影片
港鐵荃灣西站 D 出口, 步行約8分鐘
繼續閱讀
電話號碼
29449128
開飯介紹
由泰國人主理、定價相宜的正宗泰國菜館，菜品選擇豐富又惹味，如咖喱蟹是其中一款式招牌菜。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間: 21:00
以上資料只供參考, 請與餐廳確認詳情
有關獎賞計劃
楊屋道呢間金屋泰國菜都好多年啦，唔似商場嗰啲泰國菜裝修咁靚，但係質素都OK而且價錢抵食好多，啱我哋平平哋食個晚餐！冬陰功大蝦湯（細）唔算好辣 唔食辣嘅人士都可以飲，入邊大蝦鮮甜 份量岩岩好兩個人分😋有兩隻蝦，好足料串燒$88豬牛雞拼盤3款串燒燒得啱啱好，唔會太韌，特別推介豬肉串燒，肉質好鬆化。個沙嗲汁都好味。馬拉盞炒通菜，辣辣地幾惹味。香辣肉碎炒飯，好大碟欣賞佢面頭隻蛋煮到燶邊同埋隻蛋係漏黃，炒飯好有鑊氣，撈埋蛋黃一齊食，好出色。最後我哋仲叫咗椰青，充滿泰式風味
繼續閱讀
今晚同朋友去咗尖沙咀嘅金屋泰國菜館食飯，呢間舖頭環境幾舒服，服務都算周到，最重要係啲泰菜好正宗，食完好滿足呀～😋拼盤🦐呢個拼盤好豐富，有炸物、串燒同春卷。串燒雞肉好嫩滑，調味夠晒惹味；炸物外脆內軟，配埋特製醬汁，正到爆！春卷都唔錯，餡料多又香～燒魷魚🦑大大條魷魚燒得好入味，表面微焦，裡面好彈牙，鋪底嘅蔬菜新鮮爽脆，食落清新解膩，連埋芫茜同辣椒絲，層次感好豐富！生蝦刺身🍤生蝦好新鮮，肉質爽甜，配上蒜片、辣椒同蔬菜，酸酸辣辣好過癮，好有泰式風味～芒果糯米飯🥭飯後甜品必食呢個！糯米軟糯有椰香，芒果香甜多汁，甜度岩岩好，食完返尋味～今次兩個人食，埋單$448，仲要加埋10%服務費，不過食物質素同分量都好值得，服務員態度友善，落單上菜都好快，整體體驗唔錯～金屋泰國菜館嘅泰菜好正宗，無論係味道定賣相都好出色，環境同服務都唔錯，下次想食泰菜一定再嚟！推介畀鍾意泰菜嘅朋友仔～
繼續閱讀
一入餐廳已經感受到滿滿嘅泰式風情🇹🇭🙏🏻 傾落先知原來九成員工都係泰國人，而老闆娘已經嚟咗香港超過三十年‼️ 難怪感受到店員態度特別熱情友善，仲會細心介紹唔同菜式💕 餐廳為咗迎合香港人口味，大部分菜式味道都有作微調~ 唔會太過重口味或者油👍🏻👍🏻 但如果大家想食返正宗泰國味道，落單時都可以同店員講返👀午市套餐好抵‼️全部大概💰50-60蚊，而且星期一至日11:30-17:30供應，難怪吸引到附近一班街坊同工友捧場～ 想慳錢嘅精明消費者千祈唔好錯過‼️【豬頸肉炒金邊粉】💰55曾經去曼谷旅行有上過烹飪班，先知原來炒金邊粉係要落勁多油😲 但經廚師微調之後，依度嘅金邊粉唔會油淋淋💕 口感有嚼勁而且濕度適中👍🏻 份量夠曬大份，就算男人食都肯定夠飽👍🏻【自製肉碎生菜包】💰55豬肉碎炒得好香，味道微辣，愈食愈開胃☺️☺️ 生菜新鮮、洗得乾淨👍🏻 店員仲會好貼心咁比濕紙巾你抹手，又一細心加分位💯【芒果糯米飯】💰38每次食泰國菜都必定要嗌‼️ 價錢明顯比坊間平一截，但份量都無偷工減料～ 因為想一次過影大合照所以無嗌後上，但食到最後店員有好細心咁問糯米飯洗咪翻熱💕 芒果少少淋又甜，雙色糯米飯就算放耐咗都無變硬，大推👍🏻👍🏻【冬陰公大蝦湯(細)】💰88器皿係用魚形嘅碗裝住，好得意😉 雖然嗌細size但其實都分到4碗，而且材料豐富，有2隻大頭蝦同大量草菇🍄🟫 大頭蝦唔梅、咬開仲有蝦膏，唔食蝦亦可以轉海鮮🤓 冬陰公味道微微酸辣開胃🤤🤤 推薦‼️【生蝦刺身】💰98又一必嗌泰國經典菜式‼️ 將生蝦包住蒜片同辣椒，配上兩款泰式海鮮醬，鮮味同辣味同時湧上腦💕
繼續閱讀
食物質素好好，服務態度要大大改善！今日叫了三個外賣午餐足足等了半小時但換來的只有叫你繼續等……一句不好意思也沒有如果想生意興旺的話服務員態度尚有十分大嘅進步空間謝謝
繼續閱讀
見食評好多讚好口碑及宣傳單張上有星期一至日的晚市優恵定食套餐，誰不知卻連環中伏！中伏一: 晚市優惠定食套餐假日沒供應，就算星期五晚屬假日，為何宣傳單張寫明星期一至日供應？有違商品說明！中伏二：點了干炒牛河及豬頸肉撈檬，干炒牛河牛肉得幾片， 而且牛肉完全冇牛味，撈檬和牛河份量亦偏少，價錢亦偏貴。中伏三：餐廳面積正常，擺位卻很擠迫，枱與枱相隔只有4吋左右，坐埋邊位很難進入，走廊通道亦很窄，員工服務態度更是飲食業致命傷， 原先以為幸運地安排2人坐4人卡位，當我們2人點了餐後，立即無說因由要求我們2人轉2人枱，見餐廳開始多客，亦準備讓出4人卡位，此時才聽到侍應叫4位到我們的4人卡位，稍後我們再留意先前的4人卡位，由始至终都是另外2人坐，不是4位，大家說這是甚麼原因，不是先坐先得？
繼續閱讀