金潮小廚

營業中

休息中

今晚同事聚會，唸住就大家方便，所以去左食金潮，都知道呢間多人等位，所以都有預暈打電話訂台，雖然有打電話都要等呀其實，因為一定要人齊先可以入座，黎到門口真係好多人等，不過好彩都有d大台走，我地等左半個鐘到就可以入坐，呢間原來係c區餐廳，我地唔洗趕十點前走，叫左椒鹽鮮魷，狀元豆腐，浸時蔬，荷葉飯，蒸扇貝，鼓油雞。本身想叫聖子但係賣晒😳椒鹽鮮魷好香口好有大排檔風味狀元豆腐上面有帶子😎幾好食，荷葉飯有驚喜，個汁撈雲左幾好食😋冰梅骨酸酸甜甜好開胃😙幾抵食

好彩訂左位咋黎到人山人海呀點左~胡椒豬肚蜆湯今次食覺得胡椒味唔重但個湯都濃味既有蜆鮮味比較讚既係蜆無沙同埋幾好肉地唔會好瘦削~乳鴿一隻諗住叫多D餸食所以只叫一隻SHARE黎到熱辣辣既咬落去個皮脆架又有少少油咁真係好香口~西蘭花鮮魷呢個都幾有穫氣西蘭花唔會過左熱水先鮮魷份量正常唔會好細隻好少~酸菜魚片呢個第一次叫咋又估唔到幾好味WOR個湯底幾香又少少辣唔會辣到食唔到啱晒D想食酸菜魚又唔太食得辣既魚片好滑又無細骨真係幾讚架

本身已經食過好多次金潮小廚👍🏻不過次次都太肚餓掛住食無影相，今次終於記得影相！今次嗌咗個一斑兩味，揀咗酸菜魚同埋蒸魚腩😳酸菜魚方面魚質非常嫩滑，而家仲要無骨，比您可以大大啖咁食👍🏻酸菜魚湯底都好夠酸味，攞嚟送飯一流！入面嘅木耳豆卜索晒酸菜魚湯底嘅精華🤤真係幾好食啊。至於蒸魚腩都幾出色，每一舊嘅魚都好白嫩清香，無腥味，唯獨是有啲骨啫，所以食落都要小心啲，配埋佢地嘅蒸魚豉油，成個鮮味更加出黎，整體黎講都好好食！黎過金潮小廚嘅都知道黃金蝦係佢地嘅招牌菜🤩客人可以揀連殼或者唔連殼，今次我哋揀咗唔連殼。兩隻我哋都揀過，相比之下唔連殼嘅黃金蝦比較大隻，蝦質比較彈牙，連埋外層嘅鹹蛋皮真係好夾👍🏻至於連殼嘅蝦相對冇咁大隻，但係比較脆身，所以連殼食都冇問題😋至於佢哋嘅黃金皮，鹹蛋味非常濃同香，好值得大家一試😌

雖然每次金潮都要排隊，但都係值得等嘅。炒小菜煮功最緊要，一定要夠熱、唔好太咸丶又唔好太油，真係唔容易，我覺得金潮都幾平衡到，個人對炒小菜真係唔特別熱衷，但講到食金潮，我又會好樂意😂 最好一班人聚會去食，可以食多幾個小菜，有啲香口丶有啲醫肚、有啲餸飯，每碟野份量都啱啱好，唔會太多或太少，個人推介就一定係豉油王墨魚咀餸酒一流，冰梅骨餸飯冇得輸，個人喜好就魚香茄子煲，其他野之前都試過，都非常穩定地好食，絕對係有誠意做食物嘅餐廳，一定會繼續幫襯💪

只係經電話落單叫了一份鼓油王炒麵 $90，到現場等了40分鐘都未有！ 一問之下完來寫漏左單！再等又要25分鐘以上先攞到……催極都係浪費口水！你有你催，佢有佢地講炒緊炒緊！真係想退錢走人！

突然間好想食小炒.. 聽聞金朝嘅小炒好出色....仲經常排長龍.... 咁今日就試吓佢.. 諗住有排等...但點知... 好彩今日唔洗點等位.. 登記完就入坐... 由於太多花款.. 揀咗一陣... 真係花多眼亂.. 最終決定咗叫個魚皮、豉汁蒸鱔、南乳豬手加個菜...一家人 岩岩好.. 魚皮夠爽脆... 加埋花生豉油😋豉汁蒸鱔好入味.. 送飯正.. 好軟滑... 南乳脆炸豬手... 唔會太咸.. 又夠脆口... 最後加埋個上湯浸時蔬... 好滿足呀...

啫啫通菜煲😍😍😍超級香，個菜汁餸飯一流拔絲黑豚肉😍😍超級愛，每一舊豚肉都炸得好脆好香，個汁酸酸地甜甜地，勁開胃😊😊大澳蝦醬豬腩肉，😙哩個又係勁香，好脆好入味豉油王墨魚嘴😚😚😚豉油王汁配墨魚咀真係冇得輸金沙蝦

今日母親節 同主角，即係我媽媽，仲有屋企人 一齊過來呢間金潮到食晚餐 今日特登早啲過來 唔駛排隊 因為平時晚餐都要排長龍 個人覺得啲小炒係好味既 不過價格偏貴 真係有節日先過來食 間鋪大 客人多 台又開得多 環境係有啲擠迫既 所以啲伙記都幾忙碌 不過態度都幾好 難得 野食方面 今日叫左個荷葉飯 份量足 炸得好香脆既黃金蝦 胡椒蜆湯 仲有個魚皮 口感香滑

要喺葵芳食小炒，必選金潮，沒有之一。鑊氣夠，味味餸都得，永冇甩拖。今次黎，叫咗: 🦐招牌黃金蝦 - 金潮必叫！呢個黃金蝦，可選有殼或冇殼，我哋每次都選有殼，因為即使有殼，都已經煎到脆晒，可以食埋。🦑椒鹽鮮魷 - 呢個鮮魷大大塊，勁有口感🐷咕嚕肉🍲潮式胡椒大蜆湯 - 大蜆勁大隻，唯一係胡椒重手咗少少。下次要叫佢輕手啲🥬魚湯竹笙靈菇浸菜心 - 魚湯清甜，同菜心勁夾🍝星洲炒米 - 乾身唔辣，食埋就啱啱飽肚午市、夜晚都咁抵食！

葵芳竟然有這樣的街坊店，週五晚上740到店都要等上20分鐘！點了推薦的鹹蛋黃蝦，冰糖骨，豉汁墨魚嘴，樣樣好吃，鹹蛋黃蝦炸的酥酥脆脆，不用去殼味道十足，冰糖骨酸甜開胃，墨魚嘴更是Q彈入味值得一去

雖然不是在什麼旺區，卻有著名氣的街坊小炒。晚上7點後食飯通常要排隊，之前已經食過蒸肉餅（豬肉很新鮮，有肉味）、粟米班塊（真材實料，並非普通冰鮮魚柳）和啫啫排骨煲（鍋氣十足,品質是有保證的。由於份量頗多,每次二人食二個餸都要帶走。今次三人食可以叫多一個餸，今次點了豉汁蒸鱔、椒鹽鮮魷和啫啫通菜煲。蒸鱔很新鮮，味道不錯，椒鹽鮮魷很香口，不會太咸，至於啫啫通菜煲是很有鍋氣，味道亦很好（特別用來送飯）但嫌油太多。 如果愛海鮮的朋友，這間出名金蝦（蛋黃蝦球）或其他海鮮,可以一試！

星期四晚剛好到葵芳辦事，想起久違的金潮，九時多到達，人潮已過到達即有位置，但店內也坐滿9成看到隔離台的拔絲黑豚肉，決定試試，味道是生炒骨的甜酸味但沒有骨，啖啖肉，炸得脆加上酸酸甜甜，唯獨豚肉仍吃出一點豬騷味，能除去更好招牌黃金蝦，果然是招牌，炸工絕不馬虎，咸蛋香味十足炒得均勻。一掃而空椒鹽魷魚，脆漿不是我喜好的那種，但確實調配得不錯，很薄很脆的外層配軟滑魷魚，質感抵讚，唯獨味道就吃不出椒鹽香是日海鮮推介，扇貝蒸得剛剛好，蒜蓉稍微調味，好吃總結而言：環境：中式小菜格局，以實用為主，看出以實力取勝食物：各樣都滿意，質素不錯火喉夠，唯獨調味還需取得平衡。服務：店員忙得很，但還是有善有效率。有空餘時間會主動聊天。

今日就同成班朋友喺呢間度嘆晚餐！因為有朋友喺呢度嘅地膽，佢話呢度夠好味喎！就是知佢哋幾出名嘅小菜啦話俾大家聽咩都可以唔食，但係金沙蝦你一定要試！超大隻蝦！超多鹹蛋黃！食一隻啦已經feel到濟濟地好鬼足料！辣子雞煲，我覺得雞肉方面就少啲但係配料就相當多如果鍾意蓮藕同配料嘅話呢個真係唔錯啲蓮藕切到好薄，咬落超級脆口味道方面就有啲麻辣🌶🌶🌶正！又係重口味嘅！魚雲煲！魚頭好香滑～大家食唔夠喉下，就諗住叫個飯食，點知老闆就介紹荷葉飯俾我哋六個人share，好香荷葉香比起就咁叫白飯呢個荷葉飯真係的確唔錯！襯返晒啲重口味嘢其實如果一間餐廳係好食嘅話，又點止得嗰幾味呀！我下次一定會再叫其他嘢食試試先

6 件🐷肚＋6件花甲組成的《 胡椒🐷肚花甲煲》需要$140, 以為有驚喜🙄果然大大窩湯，但很可惜要請 打撈公司幫手😡😡才找到🐷肚及花甲，真 嘥氣， 而且D職員態度一日差過一日！ 屬同區內食物價錢徧貴的食店，可惜多的是交不足功課，不值一試👎👎

好喜歡金潮小炒極有鑊氣，雖然每次都已經打電話來訂咗位，但是嚟到都要排隊，實在太多人食，今日突如其來好想食但冇訂位，所以嚟到都排咗50分鐘，因為實在食咗好多次所以都唔使點樣睇餐牌，叫咗一碟XO醬炒粉絲、薑蔥枝竹魚腩煲、豉油王墨魚咀、拔絲黑豚肉同紅燒乳鴿，叫XO醬炒粉絲餡料多而且粉絲炒得很乾身十分野味，枝竹魚腩煲裏魚腩份量頗多，上枱仲有吱吱聲散發着薑蔥嘅香味，令人食慾大增，最正係拔絲黑豚肉，一咬落去脆皮內包着有肉汁的黑豚肉，真正係外表酥脆內裏彈牙好好食，墨魚咀第一次喺度食，豉油王炒洋蔥好甜再加入墨魚咀同炒好入味，而且咬落仲好煙靱彈牙，正😋