金滿海鮮坊 (已結業)

有日睇雜誌見到介紹啲得意嘅點心,於是襯星期日約埋啲靚媽咪,一行5人去到黃大仙金滿海鮮坊飲茶,去到覺得間酒家環境裝修都係好一般,不過人山人海.可能係星期日啦,坐低叫咗點心,大約15分鐘就有點心到,菊花春卷個樣好靚,咬落去熱辣辣脆卜卜,裏面大大只虾,好驚喜！跟住甘笋鹹水角,靚到唔捨得咬,外脆裏面多餡,跟住京式义燒包,相都費事影,點知咬落去啲皮甜甜地,好軟熟,裏面多汁多义燒,好開心,先明白點解呢度咁多人,飲完茶3點、我哋決定血戰荷里活廣塲,再番嚟呢間金滿食晚飯

回港後不停地試試不同的餐廳，尤其是在黃大仙那些。住了這區加加埋埋都有幾個月、總是有很多家餐管還沒試過。所以決定要試勻樓下每一家餐廳。今次來到金滿海鮮坊吃出驚喜。三個人叫了三餸一湯。 先來個例湯；例湯味道夠濃，好鮮甜。正是老火湯。 就連湯渣都全吃掉了。 接下來是炆得不錯的伊麵。 然後到白灼蝦：蝦好新鮮，不加醬油都那麽好吃。 最後上檯是西蘭花炒帶子。這道菜的配料炒得啱啱好，帶子不會太熟、西蘭花也很爽、配上甜甜的燈籠椒真不錯。吃完那麽多東西總有糖水送。綠豆沙甜了一點。服務員講話雖然有點粗魯但他們服務態度是好的，還是熱情。價錢方面比好多酒樓抵，但食物質數很高。是一家值得推介的街坊小菜。