金山粥店

營業中

休息中

昨日約了openrice的食友去行山，因習慣了早起，所以就早了幾多到；見他們都沒有這麼快到，因此便自已先來到這裏食；這裏真係幾難找，都找了幾個字才找到。原來由滿記開始，經過天后廟轉入舊西貢市，直入再轉右繼續直入，不久後便會見到在左手邊。我叫了皮蛋瘦肉粥和炸腸。皮蛋瘦肉粥- 粥底煲得好綿，味道也不錯；皮蛋和瘦肉，都算唔錯，但不是太特別。炸腸- 想不到這麼大碟，一來到真係嚇一跳，油炸鬼炸得好脆，但就比較上硬；腸粉係即拉的，所以比較薄。真係幾唔錯，但下次如一個人來，就要叫少，叫半碟(之後才知，原來可以這樣叫的)。本來還想叫齋腸試試的，可惜已經食唔落了；下次有機會，一定再來食過。

今朝晨咁早起身，都係為0左要試呢檔出名0既粥同腸粉咋，聽就聽得耐，今次都係第一次去食。叫0左最講基本功既白粥，真係有屋企feel，米已煲到開晒花，粥底好夠綿，最緊要係無事先加調味，到上枱先自己落鹽，仲只係賣5蚊碗，抵食！另外必食係佢地既即拉蝦米腸，4蚊細碟，7蚊就真係大大碟，香滑不特止，而且D蔥同蝦米又多又香(唔鍾意可以叫齋腸)，再試埋個炸兩，9蚊又係大大碟，油炸鬼又脆又粗，超正！想食就請盡早，先會食到即拉腸粉，一來佢地唔憂做賣晒就收工(講緊只係大約上晏十一點)，同埋就算未賣晒都好，到差不多剩番半桶米漿，佢地就會蒸熟晒佢，然後擺入個熱櫃度賣，準備收工，如果係咁，就會無0左即拉腸粉0既意義，味道亦會大打折扣！下次再去要試埋佢D有料粥、生滾粥同有餡腸粉先得！p.s. 原來叫油炸鬼(4蚊條)係可以叫半條0架，真攪鬼！

my boyfriend drives me to eat at there. We arrive at about 9:30am. It is not hard to find the store, but I am sure you have to ask people when you get there.It is just a small store, it's so hot today, but we can still eat congee as the air-con is on in the store.My boyfriend orders 1 蜓仔粥and I have fish slice congee. Fish slices taste so fresh, I love it so much! Congee tastes very nice too! It tastes totally different compared with Ocean Emprire Congee!!We also order 1 plate of 炸兩and 1 plate of

呢間我由細食到大! 我細個成日食, 但係大個要返工, 好少有機會成日食到! 但係我老豆都周不時去買外賣比我食!各款粥同腸粉, 味道同口感都簡直係經典佳作! 非常令人感動既味道! 係好獨有, 第二度好難會食到!

今早KC請食早餐，雖然已吃完西早，仍忍受不了那粥香。好綿！好香腐竹味，好清純。現今很多小店，衹供應加了味的白粥。此外，炸兩，大大碟，炸麵雖是外來，但極鬆脆，配上即拉腸粉有水準。店的生意很好，門外很多人等位和等外賣。

今日同幾位食友行馬鞍山，晨咁早就約左LI同蘇謙兄來這裡食早餐。呢度依舊好多人，仲越食越多人買外賣添，都米話唔犀利！三個人叫左三碗白粥，蝦米腸同炸腸各一。白粥杰杰地，不知其他兩位食友意見如何，但個人而言喜歡輕清一點的白粥；炸腸真係好大碟，蘇謙兄笑言當下晝飯食都得。油炸鬼都新鮮，而腸粉皮是即拉之餘，還有不少蔥及蝦米在面，是一個幾有水準的炸腸示範之作。埋單31蚊，抵食，是行山前的一個不錯的powerful breakfast，不枉我地三個摸入來吃，至少好過去老麥食個把鬼早晨全餐。

今日約了幾位Openrice 的食友去西貢行山，前一晚去了朋友的party，而該處又好近西貢，所以今早就有順風車來。時間未到，一起在西貢市吃早餐。兩個人來了這裡，呢度在西貢市入面的橫街窄巷，老實講不是她帶路，有地址都幾難搵到來呢度。星期天的朝早八點半九，估唔到都幾多人，還有不少人在買外賣。呢度只一小舖，得四張圓檯，所以坐得幾迫。叫了蝦米腸及炸兩、艇仔粥同魚片粥。呢度腸粉即拉，應該質數不錯。個人意見，如果一間舖賣的腸粉是別處交來的話，會有幾好吃？蝦米腸有大有小，要了碟大的，果然是一大堆，腸粉內蝦米及蔥花落足，味道不錯。腸粉好滑，亦因上檯前掃了油，所以亦油潤，七蚊一碟，值食又好食；炸兩內的油炸鬼太脆，欠了炸兩應有的口感。可能有朋友喜歡吃脆的炸兩，但個人覺得能做到有油炸鬼口感的炸兩更好。這裡的油器是別處交來，應是做不到那個水準了；粥亦不差，雖然粥底不夠綿滑，但勝在沒什麼味精。魚片不算新鮮，味道一般。反而朋友的艇仔粥幾多料，比魚片粥更吃得過。吃後是有點口渴，但相信味精是來自腸粉的豉油，而非粥。埋單50蚊，雖然以這環境是略貴，但行山前食碗粥做早餐，也不錯吧。

15 蚊腸粉已經四人份量! 店子只在早上開啟，要食趁早! 店子內婆婆好nice! 擺設較陳舊，但很有風味!