金沢日式料理屋 (已結業)

最近整理一下電話嘅相薄發現呢張相，記得有草稿係開飯入面，諗住食多幾次先post，點知已成絕響，上星期已結業。午餐叫左魚生飯定食，四十幾蚊，有一個前菜，今日係中華沙律，一個麵豉湯，同呢個飯。飯真心好大碗，日本米煮得唔錯，有少少醋味，魚生就一般啦，無乜鮮味得雪味，勝在夠飽肚。店好大，唔使等位，幾好坐，可以食完慢慢吹水，唔多伙計所以唔會有人理你的。

工作在附近，但都好耐無食，轉左新餐牌，都有意料之外的驚喜！我叫壽司定食，當中有炸蝦卷最好味，新鮮炸，熱辣辣。仲有黃金魷魚和海膽軍艦，都唔腥。附有一碗烏冬，大碗版，夠唒飽。叫同事嗌咖喱雞扒飯，咖哩好香，塊蛋都好正，好滑！雞扒也okay!!因為太吸引，我share左兩啖。另一個同事嗌刺身定食，賣相吸引，同樣地，烏冬也是大碗，可填肚。

首先，d野食又等得耐又唔好食我之前食過個到d壽司，唔係好好食，又唔新鮮 今次再食，我揀食d烏冬，飯我點左個牛肉定食，d肥牛好難咬，又咸連普通既面豉湯都好咸調味好差，一係太咸一係太淡…唯一好味d既係地獄肥牛烏冬，可惜烏冬係圓個隻，唔係手打烏冬#最好既係餐飲轉凍飲唔係$$

岩岩同屋企人係大約夜晚7:35去左呢間野食。入去坐好之後，落單叫左幾個野食。其中一個係鰻魚炒飯走洋蔥走蘿蔔絲。半個鐘後，呢個鰻魚炒飯仲未上枱，跟住就叫侍應催下個廚房。點知係大約8時18分既時候，個廚師由廚房走出黎，將碟飯掟上枱，仲講左一句「上路啦」。

星期天的晚上...橫風橫雨...陰差陽錯的走進今次的主角-金沢日式料理屋-0等候...因為真係大把位...心存僥倖的坐下來...期望已不高...只求不要太差眼闊的關係..叫了很多『食物』?!可能的事發生了...新香卷 (請見圖)可能是交給新手處理吧?!這樣都可以交給客人?!壽司料不在正中六小卷高矮不一紫菜已軟又無味基本的也做不來劍魚腩壽司十分好刀工...因為真係好薄厚燒玉子壽司有應該不是焦，而是鑊屎的物體鰻魚小卷鰻魚汁過多出奇地外表完全沒有問題故顯得新香卷應是新手的作品彩虹卷三文魚子過腥海膽軍艦紫菜都係軟的海膽不太新鮮其他的都普普通通沒有什麼特別已不幸之中的大幸結帳...四百多塊...希望是破財擋災誰知大人半夜不停的去廁所...到了今早還沒轉好...總結 : 不可一‧不可再P.S. 是次晚餐只代表本人的不幸遭遇****如有雷同，純屬不幸****

基於聯和墟本身冇咩出名式者大型GE日式壽司鋪頭,呢度GE壽司店就算幾難食,都成日會坐滿。我都黎左呢度食好多次,本來幾鐘意呢間野食,好鐘意呢度個魚生冷麵,同其他食評家一樣,覺得呢度GE魚生冷麵麵夠爽夠彈牙,而且好抵食,只係$38,最近呢間野加左少少價,但個冷麵都係冇加價的。於是呢日我又叫左個魚生冷麵,發現...大家唔知睇唔睇到邊幾粒係魚生呢= =..不過諗住...係咁上下LA,因為宜家D野貴左,佢又冇加價,D食物變細份左都好似好合理牙,之後一食....5= =D麵好暖喎,係咪怕天氣凍我地唔想食咁凍GE野呢之前黎食絕對唔係咁!!之後我諗....可能係「一時咁岩或者可能」太忙先冇時時過耐D冷河姐- -之後望下周圍...竟然今日只有幾枱客人,其實食呢餐飯之前個幾月我都黎過呢度食LUNCH,果時已經覺得野食開始變得黎得好慢,食物質素亦都低左,然後今晚客人GE人數都應該反應左呢間野GE食物質素下降,一向幫襯開GE熟客都有徹言LA,水準好似保持唔到喎。除左個冷麵,仲叫左一個泡菜三文魚石碢飯,呢個我第一次食,所以冇得同以前比較LA,佢個飯料同個石碢係分開上GE,客人要自己撈飯的,但由於佢個飯本身冇加咩

由於早前已經同老公去酒店食自助餐慶祝左,今日正日要返工,所以喺屋企附近搵食!我倆一向中情日本菜,所以選擇去金沢試一試!果然冇令我失望!!今晚由於唔係太肚餓,只點了4樣餸!1. 我至愛嘅刺身冷面! $38,以為細細碗,唔方好食,估唔到味道ok,都OK大碗,抵呀!!!2. 老公嘅芝士雞扒手打烏冬! $40,味道都ok,而且都幾抵!!!3. 炸墨魚咀4. 店長推介金龍卷食到咁上下,覺得佢D嘢食幾好味,想試多幾樣,但由於上菜時間等太久,所以放棄左!!服務方面:我覺得要大大改善!!!!服務員大多面黑黑,叫佢地加茶,好像好不願意!!!如果大家趕時間,就唔好選擇在此進餐喇!!我都算食得中慢,4樣嘢頭頭尾尾用左一個鐘會再去食,不過希望佢地改善下服務態度!!

唔駛等位, 與友人一同5人來到 (不過早d 到 應該有卡位)夏日炎炎 最好食冷麵叫左魚生冷麵, 我地一木台5人都話好味!$38! 真係幾抵。佢有個sauce 'lo'埋好好味, 魚生唔頹, 冷麵好爽, 唔會痴埋一舊, 處理得好好。另外有個厚燒玉子suishi 都好impressive, 啖啖玉子, 好香, 好熱 (好新鮮), 應該即叫即造。坐左好耐, 唔趕人走, 食飯傾野之選。encore!!!

去完聯和墟體育館比賽, 見倒對面有間日本野, fd話想食!去到門口, $3x-4x就有個飯/烏冬/拉麵, 抵食wor, 一於入去入到去原來好大架! 又有卡位坐, 不錯不錯.睇左餐牌好耐, 好多都想食最後食左佢推介個石鍋牛肉飯, $40 加一fd食左鰻魚炒飯同埋豬軟骨拉麵.個個都一致認同好好味!!!! )))之後決定下次要再入粉嶺食返呢間wakaka

日本食物有幅射都咪話唔驚,不過本人太愛食日本菜所以好難抵擋其實聽好多人講過日本餐廳9成食物都未必黎自日本所以冇有怕!!!聯和壚呢間金沢都食過幾次不過想睇定d先至recommend俾人今晚同朋友慶祝生日食完覺得水準真係好好想推介一下!!!*刺身沙津其他日式料理d刺身沙津都係得d一粒粒好唔新鮮既魚生不過呢度就唔同, d魚生大大件, 同淨叫刺身個size差唔多驚喜!!!*軍艦壽司好多時even"板X"個d名牌壽司店既軍艦壽司塊紫菜都唔脆不過呢度就好脆, 值得一讚!!!*火炙壽司點左好幾款, 不過特別想mention火炙蝦同埋汁燒牛肉壽司舊壽司飯d醋味arm arm好!好新鮮好惹味!!*芝士雞扒撈烏冬好特別, 芝士好正, 食得多日式炒烏冬, 呢個好好味推介俾好似我咁熱愛芝士既人!!

聯和墟好多嘢食，但系哩間日本料理真喺推薦要去試一試！平時嘅lunch menu都好多選擇，價錢又唔貴，一個餐先四十幾，仲要好多選擇，抵食！跟住上個禮拜五去試咗佢嘅晚餐，估唔到佢價錢平民得來出品都好好！平時去開都知佢環境幾舒服，就算喺晚黑多客都唔會混亂，喺度傾計最啱~詳細介紹要跟相睇~間鋪都幾顯眼又ok就腳，總之值得去試~

記得在寒冬時在這裡吃了頓出色的晚飯, 那一次享用了: 大蔥三文魚銀細飯($15)-- 用透明雪糕杯上, 十分精緻, 女孩子絕對會喜歡。前菜份量, 三文魚肥美, 與洋蔥,芝麻絕配! 如果推出正餐份量的話就是喜訊了! 日式煲仔飯($40?!)-- 老實講, 個名幾奇怪, 日本有煲仔飯麼? 好奇地點了個雞排煲仔飯試下, 驚喜! 係普通煲仔飯個瓦煲, 不過係珍珠米! 雞排係燒汁, 滑過滑雞~ 配上蔥花/洋蔥。煲底有些珍珠米飯焦, 可以想象下有幾好味~不過日式煲仔飯係冬季限定, 唔知宜家仲有無… 另外還試了軟蟹pizza, 不過可能當時天氣關係, 凍得好快, 但仍屬正常水準 菠蘿柚子菊花蜜($10)-- 熱飲, 清清地, 不太甜, 很對口味~ 我唔敢肯定大蔥三文魚銀細飯同日式煲仔飯是否金沢原創, 不過本人就未見過其他地方有得食…依家日式餐廳雖愈來愈多, 但味道好,創意高又有幾多?金沢味道唔錯, 價錢大眾化, 希望可以保持水準同繼續創新!

是粉嶺區難得的日式料理啊﹗去咗好幾次，一個字「得」呀!!!無論午市，定係晚市，選擇很多啊﹗環境很好，一班朋友開PARTY又好，三兩知己飯聚又好，VERY NICE!!!有好多都好好食，多到唔記得左，金龍卷、三式刺身、芝士烏冬、...仲有魚生飯，得、得、得呀!一有時間就去，粉嶺的不二之選!!

遠道而來,朋友住向粉嶺入到去想食日本野聯和墟真係無咩日本野食, 朋友話佢屋下開左間日本野所以去試下;一睇menu 平民日本餐, 日本餐野講唔算貴所以點左好多野有金龍卷$40 好低食朱軟骨拉面 <朱軟骨好多, 不過湯就好左小小炸雞軟骨< 無咩特別曼魚pizza 真係好好食~ 好小日本餐廳有pizza 食 因為我個人真係好鍾意食pizza 刺身都好新鮮壽司都幾好, 不過等得耐左小小,同個waiter 追左一次,佢話織叫織做會耐小小可能我地叫左太多所以耐小小haha招待都ok~ 不過要成日搵人加水最後埋單$300幾3個人每人$100左右 可以食到d質素比放題好都算平overall 向粉嶺可以食到咁日式野都幾好~ 下次去開粉嶺都會再去

金沢 有個「御前盛合」都幾抵ga! 之前同同事食過2次, 佢地都話好ok ga!宜家weekend 都推出埋...真好 ! A) 鰻魚炒飯+ 任選兩款tim~ (好抵啊, 其實我覺得可以揀一款都好抵) 3) 北寄貝壽司 7) 芝麻雞翼 (2本) <--超香口! 12) 南瓜薯餅 (2本)<--同事 嗌左, 都好好味...配送:咖啡或茶(凍/熱) 另加$5可選:芒果沙冰,荔枝梳打,巨峄乳酸梳打 好fit呀...又可以食生冷東西, 又可以食熟食...壽司熱野炸物合一...都只係 $55 ja!! 有weekdays 價, $45 ! 巨峄乳酸梳打, 非常好味 ~ (不是很假的藥水味, 是很甜的, 如果你鐘意食hi-chew 提子味軟糖的, 你應該會很喜歡~仲有 我最鐘意佢有氣 ! ! 飲完hur 一hur, 條氣順左, 嘩哈哈 ^^)