金寶泰國菜館 (已搬遷) 新店位置

去了九龍城搵食搵到黎呢到其實之前已經好想好想黎架啦~今次孖埋男朋友仔黎我們點了~ 生蝦刺生> 蝦好大隻爽口又彈牙, 青寧味好香感覺好清新! 但對我來說辣左少少 咖喱炒蟹> 啲汁好好味送蒜溶包最夾, 有兩隻大蟹鉗~算係咁啦炸蝦餅> 有6件, 好抵食! 一定要彈牙啦串燒>呢個有少少失望, 因為對串燒的期望係一出場就會聞到好香好想食咁~但呢個無龍眼意米冰> 好得意呀~意米好香又唔會太甜2客蒜溶包> 真的好香好香, 原本order 一客, 後來都追加一客食到好飽飽走, 好滿足唯一有一樣野唔好~就係啲枱好細張同無位擺野呢到無加一收費架~好抵呀

在九龍城云云的泰菜館中，不計泰式燒王那些走較另類路線的館子，最好吃的也覺得是這間及在南角道的隆姐，而這間店子的勢力也非常之大，基本上是雄霸了衙前塱道的一邊，今天和女友家人同來，一起吃一頓正正式式的泰菜。我和女友先到步，在安頓好座位後，她的家人也到齊了，也是大家研究餐牌的時候了，此處可隨意點泰菜及越南菜，是同一集團的，有看蔡瀾先生的節目都知其老闆從柬埔寨來的，所以鄰國的泰菜及越南菜也煮得好，今天最後大家集中吃泰式的，在吃東西前，先點些喝吧，外邊天時暑熱，我們飲品點了兩杯青檸梳打及兩個椰青分喝。椰青味道清甜，椰肉也豐，着實不錯；另外的青檸梳打也不錯，用上一整個青檸，而且夠大杯，冰冰涼涼的喝起來，也沒有什麼好彈，但價錢方面是貴了一點吧，看其水吧的製作過程，只是以一罐七喜，加入有一個青檸的杯中而已，咁就要二十五元？再來大家已想好吃什麼了，當然是要吃它的名物生蝦刺身及醬爆蝦丸，另外吃泰菜又怎可少了冬陰公湯的份兒呢，另外也點了一個泰式拼盤，什麼都有，試多點東西；有咁多頭盤，也要吃些少主菜，主菜點了一菜一肉，肉的是黃咖哩雞，而菜的是鹹魚炒芥蘭；最後的澱粉質是菠蘿飯及炒金邊粉，也應該是很夠吃的了。先談

星期六晚, 金寶成為我地食泰國餐之選四個餸包括了:泰式辣辣醃粉絲 -- 一般辣, 不過幾酸, 青檸味, 洋蔥, 雲耳, 蝦, 魷魚, 蝦米, 用料豐富, 開胃野一碟, 味道ok酸辣蜆煲 -- 味道同個醃粉絲差唔多, 不過就辣啲, 蜆肉本來鮮甜, 但煲太耐靭到死, 係一個唔係太適合用煲慶住食的菜色 不過味道都幾刺激開胃, 特別係粉絲索左湯味道唔錯, 不過要即食!蒜蓉a菜 -- 夠熱, 幾好食椒鹽軟殼蟹 -- 呢個要推介, 好正, 椒鹽好香口, 送白飯一流!甜品係椰汁西米糕, 有香蘭葉的香味, 椰汁好正, 係比較好食的一間!味道有好有唔好, 不過都合格

唔明唔明真是不太好味BOR, WHY 其他人多是贊既?我上一個月來時食了D牛肉, 串燒, 炒通菜都唔太好食, 以為是那麼巧合SO我再來第二次, RESULT也是一樣的====唔好食MAY BE我食既野唔係呢間既招牌菜????蝦餅唔特別WOR...OK ONLY個椰子SEAFOOD飯, 心是微暖的, 似在食隔夜飯, 又無咩料係裡面, 好難食個咸魚炒芥蘭又真是咸到過了火位...個翅是最OK, BUT也是極重味精SERVICES是OK既, 我地叫她們拿拿聲幫我地整熱個飯也即做, 有個人整跌我杯野飲, 佢地也第一時間過來幫手...價錢也是麻麻地貴, 若以地方及食物水準衛生PASS的

話說71 成班朋友去kowloon city 食金寶 一起到差d冇位 .. 最後俾左間房我地 .. 好正我地7個人 .. 叫左 菠蘿焗飯 呢個冇咩特別 泰式炒蜆有小小spicy 岩岩炒出黎又熱又好味 炒芥蘭 .. 呢個炒得都ok .. 唔會話太淋 又唔太硬 岩岩好 泰式拼盤(細)試左個蝦餅 .. 都ok 泰式炒金邊粉 朋友話加d 糖落去好味d .. 但其實呢個已經炒得不錯 青咖哩雞 呢個最主要用黎撈飯食 .. .不過不失啦 烤豬頸肉 .. 呢個烤得有點乾 .. 唔太好味 串燒半打 .. 雞同牛都烤得不錯 一人一杯特色飲品 4個飯 總括黎講試一次就夠了 .. 下次都要去食番泰好味 !!

星期六的晚上, 到九龍城金寶食泰國菜, 去到門口, 見到蔡瀾同老細傾緊計 唔知佢地傾乜, 係咁笑被安排同人搭枱, 唔多鍾意, 雖然我得兩個人, 都想獨佔一桌呢! 坐低之後, 開始諗食乜, 泰啤係必須品, 兩枝凍泰啤先叫, 可惜個杯唔夠凍, 點明爐烏頭, 冬蔭功, 蒜蓉a菜做今次晚餐明爐烏頭係泰國餐的化表菜, 好唔好食好決定間泰國餐的水準, 之前見有一食評大讚, 仲要原諒佢的"粗暴", 好似會唔錯, 所以這道菜係必選的, 叫烏頭不叫生魚係怕多骨, 烏頭啖啖肉, 感覺會抵食! 最滋味的, 不是烏頭魚肉, 反而係浸在酸湯的椰菜, 本來唔算十分肚餓的我, 居然因為呷了特級開胃的酸湯跟酸味椰菜而鯨吞了兩碗白飯, 此情景讓我想起了"食神"入面厭食症病人搶食賴尿牛丸的一幕, 的確地, 這道刺激的酸湯會令一個胃口普通的人開懷大吃的因為想開胃, 冬蔭功都係特登叫的, 都係酸辣的門路, 一路啤一路食, 一路傾, 這味冬蔭功, 味道都係很出色, 係試過的冬蔭功之中較好味的一間, 特別要提係未煲滾之前同煲滾之後係完全兩個味道, 煲滾之後飲會好味得多炒菜就失色了, 多油不特止, 好似水汪汪的感覺, 吃了兩條就剩

以往的九龍城係食家朝聖既地方，現在呢...嘿嘿，今晚去左呢間金寶試食，好旺場一連三間舖都係佢地開，坐下不久 full house。食完之後不禁慨嘆，點解仲有咁多人會再黎食既。去到點了每次食泰菜必食的生蝦.......1. 泰式生蝦 (夠新鮮，但汁料一點都不夠辣，完全唔覺得食緊泰菜)2. 辣椒膏炒蜆 (蜆肉夠新鮮，但一點都不辣，帶甜，失望)3. 冬陰功湯 (蝦發霉，都係果句一點都不辣，失望)4. 紅咖喱蝦 (完全失敗之作，無咖喱味，蝦一點味道都無，非常差的一道菜)5. 越式生牛河 (湯唔夠味，粉唔滑，失敗)金不換或次一級既曼谷泰菜任何一味都好過這裡。清亭的生牛河亦比這裡好食好多。我地已醒目，逐樣逐樣叫，因起菜快，食物好快凍。而每次 order 都會加多句 『要辣啲』但原來係無用。呢種食物質素唔會有下次幫襯了。是夜盛惠三百幾。

訂了位, 準時到達, 店員安排我們到同名的越南店內坐...原來三間店都同屬一個老闆.看了 openrice 的食評而來的我們, 點了活蝦刺身, 冬陰功, 辣椒羔炒蜆, 干炒紅咖哩蝦球. 泰國啤酒.蝦刺身汁好味, 但不及我們之前食的咁辣. 冬陰功味道算 ok, 但不夠辣. 湯中的蝦好梅. 紅咖哩蝦球好差. 咖哩一點都吾香. 蝦完全吾入味. 成個碟都係 d "獻". 反而炒蜆做得好好, 蜆夠新鮮, 一粒沙都無, 值得推介.不過可以點埋越南食品, 又幾方便. 點了碗生牛河試下. 湯底吾夠味, 河粉不夠滑.坐位是預期中的窄, 所以最好不要一次過點菜, 否則一次過上菜會無位放.

食盡九龍城2nd station叫左 生蝦刺身($70@8隻) 冬陰功($45) 醬爆蝦丸($60@4個)生蝦刺身我唔食得辣..但呢個大家都一致好評!!好食! 辣左d咁~但好野味冬陰功大家都話好好飲~唔辣既但飲到底好salty= =醬爆蝦丸中間有蝦膏汁食落先覺得好大粒都不錯,但太貴了 (成15蚊一粒)同埋樓面唔顧d客人,加水, 埋單,成日都要我地舉高手一輪先識過黎做野

老豆都差不多六十歲, 平時會同佢閙吓交鬥吓氣, 但, 個心始終好錫佢父親節到, 食餐飯慶祝係必然, 只係想帶佢食到好野, 可以開心啲 穩陣之選, 係去金寶食泰國菜!坦白講, 金寶唔係樣樣野都好食, 不過有兩三樣突出的, 已經曾吸引我來, 好似個爆醬蝦丸, 入面啲蝦膏好香, 不過有時會得好少, 要向侍應投訢 今次就好彩四粒都正常, 無畸胎!新發現之前無食過又好好食係個牛油大頭蝦, 一隻開邊再斬開六份, 隻蝦好大隻, 用牛油炸到金黃真係好香好脆同好好食! 個泰式炒粉都唔錯, 金邊粉唔會炒到漿糊, 而係一條條仲有小小彈性, 味道ok, 加埋青檸汁食都幾有風味炒芥蘭就一般, 唔知點解泰國餐的炒菜總係好多油, 呢度都唔例外三個人食, 二百五蚊, 父親節就係咁過

禮拜日父親節,之前於Open Rice見到唔少人話金寶唔錯,於是抱住 “姑且一試” 嘅心態去試.叫咗1.活蝦刺身 $70蚊9隻2.咖哩炒蟹(細) $1203.泰式拼盤(細) $804.鹹魚炒芥蘭 $385.泰式炒粉 $486.泰啤(細) $207.白飯兩碗 $14活蝦刺身 : 一早已經知道刺身份量唔多,但味道亦無咩驚喜,不算鮮,只是很重的蒜味,同好酸咖哩炒蟹(細) : 蟹肉有d “梅梅地”,至於個汁就太重椰汁味,蓋過d 辣味,真係食唔出有辣味泰式拼盤 : 蝦餅的確直得一讚,蝦春卷都唔錯 但香葉雞同雞肉串燒就有陣雪味,所以爸爸都唔太鐘意鹹魚炒芥蘭 : 一般,不過不失泰式炒粉 : 我原本期望好高ga,可惜食時好失望下.原因係粉炒得唔夠乾身,d料又少,總之就獲氣麻麻順帶一提,枝泰啤無諗過係黎枝細嘅,咁都算,但無諗過咁細枝都要成廿蚊,唔係咁抵囉!我寫的食評可能有d harsh,但呢d真係我和家人的食後感.Father’s Day想食泰菜係因為啱啱5月底去完泰國,固此難免有所比較.以泰式炒粉 ( Phad Thai) 為例,我喺 Siam PXXXgon Food Court 食,計番hkd

講到食泰國野，自不然會想起九龍城一帶食肆。是夜等男友收工後，就乘車過來~沒有特定心水想吃哪一間，由他拍板好了。金寶還是第一次來，服務態度之好令人留下深刻印象，食物方面，同樣不俗。我們二人都吃得開懷，清哂大蝦沙律：本想叫木瓜沙律的，但自己貪新鮮叫了這個，結果只屬平平。有木瓜絲、青瓜絲、洋蔥、蘿蔔絲，幾爽口，但新鮮度一般，面頭再加上花生碎增加香口感。主角大蝦算彈牙，爽身，但就沒鮮味~因為泰式關係，有豬肉片、札肉、蝦片拌碟，個人對此組合麻麻中意。幸好個汁酸酸甜甜好醒胃，撈埋一齊食的確幾fresh。醬爆蝦丸：一碟四大粒。剛炸起熱辣辣，新鮮之餘亦非常可口。外層麵包糠酥酥脆脆，蝦肉彈牙爽身，內裡是充滿蝦醬的蝦籽，咸香味十足，唔錯~可蘸上甜酸醬同吃，幾好，但個人就比較喜歡較刺激的泰式辣醬。這個醬爆蝦丸值得推介。泰式炒金邊粉：男友必食之選。金邊粉雖然不是條條分明，但起碼不會一大 Pat 黏在一起，粉條煙韌彈牙；配合芽菜、蛋、蝦、火腿、豬肉、蔥、豆腐卜、蝦等等同炒，頗豐富，炒得不會太油膩，有鍋氣，夠惹味。明爐烏頭($120)：此菜式明顯是我的主意。大大條烏頭以鐵爐上陣，有點像打邊爐的形式，魚上放了很多配

上星期日媽媽生日,所以去左好多人推介的"金寶泰國菜館",諗住咁多人話好,應該唔會難食得去邊啦,點知...唉!咁大個人都未試過d咁難食ge野,我地叫左,串燒,冬陰功,大頭蝦,波羅焗飯,泰式雞河,青咖哩雞,海鮮炒飯,泰式通菜,蝦餅...仲有幾樣,唔太記得,,串燒凍ge,好似食冷盤咁,冬陰功唔入味.d料唔新鮮,大頭蝦得d牛油味,冇蝦味,波羅焗飯都唔係焗飯,係炒飯,泰式雞河d雞肉硬ge,唔知係雞ge咩部分,仲有d毛,幾恐怖下.青咖哩雞d汁好稀,d雞唔入味,海鮮炒飯算係最好食的一個,泰式通菜暖暖地,唔知佢點整ge,蝦餅都幾好,不過應炸起左,放左好耐,凍晒...食物太貴,太細碟,唔好食...講完!!!

見食評唔錯, 又抱住試下係咪咁好食既心態去la~冇錯!!!事實好多人食果晚~仲勁full要上樓食tim~不過食物真係一般, 可能口味唔太岩自己la~個活蝦刺身真係唔錯, 不過係本人唔太食到ja~個蝦羔炒飯...飯味道唔錯bo~不過上面隻蝦好似白烚...同飯超唔夾咁既@@外表睇仲以為有味, 都是被色水騙了

第一次到呢間食野, 因為見OPENRICE評語幾好!我地六個人食：冬蔭公湯-ok唔錯, 幾正宗咖哩炒蟹+蒜蓉包-味道ok, 不過D汁加埋蒜蓉包先係好味!扎肉絲凍濛-一般菠蘿炒飯-幾香, 買相幾靚粉皮卷(唔得左叫咩名, 大約係咁)-有D怪味(e.g X茜), 唔係太好食...太多菜拼盤小食-有蝦卷(好味), 蝦餅(幾香口), 炸雞(我冇食到, 不過其他人話幾好食架), 串燒雞加埋汁幾好味(我覺得可以再好d)椰子焗飯-太濕, 又甜, 又喊, 食唔慣= ="芒果燸米飯-暖暖地既, 係泰國食個d好食得多(唔知係咪我地食得飽飽地既關係, 唔太喜歡)咁多樣野6個人食夠哂飽!另外叫左杯蜂蜜龍眼意米水, 潤→好味朋友叫左杯椰青飲左啖, 幾清甜服務：ok啦, 可能人手唔夠, 叫幾次先有人知