影片
11:26到達餐廳（電視新聞顯示時間）並詢問是否仍有早餐（因早餐標示至11:30），待應極不情願表示「唔肯定」，你快啲落單。我向待應表示要索取早餐餐牌被拒絕，並叫我就咁噏落單，只好無奈從既而茶餐廳的印象落單。「五香肉丁麵，餐蛋，熱奶茶」。最終被落單為三餸麵，而五香肉丁及餐肉均需額外加錢。價錢亦為$48蚊一個三餸加熱飲，好喇，當我自己衰無堅持要餐牌睇清楚先落單。最後埋單時原本想付$500，收銀表示無$100紙故不能找續，提議以八達通付款，我亦只好答應。但最後我望到收銀內有足夠的$100及其餘紙幣去找續。餐廳接二連三的不良服務態度，真係無下次。
繼續閱讀
夜晚收工未食飯，諗住返到屋企附近白撞下。 搵到呢間餐廳係巴士站邊覺得肯得吾錯，入到去叫個咖哩牛腩飯，店員同我講吾飲湯，減三蚊。之後上菜啲牛腩全都係碎黎 得二舊肉全部牛筋，又難食，諗住食飽就算埋單無扣我三蚊，以為我吾出聲，無下次吾會再去
繼續閱讀
味道差飲品差，環境又熱又迫，員工極有問題。早d見到openrice評價一定唔會食。唔知道點解仲有會生意。員工唔滿意可以串返你，偷偷哋加你單，仲可以hold好耐先比野食你🤗🤗總之唔會再去🙏🙏
繼續閱讀
入內後發現餐廳的衛生狀況極其差，枱凳黐立立，員工沉迷於玩手機而沒有提供任何幫助給顧客，更常常忘記顧客的訂單。連基本服務水平都無，仲連攞杯水比隔籬枱都打瀉。心諗只係想盡快食完離開。當我埋單時，收銀員（我估是老闆，極有江湖味）的態度極其惡劣，對待顧客呼呼喝喝。他將找回的零錢隨意扔在桌面上，完全不尊重顧客，彷彿對我們的付款心存不滿，可能我是消費太少。如果表達不滿，可能會有事發生。如果你想品嚐這樣一間有著江湖風格的餐廳，可以一試。
繼續閱讀
個日去光輝圍轉車 見近住巴士站有間叫金港冰室 就諗住入去食個快午餐就轉車走（個日有小小雨 所以要擔遮）入到餐廳後，發現冇傘筒 ，見遮又唔太濕，隨便搵左個位就坐低就卷好把遮放腳邊，點知個店員一句聲都冇出一行過嚟一腳踢開我把遮，喂大佬，你唔鍾意可以出聲架 ，一腳踢埋黎係想點 ，之後仲冇道歉又冇解釋 ，都唔知咩態度，咁我算喇，諗住要趕車快快食個便飯就走，食到一半 ，個店員行過嚟丟底一團紙 又唔講咩事，我食緊野你掉舊垃圾比我做咩__？後尾臨走嘅時候發現佢冇俾單我 ，我打開個團紙先知個張係單 ，咩事我黎食個飯啫，你唔開心唔高興都唔係發個客脾氣架 （全程除左點餐冇同佢有對話過）真心垃圾 ，都唔知為乜 ，比錢買難受，下次不了
繼續閱讀