金河小廚

營業中

休息中

金河小廚的豉油皇炒蝦金河小廚的豉油皇炒蝦不錯。通常我去菜館都喜歡點蝦, 因為我喜歡吃蝦的鮮味, 而且在家很難煮得好吃, 所以當然想在菜館吃個痛快, 加上蝦的價錢不便宜, 在外面吃分分鐘比自己煮更超值, 起碼不用面對煮完蝦那兜不知如何再用的油來得好。上次去川吧就是點了豉油皇炒蝦, 這次也一樣點了, 我覺得兩間店都煮得很好, 性價比很高。蝦很大隻, 很爽口, 一股鮮味, 而且蝦殼煮出來也是脆的, 蝦殼也可以吃, 這種功夫在家很難煮到, 而且蝦煮出來沒有很油膩, 感覺沒有用大量的油去炸它, 可說是美味跟健康兼具。這道菜其實一點也不簡單, 要煮得好吃, 豉油也要下功夫, 通常是用很多醬料去調味, 單單用豉油很容易煮到變酸, 或者味道很寡很單調, 但這裡則不會, 味道調得很好, 有醬香, 但又不死咸, 吃起來美味又家常, 很讚。最難得的是蝦裡面都入味了, 味道香濃，蝦肉鮮嫩, 好吃, 一百元絕對值得吃, 因為自己很難煮得這樣美味。

荃灣真係好多好嘢食😋今晚嚟到商場樓上金河小廚，環境裝修有點似大排檔，但光猛，地方干淨，而且少炒炒非常有獲氣，價錢好實惠👍六點就已經坐滿👍食少炒就肯定要啤啤先🍻夠凍👍✨啫啫白膳煲熱辣辣煲仔上😋白膳夠爽口，而且份量足，仲有豬潤，配合乾蔥、洋蔥、蒜頭一齊啫，汁都𤏪埋👍✨欖角骨🧆必點菜，排骨比欖⻆封住去炸，排骨炸好兜上蜜糖，炸得又香又脆又甜，欖⻆味好正😊✨九王蝦仁炒蛋蝦仁爽口，有蝦味，雞蛋炒到好滑，送飯一流😋✨椒絲腐乳炒通菜出街食飯都必定叫炒通菜，因為自己炒永遠炒唔到咁嫩咁綠，炒得好有獲氣。原來有好多客都自帶海鮮嚟加工，要點煮法都可以，好過自己煮，而且加工費好實惠，好過自己煮。下次都自帶海鮮嚟加工👍

今日同太太同囡囡去咗荃灣川龍街百悅坊11樓嘅「金河小廚」開餐！呢間區內街坊飯堂以抵食見稱，晚市仲有快閃套餐，$128就食到兩餸兩飯，仲送香片一壺，認真經濟👏 🌟必試菜式： 1️⃣ **啫啫生扣大蟮煲**（$168） 大蟮肉厚彈牙，醬汁濃郁得嚟唔會過鹹，啫啫煲上枱仲「滋滋聲」，香到隔離枱都望過嚟！ 2️⃣ **魚香紅燒滑豆腐煲**（$88） 豆腐滑溜到差啲夾唔起！魚香汁微辣開胃，仲有少少肉碎，送飯無得輸～ 3️⃣ **涼瓜炆黃立倉**（套餐菜） 魚身煎得金黃，涼瓜完全冇苦澀味，送飯一流！ 4️⃣ **蛋黃蓮蓉壽桃包**（$12/個） 流心鹹蛋黃+綿密蓮蓉，個包蒸得鬆軟，囡囡一個人食咗兩個😂 📝小評價： ▪️通菜煲鑊氣足 ▪️生炒骨酸甜適中 ▪️服務阿姐手腳快💡貼士：人均$150有找！I家庭客想平平地食鑊氣小菜，呢度絕對係隱藏好選擇～

幾位舊同事晚飯敘舊，要找一個中間點， 有人提議去荃灣金河小廚，我就跟大隊試吓若不是同事已預早訂位，就要稍微排隊等一下，因為價錢平靚正，同事說口碑也不錯看了餐牌更加明白，首先見到二人套餐，精選鮮魚加菠蘿生炒骨，只是$128，我們就點了這個套餐再加其他，是日鮮魚黃立䱽炆南瓜已售罄，改為蒸黃花魚，一樣香滑美味，菠蘿生炒骨大大碟，甜酸度剛剛好，糖醋汁也不會太黐牙，排骨熱辣辣咬口佳，抵到爛！點了脆炒蠔餅，這裏的做法，是鬆化厚餅的做法，每咬一啖都是都是嗦嗦聲，入口即溶，蠔仔都係大大粒，輕微點一些魚露吃味道最好小炒王這道餸菜，會顯出每一間食肆的廚房功力，上菜時我們個個都滿意，因為大大碟，材料足，色澤靚，色香已俱備，微辣，香口，各樣材料口感豐富，味道也在水準之上了！店員推介，豉油王九節蝦好食，咁當然試吓啦，上碟大大隻，入口彈牙到不得了，而且豉油的香味和鹹度，令蝦肉提升了層次，$118是超值了想提下，店員的服務貼心而親切，這是除了食物質素之外，食肆生意好的重要一環，咁好食咁好服務，以後又多一個飯堂了

朋友介紹荃灣金河小廚抵食，是晚訂枱提早慶祝下父親節😎位置在百悅坊十一樓，有去開街市就知係邊個商場啦。上到去店都幾大，有幾枱大枱食緊，仲幾個vip房有客添，幾熱鬧呀。⭐黃金涼瓜黃金控表示滿意😍勁多鹹蛋黃超香，涼瓜爽口微苦，正！⭐豆豉鯪魚油麥菜有無搞錯咁大碟，炒左幾多顆油麥菜啊，豆豉鯪魚下得多，香口但唔油膩。⭐薑蔥魚腩煲魚腩走過油外脆內嫩，薑蔥爆香，惹味鮮香。⭐柱侯牛腩煲呢煲有少少失望啦，牛腩較硬，好在調味唔錯，枝竹比牛腩受歡迎，個個都夾枝竹😝⭐白飯白飯大大碗。店員主動問飲啤酒汽水定開茶，茶錢端壺計，亦無餐錢小食等雜費，價錢名碼實價好公道。

位於川龍街的金河小廚，早已聽聞質素不錯，今晚跟好友一同前來，一試虛實。座無虛席，證明性價比頗高！內有VIP房間，為有需要的客人提供服務。點了幾款經典小菜，先來梅菜扣肉煲 $108 扣肉軟腍入味，肥膏都蒸炆至鬆化，加上吸滿了肉汁的梅菜，下飯神器！接着點了侍應推介的XO醬乾撈銀絲蝦煲 $138，蝦肉質地新鮮，口感柔軟中帶鮮味。銀絲吸滿了蝦味及XO醬的味道，不是配角的配角。最後是西蘭花炒帶子 $128西蘭花🥦軟硬適中，健康有營養帶子鮮甜，熟透而不韌，味道甚好，配合喜歡的蝦醬，完美！可口可樂 $15，有冰底，算是抵飲。

今日瑞午節，我同老公兩口子出去食飯做節。餐廳越夜越熱鬧，差唔多每枱都係一家大細。餐牌選擇都多，連刺身都有，我哋就叫左3個小菜，2個白飯，另外啤酒汽水緊係唔少得。芝麻雞：雞炸過外皮香脆，肉嫩，做法似炸子雞，然後鋪上滿滿芝麻，入口好香芝麻味，點埋旁邊甜酸醬仲好食。黃金鮮魷：炸得夠金黃，粉漿薄薄，咬落輕脆，魷魚新鮮有咬口，鹹蛋味香，充滿邪惡感，好好食。金銀蛋浸時蔬：職員推介莧菜，呢個菜份量多，清清地無油，湯底帶鮮味，唔會話死鹹，先前食炸嘢可中和返，同埋食到各食材原味道，幾好喎。飲品：喜力啤酒做緊promote，25蚊支幾抵飲 我就叫左可樂，呢度汽水係樽裝架，而加好少餐廳會有樽裝，都幾有童年回憶。

其實我嚟過好多次豉油王大蝦每次都係必食之一廚師可以次次保持水準仲有必飲嘅鯪魚粉葛赤小豆湯同必食嘅芝麻雞咕嚕肉⋯⋯當然仲有其他寫唔晒咁多我每次都會加時令海鮮蒸或炒可惜好味到我掛住食都唔記得影相無論2個人去坐大廳或者一班人去坐獨立房都好滿意價錢平均每人幾百蚊食到小菜海鮮燉湯炒粉麵飯酒水......等等仲有私人空間其實依家都好難搵到呢類型所以都係常客介紹好多朋友都有寫好評讚無理由介紹佢哋食嘅自己無寫所以今次寫返先

呢晚同朋友一齊嚟咗呢間喺荃灣嘅樓上粵菜餐廳食晚餐🤣$78「麻辣脆魚皮」：魚皮勁爽脆，亦都幾辣，仲加咗好多青瓜絲同埋脆花生，香口開胃又惹味🤣，份量仲勁多添🤣$148「清蒸細杉虎斑」：魚肉鮮甜，因為蒸到啱啱熟所以又特別滑🤣，廚師控制火候控制得好好👍，加埋醬油更加提升魚嘅鮮味🤣，$148 咁大條「杉虎斑」真係好抵食🤩；我哋仲用魚豉油撈飯一齊食非常好味🤣；另外，見到差唔多台台都有叫不同種類嘅海鮮食🤣$88 「涼瓜炒蛋」：涼瓜少少苦，夠新鮮，咬落幾脆口，再咬吓又有啲啲甘味出嚟🤣，炒蛋炒得幾滑，同苦瓜一齊食好夾🤣$98「瑤柱金菇扒時蔬」：時蔬揀咗「油麥菜」，「油麥菜」新鮮，加咗大量金菇瑤柱一齊煮/扒，令到味道又提升啲🤣$38 「鮮奶燉桃膠」：桃膠夠晒白少少煙靭，鮮奶夠晒甜，食得人好開心🤣

今天晚上 ，我們去到 荃灣川龍街百悅坊金河小廚(荃灣) 晚飯。#西蘭花炒帶子 $128首先，我們點了西蘭花炒帶子，色澤鮮豔，帶子的鮮味和西蘭花的脆嫩，相得益彰，讓人一試成主顧。#豉油王炒蝦 $98接著，我們又點了豉油王炒蝦，蝦肉鮮甜，搭配濃郁的醬汁，令人回味無窮。#金河梨山骨 $98金河梨山骨也不容錯過，肉質鮮嫩，口感滑順，讓人忍不住多吃幾口。#蠔仔煎蛋 $98最後，我們還點了蠔仔煎蛋，香氣四溢。搭配白飯吃，簡直是完美的組合。整體而言，這頓飯不僅美味，還讓我們享受到難忘的用餐體驗！

荃灣楊屋道百悅坊有間特色鑊氣小炒叫金河餐廳小廚, 佢餐牌有多款特色懷舊小菜, 椒鹽系列等, 由於老闆都係做海鮮生意, 所以都有多款海鮮都好抵食, 而且好新鮮。另外亦可來料海鮮加工, 樓下正是楊屋道街市, 自己買完海鮮上去開餐十分方便。我鍾意佢大時大節都唔會有套餐, 想食咩就叫咩。仲有多間大細房間, 想要私人空間都可以呀!黃金鮮魷 - $128我老公平時都幾鍾意食鹹蛋黃, 尤其炸黃金什麼什麼, 佢話好惹味! 今日就叫一個黃金魷魚先, 鮮魷用炸粉酥炸, 粉漿一啲都唔會厚, 一口咬得開, 鮮魷外層炸至金黃香脆, 魷魚新鮮爽彈, 鹹蛋黃炒到剛剛好, 唔會好濕, 十分惹味。金銀蛋浸時菜 - $88濃郁嘅湯底, 加入皮蛋鹹蛋, 再配上新鮮時令嘅白菜仔, 蔬菜吸收湯汁嘅鮮味, 鹹鹹地, 清淡得嚟又惹味。龍蝦 - $188/隻龍蝦價錢都好抵食, 個鉗大大隻, 啖啖肉, 龍蝦肉質鮮嫩香甜, 龍蝦剛熟每一啖都咁彈牙。加上上湯做龍蝦伊麵,伊面沾上了上湯龍蝦汁, 味道啱啱好, 十分惹味, 好保留到龍蝦嘅鮮甜。茶(一壺) - $13

同朋友相約聚會，得知荃灣百悅坊十一樓有間佔地全層鑊氣十足的中菜餐廳🍴「金河小廚」，主打小炒、中菜、連刺身都有，一於大快朵頤。冰鎮鮑魚：食得出本身用醬油漬鮑魚，使其有底味，鮑魚經冰鎮肉質更彈同時好緊緻，蘸上芥茉辣山葵，提升鮮味。脆炸蠔餅：很喜歡粒粒飽滿生蠔🦪，非常薄透的粉漿，香脆可口，蘸上醋汁可以解油膩，外脆內軟，蠔仔新鮮熱辣，加上炸香九層塔層，帶出淡淡香草味。芝麻雞：外酥里嫩，雞肉通常經過裹粉油炸或煎制，形成金黃酥脆的外殼。芝麻常在最後撒上或與醬料同炒，經加熱後散髮堅果香氣，選用雞腿肉或雞胸肉，醃制後保持多汁。炸制時火候控制得當，內部肉質柔軟不柴，與脆皮形成對比。菠蘿生炒骨：酥嫩的排骨、酸甜的菠蘿和濃郁的醬汁，口感層次豐富，排骨通常裹薄粉（澱粉或麵粉）炸至金黃，外皮酥脆，咬下去能聽到輕微的“咔嚓”聲。 內里的肉質保持嫩滑，帶點嚼勁，不會過於軟爛，有些做法會保留一點軟骨，增加脆爽感。 沙嗲粉絲肥牛煲：：肥牛嫩滑多汁，略帶嚼勁，肥牛片通常切得較薄，燙煮後保持柔嫩，脂肪部分入口即化，帶點奶香。沙嗲醬的濃郁味道滲透進牛肉，增添咸香微辣的滋味。由花生醬、椰奶、咖喱粉等調制，湯底濃稠順滑，帶有

金河小廚是海鮮愛好者的天堂，這些菜品不僅色香味俱全，更是各具特色，讓我體驗到海鮮的極致魅力。首先映入眼簾的是海皇粉絲雜菜煲，這道菜呈現出一幅色彩斑斕的畫面。豐富的海鮮如蝦仁、魷魚和貝類，與軟滑的粉絲交織在一起，湯底濃郁而鮮美。粉絲吸收了湯汁的精華，口感滑順，令人一口接一口。各種蔬菜的加入平衡了整體的口味，使這道菜更加健康。接下來是薑蔥生蠔煲，新鮮的生蠔經香煎，搭配薑絲和蔥段，簡單卻極具風味。香煎過程讓生蠔釋放的鮮美湯汁，渾然天成，令人陶醉。每一口都能感受到生蠔的鮮甜，搭配薑的辛辣與蔥的清香，讓人回味無窮。粉絲蒸扇貝是另一道不可錯過的美味。扇貝肉質鮮嫩，蒸製後的口感更是細膩。粉絲在蒸煮過程中吸收扇貝鮮汁，讓整道菜充滿海鮮鮮香。淋上蒜蓉和香油，更是提升香氣，讓人忍不住想多吃幾口。我們亦品嚐了白灼蝦，這道菜的簡單卻讓人驚豔。蝦子鮮活，白灼後的口感鮮甜，肉質緊實。配上特製的醬油，簡單卻讓人回味無窮。這是對新鮮食材的最好詮釋，讓人感受到海的滋味。最後的菠蘿咕嚕肉亦讓我驚艷不已。外酥內嫩的豬肉，裹著一層金黃的麵衣，與酸甜的菠蘿相得益彰。每一口都能感受到菠蘿的清新果香，與肉的豐富口感形成完美的對比。

海鮮海鮮係海鮮呀！唔小心又變左海鮮餐先嚟推介嘅冰火魷魚話明冰火所以係凍食望落似沙嗲嘅秘製醬有少少辣度符合冰火魷魚好爽脆又勁大碟避風塘炒蝦大大隻蝦已經剪開左蝦頭清理唔小心啜埋啲炸蒜粒即刻要飲番啖野解辣大蜆濃湯浸白菜仔❗️湯頭濃郁鮮甜解辣正蜆肉漲卜卜唔會有沙最後XO海皇粉絲煲多款海鮮配惹味XO本身都無敵加埋粉絲粉絲吸收曬所有精華除左食到停唔到口外諗唔到有咩可以形容點完餐先發覺全海鮮整體都幾抵食夾大份仲可以自攜海鮮加工樓上舖嚟講都幾旺場證明街坊間都有口碑—————————————————————🔸 冰火魷魚 $108🔸避風塘炒蝦 $108🔸XO醬海皇粉絲煲 $138🔸 大蜆濃湯浸時蔬 $108

今天下午，我和相識三十多年嘅老友，決定去食嘢。選擇咗經濟實惠的小菜館——金河小廚，位置喺荃灣川龍街118號百悅坊11樓。呢間食肆一向以平靚正出名，果然冇令我哋失望。我點咗幾樣好味嘅菜式。首先，大蜆濃湯浸勝瓜，湯底濃郁，勝瓜吸咗啲味，非常爽口。接住有脆皮炸大腸，外脆內嫩，咬落去真係好滿足。仲有黃金蝦，金黃嘅蝦膏，食到口中好香滑。最後，清蒸南瓜子斑，魚肉鮮嫩，完全保留咗海鮮嘅原汁原味。食完飯，我哋仲飲咗班藍妹啤酒，配合呢啲美食，真係好開心。唔好講咁多，快啲約埋你啲朋友，一齊去試下啦！#金河小廚 #荃灣川龍街118號百悅坊11樓