金氏韓國食品 (已結業)

今日同朋友路經九龍城，求其買咗個炒粉絲便當上車食，原本打算填飽個肚就算，但係第一啖食入口已經覺得好好食😋，所以再買多盒生醃魷魚🦑食，不得了，醬汁有少少辣之餘帶一點酸酸甜甜，肉身鮮甜又爽滑，簡直冇得輸，下次再嚟試吓佢嘅炸雞及凍肉先再報料，希望一樣會有驚喜啦～仲想提吓個服務員，專業有禮又好傾，只係買咗少少嘢，喺等餐嗰短短數分鐘，就同佢傾咗一啲遊歷過有關韓國嘅有趣事，包括有咩好食，唔怪得哩間舖頭嘅食物咁有水準啦。