金玉滿堂

營業中

休息中

行開旺角夜晚心思思想食小菜，見到呢間餐廳平平哋幾抵咁就試吓😛魚香茄子煲 ($108)一上菜已經聞到超香鑊氣味，色澤超吸引😍因為啱啱坐正係出菜位附近，見住佢冒住蒸氣一路送到上黎🔥茄子超足料夠大條又夠多，咬落淋身索晒啲汁勁邪惡但好好食，超級熱辣辣要吹幾下先放入口🤤配埋肉碎拿黎送飯一流😽個飯叫左少飯所以睇落少d🙈脆皮一品燒雞半隻 ($148)雞半隻份量都幾多，雞皮夠脆口，外脆肉嫩，肉質唔孩容易咬，仲有雞翼可以食🤗味道夠鹹唔使點側邊d鹽都夠味，賣相又係加分🙆‍♀️椒腐通菜 ($88)腐乳醬足夠，菜份量正常。個人鍾意食辣可以再多啲辣椒仔更加惹味。食咗咁多肉叫個菜中和下啱晒🤣小菜款式有平有貴可以任君選擇，兩個人食三道菜加白飯夠曬飽肚🤪

今日同女朋友放工之後嚟到旺角行街，行行吓佢話好想叫餸食飯，就同佢揀咗金玉滿堂食下啦，喺門口已經聞到鑊氣味，雖然門口睇落唔大，但其實佢都坐到好多人。我哋總共叫咗三個餸，首先喺魚香茄子煲，我哋每次叫餸食飯都好經常嗌，佢嘅魚香茄子煲一上枱已經香氣撲面，聞到已經流晒口水，而且茄子睇落好新鮮令人食慾大增，食落發現佢唔會好油膩，而且魚香爆得好惹味。之後亦叫咗個一品燒雞，雖然我哋只係叫咗半隻，但都份量十足，而且雞嘅鹹味亦都夠而且皮夠脆肉夠嫩，依度餸真係好好食。最後亦叫咗椒腐通菜，依度餸唔會太鹹，味道啱啱好。佢嘅份量亦都唔少，三個餸我哋兩個人食到好飽，而且佢嘅價錢亦都唔貴，鍾意叫餸食飯嘅都可以嚟試吓，喺一間CP值高嘅餐廳

今日係我第二次嚟到呢一間舖頭食飯😋食過好多唔同地方嘅酸菜魚🐠暫時來講都係呢一間最好食🤤🤤酸菜魚入面嘅豆卜同芋絲完全係吸收晒湯汁嘅精華👍🏻魚肉都好滑,一啲都吾會鞋💯酸辣度都岩岩好,呢個湯撈飯真系一流,真系要食多2碗飯😋另外仲嗌咗個啫啫通菜煲🥬佢嗰啲肉碎真係鹹香味好足👍🏻味道都好惹味😋蒜蓉粉絲蒸鮮魷🦑我最鍾意食都係佢啲粉絲🫢🫢夠晒入味,魷魚🦑既熟度都岩岩好,吾會好un👍🏻走之前仲嗌咗個豉油王炒麵反屋企做宵夜😍就算叮反熱食都仲系好好味😋下次真係要試下即場食先得

前幾天約咗朋友在好景商場等，落車當我刻傾盆大雨，我把遮咁啱得咁（橋）又爛咗，真係冇遮用，又唔想再買遮，於是企咗投注站避雨，朋友還未到，睇吓OpenRice 搵餐廳食晚飯，睇到間富貴的名字 金玉滿堂 旺角煙廠街6-20號華新大廈地下14-14A號舖，就喺附近通知朋友在金玉滿堂坐低等佢。睇睇餐牌有好多都好想食，可惜得兩個人，朋友終於來到，我就點咗兩樣嘢，鹹魚雞粒炒飯，魚湯雜菜煲，飲吓啤酒傾吓偈。鹹魚雞粒炒飯就上咗枱,聞到已經好惹味嘅鹹魚香，因為個肚有啲餓馬上用匙羹載咗一碗，食落口果然夠鑊氣，飯係粒粒分明，軟硬適中我就最喜歡這種感覺，而且佢嘅份量都幾多，我同朋友食完都有飽足感！魚湯雜菜煲上到枱仲熱騰騰，蝦乾有啲趙口，餸啤酒真係唔錯入邊仲有粉絲、青菜、金針菇，配料真係好豐富！值得一讚女店長招待客人，好似朋友一樣態度好有友善親切，令人有一種賓至如歸嘅感覺！下一次一定會再嚟！

位於旺角煙廠街6-20號華新大廈14-14A地舖的這間餐廳（金玉滿堂）令我滿心滿足！餐廳的美食多多，食客可以隨自己喜好選擇！而且價錢也不算貴！餐廳地方頗大，坐位舒適，很適合三五好友一起聚餐！川味水煮牛肉，賣相吸引的水煮牛肉！香味四溢！辣香的味道令人食欲大增😋😋😋😋牛肉嫩滑，配上惹味的香辣！超正，牛肉的份量也很多！水煮牛肉的配菜也很不錯！裏面的配料真的很豐富，吃完也非常滿足！爽口的芋絲、豆芽，豆卜融入香辣的水煮牛肉汁！惹味十足！這時候真的不禁想來一碗白飯！黃金大蝦球，只看賣相已令人食指大動！外皮酥脆鹹香，大蝦爽彈！吃起來特別可口，廚師精心製作的黃金漿也恰到好處！美味的食物還可以令人心情愉悅！

無論咩天氣 我都好鐘意食外面既大排檔小炒 難得最近同男朋友去左旺角行街 見到呢間位於鬧市既金玉滿堂食啲鑊氣小炒 每款小菜既價錢都好抵 性價比都幾高 而且份量都幾多🤣輕易決定左晚餐！🔸黃金珍寶蝦球🔸呢款我至愛 蝦球炸得好香脆 大大粒 鹹蛋黃好入味 蝦肉好新鮮 食落爽口彈牙！🔸七味炸豆腐🔸見到脆炸豆腐幾抵食 外皮香脆 炸粉夠薄 外脆內軟又熱辣辣既口感好正 份量都好多！🔸脆皮一品燒雞🔸呢款店鋪人氣推介 雞皮香脆又薄 食落唔油膩 雞肉嫩滑多汁 好有雞味 唔會比雪藏雞 非常惹味！🔸啫啫通菜煲🔸男朋友話一定要叫啫啫通菜煲😂 上枱嗰陣已經熱辣辣 聞到好香 加埋蝦乾一齊炒 通菜好爽口新鮮 口感鮮嫩好食 鑊氣十足 突登叫左個飯撈泥食🙈

⭐️金玉滿堂⭐️📍: 旺角煙廠街6-20號華新大廈地下14-14A號舖⏰:5:00pm-12:00am星期六日放假多數都係family day，今晚同屋企人去左旺角呢間金玉滿堂食啲鑊氣小炒，每款小菜既性價比都幾高，而且份量都幾多💗七味炸豆腐豆腐外皮香脆，炸粉夠薄，外脆內軟既口感好正，作為小食特別開胃💗脆皮一品燒雞呢個脆皮一品燒雞係人氣推介，上到枱仲熱辣辣，雞皮非常脆薄，雞肉嫩滑多汁，非常惹味💗黃金珍寶蝦球香口野一向都係我favourite，叫左個黃金珍寶蝦球，蝦球炸得好香脆，蝦肉好新鮮食落爽口彈牙，正💯💗啫啫通菜煲食左咁多香口野要叫返個菜先，揀左呢個惹味既啫啫通菜煲，上枱嗰陣已經聞到好香，加埋大條蝦乾一齊炒，通菜仲保持到翠綠，口感鮮嫩爽口，鑊氣十足，送飯一流😍天氣咁熱食完啲咁夠鑊氣既小炒，叫返罐冰凍既汽水同王老吉就最好不過😋#香港美食 #平民美食 #旺角 #旺角美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #金玉滿堂

最近去咗旺角依間「金玉滿堂」食飯，依間餐廳主要都係食港式特色菜式，例如小炒類型，又或者特別小食，整體選擇都幾多，環境設計比較貼地，但就係咁所以有D大排檔Feel。*此餐廳收取加一服務費。黃金珍寶蝦球（單點$158），表面鋪滿鹹蛋黃蓉，口感起沙，味道鹹香，蝦球肉質肥美，口感彈牙，味道鮮甜。花雕醉豬手（單點$65），每一件豬仔肉質都好飽滿，豬手皮層口感Q彈、嫩滑，瘦肉部份肉質嫩滑，食落充滿花雕酒酒香。

金玉滿堂 (旺角)旺角煙廠街6-20號華新大廈地下14-14A號舖蝦醬通菜鮮魷煲 $118食呢啲煲仔菜食得多，但係呢間餐廳真係做得好出色，有蝦醬嘅香味，但就調校得啱啱好，唔會太鹹，又或者成Pat醬，而係仲保持到通菜嘅鮮嫩爽口，要來送飯一流。/香草芥末奇脆元貝皇 $158必食推介，果然冇叫錯，有一種中西fusion菜嘅感覺，元貝即係帶子，非常鮮甜爽口，用牛油煎香，另外仲配有炸到好香口嘅米通同埋本菇、茄子，味道同口感都好唔同，尤其是啲米通亦都吸左牛油嘅香味，食唔停口。/辣酒煮東風螺 $188估計份量有一斤，兩個人食真係食唔晒，問嘅時候已經好重胡椒味，食落口就更加犀利，而且啲螺肉仲好大粒彈牙。

#旺角美食 #小蓮星呑食旺角🔻 金玉滿堂旺角煙廠街6-20號華新大廈地下14-14A號舖/🧃香草芥末奇脆元貝皇 $158店員強力大推，舖頭招牌菜，又真係好想試一試，所以叫咗，帶子大小中規中矩，最正係鮮味彈牙，用咗超重牛油去煎香，濃烈嘅香草芥末味，令佢有少少西餐嘅感覺，所謂嘅奇脆就係炸米通，超級香口惹味，同軟熟嘅帶子夾住食口感好有層次/🧃辣酒煮東風螺 $188大兜到嚇親人，絕對唔驚唔夠食，而且每一隻東風螺都好厚肉，一撩就剝到出嚟，送酒一流，辣汁好重紹興酒同埋胡椒味，鍾意胡椒味嘅朋友一定要試吓/🧃蝦醬通菜鮮魷煲 $118一上枱渣渣聲，蝦醬嘅香味撲鼻而來，通菜好鮮嫩爽口，鮮魷彈牙//////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

昨晚同三兩知己去呢度食飯、環境衛生惡劣、又有好濃烈嘅臭味、食物又差又不好食、服務員又只有一個人😩😩、咁嘅情況食一次都嫌多。個個朋友都唔開心食得、呢間酒樓一定要列入黑名單。尤其是個事頭婆,黑口黑面。因為成晚只得一兩台客。不如執咗佢算數😏😏😏

今日同老公去旺角廣華街探個朋友，然後佢就帶咗落嚟附近煙廠街嘅呢一間中菜館。朋友話雖然佢嘅地點同門面唔係太吸引，但佢嘅小炒實在好唔錯。坐低之後冇茶水，冇所謂啦，一於同朋友啤啤佢。《 嘉士伯 $34 》朋友知道我好鍾意食魚，於是佢點咗唔係2款魚類嘅小少菜比我，再加一個浸魚嘅菜煲，好細心。呢度嘅餸菜份量都比較大，所以性價比幾高，有鑊氣又好味飽肚。「 薑蔥焗魚卜$148 」用上好多魚卜，兩個人食極都未食完，魚卜入味彈牙，薑蔥夠多完全唔會腥。「 豉汁蒸大鱔 $148 」一大碟鱔加上豉汁好惹味，魚皮好煙韌彈牙，覺得好抵食。又想飲湯又想食菜，但係上面兩個餸分量大，已經令到我哋好夠飽，於是我哋就嗌個 「 魚湯雜菜煲 $98 」。魚湯滾熱好味，有白菜、西蘭花、菜心苗，無渣又夠腍。果然有驚喜！

平時同朋友去旺角食飯，多數都係會諗到喺大街或者商場入面，比較顯眼嘅餐廳，但其實好多有風味嘅餐廳都會喺橫街窄巷，十分低調就例如喺煙廠街入面呢間「 金玉滿堂 」。佢係一間中菜館，門面低調，十分地道。餐牌選擇多店外又有魚缸，所以海鮮夠新鮮，所以今日主力食魚！兩個人簡單點左兩個餸，上菜好快而且好夠鑊氣！《 豉汁蒸大鱔 $148 》鱔厚肉大件，份量好足！而且豉汁及豆豉夠多，望落已經覺得好惹味！鱔肉入口鮮嫩入味忍唔住要嗌碗《 白飯$15/碗 》撈汁！正《 薑蔥焗魚卜$148 》平時坊間好少食得到焗魚卜，所以見到餐牌上有即刻要嗌嚟食！送相嘅時候「沙沙聲」夠晒鑊氣！煲內有好多魚卜，暫時係我食過最多魚卜嘅一間中菜館！而且好入味又唔會太韌，大部份都可以食到！加埋薑蔥鮮嫩無渣，都可以食埋，又係撈飯一流！《 魚湯雜菜煲 $98 》呢個又真係好大煲！有蝦乾、雜菜、菇、粉絲加上魚湯，熱辣辣好夠鮮，而啲菜夠嫩，熱湯中都無變老，粉絲吸咗魚湯都好味。因為無茶水，所以就叫嘢飲。喺地道中菜館食嘢總係覺得要嗌支啤酒先岩feel!《 嘉士伯 $34 》另外《 王老吉$18/罐 》。

某天與朋友談起白灼魚皮在香港愈來愈少見，而我卻又非常喜歡食。朋友隨即說知道旺角有一間，今天就跟他去搵食。這間中菜店在煙廠街，被魚檔、雜貨店和小販包圍，夠曬隱蔽。🔆麻香爽魚皮鯇魚皮新鮮乾淨無腥味，灼煮時間剛好，冰鎮後有爽、脆、滑三種口感，充滿麻油香味，魚皮上面的蔥絲也清新爽脆，蘸少許豉油更帶出魚的鮮味。白灼魚皮功夫多，又考師傅手藝，所以不常見。這兒一碟$55，作為餐前小食很可口。🔆蠔仔煎蛋蠔仔、芫荽和雞蛋，簡單而美味。煎蛋無油炸咁油膩，而且是蛋漿不是用粉漿，食完也不會滯。🔆老檀酸菜魚酸菜魚愈來愈普及，這間有點特色。例如它用芋絲代替薯粉，更健康。湯底酸辣適中之餘還很鮮甜，我們飲曬，之後不覺口渴。魚片除了滑和無骨外，還很厚肉，很滿足。酸菜、大豆芽、豆卜等配料都煮得入味，最後清曬，只剩下乾辣椒。

在旺角波鞋街附近有間很隱蔽的中菜館，名字叫金玉滿堂，相當有氣勢和富貴含意。聽說它的小菜和酸菜魚都不錯，於是入內，先叫了一碟飯前小吃。🔸麻香爽魚皮，魚皮色澤透明，咬落爽脆非常。🔸煎蠔仔蛋餅，店員説今天蠔仔新鮮推薦給我。雞蛋煎成金黃色香噴噴，包裹著非常多和較大粒的蠔仔，份量十足夠飽肚。🔸老壇酸菜魚，魚湯濃郁好味道，有適量蒜蓉混合，加上數量不少的新鮮魚片。酸菜、芋絲、豆卜等配料和魚肉都好食，可以吃盡鍋內食物，還飲了大半鍋魚湯。飽了，連飯也不用叫了，埋單亦覺價錢合理！