金滿海鮮坊

金滿海鮮坊是黃大仙街坊茶樓，地方較為隱蔽，但我同媽時不時都有去幫襯，因為價錢夠親民，而且點心味道亦很好。首先還佢有隱藏點心，就是一人綜合點心拼盤，7款點心，樣樣一粒，岩晒獨行俠去嘆茶，不過唔係成日有，我是咁岩見到阿姐推車出來而拎到的，不過我見熟客是可以叫阿姐幫佢落單。另外有迷你蒸飯，通常點鳳爪排骨飯，岩我媽一大早要食飯。以下是我食過的點心，👍越多就最好食。蒸點心:夠熱，每款點心各有特色綜合點心拼盤 - 夠特別👍👍👍迷你鳳爪排骨飯 - 細細碗👍👍👍👍金滿燒賣皇-大大粒蝦肉👍👍👍👍👍春風得意腸-又滑又脆又足蝦滑，多重口感👍👍👍👍👍(腸粉皮包住炸脆左的米網+蝦滑)香茜牛肉腸-皮薄餡足👍👍👍👍鮮竹牛肉球-啖啖肉👍👍👍👍原籠馬拉糕-夠傳統，多鬆軟👍👍👍👍黑金流沙包 - 熱辣辣，奶黃流心👍👍👍👍👍煎炸點心:熱辣辣，即煎即炸，每一口都脆卜卜鮮蝦腐皮卷 -足料👍👍👍👍👍安蝦鹹水角👍👍👍👍香煎蝦米腸👍👍👍👍…查看更多

揸住架車去到慈雲山又差不多到晚飯時間見到有間酒樓冇咩人就入去試吓啦入到去見到原來都有好多枱客但侍應就得兩三個不過侍應態度好好百忙中都有安排我哋入座，斟茶斟水睇睇個menu, order 咗幾個餸，單叫幾碗白飯惹味冰梅骨每舊都啖啖肉，唔會全部都係骨仲有陣蜜糖嘅香燒汁雜菌牛仔肉上菜先知原來係西芹雜菌我就麻麻地西芹，所以冇咩點食不過牛肉份量都合理的蜜椒薯角牛仔粒薯角牛仔粒都炸過而薯角都有蜜糖香啫啫蝦乾通菜煲好有火喉鑊氣，原煲上，打開蓋仲咋咋聲蒜蓉炒菜心蒜蓉份量好generous, 菜心雖粗但炒得好軟熟椒絲炒唐生菜啲菜炒得好香好入味飯後亦有糖水送另加四碗白飯加茶介加一埋單合共$645用餐經驗愉快侍應雖少但好快手，態度又好好餐廳雖然冇咁乾淨但地方闊落如果有機會揸車到附近，會再幫襯…查看更多

細個住係呢區，但從來都無留意過原來係雙鳳街街市後面有一間幾有風味既茶樓仔。金滿海鮮坊無金碧輝煌既裝修，但有性格比高既飲茶體驗👍🏻分上下兩層，下層仲有房仔開雀局🀄️今日一行三人大約10:00am就入去試下🤓上層都已經full house，就落下層自己搵位。眼見都係啲街坊熟客仔捧場，同啲職員都好似friend咁，幾有人情味👍🏻👍🏻我地三個大人，食左10碟野，total都係$263🤩🤩今時今日，算係咁啦！整體黎講，味道比較清淡，唔算太重味精！個人覺得非常抵贊👍🏻👍🏻仲要啲材料勁足料，正呀👍🏻👍🏻🐙鳳爪排骨飯：正正常常發揮，啲飯唔係淋，粒粒分明🐙七彩炒米粉：唔係一早煮好哂，翻叮再翻叮果啲，又唔油膩，爽爽地🐙黑椒爽肚：呢個唔係好識欣賞，但黑椒味ok既🐙鮮竹牛肉球：好實肉，好足料，唔似平時既牛肉球，粉多過肉👍🏻👍🏻🐙蟹籽燒賣皇：大大粒，蝦肉鮮味，整體唔會有肥膩感覺。🐙生菜水餃：生菜係西生菜，比較爽口；水餃大大粒，係自己包既，唔似出面交貨黎，除左一舨既木耳呀，仲有芹菜係入面，又係令一種感覺。🐙薑汁雞包仔：呢個真係要讚一讚，搣開個包，入面係見到有薑絲架有薑味內餡足料，唔係實的的既，啲肉係連埋個包到，成個包好香薑汁雞肉味🐙金栗肉碎粥：正正常常，中規中矩🐙鮮蝦菜苗餃：平時食開既鮮蝦菜苗餃都係細細粒，個皮勁厚，唔多菜同肉。但呢到個菜苗餃勁大隻，咬開多汁，幾足料，仲好明顯見到隻蝦，勁有口感🐙韮王鮮蝦腸粉：差唔多每一個腸粉位置都食到蝦既出現，真心抵讚但我個人略嫌個皮較厚，但蝦既分佈咁多，都算抵讚今次係帶埋媽咪出黎飲茶，好彩都無令大家失望。好多時食既唔係食物，係食以前既味道，而係呢到除左食物有質素外，又可以食返佢地以前既味道，對於佢地黎講，好過食什麼山珍海味。畢竟有啲情懷係無可代替....有時間會再帶媽咪去食多次…查看更多

「金滿海鮮舫」，食飯時間一到，朋友拉我去試這航班，結果WOW完全出乎意料！打邊爐愛好者嘅天堂！椰子雞湯底嘅香氣真系逗味蕾起飛🚀，湯底清甜入心，啖啖雞肉嘅香軟，成就一個完美起飛。肥牛片同滑牛揸得位，肥牛片嘅肥滑牽絲，滑牛嘅Q彈完美；真是得心應手。丸子嘅話，我啲愛墨汁丸🎱同芝士魚蛋條🧀，每一口都係彈牙爽口，墨汁丸出奇制勝，味道好充實。至於芝士魚蛋條，嗰芝士味，實在系香得嚟「犀利」。最後雪糕㊙️，雲尼拿和芋頭流露出無盡夏日風情，咁貼心嘅甜點收尾，令呢個晚飯更加圓滿。聚舊日朋友，一邊食好嘢，一邊談笑風生，幸福滿溢。金滿海鮮舫，實在係喺市區中嘅小確幸！🎉…查看更多

位於鳳凰新村的金滿海鮮坊屹立黃大仙區多年曾經到訪品嚐其點心同小菜質素都感滿意平日中午再次到訪 午市都有孖寶點心價 非常抵食菜苗餃3隻 每隻都飽滿大粒 菜苗夠嫩 蝦肉爽鮮 皮薄帶點煙韌燒賣賣相得體 每粒都鋪上少量蟹子 燒賣為切肉 蝦肉同樣鮮味 肥瘦適中 調味得宜懷舊鴛鴦臘腸卷 已經唔係咁多地方有供應 臘腸同膶腸唔會太肥 有臘味香味 腸衣唔會太厚太韌 蒸包夠軟熟燒乳鴿唔細隻 炸得香脆可口 肉質緊實感覺新鮮炸魷魚份量多 粉漿唔厚 魷魚鮮味彈牙連茶錢加一都係160蚊 街坊酒樓果然好抵食…查看更多

上星期去左黃大仙探親戚👵🏻👴🏻去慣大商場行街嘅我黎到呢頭對於食咩好毫無頭緒🤔所以佢地就帶我去左喺附近嘅金滿海鮮舫打邊爐食返舊時街坊飯店嘅人情味.🌟招牌豬骨鍋 $148打邊爐湯底好重要!🍲我地揀左豬骨鍋 鍋入邊有好多舊豬骨🐷、紅蘿蔔🥕、白蘿蔔胡椒味好濃郁 整體黎講係一個清甜嘅湯底.🌟黃金脆魚皮 $48等待湯底沸騰嘅時候 當然係食住炸魚皮先魚皮炸得香脆 仲要鋪滿邪惡嘅鹹蛋黃😍就算唔點湯就咁食都好好味.🌟手切鮮肥牛（小）$218之前食過手切牛就知道味道與別不同😎呢度嘅肥牛唔肥 仲好有牛肉味食多幾件都唔會覺得膩🥩.🌟四寶丸 $88四寶丸包括牛丸、蝦丸、墨魚丸、豬肉丸全部都係新鮮手打 非常彈牙而且夠足料唔係成啖麵粉😆.🌟自製雜餃 $78我地鍾意每樣都試下味所以水餃都點左雜綿口味當中有雲吞、水餃、韭菜餃、魚皮餃所有餃都餡料豐富🥟我最鐘意雲吞 入邊仲有大大隻蝦🍤.🌟雜菜籃 $45打邊爐當然要加啲菜 🥬可以減去啲肥膩感又健康D油麥菜、生菜、白菜仔都係我地鐘意食嘅菜.酒樓係一間懷舊酒樓 地方非常大有成兩層枱與枱之間非常闊落 仲可以放到成枱都係食物都仲有位而且唔貴 性價比高 😚果然有當區地膽介紹先至知道有個好地方🤗…查看更多

朋友介紹佢屋企附近打邊爐幾正，價錢親民又有質素，所以又有藉口唔煮飯🤪。招牌豬骨鍋：其實係胡椒豬骨湯，有大大舊豬骨熬製，豬肉仲有鮮味，唔係煲咗好耐嘅配料，湯底仲有粟米，紅蘿蔔，白蘿蔔。飲落胡椒味好出，就咁飲湯已經好正好夠味，係有少少辣但非常惹味。手切鮮肥牛： 鮮肥牛油花均勻，手切鮮牛夠厚身，滾湯浸8秒就夠，咬落有口感，唔使沾醬油已經好夠味，肉味香濃。四寶丸，雜餃：兩樣都係手工製作。四寶丸有牛丸，豬肉丸，蝦丸，墨丸，手工造唔會有勁多肥豬肉或其他，係啖啖原味。雜餸隻隻勁大粒，非常足料。黃金魚皮：熱辣辣即整，魚皮香脆夠厚，鹹蛋黃唔會好油膩，又唔會好鹹。…查看更多

今日同媽咪去黃大仙拜完神，就到附近四周圍行下搵野食，見到有間「金滿海鮮坊」就入去食返餐。睇完餐牌之後，我們二人就點了一個豬骨煲、一碟牛肉、蔬菜藍及魚皮。入座後店員捧上火鍋醬料，有大約八款，可以按照個人喜好調味。豬骨煲內有大約五至六件豬骨，白蘿蔔，韭菜和粟米等，豬骨大大件，每一件都有少少根及豬肉，食落有咬口，蘿蔔和韭菜都好淋好入味。牛肉切得好薄，色澤新鮮，魚皮即叫即炸，蔬菜藍亦有大約兩至三款蔬菜🥬…查看更多

餐廳：金滿海鮮坊 地點：黃大仙鳳凰新村飛鳳街36-40號地舖呢條街唯獨佢地個招牌最sharp醒，吸引到我行過嚟望吓有咩食😆就咁睇都係普通屋邨酒家款，不過見到枱與枱之間好闊落，而家疫情咁嚴重，當然環境闊落好重要 👍🏻👍🏻本來想食小菜，但見到豬骨煲張相又好吸引😍最後都係食豬骨煲🤪🎀招牌豬骨煲$148胡椒湯底 配大量紅蘿蔔、白蘿蔔、粟米，幾件大豬骨味道：好香胡椒味，湯底好清甜😋豬骨大件有骨髓🤤🎀黃金脆魚皮$48新鮮即炸，脆卜卜😍毫不吝嗇有勁多鹹蛋黃👍🏻👍🏻🎀手切鮮肥牛(小) $218大約有10片，都算大片牛味香濃有口感🎀雜菜籃 $45有三款新鮮蔬菜(唐生菜、白菜仔、娃娃菜)今日唔覺肚餓，所以小小地試呢幾樣食物，質素都唔錯，性價比都高👍🏻👍🏻最重要係免收加一及茶介 …查看更多

喺屋企困咗咁耐，終於忍唔住出外用餐，唯有自己小心D啦，約咗幾個朋友食晚飯，一致話去金滿，因為大家一向覺得佢超值好食，是晚点咗經理推介香芒虾球同牛肋骨，一上枱大家忍唔住手機食先啦，香芒虾球淋上滿滿鮮芒果汁及粒粒芒果肉，上面仲洒上花生粒同黑魚子醬，伴埋沙律菜，大約有6-8隻，一咬入口外脆內有爽爽虾味，口感層次豐富，香芒味花生味鲜虾味，好有滿足感，仲要只賣118,簡直超值到極点，唔食真係損失!至於燒汁牛肋骨一D都輸蝕，一上枱又係嘩嘩聲牛肋骨好多肉而且炆到D肉啱啱離骨洽到好處，加上D醬汁配搭，忍唔住叫咗白飯一樣超值只係248,當然仲有叫他小菜，但呢兩個實在太好味，所以一定重點推介俾各位…查看更多

同屋企人聚餐，去咗佢哋成日去嘅金滿海鮮坊。呢間酒樓雖然只係一間街坊街坊酒樓，但非常高質，坐得舒服，食物出品靚。我哋今次都叫咗幾個推介小菜，當中龍騰白雪非常好食，其實即係龍蝦肉炒蛋白配蒜蓉包。另外我哋仲食咗羊腩煲、蒜蓉開邊蒸蝦、豬手同埋魚。而壽包都十分值得推介，入面有原個蛋黃，傳統嘅味道。…查看更多

此間酒楼，因身處内街又加上在街市隔離，所以從來都吾係係我和靚媽，光顧飲茶的首選食店，11月15号適逢靚媽又放補假，就諗住兩公婆去嘆番個早茶，但楼下間新光酒楼又食到厭，又吾想為餐茶走去黃大仙D酒楼飲，所以就近近哋選擇咗來呢間，隐蔽酒楼飲早茶連午餐，本來諗住食兩三個點心，加一碟炒粉麵就夠，點知望望個餐牌，特價嘅粉麵就吾啱食，啱食個D又嫌佢貴，每樣連加一近乎$100一碟，我現在係退休人仕，食老本梗係要量入為出啦，所以就點咗4個早晨孖寶餐總之食飽就算，若評論此店食品，可用無垢無譽四個字形容，吾突出又吾算差，諗住是旦，求其食一餐此店會令你失望…查看更多

好耐無聚埋一齊喇 緊係要食餐好既 開心下啦🥳🥳飲左啲酒🍻就上菜喇龍騰踏白雪- 嗰名好有氣勢 原來係原隻龍蝦🦞拆肉同蛋白一齊炒😄 調味唔會搶左龍蝦肉既味道 配埋附贈既超脆蒜蓉包 正👏🏻👏🏻沙參玉竹炖龍骨湯🍲- 見住待應將入面既湯料舀出來時 哇咁多料點會唔清甜 突然有人問：得骨既？唔駛擔心 啲龍躉肉會係後面出現🐟😂 雙冬羊腩煲- 滾下滾下既感覺真係好💁🏻‍♀️ 羊腩炆得好入味唔會老 入面既枝竹都好正👍🏻索晒啲汁魚湯浸龍躉球- 魚肉出現啦！師傅起肉起得好 每片厚薄度都差唔多 魚肉嫩滑 同埋我好鍾意食入面啲炸蒜子😋脆皮風沙豬手🐷- 炸蒜香味濃 豬手保持到皮脆 不過都要啲牙力 呢個送酒一流🍺 蒜蓉開邊蒸中蝦🦐- 蝦蒸得啱啱好 粉絲吸收晒鮮味 無得輸 屋企真係整唔到呢個水準🙈最後以帶子蛋白炒飯 及 壽包作結 呢一餐真係食到好飽 好滿足🥰🥰捧住個肚走🤣…查看更多

而家舊式酒樓已經唔多,很多也電子化了改用電話落單仲會用點心卡紙做記錄既已經唔多,呢間都幾有歷史,順便試下佢點心好唔好食四寶雞札 一寶豬皮,2寶雞肉,3寶蟹柳,4寶芋頭 每間酒樓既4寶也有不同,隨食材變化,芋頭夠綿,好入味,吸曬肉味豬皮夠彈性,一樣吸曬汁好好食燒賣 鮮肉燒賣 以鮮肉做餡,呢間做調味唔會太濃,味道岩岩好,肉鮮有彈性 夠飽滿XO醬鳳爪 以XO辣醬醃製鳳爪,煎到每隻都好軟好淋身 個XO醬香辣惹味,好好食即拉腸粉 即拉牛肉腸 皮身又薄又嫩,包住滿滿既肉餡,淋上豉油食已經好好食 夾起來又唔會易散,做得幾好 排骨鳳爪飯 原本想食肉飯餅,但原來今天賣曬,剩返排骨飯排骨4-5件,一隻鳳爪,飯身唔濕,撈埋排骨既汁同鳳爪既辣味個飯好好食濃茶 解油膩,越深色越解油膩,老人話既黃大仙鳳凰新村飛鳳街36-40號舖消費$200…查看更多

四個人到金滿飲茶，裡面格局好舊式，分上下兩層，上層比較少枱，下層原來都好大。金滿有個四人餐好抵食，兩款點心，兩款小菜和一款粉面都係$168。點心仲可以叫蝦餃，蝦餃皮煙韌，蝦夠彈牙。仲有鵪鶉蛋燒賣，依個唔係間間酒樓有得食。醬爆海斑頭腩，薑蔥爆得好香，有鑊氣又好味。另外一道青芥末牛柳粒，牛柳好香，配埋青芥末唔辣好特別，好好食。我哋再加多一個孖寶$26.8。埋單都係$246。用依個價錢都可以食到咁高質嘅嘢，味道又唔錯，實在超值。…查看更多