金玉滿堂

營業中

休息中

金玉滿堂地址: 旺角煙廠街6-20號華新大廈地下14-14A號舖電話: 店名是新年恭賀說話feel,好好意頭。是一間中菜館食中菜小炒，人年齡越大，好多朋友成家立室，好難先約到朋友，而隨著好多朋友舉家移民，藉此機會食一頓中菜作回憶。麻辣薰蹄 $68起曬骨架燻蹄呀，爽口又肥美，同埋個麻醬有蒜粒，有四川感覺，辣味慢慢滲出，濃郁開胃。秘製鹽水鵝 $148 鵝肉起了片切好，又香口惹味，蝦選用了大隻蝦彈牙厚肉，炸到黃金香脆再補鹹蛋黃醬，黃金脆蝦球 $148蒜蓉蝦乾蒸勝瓜 $88，叫返道家常菜，蝦乾有口感，蒜提香小油清爽。

3人去食中秋節飯$570，今次叫咗唔辣酸菜魚$188，酸度唔夠又少酸菜，魚肉口感一般但份量不少，配菜反而幾好味冰梅骨$98全餐飯大家覺得最好味，醬汁剛好帶微酸甜，豬肉口感不錯食到啖啖肉通菜牛肉$88..普通，起碼沒有得個咸字，份量都夠不少蒸元貝每隻$42，比心目中細隻感覺熟咗少少，蒜茸幫佢加咗唔少分白飯$12/個…2個連微溫都沒有，只可講米本身不錯飲品叫了烏龍茶$13叫了1枝正常價…上菜速度預由叫到第一個餸約30分鐘，有點耐但還可接受結帳只講4個菜加飲品，單都沒有，但點計如何$570🧐加一？ 冇計白飯？難道3杯水每人$11？那就唔太知道

平時黎旺角有時都會係通菜街搵食，但再轉入啲都有唔少餐廳今次朋友帶我去左間隱世餐廳，行過煙廠街街市，有一間金玉滿堂，裝修比較傳統，但都令我諗起以前中式鑊氣地道小菜朋友仔推介香草芥末奇趣元貝王，奇趣就係炸米，好香口。而且其他材料都炒得好香，夠乾身。主角元貝份量好多，火侯又捉得好，必試脆皮燒雞真係脆皮，皮夠乾身，但肉仲係有水份。而且醃得夠味又有雞味仲叫左啫啫蝦干娃娃菜煲，煲好夠熱，娃娃菜好甜又帶有香氣。好耐無食到咁正既菜煲，而且蝦干又大粒同重蝦味。呢碟菜同芥末元貝王都覺得係足料又靚料，好抵食

今次同朋友聚會，我哋就去咗旺角煙廠街「金玉滿堂」食小菜，地方都幾闊落，餸菜都幾特色， 而且幾抵食，味道都算出色。金稻穗香一口牛大廚推介菜式，賣相真的不錯，牛柳粒好軟淋， 再配上脆米一齊炒，脆卜卜，口感特別， 整體感覺特色又惹味。秘製鹽水鵝份量夠大碟，鵝肉很入味，肉質軟淋鮮味， 唔會油膩。Xo醬龍鳳炒腸粉非常惹味嘅餸菜， 腸粉夠滑不會散，仲有大大隻蝦球又新鮮。另外食左麻香爽魚皮、麻辣燻蹄及花雕醉豬手，幾款特色小食真係食唔停口，而蒜茸蝦乾蒸勝瓜及豉椒炒花甲2款小菜都份量足，味道也不錯。

不知道是否最近跟長輩飯聚多了所以近來都愛上吃中菜這天又來相約飯腳來個快閃飯聚走過旺角街頭 偶爾發現了呢間位於鬧市中既隱世小店呢間新派粵菜金玉滿堂 算得上是間隱世私房菜吧位置唔算難搵 舖面寬敞 裝潢蠻有舊式中菜館感覺望望餐牌 款式蠻不算少重點是價錢合理 一家老小來用餐也蠻實惠麻香爽魚皮晶瑩半透既魚皮 拌了些麻油及薑蔥甚有厚度既魚皮富有嚼勁 口感冰涼爽脆 味道鮮香重點是絲毫沒有淡水魚身上既一點土腥味連我這個不沾魚腥的人也禁不住多吃兩塊金稻穗香一口牛甫上枱乍眼一看還以為是飯粒不過食落是口感香脆 脆卜卜既脆米帶點焦香香辣攻鼻芥末味道 口感豐富加上茶樹菌、茄子 出奇地配合值得一提是超多牛肉粒 軟腍多汁味道濃厚惹味 喜歡重口味朋友定必喜愛蒜茸蝦干蒸勝瓜上枱蝦干香氣四溢勝瓜本來清淡沒有什麼味道可言可是舖上帶惹味蒜蓉及鮮味既蝦干就即時令整碟提鮮又味美蝦干味道鹹香中帶點鮮甜 食落味道會略重不過混合一起 香口之餘又不會太膩豉汁蒸白鱔火候程度剛好恰到好處 肉質不會太熟太霉肉質柔嫩鮮味 食落爽口惹味中帶點煙韌感鱔肉滿有油香 而且零腥味雖然稱不上大件肥美 不過整體算是不錯

今日同幾位朋友聚會，由朋友負責揀餐廳，佢竟然喺旺角搵到一間鬧市中嘅隱世食店，主打潮州菜式，食物全部大大碟，好抵食！🍘七味炸豆腐（ $60 ）七味炸豆腐係我最鍾意嘅小食，色澤金黃，有如小金磚，表層酥脆，食唔停口。🥓麻辣薰蹄（$68 ）作為飯前冷盤非常不錯。🌶老檀酸菜魚（$328）估唔到連四川菜都有，酸菜酸辣爽口，魚肉鮮美，配上香濃魚湯，嫩滑爽口感，惹味十足！🥒聖瓜蒸元貝皇（$128）用金銀蒜（生蒜蓉及炒過的蒜蓉）、蝦米、粉絲作配料，加上簡單調味後的蒸勝瓜，非常好佐飯。🐚香草芥末奇脆元貝皇（$148）呢道菜非常特別，主角係元貝，另有茄子、茶樹菇，脆米非常香脆可口，加入少許Wasabi，味道出奇地夾。🐷花雕醉豬手 （$60）🦆秘製鹽水鵝（$148/例）皮色玉白油潤，鴨肉微紅鮮嫩，質感松嫩、肥而不膩，好食。🐟 麻香爽魚皮（$50）涼拌魚皮，口感爽脆，味道比炸魚皮有過之而無不及。

今次住旺角朋友帶我去佢屋企附近一間經濟小店食飯。幾個人叫左好多餸，都幾大碟，價錢唔算貴。#豉椒炒花甲鮮甜惹味，夠鑊氣，有大排檔風味#秘製鹽水鵝味道岩岩好唔算好咸，最緊要啖啖肉得黎夠嫩#Xo醬龍鳳炒腸粉好惹味，加左肉碎同蝦米，更有口感，食到唔停口#金稻穗香一口牛呢道菜好有驚喜，一上枱就相機食先📸賣相一流，煮法都有啲特別，你唔好以為佢係炒飯呀～個啲係脆米黎！脆卜卜真係超香口！仲叫左幾個特色小食 #麻香爽魚皮， #麻辣燻蹄同 #花雕醉豬手，一班朋友傾下計飲下啤酒🍻好爽😄 大大塊魚皮真係超超超爽呀!!佢唔係普通嘅炸魚片，真係要試下。 豬手好入味，外皮爽內軟腍!! 燻蹄蘸上麻辣醬汁同蒜蓉吃，爽口惹味!!

朋友介紹，真係要去食，原來有間咁好味嘅小店🌸麻香爽魚皮，魚皮超爽脆，一啲土泥味都無，大愛！🌸麻辣燻蹄，片片厚薄適中，加上麻辣汁份外滋味！🌸花雕醉豬手，非常之入味花雕酒味香濃！🌸Xo醬龍鳳炒腸粉，xo 醬炒起上嚟特別好味！🌸蒜茸蝦乾蒸勝瓜，蝦乾嘅鮮味和蒜香滲透入去清甜嘅勝瓜入面，真係健康又美味！🌸豉椒炒花甲，無沙而且肥美嘅花甲，沾滿香吃十足嘅豉椒，真係嘢味十足😋😋😋🌸金稻穗香一口牛，焦香脆口嘅金稻吸收咗嫩肉多汁嘅一口牛嘅香味，真係好有驚喜！❤️唔怪之得係「大廚推介」啦👍🏻🌸秘製鹽水鵝，非常之入味，喊味適中，而且油花滿滿肉質好嫩滑！

旺角煙廠街雖然好多路邊排檔，但其實都有食肆，今次同朋友們去左食小菜。麻香爽魚皮都好耐冇食過了，超級爽口，彈牙得黎仲好滑，大大件而且腥添，我唔成日都夾唔起😂😂😂麻辣薰蹄薰蹄爽口，雖然見到紅紅嘅麻辣，但其實唔係好辣，加埋蔥蔥蒜粒仲幾惹味添。金稻穗香一口牛賣相好得，唔係一般嘅牛柳炒飯，今次係用脆米黎炒，所以好有咬口，牛柳粒亦剛好熟不會覺得韌，而且仲有茄子粒感覺有層次。蒜蓉蝦乾蒸勝瓜貌似好普通，勝瓜都幾嫩所以只要加大蝦乾+蒜油、豉油，再灒熟油，就已經好好味😋秘製鹽水鴨鴨肉夠嫩唔鞋肉，淡淡咸味都好夠味，但都有配酸辣汁比我地。花雕醉豬手豉椒炒花甲XO龍鳳炒腸粉Lee個小店都算幾經濟實惠份量都好足

同朋友好耐無見，今日就相約到位於旺角主打新派粵菜及私房菜的中菜館食飯👍餐牌上嘅菜式樣樣都好吸引亦都好多選擇😍七味炸豆腐-豆腐外型細細粒，炸到金黃色，香噴噴，咬落外脆內百好滑加入炸蒜一齊食好香口，真心得推介！香草芥末奇脆元貝皇-裏面有元貝，茶樹菇，茄子和脆米，炒到有焦香味道，口感豐富，好惹味，食到舔舔脷😋蒜蓉蝦干蒸勝瓜-勝瓜蒸得好淋吸入炸蒜和蝦米本身味道鹹鹹地比較香濃，食落好香好好味！配白飯和啤酒一流！

朋友呢排沉迷玩模型放工陪佢行左幾間 搵左好多細細件嘅零件佢邊揀我就邊上openrice搵野食俾我發現呢間新新地 評價唔錯嘅中菜打電話問下 有位我地買完就即刻過去開餐喇位置唔算難搵 但幾隱蔽去到門口離遠就見到個牌得兩個人 睇左一輪餐牌有好多都想試下跟老闆推介叫左幾樣野花雕醉豬手真係好濃酒味 帶少少辣分唔到係香料嘅辣定酒味太濃但愈食愈滋味好爽口 豬皮好有彈性補充下骨膠原豉汁蒸鱔好大碟 醬汁好香好惹味蒜蓉豆豉再加左豆瓣醬 少少辣咁大鱔夠新鮮 香草芥末奇脆元貝皇呢個好得意 加左啲炸過嘅飯同元貝茄子一齊炒口感好特別又有啲芥末味推介！

（有啲想私心收藏嘅食店🥲）不過好食都要同大家分享既💖喺旺角煙廠街附近開咗間食小菜既新舖😱試左先知係又平又正既人間美食😍🤩金稻穗香一口牛 $128個賣相幾靚仔 本身仲以為係普通牛柳粒炒飯 點先原來係用脆米😍勁有口感 同埋食得出好有鑊氣另外值得一讚嘅係就算佢用脆米 但係食落口都唔會好油 就連一齊炒嘅茄子都唔會油膩感 食到停唔到口！ 豉椒炒蜆 $88佢啲蜆竟然冇沙！！蜆嘅份量都幾多 而且個汁好濃郁 好快又清晒😅麻香爽魚皮 $50聽講係廣東名物 另外附上Wasabi加豉油俾客人點魚皮 魚皮超級爽滑 差啲夾唔起🤤魚皮表面麻油味唔算太重 配上Wasabi食既話感覺更清新蒜蓉蝦乾蒸勝瓜 $88鐘意食蝦乾嘅應該會覺得超好食！🦐放喺勝瓜上面嘅蝦乾全部都好大條 蝦乾嘅鮮香味再加上蒜蓉令到本身冇調味嘅勝瓜更添層次🆙食完真係想大嗌 好好味啊！真係會食過返尋味仲想試其他嘅菜式😋

心血來潮想食啲地道小炒野，上網搵到呢一間餐廳，仲有啲特別菜式，所以同埋屋企人嚟試吓媽媽鍾意食辣，又鍾意食燻蹄，咁岩呢度有一味麻辣燻蹄就啱晒佢麻辣味幾香，我唔係太食到辣都食到，而且醬汁中有花生碎增添香氣同口感。而且燻蹄質感好爽滑，唔會覺得好乾爭爭同硬梆梆。口感確實係幾好黎到是日最想食既菜式-香草芥末奇趣元貝王奇趣其實係脆米，配上炒香既茄子、香菇，再加上芥未微微刺激既獨特味道，口感同味道都有幾個層次。而且元貝份量係相當多，又大粒，時間掌握得剛剛好，元貝口感仲係好彈牙、鮮味。激推

呢間餐廳嘅位置、佈置同環境唔太起眼，但食物就幾有質素，味道拍得住好多中菜廳廳酒樓，就如一間隱世食店！呢個系香草芥末奇脆元貝皇，脆脆裡面加左芥末落去一齊炒，幾特別嘅配搭，有大約5-6粒元貝，幾大幾新鮮，脆脆非常有口感，好似飯焦嘅感覺！蒜蓉蝦乾為清淡嘅蒸勝瓜添上一點惹味，但又恰到好處，不至於太濃烈太鹹！呢個麻香魚皮咬落索索聲，真係好爽脆，加入麻油落去調味，味道更加錦上添花！黑椒薯仔牛柳粒係大排檔茶餐廳嘅常見菜式，呢度炒得都算好香脆可口，醬汁調得好食，牛柳粒肉質都幾軟。炒香過嘅薯仔都好好食！

餐廳位於煙廠街，幾方面，無論搭巴士地鐵都好近，揸車嘅話附近都有咪錶位或者有停車場。係鬧市中有一間隱世小店，兩個人叫咗4碟餸，每樣都好食。爽滑魚皮好似食緊刺身咁！記得食嘅時候一定要夾埋蔥一齊食，好鮮甜👍🏻咕嚕肉炸得香脆，油份唔會太多，好開胃薑蔥魚卜煲呢道菜看似簡單但煮過飯嘅人就知其實好有技巧，難在魚卜熟得嚟唔可以煮得過火，否則會好軔；但太生又會唔熟仲會有腥味。但金玉滿堂嘅魚卜煮得剛剛好，香口都得嚟唔會軔，醬汁份量亦適中，唔會太多浸到好淋；淡淡的玫瑰露酒清香令整個餸好惹味