金屋泰國菜館

荃灣泰國菜餐廳選擇多.今次我試咗近Citywalk嘅依間餐廳, 真心唔錯!菜單超豐富.串燒、炒菜、河粉、海鮮、甜品, 應有盡有.而且價錢親民, 性價比高.令我忍唔住叫多幾款嚟試.泰式濕炒豬肉河粉 (HK$78)可揀乾炒或濕炒.肉類方面, 有豬、牛、雞揀.今次我就揀咗個平時少食嘅濕炒豬河.濕炒河芡汁會比較多.河粉幼身, 口感煙韌.係用豆瓣醬炒, 好香, 好有鑊氣.除咗有豬肉片, 仲有菜同埋菇.調味適中, 食落唔會好鹹.沙嗲串燒雞肉 (HK$88/6串)我覺得沙嗲配雞肉係最好食, 所以揀咗雞串燒.依個雞肉燒得乾身咗啲.不過點埋濃郁嘅沙嗲醬食都幾惹味.馬拉盞炒鮮魷通菜 (HK$88）炒通菜都有兩款.我揀咗有魷魚嗰款.魷魚爽脆.通菜微辣.我覺得用嚟餸飯應該幾啱.芒果糯米飯 (HK$38)白色嗰隻硬身啲.紫色嗰隻軟糯啲.芒果超甜.落咗椰奶嘅糯米飯甜甜地鹹鹹地咁, 我覺得好好食.原個鮮椰青 (HK$35)椰青好大個.椰青水好清甜.菠蘿沙冰 (HK$30)夠晒冰.唔係好甜.飲完好爽.整體嚟講, 呢間泰國菜味道地道, 選擇多, 抵食又滿足.鍾意食泰國菜嘅朋友, 值得一試!…查看更多

之前行過荃灣，無意中發現咗一間泰式餐廳—金屋，今晚收工就同朋友一齊去金屋食泰國菜泰菜好正宗，我地叫左好幾樣，點知一試就停唔到口，食咗成餐從前菜到甜品都好滿足(˶‾᷄ ⁻̫ ‾᷅˵)♡ 🦐 生蝦刺身蝦肉新鮮爽甜，冰凍得宜，配上酸辣魚露醬汁，入口即爆汁，酸香刺激味蕾，係泰式刺身中嘅高水準之作🍲 冬陰功大蝦湯（小）雖然係細份，但湯底濃郁，酸辣平衡得好，大蝦夠鮮🦐，仲有不少海鮮，湯入面仲有香茅、南薑、辣椒等香料，飲落暖胃又開胃🐷 泰式燒豬頸肉外層微焦，內裡油脂分佈平均，肉質煙韌唔鞋口，配埋酸辣醬汁一齊食，真係惹味到唔捨得停口，係全場最搶鏡嘅主菜之一🍧 芒果沙冰芒果味濃郁，冰沙細滑，唔會太甜，食落清爽又解暑，係炎炎夏日嘅完美選擇🥥 椰汁珍多冰椰香十足，珍多條爽口彈牙，甜度啱啱好，飲落有種喺泰國街頭嘆返杯冰飲嘅感覺，好有風味🥭 芒果糯米飯堂食價只係$38，必叫推薦‼️芒果新鮮香甜，有黑糯米及糯米兩種，煙韌唔黏牙，椰汁香濃但唔膩，甜品收尾非常完美，食完有種幸福感💕價錢合理，以荃灣區嚟講，性價比高，食得飽又唔傷荷包氣氛舒適，環境乾淨，坐得舒服，適合朋友聚餐或輕鬆一餐…查看更多

喺荃灣街市街發現咗間幾唔錯嘅泰國菜，由泰國人主理，價錢親民👍。今次試咗幾款菜同飲品，款款都好食，埋單唔使$400，好抵食，推薦！【鮮菠蘿海鮮炒飯 🍍】一上枱就見到份量幾足，夠兩個人分享🥰。飯炒得幾有鑊氣，顏色金黃，食落乾身。海鮮料都幾新鮮，加埋肉鬆同菠蘿粒一齊食，味道同口感都唔錯，鮮菠蘿嘅甜味令成個炒飯更開胃😋。【泰式海南雞 🍗】海南雞賣相唔錯，雞皮金黃，食落爽滑唔肥。雞肉嫩滑😍。點埋佢哋嘅泰式薑蓉或者少少辣汁，味道更加好。【雙色芒果糯米飯 🥭】有白糯米同紫米兩種，口感煙韌，咬落軟糯。芒果幾甜，配埋椰汁一齊食，味道剛好，作為飯後甜品幾滿足🌟。【鹹魚茸炒芥蘭 🐟】呢個係幾有驚喜嘅選擇💡！炒得幾有鑊氣，鹹魚茸嘅香味好突出，但又唔會太鹹，反而帶到芥蘭嘅爽甜。食落脆口，好送飯🍚。…查看更多

今日行經荃灣，想試泰國菜。喺網上見到貼評論話呢間係由泰國人主理，食物夠地道，而且性價比幾高，就嚟試吓啦。鮮菠蘿海鮮炒飯$98 🍍🍍🍍菠蘿炒飯係小編細個去親泰國餐廳都會叫嘅菜式！不過呢幾年菠蘿炒飯叫價越來越高，閑閑地都百幾蚊。估唔到呢度$98就食到，而且份量都唔少，有蝦、青口、魷魚等等嘅海鮮，飯粒乾爽，粒粒分明，唔會過分油膩，而且好香薑黃嘅味道，間唔中仲會食到提子乾酸甜嘅味道，係個物超所值嘅菜式。泰式炒通菜$72 🌶️🌶️呢個絕對係惹味濃郁嘅代表，通菜爽口，調味鹹香，辣椒嘅味道都幾突出。平時食開10小辣嘅小編覺得辣咗少少，但一樣忍唔住嚟食證明佢有幾惹味！泰式燒豬頸肉$88🐷🐷豬頸肉外邊脆脆地，肉質爽口，調味唔會過重，主要係靠醬料甜辣嘅味道大喜。不過就略嫌又香少咗啲，再邪惡啲應該會更好食。肉碎生菜包$88🐖🐖份量好多好夠，絕對夠一大班人分享嚟食，碎嘅調味係偏酸，有明顯嘅青檸汁味，帶少少甜辣嘅味道。配合生菜，小編覺得係個幾清新開胃嘅菜式。原個鮮椰青$35 🥥🥥🌴泰國椰青絕對冇死，味道香甜，而且餐廳好貼心，開咗一個大窿，方便我哋挖啲椰青肉嚟食。…查看更多

今日就同朋友去左金屋泰國菜館餐廳好有泰國風情，菜式選擇繁多鮮蝦扎肉米子卷米紙晶瑩剔透，包住鮮甜彈牙既鮮蝦，生菜爽脆鮮甜，再點上酸酸甜甜既醬汁，清新開胃椰皇焗海鮮飯用咗椰皇裝住焗飯，堆到超滿, 飯粒粒分明，帶有淡淡的椰香，仲有大量海鮮配料，同面頭嘅腰果增加層次感冬陰功海鮮湯河粉海鮮配料豐富 ，有齊鮮魷，青口，大蝦等，河粉索滿酸辣香濃嘅冬陰功，口感滑溜彈牙馬拉盞炒通菜通菜索滿馬拉盞既鹹香，加上辣椒，味道微辣，鑊氣十足芒果糯米飯芒果香甜，糯米飯有齊紫米，同糯米，口感軟糯，淋上濃郁的椰漿，經典獨特…查看更多