金子半之助 (新都會廣場) (已結業)

係幾年前去台北旅行經過一間丼店，見到好多人排長龍心想不如一試，Menu上原來全部係天婦羅仲我最鍾意食海鰻 ，心心眼😍又走出嚟，食完回味無窮終於等到香港開分店，真心好期待😆. .❥ ❥ ❥江戶前天丼 $138鰻魚控既我一定會order熱門丼飯，嚟到真係見到好邪惡天婦羅🍤😍真係好豐富，超長穴子加入古麻油同柚子帶出酸味好香口，海老夠彈外面好脆，魷魚餅係最大驚喜裏面魷魚🦑天婦羅爽脆可口，仲有溫泉蛋同埋炸海苔 ，隻溫泉蛋攪拌白飯粒粒分明軟硬適中，漬物牛蒡同埋醃製蘿蔔帶出一種酸酸甜甜好開胃，份量啱啱好足夠一個女士食. .❥ ❥ ❥上天丼 $118同江戶前天丼一樣有牛蒡、醃製蘿蔔、海老魷魚炸天婦羅餅仲有海苔、溫泉蛋多咗鱚魚 ，一大件鱚魚天婦羅好吸引，炸過後鎖住肉汁好多油脂，裏面肉質鮮嫩外面鬆脆，味道唔錯🙂 ✨仲有一杯叫做黑豆茶，裏便加咗黑豆入加熱水浸過後飲用即刻解油膩😉

又到星期五！辛苦了整個星期，蜜桃小丸子決定要慰勞一下自己，於是便決定要吃邪惡的炸物呵呵呵！之前試過在灣仔的分店吃，今次便試葵芳這間。店舖較灣仔的小，所以我雖然六時多去到，已經座無虛席！位子與位子間相距較近，但由於有白板隔著，反而有私隱度。餐牌主要有三個選擇，我當然選了最豐盛華麗的江戶！它的穴子是主角！一整條炸給你，很豪呢！正所謂有圖有真相，一看到滿碗子的炸物，聞到香噴噴的油香，真是令人垂涎三尺！有時候就要好好的寵自己呢！一口咬下炸穴子，肉質結實，但又同時有淡淡的油香在口裏遊蕩，忍不住再吃多一口。炸海苔有濃濃的紫菜味，原來炸的都一樣好吃！吃幾口便把半熟「炸蛋」化開，蛋汁滲入粒粒珍珠米內，配上甜豉油，真是很療癒呢！假若怕熱氣，餐廳貼心附上酸甜漬物，還有湯，令整個用膳體驗更錦上添花。總括來說，間中也要邪惡一番！吃吃炸物來舒緩身心！

台灣過江龍，真係再係香港試下係咪真係咁好食！疫情底下都無損佢多人食既情況，我地teatime去到都基本上有7成坐滿😂不過好彩唔洗等位姐。我地分別叫左江户前天丼同上天丼，2個既分別都唔大，配料基本上可以話係一模一樣而最主要既分別就係主菜既唔同，一個係穴子亦即係星鰻，另一個就係鱚魚😚 說真的，我就認為鱚魚既肉質比較滑溜帶有魚鮮味，就算經過炸物既處理之後，滋味亦都冇降低😚而穴子就係視覺上既衝擊，成條穴子差唔多有前臂咁長，同friend share一半就啱啱好🙊天婦羅凍咗之後仍然不失美味雖然外皮始終有少少淋，但係配上天婦羅汁撈飯真係一流！！餐廳實施開放式廚房，客人對於料理嘅過程可以睇得一清二楚。亦都唔使怕廚師偷工減料，另外我最欣賞嘅係呢度嘅"茶" ，佢唔係普通嘅玄米綠茶，而係杯入邊有兩粒黑豆嘅玄米綠茶可以消膩解渴清熱氣，真係要飲多2杯先得🍵

間唔中就會有衝動好想食返個天丼 呢間起葵芳近近地起新都會廣場食金子半之助既丼飯正唔正😛 睇睇佢既menu 原來呢度得三款丼揀 所以我地好快就揀好要咩 我同奶綠男分別叫咗碗江戶前天丼同上天丼 江戶前天丼 望落好豐富 有穴子 海老 小柱魷魚天婦羅餅 溫泉蛋 海苔 莢豌豆 好多款餸 隨餐有味噌湯同漬物之外 仲有壺黑豆茶放起枱度俾客人自由斟出嚟飲 飲落味道幾香茶雖然好深色但唔會過濃 真係幾好飲 全餐飯我應該飲咗可能5杯都有 一嚟到見到個丼整個飯面完完全全俾炸物覆蓋住 真係好豐富 最觸目既係個條特別長 長過個碗 打橫咁好誇張咁超出曬個碗size既穴子 目測應該有30cm左右 食落外脆裡面既魚肉幾紮實 唔鬆散 好實在咁食到啖啖魚肉 另外仲有兩件炸海老都唔錯 外脆蝦肉都ok彈 塊海苔同莢豌豆超香脆 好香口惹味 幾正 塊小柱魷魚天婦羅餅 外脆內軟食落幾香甜 都幾滋味 不得不提係佢既丼飯面仲有啲秘制醬油 店員落單時建議我哋食到咁上下再篤爆隻溫泉蛋撈落飯食 真係令我地享受到多一重既美味 蛋香加埋醬香好開胃 雖然個丼飯份量好大好豐富 但配搭得好開胃 結果竟然食得哂咁大碗飯 證明真係幾好食另一份係上天丼 唯

日本係香港人最最最愛嘅旅遊地，好玩好買仲有好多美味食物，無去旅行接近2年，好在身處香港呢個美食天堂，可以食日菜一解相思之苦有日本第一天丼之稱嘅金子半之助 去年8月登陸香港，成日經過都大排長龍食唔成，難得平日嚟開葵芳，可以直入喎，就食個EARLY DINNER啦作為天婦羅 專門店，金子半之助只供應三款丼飯江戶前天丼 $138招牌款，一上檯真係嚇親，滿滿嘅天婦羅即叫即製，30CM海鰻，用上日本人稱為穴子嘅星鰻，肉質嫩滑﹗天婦羅蝦鮮味十足，粉漿緊緊痴住蝦肉唔會甩；至愛切成一粒粒嘅魷魚，咬落仲有濕潤鮮味。日本米飯淋上115年秘製醬汁，每碗配以半熟溫泉蛋，職員教路食到一半再刺穿撈飯，又係完全唔同嘅口味。套餐包埋一罐飲品，加上一坐低已經準備黑豆茶俾我地飲用，配天婦羅解油膩感一流，好滿足呀﹗

金子半之助打破了我對天婦羅的印象，她是我品嚐過最好味的炸天婦羅。店內裝潢以木系為主調，和風簡約。江戶前天丼， $138就能品嚐一碗CP值爆燈的美味天丼，值得。餐枱上還附上黑豆茶 ，有解膩消脂之用。豐富的炸天婦羅包含炸蝦、半熟玉子、酥脆的炸海苔、長達30cm 的星鰻等，配上香口的白飯與金子秘製醬汁，醬汁味道如此令人難以忘記。天婦羅外層酥脆，加上七味粉更香口。外皮不會太厚，食落脆而不膩，每一口都能吃到海鮮。❤️🤤心裡不禁疑問究竟是怎能做到?!店員還教我們等飯吃了一半之後，才將蛋戳破，令半熟蛋蛋漿包裹著每一粒飯。温泉蛋流岀的蛋漿拌飯真係一流，一粒飯都唔想浪費。在這裏每一刻都係味覺嘅享受。

之前係叫外賣送到屋企，天婦羅唔係即做即食，始終差少少。今次親身喺舖頭試食。間舖之前成日排長龍，今日竟然唔使排隊，唔通熱潮已經過咗？始終煎炸嘢唔可以成日食。呢間嘢嘅老店喺東京日本橋，歷史悠久，唔使去日本都可以食到，真係感恩。成間店得三樣嘢揀，絕對適合選擇困難症患者。三樣分別係天丼($98），上天丼，江戶前天丼。後兩者只係分別多咗一件鯷魚同穴子，分別貴20同40蚊。今次叫咗個上天丼($118）。餐館建議嘅食法係，先食炸蝦，然後用醬汁撈飯吃，食到一半再攪爛溫泉蛋攪勻食。個人最鍾意最後一種食法，因為因為蛋汁可以中和天婦羅嘅煎炸油膩感。炸蝦香脆可口，爭啲連蝦尾都食埋落肚。鯷魚天婦羅，能夠做到真正外脆內軟，十分難得。食到最後，發現個隻飯碗原來有個厚厚嘅碗底，用以保持食物溫度，日本人真係細心。不過份量就自然比預期少啦！等收到財爺嗰一萬蚊，下次再試下江戶前天丼。

之前一直聽朋友講 #日本 嘅 #天ぷらめし #金子半之助 有幾好幾正，不過親身喺當地試過又唔係嗰回事，加上喺日本幾乎每個food court搵到，對佢已經冇晒新鮮感😅不過見佢喺香港開咗咁多間分店，點都要試吓嘅🤔 #香港金子半之助 嘅餐牌好簡單，只有三款食物俾你揀😉 一場嚟到，梗係要嗌碗最貴㗎啦... 分別之處就係多咗條 #穴子（比鰻魚肥美嘅 #星鰻）。我見 #服務員 每次送餐嘅時候，都會提醒啲客食到一半就記住督穿個 #醣心蛋 撈飯食，不過 #師傅 似乎將隻蛋煮得熟咗啲，完全做唔到流心嘅效果🤪 而且食物/醬汁整體做得比較鹹，口感都較油膩，唔似 #傳統 #天婦羅 嗰種鬆化口感。加上餐廳充滿一陣濃烈嘅油味，對於喉嚨極之敏感嘅 #小秘書，實在有啲難受🤪 就當到此一遊，點都仲叫喺香港試過一次吖🤪

環境整潔乾淨,因為疫情其間去，同隔離保持咗一定的距離，職員都好有禮貌，由茶至丼，每一道的材料，食法都介紹得好清楚茶杯中加入黑豆,再沖上溫熱的煎茶，令本身已經解渴解膩更養生，黑豆有補腎，抗衰老功效,感覺更健康金子主打三款丼，星鰻，“魚喜”魚&菇，其他配料分別係海老，海苔，小柱魷魚天婦羅餅，莢碗豆，溫泉蛋。每份亦會配上一碗味噌湯。今次叫咗兩款魚丼,星鰻與“魚喜”魚。江戶前天丼 $138(美味指數: 😋😋😋😋)睇了menu介紹咗原來星鰻肉質織細比一般鰻魚少脂肪（食起都冇咁大罪惡感🤭）。長達30cm的星鰻沾上了金子秘製醬汁，再放上丼,為丼增上份豪邁感。金子的秘製醬汁已經香醇，拌飯已經好好味，食到一半可以拮開溫泉蛋令蛋漿留到每一粒飯，更有層次感天丼 $118(美味指數: 😋😋😋😋)有鮮味的喜魚再沾上秘製醬汁 令味道升華。要特別一提係配料中的魷魚，炸漿調配得恰到好處，再即炸，令魷魚入口酥脆，彈牙，香而不膩，令人印象深刻睇得出金子的每一道食材都用心配搭，認真對待每樣食材，讓人留下美好回憶😋整體食物質素：4 / 5💰性價比：4 / 5👍推薦指數：4 / 5

係葵芳行街，又唔想係葵廣企喺度食嘢，所以搵咗呢間2019年黎香港既天婦羅專門店試吓。午飯時間都幾多人，好快就滿座。 佢哋只有三款食物選擇，分別係江戶前天丼、上天丼同天丼。最後我哋嗌左江戶前天丼同上天丼，兩者嘅分別係一個食穴子（即鰻魚），一個食鱚魚，其他材料都一樣。呢個就係江戶前天丼，上碟嘅時候覺得分量十足，不過佢個碗有少少取巧，唔係咁深， 只有一半， 但係我最後都係食唔晒😂佢嘅穴子好夠油脂，鰻魚愛好者必嗌，而鱚魚就彈牙d。 整體醬汁偏甜，但配飯一流，其他食物質素都唔錯。 店員教食到一半先將溫泉蛋整開， 同剩返嘅飯一齊食，會更加好味同多d層次！ 呢間食店原來大有來頭，曾經連續五屆獲「日本全國金賞」被譽為日本第一天丼，值得一試！

前排行完街，朋友話不如試下呢間丼飯，咁我印象中既丼飯是刺身丼飯，點知黎到門口原來是天婦羅丼飯，幾特別就入去試試。當日大約6點左右，見疫情下座位都算滿座。打開餐牌，原來得三款選擇，比想像小，的確日本好多少店都淨係專賣幾款食物，但如果多二三款選擇會更住。左睇右睇，貌似差不多但其實有點不同，最後我跟朋友都選了 江戶前天丼 $138，因為呢款多了一個叫穴子的東西。滿滿的天婦羅送上枱，即刻睇到一條長長既穴子，即是星鰻。聽佢介紹星鰻比一般鰻魚更健康更少油脂。除左星鰻，仲有海老， 小柱魷魚天婦羅餅，海苔，莢豌豆，溫泉蛋。仲有味噌湯同漬物，左邊蘿蔔夾口酸酸地好開胃，而右邊不知名我都喜歡。一黎我就試左個 小柱魷魚天婦羅餅，入面是一粒粒，好彈牙好好味，呢個真係要試試。而個星鰻肉質好細，食落好飽實，完全唔油膩。平時我最討厭個皮太厚，呢到既皮適中岩岩好，食落脆脆唔油膩👍由於太大件D天婦羅，我將部分放一邊。準備篤呢個炸過既溫泉蛋，蛋黃即刻流出黎，正👍撈飯食就係一流。本身佢杯茶係唔知乜嘢豆茶，都幾香。

終於都可以試開業咗差唔多一年嘅日本天婦羅丼過江龍——金子半之助啦！佢哋係日本曾經連續五年獲得全國天丼金賞嘅殊榮，就等我哋嚟試吓佢有咩咁特別啦！.江戶前天丼 HKD138同好多日本餐廳一樣，金子半之助嘅餐牌只係提供三款招牌菜，就係江戶前天丼、上天丼同天丼，佢哋嘅分別只在於當中其中一款天婦羅，而江戶前天丼就係主打長達30cm嘅大尾穴子，即星鰻。另外三款丼飯都有海老、小柱魷魚天婦羅餅、溫泉蛋、海苔同莢豌豆。由於店員上菜前已經幫我哋淋上咗佢哋嘅秘製醬汁，所以食嘅時候天婦羅無期望中嘅酥脆口感，不過炸粉都幾薄，唔會覺得好厚粉。但天婦羅嘅味道方面亦無乜特別，最有印象嘅係彈牙嘅魷魚天婦羅餅同流心溫泉蛋，蛋黃包住一粒粒珍珠飯，配上百年秘製醬汁，又係另一番風味。.上天丼 HKD118另一個我哋就叫咗上天丼，主角由星鰻變咗做鱚魚，鱚魚嘅質感比星鰻滑嫩得多，但隱約食到少少魚腥味同炸粉有少許油臆味，其他炸物都係普通味道。.三款天丼均配有麵豉湯及兩款漬物，分別係柚子漬蘿蔔同牛蒡，兩款漬物都幫助到大家開胃消滯，特別份柚子漬蘿蔔，酸酸甜甜。食完成個丼飯都好飽，之後飲埋佢哋嘅黑豆茶都舒服好多，佩服日本人係咁細微嘅事上都

每次經過葵芳新都會，食飯時間餐廳門口都會排哂長龍，成日都好想試下日本連續6屆全國天丼金賞的丼飯，今次難得約咗朋友早少少去葵芳食飯，一旅去「金子半之助」。未到晚飯䌓忙時間，已經有差唔多一半客人入座，疫情期間，餐廳都做足防禦措施，坐低後店員會首先奉上黑豆茶，黑豆有抗衰老功效～～～餐廳提供三款天丼選擇，同樣都有海老、小柱魷魚天婦羅餅、溫泉蛋、海苔、莢豌豆，因應自己喜好揀主角，江戶前天丼係穴子，上天丼係鱚魚，天丼係菇。另外餐附味噌湯同漬物。我地揀咗江戶前天丼穴子，上天丼鱚魚呢兩款。近門口位置係開放式廚房，會見廚師即叫即炸天婦羅～枱上亦有小貼士，教你先試天婦羅，再試秘傳醬汁飯，跟住再加埋溫泉蛋既蛋液。一上枱就好興奮，因為真係好豐富好吸引。天婦羅脆而不膩，已經調好味，就算原味都好夠味，加埋醬汁再加一個層次，連溫泉蛋都係天婦羅，日本蛋果然夠出色，蛋味十足。海老好彈牙，而我亦好鍾意小柱魷魚天婦羅餅，不同口感層次。兩位主角，穴子會有陣陣油香，加埋醬汁更加好味，而鱚魚肉質鮮甜，兩者各有所好。喜好炸物天婦羅既我實在大滿足👍🏻👍🏻👍🏻

今日午餐 , 去 葵芳-新都會廣場 的「金子半之助」, 食天婦羅丼 ~Menu ~餐廳供應的茶是 黑豆茶 , 豆香味濃, 解渴解膩 , 正 ~Edoma Premium Tempura Rice Bowl 江戶前天丼 (套餐附有味噌湯&漬物) : 賣相豐盛華麗 , 天婦羅食物有穴子、海老、小柱魷魚天婦羅餅、溫泉蛋、海苔、莢豌豆 ; 穴子和海老, 炸得火喉剛好 , 酥脆而不油膩 , 入口即化 , 既有油香 , 卻仍能保持食材的原鮮味 ; 米飯都煮得Q韌彈牙 , 撈上溫泉帶來吃 , 又是另一境界 ~ 超讚 ~總括來說 : 食物美味 , 價錢大眾化 , 讚 ~本篇完 ~

來自日本的第一天丼專門店的「金子半之助」，開了都一段日子，環境仍然好新好乾淨，而且因為地方算大，隔離開的位置也很足夠，而且令人感到安心。餐廳主打天婦羅丼飯，而且只有三款丼飯，分別在於主材料有穴子/鱔魚/菇菌，其他的天婦羅配料都是一樣，價錢由$98-138，附有味噌湯及漬物。點餐後，由於即點即炸，大約10分鐘左右上菜，這時可以睇睇旁邊的建議食法。餐廳特別有黑豆茶，可除濕熱、解痰、清水腫及滋補腎臟......很健康有益，個人覺得都幾消膩。江戶前天丼 ＄138有超長30cm的大尾穴子、海老、小柱魷魚天婦羅餅、溫泉蛋、海苔及莢豌豆。漬物有醃蘿蔔及醃牛蒡，前者清甜帶微酸，後者甘甜酸酸地，有微微纖維感，兩者都清爽開胃很消膩。味噌湯微咸溫熱，入口濃香，還有少少昆布和豆腐粒，很正宗的日本味道。穴子即是星鰻，這有別於一般鰻魚。星鰻的肉質纖細，油脂較少，口感緊實，所以食落更輕盈健康，亦都減少了油膩感覺。星鰻做成天婦羅，更添份鬆脆感，而且餐廳做的天婦羅帶有清新柚香，味道好好。餐廳用了日本小麥粉及日本新鮮雞蛋，以黃金比例調成炸漿，也特選用了由古法精製的古麻油，芳香撲鼻，所以做出來的天婦羅特別鬆脆酥香，入口充滿