金寶泰國菜館

營業中

休息中

三五知己來到九龍城當然要去食泰國菜，其中一個朋友極力推薦金寶泰國菜館，還要我們一點前到達😝因為一點後非常多人又要排隊，為了避免排隊我們12點半已經到達，當時已經有四台客人了，幸好我們早到🤣我們四人每人點了一個午餐另外再加一個泰式小食拼盤和一碟馬拉盞炒椰菜！份量相當足夠我們飽飽的離開😊最吸引我的是泰式小食拼盤，雖然我們叫了細Size，但是份量也不少，用七葉蘭（植物一種）包住了雞肉再炸，令雞肉味都香噴噴，炸完之後雞肉也不覺得乾身，超凡的水準🤩環境非常寬闊👍🏻👍🏻

店舖位於九龍城中心，旁邊馬路有巴士及小巴等可以出入市區包括旺角等。因為泰國菜館滿座，店員安排我們去旁邊越南餐館，細問才知道是同一個老闆，餐牌座位等也共用。雖然座位並不算闊落，但乾淨利索，餐廳送菜時間安排妥當，並不會有放不下食物的情況發生。椰青hkd32@內里椰青肉奶白而薄滑，一挖即落，肉質幼滑，椰青水入口冰凍，清爽而滿滿甜度。活蝦刺身hkd95泰式活蝦每隻完整晶瑩剔透，肉質爽甜富膠質，味道鮮美，剁椒蒜香增添香辣度。冬陰公湯（細）hkd70湯底較濃，海鮮佐料及調味料也非常足，入口香辣帶鮮味，內有不少菌類及蝦肉，吃喝也讚。泰式炒通菜hkd50整碟份量很多，火喉足才令通菜熟透之餘能保持鮮嫩，泰式醬汁香濃微辣，入味十足。鹽燒烏頭hkd170皮燒至勁脆身，再起皮食用。入口魚肉肉質柔軟細膩，魚香而油潤，味道清新而帶鮮魚的香甜，若果喜辣或重口的朋友可配上酸辣汁享用，同樣美味。辣椒肉碎炒飯hkd60炒飯質感柔軟，保持水份，味道香辣，牛肉粒作佐料，增加口感。整體來說，餐廳食物價廉物美，環境乾淨利落，服務親切快速，份量很足，性價比很高。

朋友話想食泰國野, 所以就揀左黎金寶食, 見到一條街都有3間金寶, 應該冇揀錯餐廳既我地安排左係隔離既金寶度食, 但原來2間餐廳中間位都係通, 應該係方便收銀! 呢度坐得都舒服, 我地2個人都可以坐4人檯, 咁就唔使怕迫啦~酸辣無骨鳳爪由細到大都好鐘意食酸辣鳳爪, 做前菜真係好岩, 酸酸辣辣既味道可以提高食慾鮮蝦卷呢個鮮蝦卷比想像中大件, 有粉絲生菜等包住蝦一齊食, 口感好豐富! 最緊要點個汁, 咁就唔會食到好乾~馬拉盞炒通菜通菜好爽脆, 炒得好夠味, 份量都幾多架豬頸肉凍檬呢個凍檬會另外上一小碟汁撈埋, 我覺得好好, 平時自己拎住一壺都會倒得太多, 而家咁食令到個撈檬既味道岩岩好, 個豬頸肉好厚肉, 燒得好香鹽燒烏頭魚呢個menu話要等45分鐘, 不過原來等待係值得既~條魚一上檯就已姐聞到好陣香味, 而且又唔會燒到太乾, 魚肉點埋個辣汁食好正, 我地2個直頭清哂成條魚雖然話係泰國餐廳, 但都可以揀越南菜食, 估唔到咁有驚喜, 下次一定要再黎食呀

舖細座位小，坐得比較迫。但服務都好好，而上菜好快。泰國菜頭盆當然係蝦刺身，蝦肉彈牙又鮮甜， 蒜頭辣椒滿滿，味濃夠晒辣。泰式燒雞夠晒滑。咖哩大蜆甜甜辣辣好惹味。 冬陰功湯酸酸辣辣好夠味。春卷炸得又脆又香。原條蒸魚，肉質太淋，味道是靠湯底的酸菜和配料，魚味酸辣，吸晒湯底味。馬拉盞炒椰菜苗，味道就小小辣，但菜較為硬身。豬頸肉入口即溶，燒得夠香。炒飯夠乾身唔油，味道又不會太咸。拚盆有香葉包雞，炸蝦餅，炸蝦春卷和串燒。蝦餅彈牙又脆口，春卷又熱又脆。香葉包雞，有香葉香而且雞肉滑。

今日同埋媽咪家姐去九龍灣食泰國菜，呢間係我家姐推介食既，佢話次次黎食都食呢間，咀就梗係交俾佢發板啦我本身唔係好鐘意食凍野但都覺得呢碟生菜碎豬肉包好好食，肉類加生菜其實個口感好夾同埋有小小辣辣的，好泰式既小吃，好好食黃咖哩牛腩飯，咖哩汁唔太濃味，牛腩好淋爽口燒豬頸肉十個讚，好耐未食過咁好食既肉，燒得又香又熱，三字岩岩好，兩個字好食！必吃炒通菜，好大碟！味道岩岩好，我最怕好濃咪既通菜！會再去食過呢間泰菜！下次要多人食就可以再叫多d

友人突然好想食好味泰國food，我話去香港既小泰國「九龍城」食good Thai food先啦！二話不說，金寶泰國係我兒時食最多次既泰國餐館，現在呢間餐館係通貨膨脹下仍沒有大幅加價又保持食物質素，要食就食佢！點左5個菜，有活蝦刺身、冬陰公、泰式串燒，同埋泰式金邊粉，全部都即叫即製，熱辣辣送上，點左唔夠10分鐘，已經上菜，讚！活蝦刺身，一碟有8隻，蝦身爽口彈牙，唔腥，配上特製酸辣汁，既不會掩蓋鮮蝦鮮味，而且辛辣味在口腔內久而不散，不斷地挑戰味蕾，真是愈食愈開胃冬陰公（細）份量也不少，足足分到有約6碗。 材料也有十足既大蝦、香茅、南薑、蕃茄、草菇等等。辣味不會太嗆鼻，椰奶令它變得更幼滑可口。串燒可選豬/牛/雞，6支，我們全選雞肉。外皮燒烤至外脆可口，但內裡保持豐富肉汁。配上特製沙嗲醬，很好美喔！泰式金邊粉，材料豐富有大蝦及豆乾等，稍甜，適合「小辣」既朋友！總結：傳統泰國菜，有風味，價錢合理！最愛活蝦刺身！

去開九龍城，決定要食九龍城最出名的泰國菜，餐廳食物選擇眾多，而且價錢可算是抵，我地一行三人眼闊肚窄地叫足8碟餸: 串燒沙嗲($70)、馬拉盞通菜($55)、活蝦剌身($95)、椰汁青咖哩雞($60)、醬爆蝦餅($80)、泰式蝦春卷($60)、泰式炒粉($65)、雜菜炒咸魚($60)。先來的馬拉盞通菜同串燒沙嗲(雞牛豬各兩串)水準都很高，尤其係串燒燒得剛好，肉質嫩滑。接下來的活蝦剌身食得出食材新鮮，但由於沒有冰鋪墊，擔心室溫會變壞所以都急急先清光這一碟。椰汁青咖哩雞係這一餐最大的敗筆，咖哩汁水汪汪得沒有青咖哩味，令人失望。另外其招牌菜醬爆蝦餅果然名不虛傳，蝦餅內的醬汁為蝦膏，味道濃郁，而蝦餅亦十分彈牙，屬必吃之選，反而蝦春卷只能說是不過不失。泰式炒粉起初以為即平日吃的泰式金邊粉，結果用料雖一樣是蛋絲、銀芽、火腿之類，味道卻完全跟廈門炒米一樣! 但平心而論，味道還算是不錯。最後雜菜炒咸魚味道真的是太咸，早知道不會叫這碟菜。總括而言，除了一兩碟中了伏外，其他總算是物超所值，可以再回頭。

男友人成日黎食，話好好味，今晚就試下有幾好食先。佢強烈推介咸魚炒芽菜，本身有啲抗拒咸魚味，但原來都幾好味，係好香嘅咸味，芽菜都炒得好爽口，無介紹錯。佢另一推介係燒豬頸肉，燒得好香，本身帶少少油香，點酸醬食，而且幾大碟，果然好食！咖哩鮮雞煲，咖哩香甜而唔辣，入面有雞件同薯仔，用法包點咖哩好好味！生牛肉河，好鍾意個湯底，係啡色嗰隻湯，加埋魚露好酸甜，河粉幼滑，又係好正，差啲飲哂個湯！牛肉卷，入面有芽菜同粉絲，外皮煙韌，魚露被吸入卷入面，咬落清爽多汁，好大卷，夠飽肚。最後叫埋甜品芒果黑糯米飯，糯米飯好香，而且熱辣辣又軟熟，芒果夠甜，必試！

今日帶男友同他媽媽去九龍城食泰國菜，九龍城的泰國菜館有很多，行經呢間金寶泰國菜館，老闆出嚟介紹話有越南同泰國菜，一間餐廳可以食兩款菜，一於試試。泰式拼盤(細)($95)，呢個拼盤三個人share剛剛好，好抵食。串燒雞燒得好香，加上沙嗲醬非常美味。蝦餅同春卷都好香脆。泰式生菜包配辣豬肉碎($60)，個肉碎帶點微辣同青檸酸非常開胃，平時喺屋企煮唔到呢個味道咖喱鮮大蝦煲配法包($90)，呢款係越式咖哩，食落去有d甜，我諗泰式會比較岩我口味，如果唔食辣嘅可以試吓呢款，個法包上枱時仲好脆同暖。香茅豬頸肉凍檬($50)，個豬頸肉燒得好香好好味，檬粉就正正常常，配埋個汁幾惹味。椰汁西米糕，椰汁千層糕 ($20)，$20四件可以自由配搭，椰汁西米糕好味，有芋頭粒喺底層的西米入面。人均只係百一左右就食到甘多野，性價比算幾高，坐位又算多，下次來九龍城可以再試。

一黎就串串串， 問生牛肉河可唔可以要熟d, 佢就話可以全熟，無半生熟，問多兩句就黑口黑面， 真係火都黎埋。 咩服務態度！ 心情差食咩都差啦！ 叫完食物又唔回覆單， 問佢覆覆單， 就好惡咁話你寫左就睇到啦。 未食野先打八十大板！ 真係無下次！其實除左燒雞翼唔錯之外， 其他野食真係唔值得食。if i have another chances, i will find a better services and better food! now, this restaurant become less and less ppl to come! 小心老女服務員，會比人黑面

好友在外地回港探親，兒時在九龍城區長大，便相約一起在這裏懷緬 一下，他提議吃泰國菜，曾經聽同事提過此店不錯，便來嚐一嚐。可能星期一關係，客人不算太多，我們坐了一張4人枱， 環境舒適，座位鬆動，最重要是天氣炎熱，冷氣溫度夠涼快，我們點了醬爆蝦餅、咖哩大蝦煲跟法包 、香葉炒大蜆、串燒沙嗲、泰式炒通菜、鮮菠蘿梳打冰和青檸梳打， 整體食物質素不錯， 最欣賞是醬爆蝦餅和香葉炒大蜆， 材料夠新鮮，烹調夠惹味。醬爆蝦餅， 啖啖蝦肉，炸得外脆內彈牙，醬汁夠惹味咖哩大蝦煲跟法包， 大蝦鮮甜，咖哩汁微辣有淡淡椰汁味，配上法包一齊吃，真是最佳 配搭香葉炒大蜆， 夠鑊氣，蜆肉肥大肉厚，味道鮮甜串燒沙嗲，燒得不會太乾有肉汁，配上醬汁好味。泰式炒通菜， 夠鑊氣，菜夠鮮嫩鮮菠蘿梳打冰和青檸梳打， 在酷熱天氣警告下，來一杯透心涼，暑氣全消

不少泰國人聚居九龍城，因此開了不少賣泰國香料店鋪及泰式食肆，雖然泰國菜館在九龍城區選擇甚多，但每當大伙人想到九龍城找正宗泰菜吃，腦海總會第一時間泛起金寶兩字。金寶於九龍城開業20多年，老闆為柬蒲寨華僑，柬蒲寨左面與泰國為鄰，右面則是越南，因此老闆非常熟悉兩國的地道美食，開業初期只賣泰菜，後來兼賣越南美食，全盛期間金寶在九龍城有多達5間鋪位經營菜館，現只剩下3個鋪位經營金寶。現在的金寶有着三個招牌，三個門面，最左邊及最右邊掛着越南菜館招牌，夾在中間的一家，乃掛起金漆老招牌的金寶泰國菜館。雖然三家店都掛着不同招牌，店面亦沒有打通，不過三家店的廚房厠所均為共用，每間店的後門都通往同一條後巷，鋪與鋪實際可以互通。是次到訪金寶，除了吃他們的泰菜，當然亦少不了點些越式食物，原來想點一道普通不過的生牛肉河粉，後來看到有一道名為順化牛肉麵的食物，想到從未在越南餐廳吃過麵條，便點了該道麵食。順化屬於越南中部地方，在河內的南面，這麵用上廣東生麵製作，相信越南地道的並非以生麵入饌。香蔥油及生蔥花配以薄牛肉撈麵，香蔥油撈過的麵條惹味非常，薄牛肉片焾滑無渣帶牛香，用料質優，乃一道不俗的越式美食，美中不足之處是麵

Kowloon city provides different variety of thai food for many years, and Cambo should be one of the most long-lasting restaurant there. The main reason probably is that the restaurant is well decorated, clean and the food quality is stable.My friend and I order 5 dishes tonight as we havent ate thai food for a long while.The curry crab costs $280 only but it provide 2 big size crabs for us. The crab meat is incredibly fresh, tough and perfectly matched with the curry, we cant wait to order some

金寶當然係老字號, 細細個已經聽過, 現在已經連續三個舖位, 做泰國菜加埋越南菜，晚飯既時段，全間餐廳滿座。蝦餅好脆口, 熱辣辣, 蝦膠又厚又彈牙咖哩炒蟹 $280 (大) 共兩隻蟹, 蟹肉好結實新鮮, 咖哩有洋蔥、芫荽、唐芹同辣椒，香而不辣帶甜味。咖哩醬拌蒜蓉包一流, 蟹鉗位置滿是蟹肉。冬陰公湯上枱時用火烤著, 唔使驚佢凍左。微辣唔會太酸帶點甜味明爐烏頭個汁少少酸, 魚肉可以吸曬汁, 又暖又香, 仲有另上湯可以慢慢加。炒椰菜苗係泰國菜既專利, 鑊氣十足芒果糯米飯, 有白糯米和黑糯米, waitress仲問你揀黑，白，定兩溝。芒果好甜好新鮮

又想食泰菜啦 今次去全港人都知既泰菜集中地-九龍城 行左幾間就揀左金寶泰國餐廳 地點就腳入到去就見到食家蔡生既筆墨 味道既保証喎 仲有漫畫掛牆 等野食個陣可以睇下 幾有趣 畫中仲介紹埋金寶老闆姓吳 哈哈唔使同人搭枱 坐得又舒服 可以慢慢揀野食 靜靜傾下計 我叫左 生蝦刺身 雞牛豬串燒 海鮮湯 生牛肉河 炒A菜 但我眼闊肚窄 飽得濟 無奈放棄甜品先黎生蝦刺身 大大碟 鋪得好整齊 食落蝦肉彈牙 唔會話淋啤啤出曬水 配埋蒜蓉辣椒 好開胃呀雞牛豬串燒 食泰菜必點啦 燒到少少焦又有味 我鐘意呀 生牛肉河 牛肉幾靚 d湯又夠滾 浸一浸就食得 唔會熟得濟 海鮮湯同炒A菜 清清地又飲下湯 清下腸胃 正