金滿象正宗泰國菜

營業中

休息中

原本打算食附近一間芝士飯，但因為太多人，朋友建議所以改食泰國菜。我地兩人點了個海南雞飯，泰式炒金邊炒，泰式雞鳳爪，生菜肉碎包，同炒椰菜仔※海南雞飯個飯好食，應該用左雞湯同黃薑去煮，附上個蘿蔔湯，有點太味精了。雞因為是胸位，所以有點鞋口，同埋佢地有3舊雞腎但太硬了。※泰式粉金邊粉，好夠鑊氣，酸酸甜甜，十分開胃※生菜肉碎包，佢地生菜用飲品杯盛載，好冰凍，好似係雪櫃拎出來，而且生菜好新鮮 ※泰式鳳爪會越食越辣，重要係無骨，份量都很多，※炒椰菜仔，有點點辣，味道偏甜最最重要的價錢平，大約都係$360左右

原本同老婆約左佢d舊同事係旺角食飯，點知就個個放哂飛機，唉⋯兩個人就食唔到雞煲啦！於是兩公婆漫無目的咁搵地方e肚，行經廣華街附近，見到這間金滿象正宗泰國菜，見到地方闊落人流也不多，可以傾計靜靜地食飯也都不錯丫。叫左幾款串燒，炭燒豬頸肉，面脆內軟的，最正個沙嗲醬，之後叫左燒波蘿，波蘿好香，又多汁，好好食。佢地推出左星期一至四嘅半價優惠菜色，咁啱係星期三，我地就叫左秘製無骨燒雞釀香芽黃薑飯，這個黃薑飯好抵食，成隻燒春雞包住黃薑飯，燒雞皮脆多肉，咬落每口都充滿肉汁，黃薑飯又香又野味，真係好抵食。不過，飲品就比較遜色了，椰汁冰就太過甜了，讓冰溶解後，甜度才可以入口呢！而芒果沙冰就十分之啖了，整體食物味道係可以的，飲品就有待改進了！

呢間店既海南雞飯真係好好味。我同班同事一個月都會黎食幾次。今日竟然遇到一個極度不禮貌既侍應。真係令我地非常失望。就算有幾好味都吾敢再黎幫襯。話說今日我地一行7人。入去座低見侍應們都好忙。所以我地揀好哂野食先叫人。然後相片中既侍應黑口黑面叫我地等陣。我地都知佢地好忙。咁就等陣啦。過左一陣。我地因為午餐時間有限。所以再叫:吾該想落單。呢位侍應非常氣憤咁飛張紙落枱。叫我地自己寫。果下我地都打個突。因為黎咁多次未試過自己寫紙。我地研究左一輪都吾太明寫得岩吾岩。所以再次問呢位侍應。然後佢態度極度惡劣咁話我地寫錯左。跟住好惡咁叫我地咁寫咁寫。我地問佢:點解以往吾洗自己寫。佢好串咁話:而家係咁架。要自己寫。當時我地真係嬲到吾想繼續坐係度。所以決定起身過隔離附近食。當我地行出去果陣。呢位侍應好大聲咁講:走咪走囉。間鋪又吾係我既。嘩。點解會有d咁既侍應架。我地趕時間。所以無即時投訴。不過無下次啦。*就係呢幅相中粉紅色制服短髮帶眼鏡既侍應

之前朋友帶我嚟食過一次，但因為朋友唔食得辣走晒辣所以幾掃興所以今次專登搵返個飯腳一齊食辣野😍前菜唔少得生蝦啦！蝦刺身肉好夠厚夾埋蒜片辣椒點埋秘制醬汁真係幾辣，要即刻飲野解辣，唔食得辣千祈唔好夾辣椒食另外，馬拉盞炒通菜都係頗辣但好惹味！食唔停口😋😋炒飯其實都好正，只係相比起就遜色左既然食得泰國菜，唔係唔食呢樣下話熱辣辣既糯米淋左椰汁，再加埋舊芒果😍😍😋😋仲要好多舊芒果添食過2次，芒果都好甜證明呢間真心正！👍🏻👍🏻2個人都唔算好貴丫呢間食到好正宗既泰菜侍應姐姐都係泰國人呢👍🏻🤗

旺角一向都有好多食肆，競爭都相當大，所以一定要好食先做得住，呢間泰國菜，一連三間，就去試一試。冬陰公豬頸肉河泰式粉類有好多不同配撘，揀啱肉類/海鮮再配粉類，再配湯底，湯底有三個選擇，清湯、牛骨湯同冬陰公湯，今次就揀左冬陰公湯。個湯底好香，好多香料既味道，帶有少少辣，又咁會太辣，豬頸肉燒得好香，醃得入味，入囗彈牙，每一片切得厚薄度適中，口感啱啱好，河粉爽身，唔會索哂湯底，整體不俗。碗粉堅．地道同幾好味，值得一試。

泰國菜總係令我念念不忘，同時都好感謝身邊總有一個人肯不厭其煩甘陪我去食💕。上次品嚐過呢間餐廳嘅青咖喱👍🏻，今次一於照舊食返我嘅泰國餐廳必點菜式—海南雞飯🐣。我鍾意海南雞飯原因係😌無骨，而且佢配嘅醬料好好味，酸酸甜甜。坦白講，雖然我成日食，但我都唔識分咩叫好嘅海南雞飯🤔。我只知呢間餐廳嘅服務員好nice，成日都笑👀，食得好開心😋。

愛食泰國菜嘅我堅持一星期至少食一次😁今次就試左係公司附近又成日多人排隊嘅餐廳，好彩我早左去唔洗等位😆之後黎嘅人就...🤔咖喱，總係有說不出嘅魅力，雖然我平時只愛點喇沙、海南雞同炒金邊粉，但有時都會想改變下😝食咖喱。唔留意都唔發現，泰國餐廳嘅咖喱有分青、黃、紅😳我隨意點指兵兵😂點中青咖喱。味道偏甜，一d辣味都無，全靠佢，我竟然食左兩碗飯🙈。從此，我嘅meun上多左一個選擇叫「青咖喱」😋。

行到廣華街想搵地方開餐，見到呢間泰國菜館有位，一於試下！先叫個酸辣鳳爪開下胃，份量適中，鳳爪食落少少入味，辣嘅程度可接受！炒金邊粉，份量相比下就細碟左d，旁邊有d花生碎撈埋一齊食可增加口感及香味，金邊粉味道甜甜地，幾好味！另外仲叫左冬蔭公鷄絲湯米，湯底味道一般酸辣，雞絲肉幾有鷄味，配米粉食幾夾！呢間食物價錢幾親民，味道ok, 食得過！

都已經中秋，依然又熱又濕，最好都係吃泰國菜！辣辣的很開胃！本身一想泰國菜就想到九龍城，但九龍城實在太吊腳，唔太方便回家！最後都係決定在旺角區食！金滿象有成三四個舖位，星期二人不多，檯細座位迫，我們點了: 咖哩蟹 & 薄餅、飛天芥蘭、生蝦、串燒(豬/雞)、鳳爪。每一碟份量不少，碟子又大，根本一張二人台放不下，但隔離台一直都無人侍應都不准我們放過隔離台，還一直叫: 你地食快d，食快d，食快d，我收緊d碟你地就鬆動d！咖哩蟹又要落手拆殼又要點汁，如何食快d？今餐破了世界紀錄，由入座、食野、到埋單，前後40分鐘其實味道不差，但真係坐得不舒服，又催三催四，令人有點失望！

吃泰菜，還是九龍城最佳。這天人在旺角，忽然泰菜癮起。雖然旺角泰菜館選擇不多，不過當中有一、兩家水準不俗。金滿象開業才不到數年，已擴展至兩家分店，可見質素有一定水準。相比起傳統泰菜館，這家裝潢上較型格創新，潔淨光猛，可惜店面較小，用餐環境不甚舒適。餐牌精美得很，內頁以「泰國通」胡慧冲肖像作招徠，確是有一定吸引力。事實上這家的泰菜相當正宗，泰式咖哩有廿多款，令人驚喜的是除了大路的泰式明爐魚外，更有泰式炸魚、泰式蒸魚等，工序繁複的關係少有在泰菜館出現，比傳統泰菜有新意得多。海南雞(半隻)($119)在泰菜館點海南雞是極為不智的行為，即使師傅手藝再好，乏人問津的關係，食材新鮮度成疑。這海南雞其實就是白煮雞，純靠醬汁帶動食味，而醬汁都是自家調配的，酸甜微辣，蘸吃是相當不錯的。只可惜雞是翻蒸過的，口感偏嚡不滑，也欠雞味，這一道是中伏了。泰潮烏($189)很潮的菜名，其實就是泰式蒸烏頭，有點像潮州魚飯，魚肚釀入不少泰式香料，令魚吃起來更香更入味。選用元朗楊氏烏頭，那一身黃油實在騙不了人，貴也是不無道理的。魚身光亮，濕潤而不乾柴，肉質結實且很有魚香，蘸自家製的醬汁更是滋味，魚痴必試。泰式蛋包金邊粉($

今晚我們去咗旺角廣華街嘅「金滿象正宗泰國菜」食晚飯！我們叫咗泰式海南鷄「一隻」、原隻椰青海鮮焗飯同原隻南瓜海鮮焗飯！泰式海南鷄「一隻」嘅肉質非常嫩滑，鷄味相當濃郁，而且係起晒骨，啖啖肉，再點埋惹味嘅泰式辣醬一齊食，真係幾好味！原隻椰青海鮮焗飯嘅焗飯充滿著椰青嘅清甜芳香味，材料除咗有蝦、魷魚同青口之外，仲有清甜椰青肉，而且份量好足料！原隻南瓜海鮮焗飯嘅焗飯係加咗鷄蛋去炒，令到味道更加芳香，材料亦都係除咗有蝦、魷魚同青口之外，仲有香甜軟滑嘅南瓜肉，份量亦都係相當足料，蝦肉嘅肉質好爽甜彈牙，魷魚亦好軟滑煙韌！

自從韓國風盛行，要係鬧市中揾到泰國菜餐廳真係愈來愈難～～ 呢間泰國菜餐館我久唔久就會黎食Lunch 享受午餐快樂時光。呢到既待應全部都係識講廣東話既泰國人～ 容易溝通，但口味正宗，午餐大約50蚊，咁當然你可以唔叫午餐，就咁散叫啦，好豐儉由人既～今次我同友人Z黎食午餐。。介紹一下我地今日既午餐先啦！青咖哩雞肉飯呢個青咖哩咖哩可配牛/豬/雞， 咖哩外觀勁青BB~ 有別於平時見到既暗綠色～咖哩偏甜， 奶味濃，加了香葉調味。雞肉滑嫩，我黎5次都會有2-3次係叫青咖哩～個人覺得佢香料味唔會過濃，用黎撈飯最正， 就算齋飲啲汁都唔會過咸黃咖哩豬排撈面呢個係即炸，所以要等耐啲。但呢個豬扒真係好好食，滑嫩多汁又香口，港人至愛。生面因為淡口，一定要倒曬啲黃咖哩汁落去，令每一條面都要沾上醬汁，食落就變成好惹味～ 加上香口豬扒～ mama mia ~ 好正丫！ 不過如果你唔係好鍾意黃薑味既話， 個汁對你黎講就可能差少少喇！ 總括黎講，佢既份量係偏少既～ 如果食late lunch ~ 又唔想食太飽，怕食唔落夜晚，呢到都岩份量。但如果你係大胃王，可能要叫多樣野食或者加飯底喇。

中國人總係鐘意食雞飯，前晚去開買車仔配件，經過之前去食過果間泰國菜，見佢有碟頭飯食，又好似幾地道，咁就梗係叫個海南雞飯試試，叫多杯泰國咖啡，來到真係都幾似泰國街頭果d雞飯，仲襯埋雞紅同雞腎，個酸辣汁都可以，薑蓉真係薑多過䓤『而家好少見』，第一口食油飯真係幾香，不過就硬身左小小，雞件都算啱啱熟同幾滑，但個雞紅就無乜味，雞腎就爽爽，杯泰國咖啡就好有朱古力感覺『員工話泰國地道係咁樣味』埋單$59，都算一個唔錯男人的浪漫

今日一家大細去食泰國菜，因為知道呢間餐廳晚市好多人排隊，所以預早book定位，一行4人準時到達，見門口已經好多人排隊，好彩訂左唔洗等位！ 呢間泰國菜，我之前已經食過，今次試其他野，一共點了5個小菜 因為有小朋友關係，所以選左幾款小朋友都可以食既野！首先呢個真係值得推介：咖哩大肉蟹 3百幾蚊有咁大隻，仲要好新鮮，食落去啖啖肉，真係好好味，咖哩味足夠，唔辣，正如泰國姐姐講小朋友都食到！ 我個仔仲係咁撈咖哩汁落d飯到食炸虾餅 爽口彈牙！ok馬拉盞通菜 ， 唔知係唔係走辣關係，偏淡！泰色生虾 肉質爽口鮮味，加埋佢個辣汁，唔錯（唔食得好辣既，千萬唔好連埋佢個粒指天椒食，真係會噴火！ 中伏 呢個我最鐘意食 ！ 青咖哩豬肉炒米粉 味道較濃，辣，炒得唔太濕，剛剛好！ 呢個食極都唔厭！ 總結 ： 呢間餐廳既出品同食材都幾大方，份量都大，同新鮮，價錢都合理 ，味道方面亦都唔錯！ 值得一試再試 ， 但有一樣唔係咁好既 ，地方較細，雖然已經擴充左，但人多時，枱與枱之間太近，有d逼既感覺！

由廣華街6號擴充到8號鋪位，開業大概兩年， 其間都有幫襯下，價錢雖然貴但食物都唔錯。第一次幫襯擴張後的午市， 開始時見到有午市的價錢既menu, 上面仲印左泰國通胡慧沖個樣，心諗呢間餐廳都幾識變通做生意，因為之前印象中無呢個抵食既menu。見到有得揀$46咖哩豬/牛/雞肉飯， 另外有一個只貴兩蚊-$48既咖哩雞扒飯，就選左後者。 期望有一塊有雞皮既鮮嫩雞扒伴隨咖哩上枱，殊不知上枱時來左一碗咖哩無骨雞件。 食一啖心怕係咪上錯，就同侍應確認呢兜係咪雞扒，佢解釋雞肉既係雞絲狀😱😱😱😱🍗。個d 雞件真係幾有湯渣既感覺。而咖哩汁都比較重酸味，可能檸檬汁太多。退步了，可能將貨就價，明既.. 希望老闆睇到可以改善一下！