金港海鮮酒家 (已結業)

而家d酒樓大部分都係成個場得三兩個伙記，落單又叫極都冇人理，但今次去呢一間就冇咁嘅問題，食到一半仲有部長問你d料嚟齊未；臨走前見到一幕，有檯人坐低咗後話凍要轉檯，部長主動幫忙冇黑面，今時今日咁嘅服務態度真係好難得！…查看更多

屋苑的酒樓，勝在價錢經濟，有特價菜吸引下，但廚房師傅炒小菜水準唔能夠保持，時好時差，今晚炒的餸菜就唔夠上次好了。好似等價$1乳鴨皮炸得唔夠脆, 但還可以的，蒜蓉粉絲蒸帶子蒸的時間耐了，但蒜蓉粉絲就好惹味 , 小炒皇的韮菜花好老，椒鹽鮮魷的炸粉醬太厚粉食落覺得油膩些, 如薄少少粉會好啲，$98蟲草花燉雞湯都煲得幾好，苦瓜煎蛋都煎得幾好，薑汁炒生菜都ok。…查看更多

不知所謂未見過咁差嘅態度由經理到樓面到燒味佬都係講左個米粉要走青，講左3次個樓面都唔理我叫我處同燒味佬講同燒味佬講，佢話聽唔到。要佢攞返出黎，就連菜都攞埋。大佬，我係走青，唔係走菜咁我都算，只係諗住唔再去最過份係明明我買2碗米，佢中間完全無搵嘢幫我隔 。仲要比個爛嘅蓋我。未返到屋企，d湯已經全部出晒黎，仲點食？打去搵個經理，唔想理，hea住答我。話要等老闆返黎反映，但又無問過我電話，好明顯無諗住理。唔怪得依間酒樓做到幾平都無人去啦…查看更多

今日休息，自己一個人又想去飲茶，就近近地係屋企附近揀咗間茶樓，屋企人已經一早同過我講呢間茶樓啲嘢食麻麻地，不過見比較近自己又冇乜所謂就落去試吓啦，兩點鐘左右去到下午茶時間，服務就絕對冇可取之處㗎啦，因為啲姐姐為咗唔想執多張枱就叫我同其他人搭枱，但其實佢哋仲有好多張吉台，我都算啦，自己一個人要求唔算太高，但係原來佢哋連調味料，好似連甜醬同埋辣椒漿都要自己出去拎，完全冇服務可言。。講番啲食物質素，一個人叫咗六樣嘢食，買單都唔使＄90蚊，係非常平嘅，但味道就真係一般喇。。:(純粹呢個下午茶係為咗填飽個肚，完…查看更多

劣，酒樓飲茶留位俾熟客，酒店咩，咁你出聲話有人丫嘛，又帶我去坐張reserved嘅枱，問我係咪3個大人計埋BB，我話係，跟住又屈我話我聽錯，話係問我係咪3個人計埋BB。服務性行業，服務人員係絕對唔應該同客人爭拗，咁基本都做唔到。…查看更多

獨家村飲茶，不會叫得太多點心食物，但亦不用太過理會他人口味，所以小人有時也會獨個兒上茶樓。到舊式茶樓就吃一些傳統茶樓食品。一盅一碟，就是一頓午餐。盅頭排骨鳳爪飯，不是太大盅，排骨算是多肉少肥，兼且肉是腍滑的；鳳爪亦算大隻，沒有剪指甲，倒也不難吃，豉汁流進飯裡，和味飽肚。叉燒腸雖滑但腸粉皮略厚，很多叉燒，淋了豉油味道恰到好處。欠缺浮誇的裝飾，又或是要追求如何的精美，小人就是喜歡這樣實實在在的茶樓美點。…查看更多

食品質素一般，勝在容易搵位，服務就跌破眼鏡，以往都係打風無選擇下幫襯。😓 一向知道酒樓伙記都係鍾意招待熟客，但呢間野揮手無人理，就連上一台客啲嘢都要等十分鐘先清理（仲要係自己行過去櫃台要求之後），眼望過去伙記掛住和客人吹水。原來仲打算晚上訂枱吃飯，睇黎要考慮清楚。…查看更多

今日黎左呢度提早食父親節飯..見到仲未正式加價..但食客異常地少..可能地點既關係...椒絲腐乳通菜..係我地外出食飯既例牌菜式..但呢一碟真係麻麻..菜既色已經啡啡地..好似好老甘..食落就知好淋..唔爽..豆腐雜菌煲..味道尚算ok..但又係偏咸...半隻燒鴨..燒到個皮好唔脆..個d又要鞋左d..好似放左好耐啦..水果沙律卷..望落好金黃..但食落又係唔脆既..入面淨係得d生果..無咩特別..最滿意已經係呢個蒸聖子..夠甜夠爽..食得出係新鮮既..…查看更多

星期日有朋友來我家探訪,到了傍晚太太準備去買餸,他們說不用煮外出吃,我惗在那裏好呢?又想在附近,半年前去過金港,這次給我印象不是太好,因為出品的食物一般般,今次就決定去多次,坐定點了十個小菜,有幾個小菜味道相當不錯,令我喜出望外。…查看更多

接近新年家人都比較忙碌, 有日晚上唔煮飯, 為求方便到屋企附近食一餐就算, 晚飯時段客人不多, 只有6-7檯冬天先出現既糯米飯未算炒得太乾身,有花生同臘肉粒, 食落增加口感羊腩煲煲一煲就食得, 羊肉份量唔算多, 帶少少肥都有羶味, 入面仲有馬蹄/枝竹同冬菇, 附送既生菜落去煮, 吸收晒羊湯, 非常美味金銀蛋時蔬揀左菠菜, 面層有雞蛋/皮蛋同咸蛋, 仲連埋幾舊蒜粒一齊煮, 清清地, 湯唔會太咸白灼蝦連一條游水斑是套餐, 一百蚊鬆D, 海蝦認真新鮮有蝦味, 蝦頭仲有膏, size尚算適中游水斑細細條, 岩晒3-4人享用, 蒸晒時間剛好肉質嫩滑…查看更多

今晚屋企又做「無飯家庭」，返到去已經8點幾，所以決定落樓下酒樓點兩個小菜，又有得涼下冷氣。中式牛柳唔錯，個汁無之前咁鹹，而且牛肉趁熱食都幾易咬，凍左就差少少。用白茄子整魚香茄子煲，唔會太過油膩，最正係鹹香味濃，用黎送飯一流。八珍豆腐煲都係濃味，用料豐富，加入唔少蔬菜及海鮮：蝦、魚。仲有碟西蘭花魷魚，全碟淡到似無落過鹽，要靠沾魚香茄子汁先入到口，魷魚更加無新鮮可言，最後每一咬左一啖就放棄。…查看更多

平時屋企懶得煮飯，就會落樓下食酒樓小菜，只不過呢間酒樓愈做愈差，食物求其亂煮，實在不敢恭維，以後寧願行遠少少都唔會揀酒樓。個汁酸到不得了，完全唔似部長所講的「甜甜地」，而且排骨非常韌，仲有大量筋，咬到頭暈。雜菜煲淡到無味，湯底似滾水，根本就是白烚菜，可能減肥人士會好喜歡。牛仔骨好味，肉質都幾軟身，醬汁黑椒味濃，正！斑球蔬菜，下層基本上是白烚菜，完全無味，而斑球非常油膩，入口成口油，肉質再好都無用啦。…查看更多

間野新開張, 聲稱自己火鍋有過百款選擇, 所以咪落黎試試佢, 點知就出事呢間野係自助形式, 自己出去筆野食, 出面野食10樣野都無, 基本既肥牛, 水餃都無, 得幾款丸, 而且D丸既質素好差, 好膠好粉個隻個魚強好腥,一食就知全部都係劣質食品,差到無人有!芝士腸有陣味好奇怪, 魚皮又淋晒, 諗住冇野食夾D菜, D菜全部都係黃架,,,,其他雞件, 魚片都係軨返少量. 冇人REFILL但佢講緊係做緊宵夜場8.30入場.....仲收人$88一位同場好多人都忍唔住追問呀姐點解連肥牛都冇,有個男人衝去搵經理投訴,先令左一碟出黎, 比2台人分晒.........再之後令多一碟出黎,今次我地成功令到,,,,但係D肥牛....肥既比例係7:3.......唔係肥牛,係肥肉ONLY....我未試過食係可以冇野食到咁,......仲差過快餐店....個沙底淡而無味.......................好後悔冇去快餐店而去左呢到,食得好唔開心好後悔!!!!我唔會再去呢間野!!!…查看更多