚收工,都想搵一個地方幾個朋友聚聚,以往剩係得啲呃遊客嘅小廚....見到依間啱啱開即管試吓都唔好抱住太大期望⋯⋯入到去叫咗幾個小菜，阿姐送咗個小食點知出乎意料地好,傾開阿姐喺度sell原來嗰間大廚好似有啲料到...下次會去試吓私房菜,再者買單嘅時候價錢真係幾化算....四條友飲埋啤酒七八個餸兩個小食都係$300人頭唔洗買單⋯⋯都係果句唔使好似以前嗰啲呃遊客餐廳咁...又難食俾錢買難受....呢間都真係幾好食值得一試值得推介！

踢完早波成班唔知食咩,行過見到試業中,又有位即管試下一坐低,侍應熟悉地問飲咩啤酒,即刻覺得啱曬「何車」！😂平有獅威,好的有朝日,我地聽佢介紹飲醇滑32/支...都可以叫左兩個小吃麻香魚皮同麻辣薰蹄,個薰蹄好食但唔夠麻；但個魚皮不得了！正到！成班食左兩三碟（btw阿姐好似送左一碟）可能見我地太癲！之後嚟齊人,阿姐介紹西澳龍蝦,我地無叫⋯但就要左兩個招牌菜：奇脆元貝,同鹽水鵝,呢兩樣真心堅！奇脆元貝（好似係咁上下名）味道好,特別都不在話下,口感亦好新鮮,用料亦新鮮,必叫⋯價錢好似都係百頭⋯人多可以加大！鹽水鵝：超滑,嫩,好味仲要抵食⋯8個大漢一隻食唔曬,打包翻到屋企都好食！其他餸都好味,鑊氣好夠,阿姐吹下,話大廚係行內有啲名氣,但低調,之前係某高級酒樓做大廚唔怪之得,餐牌的餸都幾特別！佢仲sell我話可以訂私房菜,我就覺得叫餸都已經好正！趁佢未出名n未洗排隊好快啲去😂😂😂8條友埋單十幾個餸,十幾支酒,人頭三百頭⋯都唔洗講嘢啦👍